للنقد : انا امبراطور الحب

[fagrmasr01]

لو كل العالم قدامى * انا حاختارك نور ايامى


ولو كل الدنيا بتتبسم * نظرة عينك هنا احلامى
http://www.6ocity.net/vb/images/smilies/50%20(31).gif
انا امبراطور الحب وسلطانه ويا عينيكى


و الدنيا املكها انا بإيديا فى لمس ايديكى


وحنان العالم يتجمع ياحبيبتى لما الاقيكى


وأسد الأسود انا يا غزالتى لما اراضيكى


http://www.6ocity.net/vb/images/smilies/50%20(31).gif



احلام العشاق فى حنانك * وانتى زمانى وحبى زمانك


انتى الملكة وانا سلطانك * كوكب افراحى وانا سكانك
http://www.6ocity.net/vb/images/smilies/50%20(31).gif
احياكى بفرحة محصلتشى قبلك ف الكون


واعيشك ضحكة ف هوايا وانا قلبى حنون


ولا قبلك يوم شفت سعادة ولا عشت ظنون


لكن برضانا .. ف حب هوانا .. الدنيا تهون


وتعيشى ياحبيبتى .. العامرية وأنا المجنون
http://www.6ocity.net/vb/images/smilies/50%20(31).gif

اتشرف بان اضعها بين اياديكم
لتحظى بشرف النقد والتحليل

[fagrmasr01]

اتمنى ان يستمر التحليل والنقد بحيث نضع كل اسبوع قصيدة للتحليل

ساهموا فى نجاح الفكرة بردودكم

[AFIFI MOSTAFA]

يا استاذ / جمال القصيدة اكتر من رائعة بس كنت اتمنى ان تكون ( ضربة القصيدة ) واحده
على سبيل المثال ( المقطع الاول ينتهى بالياء) (المقطع الثانى ينتهى بالكاف ) (المقطع الثالث ينتهى بالنون) كمان دى قصيدة عامية مش ينفع ننسبها لبحر من بحور العروض لكن اتمنى ان تكون كل مقاطع القصيده على وتيرة واحدة ونغم واحد مع مجموع المقاطع فى القصيده نفسها .

ولك جزيل حبى


عفيفى

[fagrmasr01]

طبعا اشكرك جزيل الشكر على إهتمامك يا عفيفى

وارجو ان يتسع صدرك لطلبى بانك توضح لى اكتر موضوع النهايات
لانى معلش .. شايف ان النهايات مظبوطة

لا اعترض على النقد بل اتشرف وأسعد بكل نقد او تحليل
ولكننى فقط استأذنك ان توضح لعلنى استفيد

ربنا يجازيك خير
آمين

[AFIFI MOSTAFA]

استاذى المحترم / جمال فجر مصر

فى العروض فى حاجة اسمها العروضة والضربة العروضة الشطر الاول فى البيت والضربة الشطر الثانى فى نفس البيت وما اقصدة فى قصيدتك كما كتبت ان تنتهى الضربة بمقام واحد على اساس المقطع الاول

انا حاختارك نور ايامى


* نظرة عينك هنا احلامى
http://www.6ocity.net/vb/images/smilies/50%20(31).gif
وسلطانه ويا عينيكى هنا غيرت المسار كنت اتمنى ان تكون نهاياتها على وزن احلامى .ايامى


فى لمس ايديكى


ياحبيبتى لما الاقيكى


غزالتى لما اراضيكى


http://www.6ocity.net/vb/images/smilies/50%20(31).gif



وانتى زمانى وحبى زمانك


كوكب افراحى وانا سكانك
http://www.6ocity.net/vb/images/smilies/50%20(31).gif
قبلك ف الكون هنا غيرت المسار


وانا قلبى حنون


ولا عشت ظنون


هوانا .. الدنيا تهون


.. العامرية وأنا المجنون


اتمنى ان تكون فكرتى وضحت

[fagrmasr01]

اشكرك ... وعلى كل حال هى وجهة نظر احترمها

واتمنى اشوف رأى باقى الاعضاء

[اميرة حبى انا]

انا عن نفسى
عجبانى جدا زى ماهى كده
مش بالتحليل طبعا ولا بالنقد
لكن احساسى كده

[مصطفى مامون]

جميله يااستاذ جمال بس هطول شويه والكلام لعفيفى انت جميل ياعفيفى بس هو ذى ماقلت القصيده عاميه لا تندرج تحت بحر
2-نظام القوافى اتبعه ا/جمال من خلال الاشطر كل وحده منفصله اتبع فى ذلك المدرسه الوسطى التى صنعت من الابيات وحدات ليست كالقديمه او الكلاسيكيه التى اتبعت قافيه واحده فهى لا تؤخذ عليه
3-فى بيت اسد الاسود انا ياغزالتى لما اراضيكى
كان افضل نحذف الف المد فنقول ارضيكى لتتماشى مع الموسيقى
القصيده فى مجملها موسيقاها مرتبه تسلم ايدك
بس بلاش اسد وغزاله ياعم جمال مفيش بينهم عمار انت الوحيد اللى خليت بينهم عمار

[AFIFI MOSTAFA]

اخى وحبيبيى استاذ / مصطفى مأمون

طبعا انا سعيد جدا بيك بنا فى المنتدى شاعر وناقد بناء يضيف الى القصيدة وايضا الى الشاعر لكن ما كنت اريد ان اوضحه
الى اخى الاستاذ / جمال ان تكون مجموع المقاطع على وتيرة واحدة وموسيقى واحدة وان اختلفت ضربة القصيدة مثلا
لان معظم اعمالنا تتنمى الى الشعر الحديث فلا مانع من التنوع بين المقاطع لكن مع الحفاظ على الموسيقى والنغم الواحد.

[وردة الايمان]

الكلام اللى قاله استاذ مصطفى وعفيفى كبير جدا ..

وانا بستفاد من كل كلمه وكل حرف ..

ودايما بحاول اسجل اشتراكى المتواضع
بعد ما استمتع باشتراكتهم القويه الجميله ..

وهحاول ان شاء الله اتعلم كيفية النقد الصحيح للقصائد ..

واسمحلى يا استاذ جمال زى عادتى اسجل اعجابى ببعض تعبيراتك الرائعه ...

انا حاختارك نور ايامى

جميل جدا تشبيها بالنور اللى يملى ايامك وحياتك .





انا امبراطور الحب وسلطانه ويا عينيكى
و الدنيا املكها انا بإيديا فى لمس ايديكى


رائع انك تجعلها هى رمز لقوتك وسلطانك وامتلاك الدنيا بمجرد لمس ايديها ...( رومانسيه جميله فعلا )




انتى الملكة وانا سلطانك * كوكب افراحى وانا سكانك


تشبيهك ليها بالملكه جميل جدا والأجمل تشبيها بكوكب افراحك وانت الوحيد سكان الكوكب ده ..
( مشاعر واحاسيس جميله فعلا )




واعيشك ضحكة ف هوايا وانا قلبى حنون

يعنى هى ..سبب قوتك ...ونور ايامك ...والملكه
وكمــــان
سبب ضحكتك وابتسامتك ..

بصراحه يا استاذ جمال كلامك دايما بيكون ليه احساس ونبض حقيقى لدرجة انك بتعيش مع الكلمات كأنها كيان له روح ونبض وحياه .


تسلم ايدك يا استاذ جمال ..

ويارب تفضل تمتعنا دايما بأحاسيسك الراقيه ومشاعرك الرومانسيه .

[fagrmasr01]

انا عن نفسى

عجبانى جدا زى ماهى كده
مش بالتحليل طبعا ولا بالنقد
لكن احساسى كده


وانا اشكرك جزيل الشكر والله يا أميرة على اهتمامك بالتعليق وعلى تشجيعك الجميل اللى فعلا بيسعدنى وبيساعدنى

وبالنسبة لإحساسك الى فعلا باشكرك عليه وسعيد بيه

فى الحقيقة يا أميرة ... اى شاعر بيكتب .. المفروض بيعر عن احساسه وبيحاول يترجم الاحساس الى كلمات يجتهد فى تنظيمها ....
وبيكتب عن الاحساس وللإحساس
ربنا يخليكى يا أميرة .. متشكر جدا
:36_3_12[1]:

[fagrmasr01]

جميله يااستاذ جمال بس هطول شويه والكلام لعفيفى انت جميل ياعفيفى بس هو ذى ماقلت القصيده عاميه لا تندرج تحت بحر
2-نظام القوافى اتبعه ا/جمال من خلال الاشطر كل وحده منفصله اتبع فى ذلك المدرسه الوسطى التى صنعت من الابيات وحدات ليست كالقديمه او الكلاسيكيه التى اتبعت قافيه واحده فهى لا تؤخذ عليه
3-فى بيت اسد الاسود انا ياغزالتى لما اراضيكى
كان افضل نحذف الف المد فنقول ارضيكى لتتماشى مع الموسيقى
القصيده فى مجملها موسيقاها مرتبه تسلم ايدك
بس بلاش اسد وغزاله ياعم جمال مفيش بينهم عمار انت الوحيد اللى خليت بينهم عمار

اشكرك يا مصطفى عدة مرات
... فعلا يتكرر الشكر ...

* شكرا لتوضيحك لاخويا وصديقى الغالى عفيفى
* شكرا لمرورك واهتمامك بالتعليق والتحليل والنقد ... بجد شرفتنى بمرورك واهتمامك واسعدتنى
* شكرا على النصيحة الجميلة المحترفة فى تعديل اراضايكى .. وهى فعلا موسيقاها بعد التعديل اجمل وارق

اما الغزالة والأسد ... فهو بجد بجد تعبير باحسه وباعيشه مع حبيبتى فعلا .. لان وجودها بيخلينى اسد فعلا فى قوته ... ولأن محبوبتى فعلا فعلا أرق وألطف فى مخيلتى من أرق وألطف غزالة

مصطفى
ربنا يبارك لك ويكرمك .. متشكر جدا
يارب يبارك لك
آمين

[fagrmasr01]

متشكر جدا يا عفيفى على اهتمامك وتعليقك
ملاحظاتك فعلا تهمنى ... واتمنى يكون مصطفى وضح فى رده ما قد يكون قلمى قد عجز عن توضيحه وبيانه

عفيفى
بجد ... تعليقك مفيد ... ومتشكر جدا .. واهتمامك بدعم فكرة النقد بجد اشكرك عليه
ربنا يديم الاخوة بيننا ودايما تنصحونى وتساعدونى ونستفيد بجودنا كلنا مع بعض أخوة فى الله ولله
ربنا يبارك لك ويكرمك

[fagrmasr01]

الكلام اللى قاله استاذ مصطفى وعفيفى كبير جدا ..

وانا بستفاد من كل كلمه وكل حرف ..

ودايما بحاول اسجل اشتراكى المتواضع
بعد ما استمتع باشتراكتهم القويه الجميله ..

وهحاول ان شاء الله اتعلم كيفية النقد الصحيح للقصائد ..

واسمحلى يا استاذ جمال زى عادتى اسجل اعجابى ببعض تعبيراتك الرائعه ...

انا حاختارك نور ايامى
جميل جدا تشبيها بالنور اللى يملى ايامك وحياتك .
انا امبراطور الحب وسلطانه ويا عينيكى
و الدنيا املكها انا بإيديا فى لمس ايديكى

رائع انك تجعلها هى رمز لقوتك وسلطانك وامتلاك الدنيا بمجرد لمس ايديها ...( رومانسيه جميله فعلا )
انتى الملكة وانا سلطانك * كوكب افراحى وانا سكانك

تشبيهك ليها بالملكه جميل جدا والأجمل تشبيها بكوكب افراحك وانت الوحيد سكان الكوكب ده ..
( مشاعر واحاسيس جميله فعلا )
واعيشك ضحكة ف هوايا وانا قلبى حنون
يعنى هى ..سبب قوتك ...ونور ايامك ...والملكه
وكمــــان سبب ضحكتك وابتسامتك ..
بصراحه يا استاذ جمال كلامك دايما بيكون ليه احساس ونبض حقيقى لدرجة انك بتعيش مع الكلمات كأنها كيان له روح ونبض وحياه .
تسلم ايدك يا استاذ جمال ..

ويارب تفضل تمتعنا دايما بأحاسيسك الراقيه ومشاعرك الرومانسيه .



اشكرك جزيل الشكر يا وردة الايمان .. بالفعل مرورك وتشجيعك جميل جدا وبيسعدنى اوى لانه من شاعرة محترفة رائعة... اكن لها كل الحب والتقدير والاحترام ...
وفعلا يا وردة انا مش باكتب الا احساسى الى باعيشه فى لحظات معينة ولهذا قد تلاحظين اننى فى ايام ممكن اكتب عدة خواطر او كما نسميها مجازاً أشعار ... وفى ايام أخرى يتوقف القلم فى يدى فلا اجد ما أعبر عنه .. او قد يعجز القلم عن التبيان
اما تصويراتى فهى بصراحة لا أشعر انها تشبيهات انما هى تصوير فعلا حى بكلمات من داخل وجدانى احياها ويعبر عنها قلمى بكلمات هى فى قلبى نبضات

اشكرك جدا يا وردة على لطيف تشجيعك وعلى رقيق مجاملاتك .. اللى فعلا بتسعدنى
ربنا ميحرمنيش من مرورك وتشجيعك ولا من مجاملاتك الحلوة دى .. واشكرك على دعواتك الطيبة
ربنا يسعد قلبك
آمين

[ahmedabdelziem]

جميله ياحاج جمال
بس انا للاسف
مش بحب النقد
بس هى فعلا جميله

[nouran_111]

رائعة حقا لكنى لا املك حق النقد
فانالم اخطو سوى خطوات قليلة جدا في عالم الكتابة