ـساعات بشوفك ف المنام ..بقلمى(صابر) ...

[RSS]

ساعات بشوفك
http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده


ساعات بشوفك ف المنام..
ساعات اقابلك لما انام..
واقول لقلبك الكلام..
وادوق ف حضنك الغرام..
وازعل لو اصحى..احلامى ناقصه..
حنيه او حتى ابتسام..
والدنيا واسعه..
وكل مااسعى..
مش لقيه فرصه غير منام..


ارجوك ماتبخلش بشعورك..
احساسى كله قلتهولك..
انا كمان نفسى ازورك..
جوه منامك يوم واطولك..


نفسى اسمعلك بودنى..
صوت زى الشوق ياخدنى..
كلمتين اتهنى بيهم..
لما اغمض يملوا حضنى..


حتى الكلام انا نفسى فيه..
وانت الكلام بخلت بيه..
بقيت بتحرمنى حنانك ..
مع ان قلبى حيموت عليه..


مافيش ف طبعك حنيه..
ولا شعور يسأل فيا..
من كتر ماقلت بحبك..
وفيت بدينى اللى عليا..


حتى الكلام انا بتمناه..
دا غير غرام سيبتنى وياه..
مافيش مابينّا غير احلام..
وصمت بيدوبنى معاه..


بستنى اشوفك ف الاحلام ..
و نفسى تيجى قبل ماانام..
علشان اقولك بُعدى حرام..
مش كل ليله القاك ف منام..
وخايفه اصحى..
احلامى ناقصه..
ونفسى اشوفك قبل ماانام






منقول