راى اهل الخبرة مع جزيل الشكر

[خالد راضى]

انا اعمل فى شركة خاصة ولظروف خاصة باصاحب الشركة ستغلق الشركة وانا ابحث عن مجل عمل حر اقترح على بعض الاصدقاء بشراء سيارة سوزوكى فان7 راكب بالتقسيط وارخصها ملاكى واعمل عليهامثلا على طريق اسكندرية القاهرة والعكس او فىمدينة 6 اكتوبر او فى المدارس والجامعات لتوصيل الطلاب او عند المصانع فى 6 اكتوبر لتوصيل الموظفين والعمال -----فارجو من اهل الخبرة او اى حد عنه فكرة عن هذا الموضوع مساعدتى بابداء رائيه ولكم جزيل الشكر ------------:50 (31)::36_3_12[1]::50 (31)::36_3_12[1]::50 (31):

[محمود عبد الله]

السلام عليكم و رحمة الله
اولا هذه التجربة قام بها العديد من الناس ولكن دى تعتبر مخالفة
التركيب بالاجرة
وكتير من الناس اتعرضو ليها فى مختلف انحاء البلاد

ائمن مكان ممكن تشتغل فيه الشغلانة الحالية هوا مدينة الشيخ زايد
كمواصلات داخلية طبعا

اما عن العربية ففى نوع احسن من السوزوكى 100 مرة انا بنفسى مجربه لو ناوى ممكن نتكلم عنه بعدين

و فى فكرة اخيرة هعرضها عليك

انا شفت ناس كتير جايبة عربيات ملاكى فى مدينة 6 اكتوبر و بيشتغلو بيها مخصوص

انت ممكن كمان تقدم فى مشروع التاكسى الابيض و بكدة تبئا فى السليم

ارجو انى اكون افادتك

[خالد راضى]

ربنا يكرمك كلك زوق فعلا كلامك مظبوط فى ناس قلولى انه ممنوعوانت اكدت لى ده--طيب ايه العربية اللى احسن من السوزوكى اللى بتقول عليها وسعرها ايه لو عندك فكرة واستهلاك البنزين؟ ومرة تانية ليك الف شكر وتحيا:36_3_12[1]:

[محمود عبد الله]

احنا اتكلمنا فعلا عن العربية دى قبل كدة فى منتدانا

اسمها فيريكا

استهلاكها فوق ال300 فى الصفيحة عند 90 كم/س

موتور لانسر
و الوكيل الرواس
سعرها 64000 كاش

و رابط الموضوع السابق هنا بالصور
http://www.vb.6ocity.net/showthread.php?t=8312

كمان بيقولو انهم هيعملو مواصلات بين الاحياء فى 6 اكتوبر
شوف الموضوع ده ممكن يبقى ليك نصيب

تحياتى ليك و تمنياتى بالتوفيق

[خالد راضى]

متشكر ليك جدا على تعوانك ----معلش انا اسالتى كتيرةالعربية الفريكا قطع غيارها متوفرة واسعارها اخبارها ايه كمان---وكنت عايز اسال عندك فكرة ممكن اشتريها بالتقسيط--وكنت عايز اسال عن طلاب جامعة اكتوبر وتوصيلهم ايه رأيك فى ده هل ممكن؟ معلش انا تأقلت عليك اوى بس سامحنى ليك الغ تحية

[محمود عبد الله]

تقلت عليا ازاى بس كلنا هنا اخوات و اصحاب
ادينا بندرش

بص انا اشترت الفيريكا من الرواس اللى فى الاسعاف
و استلمتها من فرع هدى شعراوى انا جبتها كاش
و ممكن تجيبها بالتقسيط تبع بنك ناصر او اى بنك
متنساش انها جميع الكماليات
اما قطع الغيار فانا رحت التوكيل اعمل صيانة ال1000 تخيل جركن زيت موبل 1 بـ 235 ج فى كل حتة
حسبوهولى ب 215 ج حاجة غريبة و ده بتغيره كل 10000 كم لو عايز تحط اي زيت مفيش مشكلة بس تلتزم بمواعيد الغيار
بس انا بفضل موبل وان لانه بيتغير على فترات طوييييلة
اسعار قطع الغيار معرفهاش بالظبط بس ممكن اسئل بس هيا اكيد رخيصة لان دى عربية غلبانة و عايزين ينافسو بيها السوزوكى

انا ماشى دلوقتى 20000كم بالعربية زى الفل

اما عن طلاب 6 اكتوبر فدول بيقطعوا مسافات طويلة مش هيحبو العربية
هيا مناسبة للمشاوير الداخلية الصغيرة
فى حاجة نسيت اؤلها لو جبتها انشاء الله غيرلها البطارية عشان اللى نازلة فيها مش قد كدة هات فارتا الجافة 55 امبير
اولى انت بئا اتفرجت على العربية ولا لسة ؟؟؟

منتظر تواصل منك اكتر واكتر

[خالد راضى]

بعد مساء الفل--انا شوفت العربية عن طريق الرابط بتاع المنتدى هة شكلها جميل جدا واكمان المواصفات الى انت حكيت لى عنها برضو ممتازةان شاء الله حروح اتفرج عيها عند الرواس واسأل عن موضوع التقسيط---انت بتقول انك مشيت فيهالحد دلوقتى 20000- انت بتستعملها فى شغل ولا استعمل شخصى يعنى عليها ضغط شغل ؟وانا انشاء اله عايز اسال عن قطع غيارها متوفرة واسعارا ايه---ليكنى الف تحية وشكر

[محمود عبد الله]

بص انا شايل الكنب و بحمل فيها بضاعة
شاقة شاقة شاقة شاقة
ابويا مش راحمها لدرجة ان السواق بتاعها بتصعب عليه و ابويا يؤولو ملكش دعوة هيا جاية عان تشتغل
و الكلام ده كله فى شبرا الخيمة بلد المطبات

انا هروح قريب الرواس عشان اجيب فلتر هواء و فلتر بنزين
اوعدك عسئلك على شوية قطع غيار

[خالد راضى]

والله بجد انا متشكر ليك انت بتقولى على تفاصيل جميلة وعن تجربة بتخلينى اثق فى الغربية دى---تعبتك معايا كتير--وان شاء الله ربنا يجزيك الخير --وان شاء الله نكون اصدقاء اذا ما كنش عندك مانع
ليك الف تحية--

[محمود عبد الله]

صداقتك طبعا شيئ يشرفنى و تحت امرك فى اى وقت

[خالد راضى]

]مسا الخير يا استاذ [محمود وحاشنى جدا اخبارك ان شاء الله بخير--استاذى انا عندى سؤال انا لو عايز اشترى تاكسى ابيض واسود موديل قديم بس اهم حاجة اوراقاه عشان اعمل احلال واستلم تاكسى جديد هل ممكن الاقى فى حدود 25000 --ايه رايك فى الموضوع ده وكمان ايه رايك فى اسبرانزا516 كتاكسى ويكون غاز كويسة ؟؟؟؟ولو حد عنده فكرة عن استهلاك الغاز --وليك منى الف تحية وسلام

[محمود عبد الله]

السلام عليكم ورحمة الله و بركاته

عزيزى الاستاذ خالد
مرحبا بك مرة اخرى

اولا موضوع الغاز تناولناه بالفعل على الرابط التالى
http://www.vb.6ocity.net/showthread.php?t=8284&page=3

إقرء من اول المشاركة رقم 24

فى عصرنا الحالى لازم التاكسى يكون غاز هوا فعلا موفر جدا جدا جدا

اما عن الاسبيرانز ال516 ف انا جربتها لمسافة 70000 كم السيارة 100/100 وتعتبر احسن تاكسى
فى اللى نازلين جديد اصلها واسعة و عالية ومش بتحك فى المطبات

اللى اعرفه دلوقتى عن الاحلال انك لازم يكون معاك رخصى مهنية
و خلى بالك
لو انشاء الله قدمت فى المشروع
البنك هيعمل عنك تحريات
1- العنوان اللى هتحطه لازم يكون فيه حد ساكن
2- فاتورة الكهرباء بتاعت المكان ده لازم تتعدى العشرة جنيه شهريا
3- رقم التليفون بتاع المكان ده لازم يكون سليم و لما البنك يتصل حد يرد عليه
دى حاجات مهمة اترفض عشانها ناس كتير

جارى البحث عن معلومات اخرى تخص سعر السيارات القديمة و سنوافيك بالاخبار

تحياتى مرة اخرى
والسلام ختام

[حبايب]

اخي العزيز

ارد عليك في الله

اذا عزمت فتوكل علي الله / لاخاب من استشار

يجب دراسة الموضوع جيدا

اولا :- هل عندك مصدر اخر غير السيارة ( هذا مهم ) ( وان كان يغطي الشئ )
ثانيا :- (لاتعطيها لاحد ) ( انت الذي تركبها فقط )
ثالثا:- (هذا النوع من السيارت لايتحمل الجهد العالي الذي تقصدة علي طريق مصر اسكندرية )
رابعا :- استخدام هذة السيارة فقط في داخل اكتوبر

وصلي صلاة استخارة وربنا يوفقك

التوقيع / حبايب ( معلم خبير الماني مصري تكنولوجيا سيارات مبارك كول )

[محمود عبد الله]

اهلا بيك استاذ حبايب
ياريت تفضل معانا على طووووول