اتمنى نستعيد نشاطنا

[fagrmasr01]

السلام عليكم ورحمة الله وبركاته

اكيد كلنا لاحظنا هدوء المنتدى فى الفترة القريبة الماضية

بينى وبين نفسى كنت باقول ان السبب ممكن يكون امتحانات نص السنة وانشغال الاعضاء بالامتحانات


وبصراحة
الامتحانات خلصت ... ومفيش اعذار يا أحباب .. امال فين المواضيع والمشاركات والفعاليات والأنشطة والتفاعل

بعض الموضوعات أصحابها نسيوها ...
مع انها موضوعاتهم ومفروض يفرحوا باستكمالها وتنشيطها ..
ولا اقصد الاشارة الى موضوع بعينه فالكثير من الموضوعات نسيها اصحابها

وبعض الأعضاء بيدخل اشوف اسمه فى المتواجدون الان
ولا ارى له بصمة بموضوع جديد او بمشاركة
ولو كلمات تشجيع للموضوعات الجيدة من وجهة نظره

وبعض المشرفين لا يدخلون للنظر فى اقسامهم منذ فترة

رأيى الشخصى ... وأمنيتى
ياريت كل واحد فينا يراجع الموقف من وجهة نظره ..
ياريت ان كل واحد فينا يشوف ممكن يعمل ايه علشان منتدانا الحبيب يرجع الى نشاطه الجميل باذن الله

وباذن الله اكون اول من يراجع أوجه القصور فى مشاركتى انا واحاول اصلاح نفسى .. وارجوكم نتعاون كل واحد من ناحيته
باحب اكتوبر جدا .. وباحبكم كلكم فى الله

:50 (31):

[خلود]

دعوه جميله جدا ومشكور عليها ياجمال وبالفعل انت نشاطك واضح وملموس

بالنسبه لموضوع هدوء المنتدى اعتقد فعلا فتره الامتحانات واعقبها اجازات الاولاد بتخلى الناس تخرج وتتفسح وتحاول تغير جو ولو ان الجو برد ومش مساعد على الخروج نهائى لكن احيانا الاولاد بتقول مش مهم برد ولا غيره عايزين نخرج وخلاص
لكن هو فعلا ملحوظ جدا حاله هدوء فى المنتدى وحقيقى ناس كتير بتبقى موجوده فى المتواجدون الان ومش بيعملوا اى حاجه نتمنى ان الكل يرجع لنشاطه القديم تانى ونرجع نتلم كأسره واحده من اول وجديد
دعوه جميله منك جدا ياجمال وانت دائما وابدا كده سباق للتنبيه

ياريت اعضاءنا نطمن عليهم اللى بقالهم فتره مش شايفينهم زى دعاء الكروان وام اياد وام الاء والباشا واسامه ومحمد خليفه وليون وناس كتير جدا انشغلوا عننا ليه

لو دخلوا كل يوم ساعه هنرجع نصحصح كلنا ونتواصل

[fagrmasr01]

ربنا يبارك لك ويكرمك يا خلود
اتمنى باقى اعضاء المنتدى الغاليين يتواصلوا معانا هنا ويقولوا لنا على اقتراحاتهم للتنشيط
الف شكر يا خلود

[خلود]

كمان مطلوب من الاداره التواجد بينا بصفه يوميه وجودهم ويانا بيحسسنا بلمه الاسره مع بعضها

ياريت سرعه الاستجابه الفوريه

[مصطفى مامون]

موضوع فعلا يستحق التفكير فيه شكرا استاذنا على
اهتمامك الدائم بلمتنا ووجودنا وحرصك الدائم على اثراء المنتدى

[fagrmasr01]

معاكى طبعا حق يا خلود .. وجود الادارة مهم جدا .. خصوصا انهم مش اى مديرين
دول الاحباب .. محمد ابو زيد حبيب الكل
ومحمود التهامى .. الشاعر والمثقف الفنان الجميل
وأميرتنا الغالية أميرة
وانتى طبعن كمان يا نجمة المنتدى

وبصراحة كمان .. ندائى موجه بشكل أكثر الى المشرفين والأعضاء القدامى اللى نسيوا مواضيعهم واقسامهم
الله أعلم طبعا بظروفهم .. واتمنى من الله تكون ظروفهم كلهم خير باذن الله
يارب نتجمع تانى يارب ويرجع لمنتدانا نشاطه الجميل ولتتجمع لمتنا الحلو بسرعة

شكرا خلود على مساندتك للموضوع
وشكرا على نشاطك الجميل يا نجمة المنتدى

[fagrmasr01]

شكرا مصطفى على تأييدك للفكرة
وشكرا على مرورك واهتمامك بالتعليق
وأتمنى ان منتدانا يعود لنشاطه وحيويته باذن الله باسرع وقت ممكن

[fagrmasr01]

ولا يزال منتدانا الحبيب بحاجة الى ضخ المزيد من المشاركات لتعود اليه حيويته التى تعودناها فيه

اكرر الرجاء الشخصى ان نشارك كلنا فى الاقسام التى نحبها بموضوعات ومشاركات

وفى منتدانا العديد من الأقسام التى تستحق الاهتمام وتلبى اغلب الرغبات من الاعضاء الغاليين
والله المستعان

[عابرسبيل]

السلام عليكم ورحمة الله وبركاتة
اتمني ان يتم تكوين فريق علاقات عامة تكون مهمتة متابعة الاعضاء والمشرفي والمراقبين الذين ينقطو فجاءه عن التواجد في المنتدي -ان يتم متابعتهم والسؤال عليهم بالرسائل الخاصة او علي الايميل او من خلال تحديد موعد شهري لعقد اجتماع بين الادارة والمشرفين والمراقبين لتبادل الافكار وايجاد الحلول لمثل هذا الازامات

وللحديث بقية مدام في العمر بقية - دمتم جميعا بخير - وتحياتي للجميع

[fagrmasr01]

جزاك الله كل خير
والفكرة جديرة بالبحث
والادارة باذن الله تهتم بيها
جزاك الله عنا كل خير
آمين

[عابرسبيل]

شكرا اخي الفاضل fagrmasr01 (http://www.vb.6ocity.net/member.php?u=343) علي المرور والمتابعة

[اميرة حبى انا]

السلام عليكم ورحمة الله وبركاته
اشكرك جدا على نداءك يا استاذ جمال
واشكركم جميعا
لكن انا مع خلود فى رأيها
ممكن تكون الاجازة السبب فى الغياب
انا مثلا بقالى اسبوع عند ماما ومافيش نت
لكن ده مش يمنع انى بضم صوتى معاكم
واتمنى اشوف النشاط والتواجد زى الاول واكتر

[محمود التهامي]

اعتقد يا جماعه ان قسم المشرفين هو دا الهدف منه
عشان نقدر نتكلم ونفكر مع بعض وعلى انفراد
وان شاء الله مفيش اي انقطاع الا لاسباب وقتيه
زي الامتحانات او السفر او النت اللي بيفصل كل يومين والويندوز اللي بيقع كل اسبوع
هههههههههههه

يمكن انا بغيب اوقات كتير
لكن عارف ان اميرة وفجر وحتى وردة الايمان - رغم انها خارج طاقم الاشراف -
بيسدو مكاني وبيسألو ويطمنوا على كل الناس

احب كمان ابشركم ان اللي جاي ان شاء الله احسن
وفيه حاجات كتير حلوة بنجهزها

ورغم ان خلود بمسابقتها حرقت مشروع جميل كنا بنجهزله
لكن عموما مش هتفرق وربنا يجعلها سباقة دائما بالخير
أستاذ جمال الرائع كعادته انضم لخلود في فكرتها اللي سبق قبل كدا وعرضها عليا

انا عارف اننا - محمد و انا - بنغيب كتير قوي
لكن والله الموقع كبير قوي وبياخد وقت وجهد مش قليل ابدا
ادعولنا وايدكم معانا عشان نحافظ على تقدمنا

يمكن بعضكم شايف انه فيه حاله خمول في الموقع لكن دا عادي وطبيعي الى حد كبير
دا حتى الاخبار في الفترة الاخيره مافيهاش حاجه مؤثرة
وبالرغم من كدا فكل احصائيات الموقع بتدل على انه بيتقدم
والدليل اننا رغم اننا فتحنا الموقع للزوار
- يعني اي حد دلوقتي يقدر يقرا كل المواضيع بدون اشتراك في الموقع -
لكن مازال هناك عضويات جديدة بشكل يومي
وبتأثير طفيف جدا عن ما كان عليه عندما كان الاشتراك اجباري

اخيرا
وليس اخرا
اتقدم بخالص الشكر والتقدير
لكل من
استاذ جمال
وردة الايمان
استاذ ناصر
استاذ مصطفى مأمون
وتحيه خاصة لـ روز
لنشاطهم الواضح والفعال في المنتدى

وطبعا كل اعضاء الموقع المميزون دائما
وسامحوني لو نسيت حد بس مش هينفع اذكر اسماء اكتر من 14 الف عضو


شكرا ليكم كلكم واسف عشان طولت عليكم لكن انتوا عارفين اني رغاي بقا معلش
هههههههههههههههههههههههههههههههههههههههههههه

[fagrmasr01]

برغم انى سعيد جدا بالارقام والاحصائيات والاراء الجميلة دى كلها
لكن .. بجد لسا باتمنى ان يعود النشاط الى منتدانا اللى بنحبه
اعتذر عن طرح الموضوع هنا وليس فى قسم المشرفين
لان هدفى منه كان تحفيز الناس كلها اعضاء ومشرفين

[rose]

ياريت يااستاذ جمال علشان المنتدى محدش بيكتب مساهمات فين الناس

كتير زى الاول يزدهر ويتالق زى الاول حتى حضرتك لم تكيب منذ فترة ليه

ان شاء الله تكون بخير

[اميرة حبى انا]

ياجماعة
انا ارجو من الجميع الصبر
تغيير نسخة المنتدى كان لازم يحصل
وكثير من المنتديات ان لم يكن جميعهم
سيتم تغيير نسختهم اجبارى
وتغيير النسخة بيحصل معاه بعض التغييرات والتعديلات
فارجو الصبر على بعض المشكلات التى تظهر عند البعض منا
كما ارجو الاخذ فى الاعتبار
ان كثيرين منا لا يدخلو المنتدى مؤخرا
ولم يشاركو
لانهم مش فاضيين
ومن من هم فى سفر
او يقضون الاجازة فى مكان غير بيتهم
باذن الله فترة وهتعدى كما تعودنا
ولكنى اناشد الموجودين ومن يستطيعون الدخول ان يقومو بوضع الموضوعات والردود
حتى نعود كما كنا واحسن
شكراااااااااااا

[خلود]

ياجماعه ياريت نصبر شويه على حاله الخمول اللى بيمر بيها منتدانا وزى ما كل اللى تفضل واتكلم وقال دى بتبقى فتره بتمر بيها معظم المنتديات واذا كنا مفكرين ان الاجازه بتكون حافز لتنشيط المنتدى انا شايفه ان بالعكس الناس كلها بتخرج فى الاجازه وبيقضوا ايام خارج بيوتهم

كمان ياريت نخد بالنا شويه ان المنتدى بيتعمل فيه شويه صيانه واصلاحات اكيد احنا مش هنتعود عليها كده بسرعه وهتواجهنا شويه مشاكل لازم نصبر على حلها اذا كنا بنحب المنتدى فعلا والاداره مش ساكته وبيحاولوا يعملوا كل حاجه لصالح المنتدى والاعضاء
وفعلا فيه اضافات كتيره حصلت ولسه اكيد فيه كتير بيتعمل احنا مش هنعرف نحس بيه الا لما يخلص خالص

انا بضم صوتى لصوت الاداره بالصبر شويه واننا مش نزهق ونمل بسرعه كده وبرضو ندخل وننزل مواضيع ونرد على بعض ونحاول ننشط المنتدى على قد ما نقدر

محمود
انا بمسابقتى اللى عملتها كنت بحاول اعمل صحصحه للاعضاء كده شويه واذا كنت حرقت حاجه كانت فى دماغكم بقى معلشى بس انا كان هدفى نبيل من الاول للاخر

وبعدين يلا عايزين نشوف ايه اللى كان ممكن يحصل وانا اخرته شويه

احنا فى الانتظار يامديرنا

وشكرا

[rose]

شكرا يااستاذ محمود
http://www.islamroses.com/ibw/uploads/post-2-1143412486.gif
ربنا يجزيك كل خير عمل المنتدى الجميل اللى بيجمعنا

[fagrmasr01]

شكرا لكل من تفضل بالتعليق
واعتذر عن عدم صبرى .. لكنه للتوضيح .. كان نابع من حبى للمنتدى

[nasr]

[QUOTE=fagrmasr01;52891]
جزاك الله كل خير

والفكرة جديرة بالبحث
والادارة باذن الله تهتم بيها
جزاك الله عنا كل خير

آمين


أسمح لي يا حاج جمال أي مشكلة وليها حل بس لما يقر صاحبها الأول أنها مشكلة .. السؤال هل ادارة المنتدي

غافلة عما تتكلم عنه .. إن كان كذلك فيجب التنبيه عن طريق الأتصال المباشر بهم أو من خلال الرسائل الخاصة

وبعدها يتم حل المشكلة أو طرحها من خلال الإدارة علي الأعضاء للتشاور والوصول إلي أفضل النتائج .

أنا عارف إن قلبك كبير وخايف علي المكان ده وبتحبه كتير ولكن سيدي الحب وحده لا يكفي يا ريت كلنا نتحمل

مسؤلية المنتدي وليكن هذا من خلال إتباع تعليمات جديدة تصدرها الإدارة للكل للمحافظة علي المنتدي ككيان تعب

ناس كتير لحد ما وصلوه الي الشكل اللي كلنا شايفينة وحبينه عليه النهاردة .

أما إذا كان اللي حضرتك بتتكلم فيه عبارة عن وجهة نظر خاصة بك لوحدك فمن خلال الأتصال بالإدارة سوف تتعرف

علي وجهة نظرهم ورؤيتهم لما نحن فيه او خططهم المستقبلية للنهوض بهذا المنتدي.

يا ريت بعدها تقول لي يا حاج جمال كيف ننهض سويا" بهذا المنتدي الذي أعتبرة النافذة التي نطل من خلالها

يوميا" لنتبادل الأراء والمعلومات والأفكار ونحن في غاية السعادة .