صــرخه ....من فلــسطين

[وردة الايمان]

http://www6.0zz0.com/2009/01/25/12/947520735.jpg


ليه الدمـــــار ليه الخــراب .......ليه بيـــــوتنا بتتهدِم



ليه نحط راسنـــا فـ التراب ......ليه وجودنــــا بينعدِم



ليه نخـــلى الخضره نار .......والزرع فـ ارضه بيتردِم



وقدســــنا دمه بينــــزف ......والآه فـ قلبـــــه بتتــكتِم




حتى أرضى ....قدام عنيا ....وبين اديـا .....بتتسرق



وعن ولادنا ...وعن بلادنا ...وعن وجودنا ...بنفترق





قـــوم ياعربى شد حيـلك........وََرٍِى للعــــالم مـكانـــك



اوعى خوفك يكون سبيلك .......فين عزيمتك فين ايمانك



اوعى تحسب حقـــك يجيلك .......لما ترضى ويطول هوانك



عُمر عدوك ما كان حبيبك ....وعُمر اخوك فـ الأزمه خانك



خلى ثقتــك ف الله دليـــلك .....هى سنـــدك وزاد زمـــانك



قوم يا عربى ......شد حيلك



ورى للعــــــــــالم .......



مكــــانك

[fagrmasr01]

من اقوى ابداعاتك وفيها توصيف مبسط جدا وشديد الوضوح للسبب

اعجبونى جدا البيتين دول


عُمر عدوك ما كان حبيبك ....وعُمر اخوك فـ الأزمه خانك
خلى ثقتــك ف الله دليـــلك .....هى سنـــدك وزاد زمـــانك

بصراحة .. رائعة من روائع اشعارك يا وردة الايمان
اتمنى ان ارى من ابداعاتك المزيد فى كل المجالات
ربنا يوفقك باذن الله
جمال

[وردة الايمان]

اشكرك جدا يا استاذ جمال على تشجيعك المستمر ...

وبرغم ان انت الوحيد اللى علقت عليه ...

لكنى فعلا سعيده جدا بكتابته ....

ولسه هكتب تانى وتانى عن معاناة شعب فلسطين
اللى اتمنى يارب انها تنتهى ونشوف القدس عربى وكل شبر من فلسطين عربيه ...

اشكرك استاذى ....

[محمود التهامي]

حرام عليكي يا وردة
كدا برضه
انا قلبي ضعيف وميتحملش

بلاش الصورة اللي في الأول دي

[وردة الايمان]

حرام عليكي يا وردة
كدا برضه
انا قلبي ضعيف وميتحملش

بلاش الصورة اللي في الأول دي


معقوله ...

استاذ محمود موجود فى اشعارى المتواضعه ...؟؟

اتمنى انها ما تكنش اول وآخر مرة ..

وبالنسبة للصوره ...

دى حاجة بسيطه جدا يا استاذ محمود من اللى بيحصل فعلا فى فلسطين

اللى بيحصل أبشع من كده بكتير ...

وبرغم ان تعليقك كان على الصورة بس مش على الشعر

بس انا سعيده جدا بمجرد تواجدك

أشكرك فعلا .....................

[AFIFI MOSTAFA]

الله عليكى الله عليكى الله عليكى اكتر من ممتازة يا ( مالكة الكلمه )

اخوكى / عفيفى

[محمود التهامي]

والله يا وردة انا كنت داخل اقرا واعلق
لاني بحب الشعر وبحب السياسة
رغم ان اللي في فلسطين طبعا ملوش اي علاقه بالسياسة
بس هنمشيها كدا المرة دي

بس اعمل ايه بس الصورة دي خضتني وتعبتني
اه معاكي انه بيحصل اكتر من كدا الاف المرات وياما شوفنا وسمعنا
خصوصا اني كنت متابع حرب غزة الاخيرة ثانية بثانية
بس عامل المفاجأة اللي هنا هو اللي لخبطني
مكنتش مستعد ولا متخيل اني ممكن الاقي كدا اول ما ادخل الموضوع

حتى دلوقتي طلعت فوق اقرا بس برضه الصورة عاملالي مشكلة

[وردة الايمان]

الله عليكى الله عليكى الله عليكى اكتر من ممتازة يا ( مالكة الكلمه )

اخوكى / عفيفى

اشكرك جدا يا عفيفى ...

وياريت فعلا تكون عجبتك ...

وجميل اللقب ده ويارب استحقه فعلا ...

اشكرك مرة تانيه .............

[وردة الايمان]

والله يا وردة انا كنت داخل اقرا واعلق
لاني بحب الشعر وبحب السياسة
رغم ان اللي في فلسطين طبعا ملوش اي علاقه بالسياسة
بس هنمشيها كدا المرة دي

بس اعمل ايه بس الصورة دي خضتني وتعبتني
اه معاكي انه بيحصل اكتر من كدا الاف المرات وياما شوفنا وسمعنا
خصوصا اني كنت متابع حرب غزة الاخيرة ثانية بثانية
بس عامل المفاجأة اللي هنا هو اللي لخبطني
مكنتش مستعد ولا متخيل اني ممكن الاقي كدا اول ما ادخل الموضوع

حتى دلوقتي طلعت فوق اقرا بس برضه الصورة عاملالي مشكلة


طب قولى اعمل ايه علشان تقرا الشعر بتاعى ..

للأسف انا معنديش صلاحيه انى الغى او اعدل ...

طب هقولك حاجه ....

انت تغمض عينك ....ماشى

وتطلع فوق بررررراحه خالص بالماوس من غير ما تفتح عينك ..ماشى

وكل ما تطلع شويه صغيرين تفتح عينك .......لحد ما يخلص الكلام وتبدأ الصورة ...

فهمت حاجه ؟؟؟؟

بس حاول ...... علشان عايزه اعرف رأيك فى الشعر ..

[محمود التهامي]

هههههههههههههههههههههههههههههههه
هههههههههههههههههههههههههه
بقا بعد رأي عم جمال يا وردة مستنية رأيي
لا يفتى ومالك في المدينة

[وردة الايمان]

هههههههههههههههههههههههههههههههه
هههههههههههههههههههههههههه
بقا بعد رأي عم جمال يا وردة مستنية رأيي
لا يفتى ومالك في المدينة


يبقى انا كده عرفت ان الشعر مش عجبك ..

على العموم كفايه مرورك ...

اشكرك ...........

[nasr]

[QUOTE=وردة الايمان;52477]http://www6.0zz0.com/2009/01/25/12/947520735.jpg


صورة
.
إحساس بالحدث
.
تفاعل صادق
.
فكرة
.
طرح
.
إبداع
.
شكر وتقدير

[وردة الايمان]

[QUOTE=وردة الايمان;52477]


صورة
.
إحساس بالحدث
.
تفاعل صادق
.
فكرة
.
طرح
.
إبداع
.
شكر وتقدير



اخوة صادقة
.

مجاملة رقيقه
.

سعادة حقيقيه
.

أشكرك

[saadrabea]

وردة ربنا يكرمك
حركتي المشاعر
للبلد اللي كل المصريين
بيحلموا بيوم ما ترجع فلسطين

ربنا يكرمك حقيقي شعرك رائع

[فريد]

تسمحى لى اصفق لقلمك
على هذه الكلامات الرائعة
وهى بالفعل رائعة جدا
لا ينفع معها كلاماتى
اشكرك جدا
لكنى تعليقى فقط على


قوم يا عربى ......شد حيلك




ورى للعــــــــــالم .......




مكــــانك
فين هوه العربى ده
عايزة تشوفيه بجد
شوفيه جوه الاستاد
مع كل الاسف
بارك الله فيكى

[وردة الايمان]

وردة ربنا يكرمك
حركتي المشاعر
للبلد اللي كل المصريين
بيحلموا بيوم ما ترجع فلسطين

ربنا يكرمك حقيقي شعرك رائع


اشكرك جدا يا استاذ سعد ...

فعلا هو حلمنا كلنا اللى بنتمنى انه يتحقق ...

وان شاء الله هيتحقق وهنشوف القدس عربى مسلم

وفلسطين هترجع لولادها ولينا كلنا

اشكرك على مرورك يا استاذ سعد

جزاك الله عنى كل خير

[وردة الايمان]

تسمحى لى اصفق لقلمك
على هذه الكلامات الرائعة
وهى بالفعل رائعة جدا
لا ينفع معها كلاماتى
اشكرك جدا
لكنى تعليقى فقط على


قوم يا عربى ......شد حيلك




ورى للعــــــــــالم .......




مكــــانك
فين هوه العربى ده
عايزة تشوفيه بجد
شوفيه جوه الاستاد
مع كل الاسف
بارك الله فيكى






بارك الله فيك انت يا استاذ فريد

وفـ ردك وتعليقك الجميل

واتمنى فعلا انى اكون وصلت احساس كل فلسطينى عايش وسط الدمار والخراب

استاذ فريد

انا مش معاك فى اليأس من وجود عربى يقدر يدافع عن ارضنا المحتله

لازم يكون فيه أمل علشان نقدر نكتب ونحلم

الحلم جميل يا استاذ فريد ويارب يتحقق

اشكرك على مرورك وردك

[lionking]

انا ازاى ما شفتش الكلام الرائع ده قبل كده

بجد يا وردة احساس جميل ووصف رائع

تسلم ايدك يا وردة

وحمد الله ع السلامة

[وردة الايمان]

انا ازاى ما شفتش الكلام الرائع ده قبل كده

بجد يا وردة احساس جميل ووصف رائع

تسلم ايدك يا وردة

وحمد الله ع السلامة





الله يسلمك يا ليون ...

انتى اللى مرورك وردك هو اللى رائع ...

دايما وجودك بيسعدينى ...


ربنا يسعدك يا ليون زى ما بتسعدينى دايما ...