ـأنـآ بـكـدب ...

[RSS]

http://up.arab-x.com/Mar11/LM595556.gif (http://up.arab-x.com/)


http://up.arab-x.com/Mar11/zEo95556.gif (http://up.arab-x.com/)


ازيكوا يا أحلى ناس عرفتها في حياتي؟؟
يارب يكون الجميع بخير



http://up.arab-x.com/Mar11/G7595556.gif (http://up.arab-x.com/)


النهارده حبيت اتكلم عن حاجه غريبه شويه كده واتمنى من الكل انه يشارك ويقول رأيه




http://up.arab-x.com/Mar11/G7595556.gif (http://up.arab-x.com/)


نبدأ بقى
بسم الله الرحمن الرحيم




http://up.arab-x.com/Mar11/G7595556.gif (http://up.arab-x.com/)


احنا مش عايشين فالدنيا لوحدنا..وبنتعامل مع ناس كتير اوي سواء حلوين او وحشين..بنتعامل معاهم سواء بأرادتنا او غصب عننا..سواء بقى ظروف دراسه او شغل او او او..

وبنتكلم معاهم وبنعرفهم وبيعرفونا..

طيب في كلامنا مع الناس..ممكن في حاجه تخلينا نكذب؟؟

انا موضوعي مش بتناقش فيه من ناحية الحلال والحرام..
في مواقف كتير اوي بنكذب فيها يمكن بمزاجنا او غصب عننا بتيجي كده..




http://up.arab-x.com/Mar11/G7595556.gif (http://up.arab-x.com/)


زي مثلا واحنا صغيرين اما يجي الاستاذ يسألنا معلمتش الواجب ليه؟؟ترد وبراءة الاطفال في عينك وتقوله نسيت يا أستاذ ..وانت فاكر وبتستعبط..عادي يعني


زي مثلا اما ماما تصحى فجأة من النوم وهي قالت مفيش سهر..تقوم انت تجري وتعمل نفسك نايم وتقفل التلفزيون واما تصحى الصبح تقولها مفيش احلى من النوم بدري يا ماما زي مانتي قولتي..وانت اصلا سهران طول الليل..عادي برضوا


وزي كمان لما تتأخر عن المحاضرة وتدخل بعد الدكتور ولما يسألك أتأخرت ليه تقوله مش بايدي المواصلات زحمه اوي..وانت جاي من ساعه وواقف ترغي مع اصحابك بره او عندك مكالمه وعمال ترغي وشوفت الدكتور وهو جاي بس ازاي المكالمه اهم طبعا..عادي جدا برضوا




http://up.arab-x.com/Mar11/G7595556.gif (http://up.arab-x.com/)


وزي مثلا ان يبقى في خناقه كبيرة ويدخلوك فالنص كشاهد وانت تيجي بكل بساطه وتقول انا ماليش دعوة ومشوفتش حاجه..وانت بتبقى عارف كل حاجه بس مش عايز تدخل نفسك في حاجه متخصكش..عادي جدااا


زي كمان لما يبقى عندك مكالمه ملكش مزاج ترد عليها دلوقت ولما يبقى ليك مزاج ترد ولما يقولك اللي بيتصل مردتش ليه ع طول تقوله اصلي كنت نايم او الفون مش قدامي..وانت اصلا شايف انه بيتصل وعارف بس بتستهبل..عاااااادي يعني


ولما تبقى بتشتغل وتتأخر عن الشغل ويجي صاحب الشغل يقولك أتأخرت ليه وتقوله معلش راحت عليا نومه ومش هاتتكرر يا معلم..وانت اصلا مش عايز تنزل بدري وتقول خساره في امه هو هايستعبدني عشان باشتغل عنده ولا ايه...عادي برضوا




http://up.arab-x.com/Mar11/G7595556.gif (http://up.arab-x.com/)


ولما يبقى في حد عصبي يجي يسألك ع حاجه حصلت وانت عارف انه لما تقوله الحقيقه ممكن يتعصب عليك فابتكذب عليه وتقول حاجه غير الحقيقه..طب ماهو لو قولت الحقيقه هايتنرفز عليك تعمل ايه طيب..عادي برضوا


وزي اما ماما تيجي تسألك بتكلمي مين تقوليلها وحده صحبتي..وهو واحد صاحبك مش صاحبتك..عادي جداا


في مواقف كتير اوي ممكن نكذب فيها سواء بنبقى عايزين او لا وفي ناس بتعتبر الكذب ده فن من الفنون ويبقى فرحان او وهو بيكذب




http://up.arab-x.com/Mar11/G7595556.gif (http://up.arab-x.com/)


بس انا بتناقش فالموضوع من ناحيه لما يبقى موقف عابر مش كذب الـ24 ساعه
لا موقف كده وعدى ع طول..


في ناس اما بتكذب بيبان عليها اوي وتلاقيها احمرت واصفرت واخضرت و الوانات غريبه كده وفي ناس عادي بتبقى واخده ع كده او مش واخده بتبقى مستسهله الموضوع شويه فـ مش بيبان عليها حاجه




http://up.arab-x.com/Mar11/G7595556.gif (http://up.arab-x.com/)


عايز بقى اعرف ارائكوا فالموضوع ده..ومش عايز حد يقول انا مش باكذب..تؤتؤ..كلنا بنكذب
((بس في فرق طبعا بين كذبه وكذبه))ومرة تانيه بأكد موضوعي مش بتكلم فيه عن الحلال والحرام..

وبس كده بقى كفايه كلام كتير
فانتظار ارائكوا

وأسف على الاطالة



http://up.arab-x.com/Mar11/FE195556.gif (http://up.arab-x.com/)


أخوكم فى الله محمود






منقول