ـاتبرعت بيه..بقلمى(صابر) ...

[RSS]

اتبرعت بيه


http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده


مش ح اوهب وح اندم ..
ولا ح ارجع ف وعدى..
كل اللى انت خدته.. زى ماهوه بعدى..


قلبى اللى ملكته..
عمرى ماعشت بيه ..
كان معاك وفرحه..كنت بعيش عليه..


عمرى اللى انت خدته..
بيك انا عشت فيه..
لو ده وقت جرحه..بعدك يسوى ايه..


حبى اللى وهبته..
وعشانك عشقته..
لو دلوقتى سيبته..مش ح اندم عليه..
ومدام كان عشانك..
اتبرعت بيه..


كل ثانيه عشتهالك..بالرضا كانت عشانك..
ولا فيه شىء كان غصب عنى..


والحب اللى مابينّا عشقته..
وبقلبى واحساسى خلقته..
وهبه وذكرى لقلبك منى..


اللى بكيفى وبطيب خاطر..
لو فى ظروف وقلق و مخاطر..
او جه حبيبى وقال مش قادر..
مش ح اغصب عليه..
ومدام كان عشانك..
اتبرعت بيه..


ولافكرتش يحصل ايه..
وح اقدر ولا مش ح اقدر..لو جالى النسيان..
ومين بيحب ويدور..
لانى ماكنتش اتصور..ان فيه حرمان..
مافكرتش وافكر ليه..
مدام القلب اتكلم بكل مافيه..
خلاص العقل بيسلم.. يفكر ليه..


ودلوقتى سابونى اختار..
اضحى بدنيتى جنبك ..
وايامى ف نعيم حبك واطفى النار..


لقيت الجنه مع ذكرى..
اعيش بيها وانا فاكره..
سنين حبك يااحلى مرار..
مش ح اندم عليه..
ومدام كان عشانك..
اتبرعت بيه






منقول