RSS
12-09-2011, 06:30 PM
http://www.ofann.com/application/data/news/view/1308075323.69.jpg
كتبَ / سلمي محمد
استضاف برنامج " مسائي " اللي بيتذاع علي قناة الراي الفنان " أحمد مكي " واتكلم فيه مكي في حوار طويل حوالين مشاريعه المتنوعة من مزيكا وتلفزيون وسينما.وفي الأول اتكلم معاها حوالين مسلسله " الكبير " اللي هيتعرض الجزء التاني منه في رمضان الجاي علي شاشة قناة الراي قال إنه كان خايف من ناحية إن الناس تزهق منه من خلال انتشاره في السينما والتلفزيون وخصوصاً إن التلفزيون عدد اللي بيشاهدوه أكبر من السينما وبينشر أكتر بس مكي فكر في ده قبل مايدخل المسلسل واللي اتعرض منه الجزء الاول في رمضان اللي فات وقال إنه لاقي الاخر إن التلفزيون مش بيحرق ممثل السينما زي ما الناس متخيلة بس أهم حاجة طريقة التقديم والعرض علي التلفزيون.
وبخصوص شخصية الكبير اللي بيقدمها في المسلسل واللي كانت شخصية صغيرة في فيلمه " طير انت " واللي استغلها بعد كده وبني عليها تفاصيل جديدة واحداث جديدة لإن الشخصية في المسلسل مكنتش ظاهرة للناس أوي وكان فيها تفاصيل كتيرة.وإنه استغل في المسلسل شخصيتين وهي الكبير واخوه جوني اللي هما تؤأم بس متناقضين في كل حاجة وقال إن ده بيخلق كوميديا لما يكون في تضاد في شخصتين قريبين من بعض.
وعن الجزء التاني للمسلسل قال إن لما بدأو في الجزء الأول كانوا متفقين علي إنهم يعملوا جزء تاني للمسلسل لكن بعد الحادثة اللي حصلت لمكي وهما بيصوروا الجزء الأول لما رجله اتكسرت وقعد في المستشفي أكتر من شهر قرروا إنهم يكملوا باقي الجزء الاول في رمضان الجاي ويزودوا الحلقات فيكون الجزء التاني.
واتكلم عن شخصية دبور اللي انتشرت من اول ما عملها في سيت كوم " تامر وشوقية " واللي كانت سبب شهرته وانتشاره قال إن شخصية دبور ليها تاريخ مكتوب وتفاصيل كل حاجة في حياتها بيستعملها لما كان بيقدم الشخصية وبعد ماقدم الشخصية في تامر وشوقية ومع عادل إمام في فيلم " مرجان أحمد مرجان " قرر إنه يقدمها بشكل جديد وشخصية جديدة في فيلم " اتش دبور " اللي عمل فيه زي ماعمل نجيب الريحاني في شخصية " كشكش " لما كان عاوز يعرف الناس إن احمد مكي مش دبور وبس وغير شكله في الفيلم عشان الناس تقتنع إن دي مجرد شخصية وإن مكي حاجة مختلفة ويقدر يقدم حاجات تانية.
وبالنسبة لأغاني الراب قال مكي إن الراب أساسه مش غربي حيث إن زمان أيام الجاهلية كانوا العرب مشهورين بالشاعر ومباريات الشعر اللي كانوا بيعملوها وبتقوم علي الارتجال والهجاء والنقد لكل حاجة وبعد كده انتقلت الي افريقيا عن طريق التجارة ودخلت بعض الالات الموسيقية في الموضوع وبعد كده لما تم اكتشاف امريكا وكان معظم العبيد من افريقيا وكانوا بيتعاملوا بشكل غير انساني بدأو إنهم ينقدوا الوضع اللي هما فيه عن طريق الراب.
وقال إنه ودنيا سمير غانم بينهم كميا مخليه الشغل مابينهم مختلف وشكله مبهر وإنهم بقوا دويتو سينمائي زي ماكان بيحصل زمان وبيحصل بره زي توم هانكس وميج ريان وليلي مراد وانور وجدي وغيرهم كتير.
منقول
كتبَ / سلمي محمد
استضاف برنامج " مسائي " اللي بيتذاع علي قناة الراي الفنان " أحمد مكي " واتكلم فيه مكي في حوار طويل حوالين مشاريعه المتنوعة من مزيكا وتلفزيون وسينما.وفي الأول اتكلم معاها حوالين مسلسله " الكبير " اللي هيتعرض الجزء التاني منه في رمضان الجاي علي شاشة قناة الراي قال إنه كان خايف من ناحية إن الناس تزهق منه من خلال انتشاره في السينما والتلفزيون وخصوصاً إن التلفزيون عدد اللي بيشاهدوه أكبر من السينما وبينشر أكتر بس مكي فكر في ده قبل مايدخل المسلسل واللي اتعرض منه الجزء الاول في رمضان اللي فات وقال إنه لاقي الاخر إن التلفزيون مش بيحرق ممثل السينما زي ما الناس متخيلة بس أهم حاجة طريقة التقديم والعرض علي التلفزيون.
وبخصوص شخصية الكبير اللي بيقدمها في المسلسل واللي كانت شخصية صغيرة في فيلمه " طير انت " واللي استغلها بعد كده وبني عليها تفاصيل جديدة واحداث جديدة لإن الشخصية في المسلسل مكنتش ظاهرة للناس أوي وكان فيها تفاصيل كتيرة.وإنه استغل في المسلسل شخصيتين وهي الكبير واخوه جوني اللي هما تؤأم بس متناقضين في كل حاجة وقال إن ده بيخلق كوميديا لما يكون في تضاد في شخصتين قريبين من بعض.
وعن الجزء التاني للمسلسل قال إن لما بدأو في الجزء الأول كانوا متفقين علي إنهم يعملوا جزء تاني للمسلسل لكن بعد الحادثة اللي حصلت لمكي وهما بيصوروا الجزء الأول لما رجله اتكسرت وقعد في المستشفي أكتر من شهر قرروا إنهم يكملوا باقي الجزء الاول في رمضان الجاي ويزودوا الحلقات فيكون الجزء التاني.
واتكلم عن شخصية دبور اللي انتشرت من اول ما عملها في سيت كوم " تامر وشوقية " واللي كانت سبب شهرته وانتشاره قال إن شخصية دبور ليها تاريخ مكتوب وتفاصيل كل حاجة في حياتها بيستعملها لما كان بيقدم الشخصية وبعد ماقدم الشخصية في تامر وشوقية ومع عادل إمام في فيلم " مرجان أحمد مرجان " قرر إنه يقدمها بشكل جديد وشخصية جديدة في فيلم " اتش دبور " اللي عمل فيه زي ماعمل نجيب الريحاني في شخصية " كشكش " لما كان عاوز يعرف الناس إن احمد مكي مش دبور وبس وغير شكله في الفيلم عشان الناس تقتنع إن دي مجرد شخصية وإن مكي حاجة مختلفة ويقدر يقدم حاجات تانية.
وبالنسبة لأغاني الراب قال مكي إن الراب أساسه مش غربي حيث إن زمان أيام الجاهلية كانوا العرب مشهورين بالشاعر ومباريات الشعر اللي كانوا بيعملوها وبتقوم علي الارتجال والهجاء والنقد لكل حاجة وبعد كده انتقلت الي افريقيا عن طريق التجارة ودخلت بعض الالات الموسيقية في الموضوع وبعد كده لما تم اكتشاف امريكا وكان معظم العبيد من افريقيا وكانوا بيتعاملوا بشكل غير انساني بدأو إنهم ينقدوا الوضع اللي هما فيه عن طريق الراب.
وقال إنه ودنيا سمير غانم بينهم كميا مخليه الشغل مابينهم مختلف وشكله مبهر وإنهم بقوا دويتو سينمائي زي ماكان بيحصل زمان وبيحصل بره زي توم هانكس وميج ريان وليلي مراد وانور وجدي وغيرهم كتير.
منقول