اريد ان استفيد

[المستشار]

السلام عليكم ورحمة الله وبركاته

اريد ان استفيد من هذا المنتدى انا مشترك فية منذ فترة وحتى الان مش شايف اى استفادة .
مثلا اقفال موقع ابنى بيتك حتى اشعار اخر بدون ابداء اسباب .
كل الموجود عبارة عن قصص وحواديت مش عارف استفيد .
ارجو من الادارة المحترمة توجهى لما هو مفيد فى هذا المنتدى .
وشكرا
المستشار:50 (13):

[اميرة حبى انا]

مافيش اى موضوع مكتوب حضرتك استفدت به ولو بكلمة
حضرتك شايف ان المنتدى كله قصص وحواديت
سبحان الله
مع ان اغلب الموجودين كانو داخلين عشان ابنى بيتك
ولما شافو باقى الاقسام عجبهم المنتدى وشاركو معانا
عموما ميرسى على رأى حضرتك
وبالنسبة لسؤال ابنى بيتك
فتعتبر هذه الرسالة شكوى
وتنقل لقسم الشكاوى
ليرد احد المديرين عليها

[محمود التهامي]

السلام عليكم ورحمة الله

أولا حضرتك مشاركاتك 1 وعضويتك رقمها 14124

كنت احب بس حضرتك تعرفنا ايه نوعية الاستفادة اللي محتاج تستفيدها
عشان نقدر نجاوبك تستفيد ازاي

اقسام ابني بيتك كلها فعلا مقفولة للسماسرة والمقاولين
كسبوا كتير قوي من ورا الموقع وجه الوقت بقا يساهمو فيه شوية

ولو حضرتك عندك مكتب او شركة مقاولات تقدر تستفيد بأي خدمة تحبها من الرابط دا
http://www.vb.6ocity.net/page.php?do=ads

ولو كنت شخص عادي تقدر تحط طلباتك في قسم الاعلانات المبوبة وهنراجعه ونسمحلك بيه ان شاء الله

ولو كل اللي يهمك في المدينة ابني بيتك وبس
يبقا تدور في جوجل على موقع ابني بيتك مش موقع مدينة 6 أكتوبر
لان دا موقع للمدينة كلها مش ابني بيتك وبس

[محمود التهامي]

وبعد اذن مشرفتنا النشيطة
الموضوع يرجع للقسم اللي كان فيه
عشان باقي الاعضاء يجاوبوا سيادة المستشار ويقولوله يستفيد ازاي

[اميرة حبى انا]

حااااااااااضر

[محمود عبد الله]

يا سيادة المستشار
متجرب كدة تدخل قسم السيارات
و تؤلى ايه رئيك
انت ممكن تنزل من عندنا لستة اسعار السيارات
كمان ممكن تنزل عناوين مركز الخدمة
بالاضافة الى الاستشارات الفنية و التجارية المجانية من العبد لله
كل ده و المنتدى مش مفيد ؟؟؟
اسمحلى انا مستغرب

[محمد المصري]

متهيئلى اننا قدمنا كتير وفدنا ناس كتير

حضرتك ممكن تسأل الاعضاء عموما هما هيردوا عليك

الادارة مقصرتش

والكل هنا عارف اننا بنتعامل ازاى مع الاعضاء

لو مجالك فى العقارات

ممكن تحط اعلانك فى الاقسام المبوبة والادارة هتراجعة وتوافق علية

واهلا بك معانا

[محمد كمال]

السلام عليكم ورحمة الله وبركاته

اريد ان استفيد من هذا المنتدى انا مشترك فية منذ فترة وحتى الان مش شايف اى استفادة .
مثلا اقفال موقع ابنى بيتك حتى اشعار اخر بدون ابداء اسباب .
كل الموجود عبارة عن قصص وحواديت مش عارف استفيد .
ارجو من الادارة المحترمة توجهى لما هو مفيد فى هذا المنتدى .
وشكرا
المستشار:50 (13):





الأخ المستشار

منتدى 6 أكتوبر من اكثر المواقع افادة للأعضـــاء

وعندنا قسم هيعجبك جداً اسمة مستشارك القانوني

مليئ بالقوانين والعقــــود وبنرد على اي شكوى او

استشارة نتمنى تنورنا فــــي القســـم ولو عندك اي

استشـــارات قانونية حتى لــو كانت فــي ابني بيتك

احنـــا هنكـون تحت امرك ونرد عليك فوراً و مجاناً

الرابط :

http://www.vb.6ocity.net/forumdisplay.php?f=38

[fagrmasr01]

المنتدى هو النموذج المطور للصالونات التى كانت تتم فى القرن الماضى .. ولايزال البعض يهتم بحضورها حتى يومنا هذا

المنتدى هو التقاء مجموعة تتجاذب اطراف الحوار .. تناقش موضوعات تهم المجموعة .. منها ما هو ثقافى .. شعر قصة نثر .. ومنها ما هو علمى .. وتعليمى .. ومنها ما يركز على مجالات الصحة او الأخبار ..او الغذاء او الاطفال .. او الرياضة .. او .. او

وفى منتدانا اقسام كثيرة تفيد من يدخلها على حسب اختياره للمجال الذى يرغب ان يفيد فيه او يستفيد منه
رجاء شخصى ان تمر يا سيادة المستشار على اقسام المنتدى .. وانا واثق اننا باذن الله سوف نكسب حضرتك معانا اخ نعتز ونتشرف به .. وتفيدنا وتستفيد من تنوع ثقافاتنا

[مصطفى مامون]

اخى المستشار/السلام عليكم ورحمة الله انا على
فكره واحد من الناس المشتركين فى مشروع ابنى بيتك ودخلت المنتدى عشان السبب ده واكتشفت
ناس فى المنتدى كويسين واخوات محترمين وبقينا اصحاب فى الخير من غير هدف او مصلحه اتمنى
تتفاعل معانا وان ما استفدتش يبقى على الاقل مش هتنضر ودى لوحدها استفاده رغم انى متأكد انك هتستفاد ربنا يوفقك لما فيه الخير لك ولنا وللناس
اجمعين اللهم امين

[اميرة حبى انا]

اتمنى تكون حضرتك استفدت