ـكل اللي داخل ثانوية عامة .. اجمعو هنا بسرعة ...

[RSS]

السلام عليكم
:110:






ازيكم يا زباين و يا معلمين .. منورين رين رين رين .. شفتو منورين لدرجه ايه بقا ؟
:D






مش عايز انكدها عليكو :08: .. بس دي حقيقة و امر واقع .. المدارس ع الأبواب يا شوباب !! :1:






يا جماعة الموضوع دا مهم جدا .. علشان الموضوع ده للشريحة الأهم من الشعب المصري .. طلاب الثانوية العامة






طبعا كلنا ف اول سنة بالذات ف ثانوية عامه بنبقا متدربكين جداااا .. و حالتنا حالة .. خصوصا بقا لما كل شويه حد يقولنا ذاكر عشان مستقبلك ..





ولا لما نقرأ ف الجرايد او نشوف ف الأفلام كلمة "بعبع الثانوية العامة" :48:




علشان كده هنعمل الموضوع ده كل اللي عنده خبره ف الثانوية العامة يقولها .. او اللي داخل جديد و عايز يستفسر عن حاجه مثلا ..
:59:


http://img714.imageshack.us/img714/5893/1psdg.jpg





و انا عن نفسي هبدأ و هقول علي شويه نصااايح كده ياريت ينفعو .. بجد نفعوني اوي ..

انا للأسف مش لاقيت حد يقولي الكلام ده :cry_1: ... فانتو احمدو ربكو انكو لاقيتو حد يقولهولكو :ranting:







1 – اعمل delete لكل الأفكار المرعبة عن الثانوية من دماغك .. سواء بقا من الجرايد او التلفزيون او اللي بنسمعه من الناس القريبين مننا .. و الله الثانوي من احلى و اسهل السنين اللي هتعدي عليك .. :7579:





2 – استغل فترة ما قبل الدراسة ف الاعداد النفسي .. يعني لو زعلان من حد او حد مزعلك حاول تحل الموضوع .. لو زعلان او مكتئب حاول تخرج باسرع وقت من الحاله دي ... بتغيير المناظر او السفر او ممارسة هواية مثلا





3 – مكان المذاكرة لازم يكون مهيأ نفسيا علشان تذاكر .. و دي حاجه مهمه جدا للناس اللي بيزهقو بسرعه زي حالاتي :11ap:.. يعني شوف مكان بعيد عن دوشة البيت و كده .. الأوضة اللي هتقعد فيها لازم تكون اضائتها كويسه .. ولو تعذر ده .. فانت بنفسك اتفق مع كهربائي و زود الاضاءة ف الغرفة .. مهمه اوي يا جدعاااان النقطة دي والله ..






4 – برده في فترة ما قبل الدراسه .. حاول تجهز الحاجات دي في مكان المذاكره ..



* ساعه حائط واضحه ..



* منضده او مكتبه صغيره علشان تكون قريبه منك .. علشان لو حبيت تجيب كتبك و كده متقومش و تروح و تيجي .. هتزهق ..



* كرسي بوضعيه جلوس مريحه .. و يكون بمسند للظهر .. و دايما تحافظ علي وضعيه الجلوس السليمه و انت بتذاكر
http://www.cksu.com/vb/uploaded/14314_1171302382.jpg
دا الكرسي المناسب .. و دي وضعيه الجلوس كمان .. عايزشي حاجه كمان اجيبهالك من السوبر ماركو ؟ :D



http://img714.imageshack.us/img714/5893/1psdg.jpg







تمام يا معلم .. انت كده الوقتي جهزت مكان المذاكره تمااااااام اوي ... تعالى بقا لأيام الدراسة ... :49:


http://img714.imageshack.us/img714/5893/1psdg.jpg






1- اولا اولا اولا .. علاقتك بربنا لازم تكووون كويسة جدااا .. الصلوات الـ5 ياريت ف معادهم تمام .. و اتعود دايما اول ما تصحى يكون قريب منك ورقة اذكار الصباح و المساء .. و دي بتتوزع كتير يعني ف أي حاجة .. و طبعا مش انا اللي هقولك هتستفاد ايه لما تكون علاقتك كويسه مع ربنا .. اولا راحه نفسيا .. ثانيا مش هتتعرض كتير لحالات الاكتئاب اللي بتحصل لحبايبنا الحلوين ايام الدراسه و كده .. دا غير الثواب طبعا و انك عملت لدنيتك و آخرتك ف نفس ذات الوقت .. :clap_1:






2 – طبعا ياما سمعنا عن " خبث الثانوية العامة " .. و دا للأسف موجود و منتشر ف طلاب كتير جدا :sad_1: .. ف علي قد ما تقدر خليك حريص و انت بتتكلم عن دراستك و كده علشان الحسد .. و ممكن تلاقي اللي يحبطك و يقولك انا بذاكر 290 ساعة ف اليوم .. و والله كل اللي اعرفهم و كانو بيقول كده معملوش أي حاجة و كانو اسوء مجاميع .. فعلشان كده متبقاش تهتم لكلامهم .. و خليك فاكر .. المذاكره مش بالكمية .. ممكن تكون اللي انت بتذاكره ف ساعة غيرك ممكن يستوعبه ف 3 ساعات .. الموضوع موضوع قدرات ذهنية يعني ..






3 – من اكبر المشاكل ف بلدنا دي .. انك بتحدد مستقبلك ف الثانوية العامة .. و انت في فترة المراهقة .. و دا للأسف شئ صعب اوي .. و انت بنفسك هتلاحظه .. يعني خلال الفترة دي كل ولد او بنت هيميلو للجنس الآخر .. بحثا عن حب او صداقة او حتى اخوة ..
:love:




و عموما الكلام دا ف الفترة دي هيشغلك عن مذاكرتك و هيضيعلك وقتك .. دا بجد و الله فعلا مش كلام امهات ! .. انا ليا واحد صاحبي اوي كان دايما متفوق عني ف كل السنين اللي فاتو .. بس جه ف الثانوي و حب و كده و بقا بيقضيها طول النهار و الليل عالموبايل .. للأسف مجابش مجموع خالص .. فنصيحة يعني .. ركز ف مستقبلك الكام شهر دول و لما تخلص يا سيدي ابقا حب ف طوب الأرض مش هنقولك حاجه .. :thumbsup:






4 – متبدأش السنة الدراسيه سخن اوي من اولها .. و تذاكر من شهر 8 او 9 مثلا و تجيب آخرك .. كده علي شهر 1 يا معلم و هتزهق .. ابدأ مثلا ف شهر 8 دا ذاكر فيه ساعتين .. و ف شهر 9 ذاكر 3 – 4 .. و ف شهر 10 ذاكر 5 ساعات .. و خليك علي كده لحد شهر 2 مثلا .. و من بعد 2 حاول علي قد ما تقدر تزود بقا .. انت بنفسك هتحس بان معادش حاجه و هتذاكر .. انا و الله اشتغلت كده و يوم الخميس اللي قبل امتحان العربي كنت وصلت ل16 ساعة .. بسم الله ما شاء الله يعني :7567:






5 – مش كل الأيام ويك اند :ag: .. خلي يوم الخميس دا مثلا اليوم اللي انت هتخرج او تلعب فيه او تمارس فيه هوايتك .. و يوم الجمعه دا برده خليك حونين علي نفسك فيه .. يعني تذاكر يوم الجمعه يعني .. بس من غير ما تتعب او ترهق نفسك ..






6 - بالنسبة للشباب (علشان البنات واخدين بالهم من نفسهم شوية :D ) .. قعدة المذاكرة بتربي كرش .. لمؤاخذة يعني :D .. ف ضروري يوم الخميس دا تجري شويه او تلعب كورة او تلعب أي حاجة .. المهم تعمل أي نشاط يحرق الدهون شويه .. و برده طول ما انت ف الدراسه خلي بالك من طريقة الأكل بتاعتك .. علشان المذاكره مع البرد مع التوتر بيجوعو املاها بطن .. :pizza:






7 – الامتحانات الدورية اللي بيعملوها المدرسين ف الدروس او ف المدرسه حلوة جدااا .. و احلى طريقة لتقييم مستواك .. فمتحاولش تهرب منها .. :smilewink:






8 – لو لاقدر الله حسيت انك ضعفت او جالك اكتئاب او جالك شعور انك مش هتقتدر تكمل مذاكره .. عادي ولا يهمك .. شعور متوقع يعني .. فحاول اول ما يجيلك الشعور دا تصلي , تخرج شويه , تتكلم مع شخص بترتاحله يمكن يساعدك لو عندك مشكلة .. بس متروحش تقعد مع واحد زي عبكويم مثلا يقولك اضرب السوجارة دي يا ساحبي :5417: .. , اسمع اغنيتين بتحبهم , غير المود يعني ..

9 - حاجة انا نوهت عنها ف رقم 8 .. افتكر كلام الاستاذ احمد مظهر ف فلم النمر الأسود :11xing: .. :D .. "لو عايز تنجح فعلا .. يبقا لازم يابني تبعد عن 3 حاجات .. السجاير , و الخمرة , و البنات" :argue2: .. و لو لاحظت هو حط السجاير اول حاجة :D .. علشان دي اول حاجة ممكن تقع فيها .. اياك اياك من السجاير.. مش مرجله لما تشرب سجاير يعني .. دي هتضيعلك مستقبلك و خلاص .. لو فيه خمرة اوكي مفيش مشكلة :D






كده اعتقد ان انا قولت كل اللي اقدر افيد بيه تقريبا :D ..



ياريت اكون قدرت افيد فعلا ..



أي حد عنده افكار ياريت يقولهالنا علشان كلنا نستفيد بيها .. و الله انا عايزافاده كمان علشان بيقولو تالتة ثانوي ارخم من تانية بكتييير :D




و أي حد عايز أي مساعده او طلب يقوول برده .. جايز نلاقيلها حل سوا سوا ;)




تحياتي ,
:poster_l3v:
:D









منقول