المساعد الشخصي الرقمي

مشاهدة النسخة كاملة : اتفضل يا nasr


اميرة حبى انا
23-01-2010, 08:11 PM
السلام عليكم ورحمة الله وبركاته
النهاردة بنستقبل شاعر ومبدع كسبناه كلنا
يلا خلينا نجيبله كرسى مريح عشان يقعد عليه
اتفضل يا استاذ نصر
اقعد وارتاح
http://up4.m5zn.com/9bjndthcm6y53q1w0kvpz47xgs82rf/2010/1/23/09/dvg1oj6jd.jpg
يلا رحبو معايا باستاذ نصر على مايستوى
قصدى يعنى لحد ما اجيبله الاسئلة الثابتة واجى
:36_3_12[1]::36_3_12[1]::36_3_12[1]:
afifi mustafa
23-01-2010, 09:03 PM
يا اهلا بالمعارك (شرفت الكرسى ونورت يا عم ناصر ) وان شاء الله هتستريح على الاخر هنكرموك ونوضبوك وهنعمل معاك احلى واجب


عفيفى
fagrmasr01
23-01-2010, 09:11 PM
ألف أهلا وسهلا
اخويا وحبيبى وصديقى
ناصر
نورت يا صديقى العزيز
nasr
23-01-2010, 09:38 PM
السلام عليكم ورحمة الله وبركاته

انا شفت الكرسي المولع قلت سلم يارب

وعفيفي متحفز كده ليه .. لطفك يا رب

وبعد ترحاب عم جمال قلت حمدك يا رب
afifi mustafa
23-01-2010, 09:54 PM
اهلا بالضيف الغالى هربان ويقول انا مالى
ما كانش والله العشم اندهلو ويقول تعاللالى
هربان من سين وجيم طيب اقعد هتشوف اهوالى
nasr
23-01-2010, 10:18 PM
اهلا بالضيف الغالى هربان ويقول انا مالى
ما كانش والله العشم اندهلو ويقول تعاللالى
هربان من سين وجيم طيب اقعد هتشوف اهوالى

ولدي نصحتك لما صوتي أتنبح

متخفشي من جني ولا من شبح

وإن هب فيك عفريت قتيل أسأله

ما دافعشي ليه عن نفسه يوم ماندبح

عجبي يا عفيفي
اميرة حبى انا
23-01-2010, 10:25 PM
هههههههههههههههههه
بجد بفكر فى فكرة جميلة
لاستغلال الموهبة بتاعتكو فى الرد على بعض بالشعر
انتظرونى قريبا
nasr
23-01-2010, 11:16 PM
هههههههههههههههههه

بجد بفكر فى فكرة جميلة
لاستغلال الموهبة بتاعتكو فى الرد على بعض بالشعر
انتظرونى قريبا


أيوه كده نادي لي بسرعة علي الشعرا يدفوا معايا علي

الكرسي ده علشان يشعروا باللي أنا شاعر بيه..:50 (8):
خلود
23-01-2010, 11:17 PM
ناصر

مبروك عليك الكرسى

ان شاء الله تنور ويانا كده نور مافيش بعد كده

ههههههههههههههه

http://vb.arabseyes.com/uploaded/4_1199316476.jpg
nasr
24-01-2010, 12:09 AM
ناصر



مبروك عليك الكرسى


ان شاء الله تنور ويانا كده نور مافيش بعد كده


ههههههههههههههه



ميرسي قوي انا أقعد علي 100 كرسي أحسن ما أنام علي كلب مسكين لحد ما

أفطسه واقول أيه يا جماعه صحتوني ليه أنا كنت نايمه.

هههههههههههههههههههههه
اميرة حبى انا
24-01-2010, 01:02 AM
هو فين الكلب ده؟؟؟
nasr
24-01-2010, 07:46 AM
هو فين الكلب ده؟؟؟


حكاية الكلب ده ممكن حضرتك تشوفيها بنفسك في مشاركة رقم 54 في

موضوع نداء إنساني ( واحشنا يامحمود ).

أنظري للصورة بس حاولي تتمالكي نفسك ... إفترا علي كلب ضعيف مسكين

ههههههههههههههههههه
اميرة حبى انا
24-01-2010, 02:55 PM
الاسئلة الثابتة
1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليك؟
5-ايه احلامك؟
6-كام مره حسيت انك ملكش لزمه فى الحياه؟
7- كااااااام مره مقدرتش تكتم دموعك؟
8-حلمت حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif
محمود عبد الله
24-01-2010, 03:13 PM
قابل و أععععد يا معلم
يا الف مرحب و سرحب
nasr
24-01-2010, 04:47 PM
1-الاسم؟
نصر شعبان الشعراوي
2- السن؟
43 سنه
3-احساسك ايه وانت قاعد على الكرسى؟
إحساس جميل خصوصا" في الساقعه دي
4- مين اقرب انساااااااان او انسااااااانه ليك؟
المدام طبعا"
5-ايه احلامك؟
أعيش سعيد وأموت شهيد
6-كام مره حسيت انك ملكش لزمه فى الحياه؟
ولا مره ده أنا خليفة الله في الأرض
7- كااااااام مره مقدرتش تكتم دموعك؟
كتييييييييييير
8-حلمت حلم واتحقق؟؟
الزوجة الصالحة


9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
الصداقة هي الإنصاف
( سلام علي الدنيا إن لم يكن بها صديق صدوق صادق الوعد منصفا )
أقرب صديق حقيقي ( زوجتي )
في المنتدي ( الحاج جمال )

10-كل شخص مننا جواه نسبة حزن ياترى نسبة الحزن جواك كام في المية؟
لن تتعدي 30%


11- مين اقربلك وبتحس انه فاهمك اكتر والدك والا والدتك ؟؟؟
والدي بالرغم من وفاته من 12 سنة
( ربي إرحمهما كما ربياني صغيرا )


12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
قسم : معلومات عامة وأحداث وشخصيات
الموضوع :أرقام وحقايق مؤلمه

13- لو حبيت شخص مش حاسس بيك ياترى تعمل ايه
؟؟؟؟
أنسحب فورا" وأعاتب نفسي التي أخطأت في حساباتها
14- هاقولك كلمات توجهها لاشخاص في منتدانا
- مواضيعك ممتازة
خلود

- انت فين وغايب عننا ليه
مصطفي مأمون

- المنتدى وحش من غيرك
عفيفي

- رأيك بيعجبنى
أميره

- انت شخصية محبوبة جدا فى المنتدى
فجر مصر

- انت دمك خفيف اوى
محمود عبد الله

- انت شخصية قوية تتحمل الصعاب
محمود التهامي

15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
من الأخر أنا مبعرفش أنام وحد زعلان مني



16- هل حد ظلمك لدرجة انك قلت مش ممكن اسامح؟؟؟
كتير ودائما" قبل 3 أيام أهدى وأسامح

17- لو هتسافر مكان ومطلوب منك تاخد شخصين بس معاك تختار مين؟؟؟
1 - زوجتي العزيزه
2 - أحمد نصر
3 - رامي نصر ( 4 سنوات ) يتحسب بنص



18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
دموعي صعب حد يشوفها
دكتور العيون يشوفها في أي وقت

20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
المدينة المنورة
مصري طبعا"


:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif
لا يوجد
محمود عبد الله
24-01-2010, 05:11 PM
ميرسى جدا لزوقك يا عمو
و خلى بالك من نفسك
الاسئلة اللى جاية
مش هقولك صعبة
انت بالزات بدورلك على اسئلة مملة مملة مملة
يارب الاقى
اميرة حبى انا
24-01-2010, 05:45 PM
اشكرك على اجاباتك الجميلة
وبما ان الاستاذ نصر قام بالرد على الاسئلة الثابتة
اذا اتفضلو اسئلوه زى مانتو عايزين
ومش عايزين رحمة
محمود عبد الله
24-01-2010, 09:08 PM
بص انا هسئلك سؤال واحد

فتح عينك تاكل ملبن

قرب قرب قرب

فكر ثوانى تكسب دقايق

عندنا عشر ماكينات وظيفتهم صناعة العملات المعدنية
المفروض ان العملة وزنها عشرة جرام
فى ماكينة واحدة بايظة بتطلع العملة تسعة جرام
اعرف ازاى الماكينة البايظة بأستدام ميزان ديجيتال مرة واحدة فقط ؟

ابئا قابلنى

باى باااااااااااااااااااااااااى
nasr
24-01-2010, 09:28 PM
عندنا عشر ماكينات وظيفتهم صناعة العملات المعدنية
المفروض ان العملة وزنها عشرة جرام
فى ماكينة واحدة بايظة بتطلع العملة تسعة جرام
اعرف ازاى الماكينة البايظة بأستدام ميزان ديجيتال مرة واحدة فقط ؟

ابئا قابلنى

باى باااااااااااااااااااااااااى

ماكينة بايظة أيه وديجيتال أيه
أسأل يابني سؤال نستفيد منه
سيبك من شغل الميكانيكية ده
:1 (11):
اميرة حبى انا
24-01-2010, 09:42 PM
يامحمود
مالنا احنا ومال الورشة اللى انت فتحتهالنا دى
اسأل اسئلة نفهمها الله يباركلك
nasr
24-01-2010, 09:59 PM
يامحمود

مالنا احنا ومال الورشة اللى انت فتحتهالنا دى
اسأل اسئلة نفهمها الله يباركلك

تمام أنا متأكد من الأول أن انا في إيدين أميرة
خلود
25-01-2010, 12:46 AM
ازيك نصر

ميرسى ليك جدا على اختيارك لى صاحبه اجمل مواضيع
وده اكيد من زوقك
وهجى لك بشويه اسئله كده ربنا يسهل كده

نفسى احط لك اسئله رخمه كلحه غلسه و ايه تانى

يعنى من الاخر كده اسئله ملهاش حل

هرجع لك تانى

ده انت الغالى
nasr
25-01-2010, 01:31 AM
هجى لك بشويه اسئله كده ربنا يسهل كده



يعنى من الاخر كده اسئله ملهاش حل


I am ready
مصطفى مامون
25-01-2010, 01:52 AM
انشنطيه ياحاج /نصر
سوسو توتو تعالوا سلموا على خالتكوا أم شمر صلاة النبى صلاة النبى
اميرة حبى انا
25-01-2010, 02:01 AM
هههههههههههههههههههه
حلو اوى الترحيب ده
مصطفى مامون
25-01-2010, 02:05 AM
انا معرفش انك فى الموضوع ده الا بالصدفه بعد ما صحيت م النوم لقيت ف التتر تعالى يانصر بصيت م البلكونه لقيتهم ماسكينك ف الشارع وهاتك اسئله
وبما انك صحبى وما ينفعش اسيبك لوحدك هسألك
سؤال واحد عشان اقدر ادافع عنك وهو
انت فعلا يانصر اللى سرقت الغسيل بتاع ام احسان اللى ف اول دور عشان كده مسكينك يا نصر
طبعا عارف انى لماح وبفهمها وهى طايره اكمل نومى
خلود
25-01-2010, 02:49 AM
هههههههههههههههه

الله عليك يامصطفى

اهى دى السؤالات والا فلا
اميرة حبى انا
25-01-2010, 02:38 PM
ههههههههههههههههههههه
فين اجابة السؤال
nasr
25-01-2010, 04:49 PM
رغم إن إنهارده أجازة أنا نزلت الشغل من الصبح بدري علشان عندنا تقفيل ميزانية ولسه مروحتش أسمحولي أجاوب علي كل الأسئلة بالليل بعد ماتش مصر .. تحياتي
AFIFI MOSTAFA
25-01-2010, 05:17 PM
يالله يا بطل خش وجواب:


إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟
...................................
2-أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟
.....................................
3-لماذا الصمغ الشديدالفعالية لا يلتصق بالأنبوب الذي يحتويه ؟
...................................
4-إذا كان العالم مسرحاً كما يقولون ، فأين يجلس المتفرجون ؟
.................................
5-إشارة ممنوع المشي على الحشيش المزروع ، كيف وضعت في مكانها ؟؟
.....................................
6-البطيخ الذي لايحتوي بذور ، كيف تمت زراعته ؟
....................................
7-نسمع كثيراً عن سرعة الضوء ، طيب كم تبلغ سرعة العتمة ؟؟
......................................
8-لماذا لا يصنعون طعام القطط بنكهة الفئران ؟
.......................................
9-لماذا يعقمون الإبرةالسامة لقتل المحكوم عليهم بالإعدام ؟؟؟؟
........................................
لماذا كان الطيارون الانتحاريون اليابانيون
( الكاميكاز ) يرتدون خوذة واقية ؟
........................................
إذا كان السوبر ماركت
يفتح لمدة أربعا وعشرين ساعة
في اليوم لمدة عامٍ كامل ،
فلماذا وضعت عليه الأبواب والأقفال؟؟
fagrmasr01
25-01-2010, 05:20 PM
ربنا يعينك يا ناصر ع الاسئلة دى

باذن الله بعد الماتش نلتقى هنا على خير
خلود
25-01-2010, 08:51 PM
ناصر انا جيت بس اسئلتى مش غلسه ولا حاجه

اصلا انا معرفش اكون غلسه

يلا بقى نصيبى كده الحمد لله

يلا سمى كده بالله واتفضل رد

انت انسان يعتمد عليه و لالا؟

مين اكتر انسان حاسس انه بيوقف جمبك ؟

عمرك الدنيا جت عليك ومعرفتش تعمل لها حاجه ؟

عمرك حسيت إنك ملكش مكان فيها وهيا مش بتعتك ؟

عمرك حبيبك بعد عنك وإنتا فى أمس الحاجه ليه ؟

عمرك حسيت إن حبيبك بيعد عنك وهو مبين غير كده ؟

عمرك شفت عمرك بيضيع أدامك وإنت واقف مش عارف تعمل إيه ؟

عمرك شفت نفسك إنسان تانى غير إلى تعرفه ؟

عمرك حبيتي تبكى ودمعتك مرضيتش تنزل ؟

عمرك إحتجت حبيتك وملقتيهوش معاك فى وقت ما إنتي محتاجه اوى ؟

عمرك حسيت إن أهم وأحب أصحاب ليك مش معاك ؟

عمرك حلمت إنك تسافر ويوم ما جت ساعة الرحيل حسيت إنك مش عاوز تسيب بلدك ؟

عمرك حبيت تحارب الدنيا وفجأه لقيت إنك ضعيف أوى أدمها ؟

عمرك حسيت إنك كنت فى الدنيا ديب وفجأه بقيت فرخه ؟

عمرك حسيت إنك محبط ومش عارف ليه ؟

عمرك لقيت حاجه غلط ولما جيت تصلحها خربتها أكتر ؟

عمرك شفت حبيبتك بترضيك وإنت مش عارف ترضيها ؟

عمرك وثقت فى حد وخانك وجرحك ؟

عمرك إديت سرك لحد وسابك فى الدنيا ومشى ؟

عمرك حبيت تتغيير والتغيري محبكش ؟

عمرك حلمت ترجع زى الاول ؟

عمرك حبيت تبقي تافه ؟

عمرك حبيت عشتك وعشتك محبتكش ؟

عمرك لقيت حبيبتك منفضالك وإنت مش عارف تنفض لها ؟

انسان اتعرفت عليه و مندمتش و لو لثانيه انك عرفته وواحد او واحدة بس بس

انسان غير حياتك كلها لللاسوء

انسان غير حياتك كلها للاحسن

لو فى يوم حبيبك قال لك انا بحبك اه لكن سهل انساك هيكون احساسك ايه ؟ و هيكون ردك عليه ايه ؟

اخبار ثقافه الضرب ايه معاك؟ يعنى الضرب اولا عندك و لا اخر ما ممكن تلجاي له الضرب ؟

ايه اكتر حاجه بتتمناه دلوقتى ؟

اوصفلى حالتك العاطفيه فى خمس كلمات

فى ليله من الليالى حسيت ان الدنيا معدش فيها خير ايه رايك فى الجمله دى ؟

انسان حبيته اكتر من نفسك بقى حته منك اسمه اتحفر فى قلبك صورته مبتفارقش عنيك

انسان اشتريته بالغالى و باعك بالرخيص خانك بعدما وعدك بالامان و السعاده و الراحه و كل

حاجه حلوه

تقول لمين مش هاممنى اللى فات بس اللى جاى هو اللى خايف منه خايف على نفسى من



الضياع خايف عليا من الوحده و عدم الثقه

تقول لمين من كتر الحب اللى حبتهولك خلاص كرهتك

بيعنى لك بكره ايه فى حياتك

هل انتي ضعيف امام شىء ما او شخص ما
لو حد قالك انه بيحبك وانت مبتحبوش هتعمل ايه؟؟ وهترد عليه ازاي؟؟ وهل هتتعامل معاه تاني؟؟ ولو اتعاملت معاه كصديق بس هو مش متقبل الوضع دا ودايما بيلمح لانه بيحبك هتعمل ايه؟؟
/ كم مرة انخدعت في حياتك؟؟ وامتى اكتر مرة حسيت انك انكسرت فيها من جواك؟؟
/بتخاف من الضلمة؟؟ههههههههههههههه
/ لو مثلا مثلا كان معاك الفانوس السحري والمفروض يتحققلك تلات امنيات ايه هي الامنيات دي؟؟وهل بتفضل تحقق امانيك عن طريق فانوس سحري ما تيجي واحدة واحدة؟

بصراحة كنت نفسى فى اسئلة غلسة قووووووووي بس بلاش بقى ههههههههههههههههه
اميرة حبى انا
25-01-2010, 08:51 PM
ايه ده بقى الاسئلة دى
فين الاسئلة اللى بجد يا شباب
الاسئلة اللى تعرفنا وتقربنا من شخصية استاذ نصر
nasr
25-01-2010, 10:11 PM
انشنطيه ياحاج /نصر
سوسو توتو تعالوا سلموا على خالتكوا أم شمر صلاة النبى صلاة النبى

أنشنطيه مصطفي بيه

أقول لك يا راجل أنت فين بدل ما تيجي ومعاك بيتين شعر .. تيجي ومعاك جوز جزم .. الله يسامحك
nasr
25-01-2010, 10:26 PM
انت فعلا يانصر اللى سرقت الغسيل بتاع ام احسان اللى ف اول دور عشان كده مسكينك يا نصر
طبعا عارف انى لماح وبفهمها وهى طايره اكمل نومى

أنصحك يا درش يا حبيبي تغطي ظهرك كويس وأنت نايم وأوعي تشرب حاجه بعد الساعه 7 مساء" .. علشان أم إحسان أيديها دابت من الغسيل .. كفايه يا درش ده أنت بتكلها وهي طايره ..أقصد تفهمها وهي طايره.
هههههههههههههههههههه
nasr
25-01-2010, 11:03 PM
1 - إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟

لأنه ما بيعرفش يقطع السلطه وبيكره الخضار السوتيه

2-أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟

بيزيد وحياتك وأنا قاعد وسايب ايدي

3-لماذا الصمغ الشديدالفعالية لا يلتصق بالأنبوب الذي يحتويه ؟

الإجابة معروفه بس الأفضل أن الأنبوب يقلها لك بنفسه.

4-إذا كان العالم مسرحاً كما يقولون ، فأين يجلس المتفرجون ؟

في الصاله بتاعت العالم طبعا"

5-إشارة ممنوع المشي على الحشيش المزروع ، كيف وضعت في مكانها ؟؟

أكيد بواسطة تاجر المخدرات اللي تعب في زرعه

6-البطيخ الذي لايحتوي بذور ، كيف تمت زراعته ؟

المسألة دي مسألة قدرات

7-نسمع كثيراً عن سرعة الضوء ، طيب كم تبلغ سرعة العتمة ؟؟

اول ما النور يقطع حعرف الإجابه وأقول لك

8-لماذا لا يصنعون طعام القطط بنكهة الفئران ؟

ده برضه كان رأي القطط

9-لماذا يعقمون الإبرةالسامة لقتل المحكوم عليهم بالإعدام ؟؟؟؟

علشان الأبرة المسكينة متتعديش

لماذا كان الطيارون الانتحاريون اليابانيون
( الكاميكاز ) يرتدون خوذة واقية ؟

لأن اليابانيون دمغهم خفيفة في الشرب .. أقصد في الإنتحار

إذا كان السوبر ماركت
يفتح لمدة أربعا وعشرين ساعة
في اليوم لمدة عامٍ كامل ،
فلماذا وضعت عليه الأبواب والأقفال؟؟

علشان صلاة الجمعة
nasr
25-01-2010, 11:08 PM
ربنا يعينك يا ناصر ع الاسئلة دى

باذن الله بعد الماتش نلتقى هنا على خير

حبيبي يا حاج / جمال

ربنا ما يحرمناش منك
مصطفى مامون
25-01-2010, 11:45 PM
الاسئله بتاعتى ياناصر عقلانيه وخفيفه وبسيطه
1-ما هو النادى اللى بتشجعه وياريت يبقى الزمالك
2-مطرب بيفرحك لما تسمعله
3- اكتر مطربه بتحبهاواكتر اغنيه مرتبط بيها
4-اصلك الريفى منين
5-بأمانه بتشخر وانت نايم
6-ما طبيعة عملك وهل تحبه
7-ماذا تقول ل صلاح جاهين- بيرم - ام كلثوم الشعراوى- نجيب محفوظ -السادات
8-اكتر قصيده عجبتك انت كتبتها
9-شخص تمنيت انك تكون مكانه فى لحظه معينه
10-موقف تمنيت الا تقع فيه لشخص اخر
11-بلد تمنيت تعيش فيها لومش موجوده مصر
12-افضل رئيس لقلبك مش مصرى
13-افضل ممثل كوميدى قديم وجديد
14-لاعب تمنيت يكون فى ناديك بيلعب
15-شخصيه فى المنتدى تمنيت معرفتها عن قرب
16-افضل فيلم شاهدته وحاسيت انه له قيمه
17-سوره فى القرأن تحس انها قريبه من قلبك جدا
18-مقوله تؤمن بها واخرى لاتعترف بها
19-صفه ليست موجوده فيك تمنيتها
20- صفه موجوده فيك تمنيت ان تبعد عنك
21-موقف اسعدك جدا واخر احزنك (عام)
22-موقف اسعدك جدا واخر احزنك (شخصى)
23- افضل فصول السنه لقلبك وافضل الايام
24- حيوان تحبه واكله تفضلها
اى خدمه يا نصر مفيش احسن من كده
nasr
26-01-2010, 12:53 AM
يلا سمى كده بالله واتفضل رد

بسم الله


انت انسان يعتمد عليه و لالا؟

الحمد لله أنا إنسان يعتمد عليه


مين اكتر انسان حاسس انه بيوقف جمبك ؟

زوجتي


عمرك الدنيا جت عليك ومعرفتش تعمل لها حاجه ؟

كتييييييييييير طالما الجنسية مصري


عمرك حسيت إنك ملكش مكان فيها وهيا مش بتعتك ؟

لا لأني مؤمن أن المشكلة فينا مش فيها


عمرك حبيبك بعد عنك وإنتا فى أمس الحاجه ليه ؟

حبيبك إزاي !!! أمال الندل يبقي أسمه أيه


عمرك حسيت إن حبيبك بيعد عنك وهو مبين غير كده ؟

لا لا لا الحمد لله


عمرك شفت عمرك بيضيع أدامك وإنت واقف مش عارف تعمل إيه ؟

نظره واحده في عين إبني كافيه لإنتزاع الحمد علي ما ضاع من العمر


عمرك شفت نفسك إنسان تانى غير إلى تعرفه ؟

عند الغضب بكون واحد تاني


عمرك حبيت تبكى ودمعتك مرضيتش تنزل ؟

لالالا .. ما ليش في السيكو ده



عمرك إحتجت حبيتك وملقتيهوش معاك فى وقت ما إنتي محتاجه اوى ؟

لا الحمد لله حبيبتي بجانبي دايما"


عمرك حسيت إن أهم وأحب أصحاب ليك مش معاك ؟

كتيييير ولكن مبزعلش لأن دي سنة الحياة


عمرك حلمت إنك تسافر ويوم ما جت ساعة الرحيل حسيت إنك مش عاوز تسيب بلدك ؟
فعلا" رفضت العمل بالخارج كتير لإرتباطي الأبدي بمصر

عمرك حبيت تحارب الدنيا وفجأه لقيت إنك ضعيف أوى أدمها ؟

الدنيا دنيا بفتح الدال وكسر النون ما تستاهلش تتحارب


عمرك حسيت إنك كنت فى الدنيا ديب وفجأه بقيت فرخه ؟

يا أستاذه .. في مصر كلنا فراخ وفراخ من المضروبة كمان


عمرك حسيت إنك محبط ومش عارف ليه ؟

لا.. ببقي محبط وعارف ليه وأعتقد كلنا عارفين ليه


عمرك لقيت حاجه غلط ولما جيت تصلحها خربتها أكتر ؟

لا .. الحمد لله فالمسلم الحق كيس فطن مش كيس قطن


عمرك شفت حبيبتك بترضيك وإنت مش عارف ترضيها ؟



كتير ولو عشت عمر فوق عمري مش حاعرف أديها حقها


عمرك وثقت فى حد وخانك وجرحك ؟

لا لأنني لم أعطي ثقتي بسهولة لأي حد


عمرك إديت سرك لحد وسابك فى الدنيا ومشى ؟

أنا معنديش أسرار جامده قوي أديها لحد


عمرك حبيت تتغيير والتغيري محبكش ؟

أنا راجل وأبن راجل وعمري ما حقلب ولا حأتغير


عمرك حلمت ترجع زى الاول ؟

نعم .... في الرياضة


عمرك حبيت تبقي تافه ؟

أعوذ بالله .. ليه كده


عمرك حبيت عشتك وعشتك محبتكش ؟

اللي يقول يا رب دايما" يكسب



عمرك لقيت حبيبتك منفضالك وإنت مش عارف تنفض لها ؟

أرجوكي بلاش شغل السجاجيد ده


انسان اتعرفت عليه و مندمتش و لو لثانيه انك عرفته وواحد او واحدة بس بس

زوجتي


انسان غير حياتك كلها لللاسوء

لا يوجد


انسان غير حياتك كلها للاحسن

زوجتي


لو فى يوم حبيبك قال لك انا بحبك اه لكن سهل انساك هيكون احساسك ايه ؟ و هيكون ردك عليه ايه ؟

إتقل إتقل عاللي بينسي ولا تسألشي عليه


اخبار ثقافه الضرب ايه معاك؟ يعنى الضرب اولا عندك و لا اخر ما ممكن تلجاي له الضرب ؟

بكرهه عمي لأنه سمة الإنسان الضعيف


ايه اكتر حاجه بتتمناه دلوقتى ؟

أن النور ما يقطعشي قبل ما اعتمد المشاركة


اوصفلى حالتك العاطفيه فى خمس كلمات

راضي بحالي وحابب مراتي وعيالي


فى ليله من الليالى حسيت ان الدنيا معدش فيها خير ايه رايك فى الجمله دى ؟

جمله صحيحة فالدنيا فعلا" خيرها بيقل ودي سنة الحياه


انسان حبيته اكتر من نفسك بقى حته منك اسمه اتحفر فى قلبك صورته مبتفارقش عنيك

بدون مجاملة ( زوجتي )



انسان اشتريته بالغالى و باعك بالرخيص خانك بعدما وعدك بالامان و السعاده و الراحه و كل حاجه حلوه

مبارك لكي هذا السؤال


تقول لمين مش هاممنى اللى فات بس اللى جاى هو اللى خايف منه خايف على نفسى من الضياع خايف عليا من الوحده و عدم الثقه

لمصر


تقول لمين من كتر الحب اللى حبتهولك خلاص كرهتك

لايوجد

بيعنى لك بكره ايه فى حياتك

الأمل


هل انت ضعيف امام شىء ما او شخص ما

المرض خصوصا" لما يصيب حد بحبه


لو حد قالك انه بيحبك وانت مبتحبوش هتعمل ايه؟؟

أحاول أفهمه بلباقة ولن اخدعه أو أوهمه

وهترد عليه ازاي؟؟

أنا يسعدني صداقتك ومحتاج لعقلك أكتر من قلبك
وعلي فكرة أنا طول عمري بأختار أصدقائي بعنايه
وفعلا" أنا محتاجلك كصديق

وهل هتتعامل معاه تاني؟؟

إن أقتنع وكان جدير بصداقتي له وما عاشي في الوهم

ولو اتعاملت معاه كصديق بس هو مش متقبل الوضع دا ودايما بيلمح لانه بيحبك هتعمل ايه؟؟

أنسحب شيئا" فشيئا" بهدوء وبدون تجريح ولا أعود

كم مرة انخدعت في حياتك؟؟

أنا بتكعبل كتير في نصابين لكن ربنا بيكشفهم لي

وامتى اكتر مرة حسيت انك انكسرت فيها من جواك؟؟

يوم وفاة والدي

بتخاف من الضلمة؟؟

لا بس بكرهها

لو مثلا مثلا كان معاك الفانوس السحري والمفروض يتحققلك تلات امنيات ايه هي الامنيات دي؟؟

الرضا - الستر -الصحة

وهل بتفضل تحقق امانيك عن طريق فانوس سحري ما تيجي واحدة واحدة؟

تتحقق عن طريق فانوس أو عن طريق المحور المهم تتحقق
nasr
26-01-2010, 12:20 PM
1-ما هو النادى اللى بتشجعه وياريت يبقى الزمالك
الأهلي طبعا" لكن بحب الزمالك كرمز كبير

2-مطرب بيفرحك لما تسمعله
سلطان الطرب (محمد عبد المطلب )

3- اكتر مطربه بتحبهاواكتر اغنيه مرتبط بيها
فيروز - ( زهرة المدائن - شادي )

4-اصلك الريفى منين
تحيا جمهورية مصر المنوفية

5-بأمانه بتشخر وانت نايم
لا .. الحمد لله

6-ما طبيعة عملك وهل تحبه
محاسب - نعم أحبه

7-ماذا تقول ل
صلاح جاهين: إبداعك يلازمني كظلي

بيرم : كلماتك العاميه صرعت الفصحي دون رحمه

ام كلثوم : الله يرحم إبداعك

الشعراوى: ما أجملك حيا" وما أجملك ميتا"

نجيب محفوظ : أقرا لك فأشعر أن قلمك ألة تصوير

السادات : عبقريتك صرعت اليهود فكتبت لك الشهادة

8-اكتر قصيده عجبتك انت كتبتها
في حب مصر

9-شخص تمنيت انك تكون مكانه فى لحظه معينه
مكان المحظوظ اللي رفع العلم المصري يوم إستلام طابا

10-موقف تمنيت الا تقع فيه لشخص اخر
موقف هشام طلعت مصطفي

11-بلد تمنيت تعيش فيها لومش موجوده مصر
الإمارات

12-افضل رئيس لقلبك مش مصرى
محمد علي ( ألباني )

13-افضل ممثل كوميدى قديم وجديد
نجيب الريحاني = أسماعيل يس / سمير غانم

14-لاعب تمنيت يكون فى ناديك بيلعب
ميسي

15-شخصيه فى المنتدى تمنيت معرفتها عن قرب
الحاج / جمال

16-افضل فيلم شاهدته وحاسيت انه له قيمه
الناصر صلاح الدين

17-سوره فى القرأن تحس انها قريبه من قلبك جدا
أجمل القصص ( سورة يوسف )

18-مقوله تؤمن بها واخرى لاتعترف بها
1 - إذا أراد الله نشر فضيلة أتاح لها لسان حسود.
2 - إن زيادة السكان مشكلة مصر (أين نحن من الصين )

19-صفه ليست موجوده فيك تمنيتها
الصبر
20- صفه موجوده فيك تمنيت ان تبعد عنك
الحساسيه المفرطه

21-موقف اسعدك جدا واخر احزنك (عام)
أسعدني إجتماع الدول من أجل مستقبل كوكبنا
ويحزنني تجاهل النظام لألام المصريين .

22-موقف اسعدك جدا واخر احزنك (شخصى)
- لحظة ولادة أحمد إبني
- يحزنني ترويع المسلم لأخيه المسلم وما أكثر..

23- افضل فصول السنه لقلبك وافضل الايام
فصل الربيع - يوم الجمعة

24- حيوان تحبه واكله تفضلها
الحيوان : الكلاب البلدي ( لخفة دمها )
الأكله : الفراخ المشوية علي الفحم
اميرة حبى انا
26-01-2010, 05:33 PM
بجد حسيت بالصدق والتلقائية والبساطة وانا اقرأ اجاباتك
سعيدة جدا بوجودك على الكرسى
واتمنالك اقامة سعيدة
fagrmasr01
26-01-2010, 05:54 PM
اخويا وصديقى الغالى ناصر
اكرمك الله الذى احببتنى فيه
وانا فعلا باحبك فى الله وفخور جدا بصداقتك وأخوتك
واتمنى تدوم فى الله الى ان نلتقى فى يوم الدين فى ظل الله عز وجل يوم لاظل الا ظله ولا باقٍ الا وجهه .. آمين

اعتذر عن تأخيرى فى توجيه الاسئلة
واليك بعضا مما اتمنى معرفته

مين الشاعر الى بتحبه اوى ... فى العامية / وفى الفصحى
ياريت بيتين شعر من كل واحد فيهم

مين الكاتب الى بتحب تقرا له فى الادب .. وايه اكتر حاجة عجبتك فى كتاباته

ايه هى القناة الفضائية الى بتحب تتفرج عليها عموما / وفى النشرة خصوصا

مين المذيع/ المذيعة الى بتحب تتفرج على برامجه

ايه افضل موقع بتحب تدخله على النت غير اكتوبر

ايه احسن موضوع عجبك هنا ومين صاحبه

لو جاتلك الفرصة تكون مكان بان كى مون سكرتير عام الأمم المتحدة
ايه القرارين اللى ممكن تصدرهم لو ان عندك فرصة تصدر قرارين فقط

لو مكان وزير التعليم .. ايه القرار اللى ممكن تصدره .. لو عندك فرصة قرار واحد

لو عينوك رئيس للوزارة .. تختار تفصل مين من الوزراء فورا..
ومين من الوزراء تقول له ان امامه اخر فرصة

ايه اكتر شئ عاجبك فى منتدى اكتوبر

ايه اكتر شئ مش عاجبك فى منتدى اكتوبر

مين يستحق الاوسمة التالية من أعضاء منتدانا :
وسام العضو النشيط
وسام العضو الذكى
وسام العضو المرح
وسام صاحب احسن موضوع
وسام صاحب احسن ردود
وسام صاحب احسن صور
وسام صاحب اطيب قلب
وسام صاحب اشرس قلب
وسام العضو المشاغب
وسام العضو الحاد الجاد

لو معك انذارين... وكارت احمر .. تديهم لمين

ايه احسن بيت فى اشعارك انت


اعتذر عن الاطالة
واشكرك مقدما يا صديقى العزيز
nasr
27-01-2010, 10:02 AM
بجد حسيت بالصدق والتلقائية والبساطة وانا اقرأ اجاباتك

سعيدة جدا بوجودك على الكرسى
واتمنالك اقامة سعيدة

أشكرك لإهتمامك وردك الذي يخفف من حرارة الكرسي
nasr
27-01-2010, 11:37 AM
مين الشاعر الى بتحبه اوى ... فى العامية / وفى الفصحى
ياريت بيتين شعر من كل واحد فيهم
العامية ( صلاح جاهين )
دخل الشتا وقفل البيبان ع البيوت
وجعل شعاع الشمس خيط عنكبوت
دي حاجات كتير بتموت في ليل الشتا
وحاجات اكتر بترفض تموت.. عجبي
الفصحي
ولدتك أمك باكيا" مستشرقا".. والناس حولك يضحكون سرورا
فاعمل لنفسك أن تكون إذا بكوا في يوم موتك ضاحكا" مسرورا


مين الكاتب الى بتحب تقرا له فى الادب .. وايه اكتر حاجة عجبتك فى كتاباته
يوسف السباعي .. السقا مات


ايه هى القناة الفضائية الى بتحب تتفرج عليها عموما
National Geography


وفى النشرة خصوصا
الجزيرة


المذيع
أحمد المسلماني


المذيعة
ريهام السهلي



ايه افضل موقع بتحب تدخله على النت غير اكتوبر
اليوم السابع



ايه احسن موضوع عجبك هنا ومين صاحبه
أرقام وحقايق مؤلمه - خلود


لو جاتلك الفرصة تكون مكان بان كى مون سكرتير عام الأمم المتحدة
ايه القرارين اللى ممكن تصدرهم لو ان عندك فرصة تصدر قرارين فقط
1 - أفتح ملف القنابل الفوسفورية لمحاسبة مجرمي الحرب.
2 - أفتح ملف إرتفاع درجة حرارة الأرض لمعاقبة أمريكا .


لو مكان وزير التعليم ايه القرار اللى ممكن تصدره
أهتم بالتربية أولا" ثم أطور التعليم بعدها


لو عينوك رئيس للوزارة .. تختار تفصل مين من الوزراء فورا..
وزير الصحة


ومين من الوزراء تقول له ان امامه اخر فرصة
وزير الخارجية



ايه اكتر شئ عاجبك فى منتدى اكتوبر
التنوع


ايه اكتر شئ مش عاجبك فى منتدى اكتوبر
لا يوجد


مين يستحق الاوسمة التالية من أعضاء منتدانا :


وسام العضو النشيط
أميره


وسام العضو الذكى
محمود التهامي


وسام العضو المرح
محمود عبد الله


وسام صاحب احسن موضوع
خلود


وسام صاحب احسن ردود
الباشا تلميذ


وسام صاحب احسن صور
قمر


وسام صاحب اطيب قلب
فجر مصر


وسام صاحب اشرس قلب
خليها في سرك


وسام العضو المشاغب
محمود عبد الله


وسام العضو الحاد الجاد
أحمد مختار


لو معك انذارين... وكارت احمر .. تديهم لمين


الإنذارين : للسلبية والامبالاه
الكارت الأحمر : للفساد
هههههههههههه



ايه احسن بيت فى اشعارك انت
في حب مصر
قلبي وقلبك يا أســـــــــــــتاذي مليان بحبها
والعقل دوغري يخاصم لو لحظه خاصمتها
fagrmasr01
27-01-2010, 01:03 PM
يارب يخليك ويزيدك يا ناصر
كل اجاباتك زى العسل

ربنا يكرمك يارب كمان وكمان
آمين
nasr
27-01-2010, 02:02 PM
يارب يخليك ويزيدك يا ناصر

كل اجاباتك زى العسل


ربنا يكرمك يارب كمان وكمان

آمين

والله إنت اللي زي العسل يا حاج جمال
ومن الأسباب الرئيسية لحبي هذا المنتدي
ربنا ما يحرمنا منك .. أمين
اميرة حبى انا
27-01-2010, 07:02 PM
السلام عليكم

1- أين تقضي كل وقتك ... ؟
2- أين تجد راحة البال ... ؟
3- أين تجد نفسك في البيت ... ؟
4- من علمته الرماية فرماك ... ؟
5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟
6- من هو صديقك الصدوق ... ؟
7- من أى شئ تغضب ... ؟
8- متى تبكي بحرقه ... ؟
9- متى تجلس لوحدك ... ؟
10- متى تقول لا ... ؟
11- متى تكون أناني ... ؟
12- كيف تعيش يومك ... ؟
13- كيف ترى حال الأمة اليوم ... ؟
14- كيف تنظر لمستقبلك ... ؟
15- كيف تنظر للمرأة ... ؟
16- في عصر العولمة الحالي (( ما رأيك في حب الإنترنت )) ... ؟
17- يقال أن الحب يمحو جميع العيوب والأخطاء في المحبوب (( ما تعليقك )) ... ؟
18- ما هو سر نجاحك في الحياة ... ؟
19- ما أجمل مافي الحياة في نظرك... ؟
20- هل أنت عاطفي ... ؟
21- هل صدمت بالخيانة من أعز أحبابك ... ؟
22- هل أنت فوضوي ... ؟
23-العضو اللي تتمنى تشوف شكله هو ........
24-العضو اللي نفسك تعطيه كف هزار ........

25-العضو اللي نفسك تعطيه كف (((مش)))هزار.......
26-عضو تلقبه بسوبر ستار شباب المنتدى......

27-عضوه تلقبها بسوبر ستار صبايا المنتدى.........

28-عضو تقوله (ياغايب ليه ماتسأل).........

29-عضو تقوله(والله العظيم اشتقنالك).........

30-عضو تقوله الله يجزيك خير ويعطيك العافيه.......

31-عضو اتقولوا انااسف بحقك .........

32-عضو تقوله (خير ان شاءالله)..........

33-عضو تقوله الله يسهل لك .........

34-عضو ارتحت له من اول ماشفت اسمه بالمنتدى.......

35-عضو اول ماشفته ماكنت تطيقه ويوم عرفته حبيته......

36-عضو تتخيل شكله وتقول متخيل ايه............

37-عضو طيب على نياته......

38-عضو شعبيته كبيره ومحبوب عند غالب الاعضاء........

39-عضو تحسه برييء براءه اطفال........

40-(الثقل والركاده والرزانه والهدوء والوناسه)تجتمع في العضو........

41-عضو مثقف.....

42-عضو مرح ....

43-عضو شاعر......

44-عضو زووووء .........

45- عضو تهديه هديه وايه هي الهديه .........

46-عضو تهديه اغنيه وايه هي الاغنيه .............

47-عضو تهديه بيت شعر وايه هو بيت الشعر ...............
48-ما الفرق بين شخصيتك في النت وخارج النت؟
49- ماهو مبدئك في الحياة
50- ماهو الطموح الذي تريد ان توصل اليه
51- ماهي امنيتك في الحياة
52-ما اجمل مرحلة دراسية مرت في حياتك وتتمنى ترجع لها ..؟
53-ماذا تعني لك الصداقة؟
54-ماذا تمثل لك الاشياء التاليه
/القمر
الحب
الصداقه
البحر
الدراسه

55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,

الشخصية المثقفة ....

الشخصية الاجتماعية ....

الشخصية المبدعة ....

الشخصية الفوضوية ....

الشخصية المشاغبة ....

الشخصية الهادئة ...

الشخصية العبقرية ...

الشخصية الانيقة ....

الشخصية الدبلوماسية ....

الشخصية المرحة ....

الشخصية الساخرة ...

الشخصية البريئة ....

الشخصية الحادة ....

الشخصية الحنونة ....
56 -من هو العضو الي يسعدك تواجده بالمنتدى؟

57- من هو العضو الي يضايقك وجوده بالمنتدى؟ بصراحة
58- كيف يعتذر الرجل عامة؟ وكيف يعتذر "نصر" خصوصا؟

59- أشياء لا تحب ان تتكلم عنها مع إي شخص؟
60-ما الفرق بين شخصيتك في النت وخارج النت؟
****** هل اضطررت الى الكذب في أحد أسئلة كرسي الاعتراف؟؟
مصطفى مامون
27-01-2010, 11:21 PM
جميله ردودك يانصر ودمها خفيف وعندك حضور
انا سعيد بيك رفعت راس الشعراء
تسلم ايدك يااستاذ/خليفههههههههههههههههههه
nasr
28-01-2010, 12:51 AM
جميله ردودك يانصر ودمها خفيف وعندك حضور
انا سعيد بيك رفعت راس الشعراء

ده من ذوقك يا درش وربنا يجعلني أفضل مما تظنون
وأنا اللي سعيد بكم جميعا" ورأسي مرفوعه بإنتمائي لكم ولأسرة هذا المنتدي الجميل .
اميرة حبى انا
28-01-2010, 12:39 PM
طب فين ردك على اسئلتى
هى اسئلتى وحشة كده
انا قربت اعيط
nasr
28-01-2010, 12:45 PM
السلام عليكم
وعليكم السلام ورحمة الله وبركاته



1- أين تقضي كل وقتك ... ؟
من البيت للشغل ومن الشغل للبيت


2- أين تجد راحة البال ... ؟
في الصلاة


3- أين تجد نفسك في البيت ... ؟
on the sofa


4- من علمته الرماية فرماك ... ؟
لا أحد


5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟
المنتدي كله بمن فيه


6- من هو صديقك الصدوق ... ؟
زوجتي


7- من أى شئ تغضب ... ؟
من الحماقة


8- متى تبكي بحرقه ... ؟
عند الظلم الشديد


9- متى تجلس لوحدك ... ؟
لما أكون متنرفز


10- متى تقول لا ... ؟
عند حرمات الله


11- متى تكون أناني ... ؟
لم ولن أكن



12- كيف تعيش يومك ... ؟
بالطول والعرض


13- كيف ترى حال الأمة اليوم ... ؟
في غيبوبة


14- كيف تنظر لمستقبلك ... ؟
بترقب


15- كيف تنظر للمرأة ... ؟
بعين الرحمه فهي أمي وأختي وزوجتي وإبنتي


16- في عصر العولمة الحالي (( ما رأيك في حب الإنترنت )) ... ؟
زي حب العزيز بس مش غني ولذيذ


17- يقال أن الحب يمحو جميع العيوب والأخطاء في المحبوب (( ما تعليقك )) ... ؟
نعم يمحو كل العيوب لكن الأخطاء .. أشك


18- ما هو سر نجاحك في الحياة ... ؟
العقلانية


19- ما أجمل مافي الحياة في نظرك... ؟
أجمل ما فيها العشق والمعشقة
وشــــــــويتن الضحك والتريقة
شـفت الحياه..لفيت.. لقيت الألذ
تغيرها.. وده يعني التعب والشقا
الله يرحمك يا صلاح يا جاهين


20- هل أنت عاطفي ... ؟
نعم ولكن لي حدود


21- هل صدمت بالخيانة من أعز أحبابك ... ؟
لا الحمد لله


22- هل أنت فوضوي ... ؟
لا أعتقد


23-العضو اللي تتمنى تشوف شكله هو ........
مصطفي مأمون


24-العضو اللي نفسك تعطيه كف هزار ........
أكره الهزار بالأيد


25-العضو اللي نفسك تعطيه كف (((مش)))هزار.......
لا لا.. انا متربي يا هانم


26-عضو تلقبه بسوبر ستار شباب المنتدى......
الباشا



27-عضوه تلقبها بسوبر ستار صبايا المنتدى.........
أميره


28-عضو تقوله (ياغايب ليه ماتسأل).........
الفارس


29-عضو تقوله(والله العظيم اشتقنالك).........
أسامه 22


30-عضو تقوله الله يجزيك خير ويعطيك العافيه.......
فجر مصر


31-عضو اتقولوا انااسف بحقك .........
أي عضو شعر إني أخطأت في حقه



32-عضو تقوله (خير ان شاءالله)..........
أي عضو وقع عليه فنجان القهوة



33-عضو تقوله الله يسهل لك .........
عفيفي .. أوعي القشطه



34-عضو ارتحت له من اول ماشفت اسمه بالمنتدى.......
فجر مصر



35-عضو اول ماشفته ماكنت تطيقه ويوم عرفته حبيته......
لا يوجد



36-عضو تتخيل شكله وتقول متخيل ايه............
فجر مصر .. أتخيله راجل مصري طيب ممكن تتكعبل فيه في أتوبيس أو تاكسي أو مترو الأنفاق تراه عادي وبسيط .. تقترب منه تشعر أنك عارفة من سنين .. تتكلم معاه تبقي نفسك المشوار يطول عشان تستمتع بيه أكبر وقت ممكن .



37-عضو طيب على نياته......
أم العيال طيبه جدا"



38-عضو شعبيته كبيره ومحبوب عند غالب الاعضاء........
أميره


39-عضو تحسه برييء براءه اطفال........
دي دي


40-(الثقل والركاده والرزانه والهدوء والوناسه)تجتمع في العضو........
فجر مصر



41-عضو مثقف.....
ابراهيم البشبيشي



42-عضو مرح ....
محمود عبدالله



43-عضو شاعر......
فجر مصر



44-عضو زووووء .........
كل الأعضاء



45- عضو تهديه هديه وايه هي الهديه .........
محمود عبد الله .. سيارة لعبة ب2.5وتعالي بص


46-عضو تهديه اغنيه وايه هي الاغنيه .............
فجر مصر .. شفت حبيبي ( لعبد المطلب )



47-عضو تهديه بيت شعر وايه هو بيت الشعر ...............
مصطفي مأمون
أوصـــيك يا درش ما الصباح للعصر
تحب بيتك .. مراتك تخليهولك قصر
وإن جيت في بالك بعد موتي بســنين
يومها تقولها قوام يا ربي إرحم نصر


48-ما الفرق بين شخصيتك في النت وخارج النت؟
نفس الشخصية


49- ماهو مبدئك في الحياة
أكون أو لا أكون


50- ماهو الطموح الذي تريد ان توصل اليه
أترك ورائي ذرية صالحة


51- ماهي امنيتك في الحياة
السعاده أو الشهاده


52-ما اجمل مرحلة دراسية مرت في حياتك وتتمنى ترجع لها ..؟
الثانوية


53-ماذا تعني لك الصداقة؟
الإنصاف


54-ماذا تمثل لك الاشياء التاليه
القمر
قدرة الخالق


الحب
عطاء للأفضل


الصداقه
ما قلنا الإنصاف


البحر
الفرحه


الدراسه
ذكريات سعيده


55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,


الشخصية المثقفة ....
ابراهيم البيشبيشي



الشخصية الاجتماعية ....
ام العيال



الشخصية المبدعة ....
فجر مصر = أميرة = خلود



الشخصية الفوضوية ....
لالالا .. مفيش



الشخصية المشاغبة ....
زبيده ثروت



الشخصية الهادئة ...
وردة الإيمان



الشخصية العبقرية ...
محمود التهامي



الشخصية الانيقة ....
سعد ربيع



الشخصية الدبلوماسية ....
الفارس



الشخصية المرحة ....
محمود عبد الله



الشخصية الساخرة ...
محمد بوك



الشخصية البريئة ....
دي دي



الشخصية الحادة ....
أحمد بيه مختار ( حاد جدا" وطيب جدا" كله جدا"جدا" )


الشخصية الحنونة ....
عفيفي


56 -من هو العضو الي يسعدك تواجده بالمنتدى؟
أميره .. بحس إننا قاعدين في بيتها



57- من هو العضو الي يضايقك وجوده بالمنتدى؟
لا والله ولا واحد



58- كيف يعتذر الرجل عامة؟ وكيف يعتذر "نصر" خصوصا؟
يعتذر الرجال كما يعتذر" نصر"
ويعتذر" نصر" بالأسف أو بالهدايا



59- أشياء لا تحب ان تتكلم عنها مع إي شخص؟.
حياتي الشخصية


60-ما الفرق بين شخصيتك في النت وخارج النت؟
السؤال مكرر



****** هل اضطررت الى الكذب في أحد أسئلة كرسي الاعتراف؟؟
ممكن أكون هزرت أو خاني التعبير لكن أكذب .. أهو ده اللي مش ممكن أبدا" ده كان بابا قطعني
اميرة حبى انا
28-01-2010, 02:53 PM
ههههههههههههههههههههه
اجاباتك جميلة جدا
ومتخافش بابا مبسوط منك ومش هيقطعك ولا حاجة
وميرسى جدا انك كتبت اسمى كام مرة
وصدقنى المنتدى ده بيتنا كلنااااااااااااا
fagrmasr01
28-01-2010, 03:12 PM
مش عارف اشكرك ازاى يا نصر على رقتك ومجاملتك الحلوة لاسمى عدة مرات
بالفعل انت اخ عزيز وغالى لله وفى الله
وفخور جدا وسعيد والله باخوتك وباخلاقك الطيبة وروحك الجميلة
يارب يبارك لك ويكرمك ويجازيك عنى كل خير
يارب تدوم اخوتنا لله وفى الله الى ان نلقاه
آمين
nasr
28-01-2010, 06:08 PM
ههههههههههههههههههههه

اجاباتك جميلة جدا
ومتخافش بابا مبسوط منك ومش هيقطعك ولا حاجة
وميرسى جدا انك كتبت اسمى كام مرة
وصدقنى المنتدى ده بيتنا كلنااااااااااااا

ميرسي علي أيه ده أقل من حقك بكتير وعلي فكرة التجربة جميلة جدا" والأجمل منها الإحترام والتقدير الذي تتميز به أسرة المنتدي .
nasr
28-01-2010, 06:17 PM
مش عارف اشكرك ازاى يا نصر على رقتك ومجاملتك الحلوة لاسمى عدة مرات



أنا كل كلمة قلتها في حقك حقيقية وطالعه من قلبي ويشهد عليها رب العالمين .
فأنت أغني وأكبر من كلمة إطراء أو مجاملة وأشهد الله وجميع من في منتدانا الجميل أنني أحبكم في الله وأتمني أن يكرمنا المولي عز وجل دنيا وأخره ولا يحرمنا من حبه وحب من يحبه وحب كل عمل يقربنا الي حبه.. أمين
afifi mustafa
28-01-2010, 10:09 PM
شكرا يا استاذ / ناصر وربنا يديم عليك وعلى اولادك الصحة والسعادة



قول امين
خلود
29-01-2010, 01:50 AM
طيب انت تقصد الشخصيه المشاغبه انا يعنى
ميرسى ميرسى ميرسى
3 شكرم

ماشى يانصر

الايام بينا

على فكره اجاباتك جميله جدا وتلقائيه اوى وعسوله خالص

بس برضو لن انسى لك اللى عملته فى يانصر
nasr
29-01-2010, 11:18 PM
شكرا يا استاذ / ناصر وربنا يديم عليك وعلى اولادك الصحة والسعادة



قول امين

العفو يا أخي وبقول أمين .. أمين .. أمين
تكرمني يا رب أنا وعفيفي أمير المحققين
nasr
29-01-2010, 11:43 PM
طيب انت تقصد الشخصيه المشاغبه انا يعنى

ميرسى ميرسى ميرسى
3 شكرم


ماشى يانصر


الايام بينا


على فكره اجاباتك جميله جدا وتلقائيه اوى وعسوله خالص


بس برضو لن انسى لك اللى عملته فى يانصر


شكرم شكرم شكرم لمرورك الكريم

وأنا ما عملتش غير الواجب .

هههههههههههه
اميرة حبى انا
30-01-2010, 02:38 AM
استاذ نصر
حقيقى اسعدتنا جدا جدا
باجاباتك ودمك الخفيف وصراحتك
بجد كان اسبوع جميل جدا
اشكرك
ونلتقى مع ضيف اخر قريبا باذن الله