النقد البناء .... يبنينى ويدعمنى

[fagrmasr01]

النقد البناء .. يبنينى .. ويدعم قدراتى
يزيدنى بهاء .. ويقوى معانى كلماتى
لا اطلب الثناء .. بل نقداً منك لأبياتى
صف لىَّ دواء .. يعالج سقطة زلاتى
كن لىَّ الضياء .. نوراً يبدد ظلماتى


اخواتى واخوانى المبدعين
هو رجاء ان ننتقل بابداعاتنا الى حيث الخطوتين الصحيحتين المطلوبتين فى عالم المبدعين الرائع المشرق بنور جمال الابداعات


... خطوتى النقد ...
1 - شجاعة وحكمة توجيه النقد البناء بقصد تحسين العمل الابداعى
2 - تقبل النقد بصدر رحب يتفهم ان الهدف هو تقوية ابداعك ودعمه


فهل تقبل ... ان تمد يدك الىَّ لتساعدنى .. بأن تتكرم بتوجيه نقدك لكلماتى
وهل توافق .. ان انتقدك وأن أوجه اليك النصيحة بحبٍ وود


مين يقبل ؟
و
مين يوافق ؟


اتمنى التفاعل
:50 (31):

[fagrmasr01]

وعن نفسى فإننى اول المرحبين بمن ينتقد اشعارى ومواضيعى
واقترح ان يكون النقد .. على سبيل المثال لا الحصر...
1 - نقد الفكرة العامة من حيث وضوحها واستكماله
2 - نقد الشكل العام الجمالى من حيث الاسترسال والتسلسل والانسيابية والجرس الموسيقى والتفعيلات
3 - نقد بعض الكلمات غير الواضحة فى معانيها ولو على سبيل الاستفهام او الرفض او اقتراح التبديل
4 - نقد البحور والقوافى فى الشعر النمطى
5 - اقتراح تبديل شطر او جملة او بيت

[مصطفى مامون]

كم انت رائع ا/جمال وكم دعوتك رائعه وكم انا أؤيدها
بل اتحمس لفكرتها ولكن ليكن بيننا ميثاق شرف بعدم الزعل يسجل فى صفحتك هذه ونشهد عليه من
يريد ان يشارك فى الدعوه ومن لا يريد لاينظر لموضوعاته ونعتبره يكتبها وغير معرضه للنقد

[مصطفى مامون]

ميثاق1/انا مصطفى مأمون ارحب بأى نقد بناء
بدون غضب او زعل منى لأحد

[fagrmasr01]

أشكر لك تأييدك يا مصطفى ودعمك للفكرة

ميثاق .. وعهد
أنا جمال فجر مصر
أرحب بأى نقد بناء لأشعارى وقصصى وموضوعاتى بدون غضب او زعل منى لأحد ...

[afifi mustafa]

الفكرة اكتر من رائعة وكنت اتمنى ان تطبق من اول يوم دخلت فيه المنتدى والحمد لله هتطبق كلنا معاك ومع النقد البناء اللى يبنى مش اللى يهدم

[fagrmasr01]

شكرا عفيفى
واتمنى يتم النقد فى الحدود الموضحة الى تبنى وتدعم وتوضح نقاط القوة ونقاط الضعف كما حاولت ان اوضح فى اول وثانى فقرتين فى الموضوع

واتمنى ان كلنا نستفيد من النقد ونبنى بيه قدراتنا باذن الله على الابداع ومن غير زعل

ويقول سيدنا عمر بن الخطاب
رحم الله من أهدى الىَّ عيبى

[خلود]

طيب احنا طبعا مش هننقد ياجمال بس مسموح لنا نشوف ونطلع على احسن نقاش للشعراء ونستزيد من عذب كلامهم الجميل

اسمحوا لى اشارك بالاطلاع على كل ما يقال من اجمل جروب لاجمل شعراء فى منتدانا الجميل
وربنا يوفقكم بس ياريت محدش يزعل من حد عند النقد والتحليل لان اكيد اللى بينقد بيكون شاف حاجه او بيت شعر مش مظبط مع الكل لان الشعر سميفونيه لابد من تناسق كل النغمات بها

ربنا يوفقكم يارب والخلاف فى الراى لا يفسد للود قضيه

[fagrmasr01]

شكرا لمرورك الكريم يا خلود
الى الان لم نتفق على تفعيل النقد
والنقد مش ها يتم الا بناء على اختيار الكاتب نفسه

مثلا ... كل كلماتى اتشرف بنقدها من الجميع ...
وكمان مصطفى مأمون موافق وعفيفى موافق

واللى هايوافق هايكتب موافقته
ومن هنا وجاى الى هايكتبه هانحاول نعمل له تحليل نقدى مع محاولة بيان نقاط القوة ومواضع التحسن المقترحة من وجهة نظر كل ناقد

واتمنى الكل يوافق على النقد
لان بصراحة عبارات الشكر والتعليقات
اللى فيها مجاملة للمواضيع الضعيفة ...
مش بتساعد الكاتب انه يتحسن..
حتى لو كانت عاجباه عبارات الاطراء والمديح

[وردة الايمان]

طبعا انت مش محتاج تعرف رأيى يا استاذ جمال ..


لأنى من البدايه طلبت ان يكون فيه قسم


لنقد اعمالنا الأدبيه ..


سواء كانت شعر او نثر او قصه ..


و فيه فكره بالنسبه للشعر كنت عايزه اعرضها على كل الشعراء ..


وكويس انك فتحت الموضوع ده علشان اعرضها ..


وهى اننا فى نفس القسم
( قسم الأبداعات )


يكون فيه موضوعين لنفس القصيده ....بمعنى


الموضوع الأول ...بيتم كتابة القصيده فيه واستقبال اى رد من الأعضاء .


الموضوع التانى ..هيتم فتحه بأسم


( تحليل لقصيده ......)


وفى الموضوع ده هيقوم كل من يستطيع التحليل والنقد بوضع رأيه ...


بس يكون رأى صريح تماما ...


( بدون اى مجاملات )


بس طبعا بطريقه مهذبه ولطيفه .


وانا رغم تحمسى للفكره جدا ..


بس انا اكتر واحده متردده ..


لأنى مش متمكنه فى الشعر وقواعده واصوله ..


يعنى لو شعراء زيكم نقدوا شعرى ..


مش هيلاقوا فيه اى علاقه بالشعر وفنونه الجميله ..


المهم ربنا يستر ......


وشكرا على فكرتك الجميله يا أستاذ جمال .

[AFIFI MOSTAFA]

انا معاكى يا وردة فكرتك حلوه يا ريت يا استاذ / جمال تفكر فيها

عفيفى

[fagrmasr01]

وردة
فكرتك طبعا ممتازة ومتميزة كتميز صاحبتها
خصوصا انك ... فى تحليلاتك اللى شفناها .. كلنا شهدنا لك بقوة وعمق التحليل
اما عن اشعارك .. فلم اجاملك يوماً بل انتى بالفعل شاعرة متميزة تتكاتف اغلب عناصر نجاحات العمل الابداعى فى كل ما تكتبين بوضوح وسهولة وتملكين من نواصى الابداع ما تتفوقين به فعليا على كثير ممن صدرت لهم اشعار محترفة فى دواوين كثيرة

وبكل تأكيد فان الكمال لله عز وجل وحده .. وكل منا يمكنه ان يستفيد من النقد البناء بشقيه
.. التشجيعى والتوضيحى المبين لجوانب التحسين المطلوبة ..

أشكرك يا وردة .. وأوافق بكل تأكيد على فكرتك الجميلة وارحب بها ... ولنبدأ باختيار اى من أشعارى انا لتكون محل النقد على سبيل التجربة

لكى ان تختارى ما نبدأ بنقده وتحليله من اشعارى
فلتبدأى .. بسم الله الرحمن الرحيم ... وعلى بركة الله ...

[nasr]

كلامك ح يأخد بأيدينا
ونقدك أكيد راح يفيدنا
رضاك عنا يعني حياتنا
نعيشها ونفرح يا سيدنا

[وردة الايمان]

أشكرك أستاذ جمال ...واشكرك يا عفيفى

على تأييدكم للفكرة ...

وبالنسبه للبدايه ...

فالمفروض طبعا مشرف القسم هو اللى يختار القصيده اللى هيقوم الشعراء الأفاضل بتحليلها ونقدها ..

واستاذ جمال حتى ولم يكن مشرف القسم فهو اكتر انسان يمكن ان نستفاد منه ومن خبرته ..

علشان كده يا استاذ جمال حضرتك اللى هتختار اول المواضيع اللى هيتم نقدها ...

وانا هقترح مجرد اقتراح ان يكون الموضوع الأول لحضرتك ...

انا عارفه طبعا ان هيكون صعب نقده ..

بس هتكون بدايه قويه للفكره ...

واشكرك ......على ثقتك .

[fagrmasr01]

كلامك ح يأخد بأيدنا
ونقدك أكيد راح يفيدنا
رضاك عنا يعني حياتنا
نعيشها ونفرح يا سيدنا







بسم الله ماشاء الله عليك يا ناصر
تسلم ويسلم قلمك الجميل اوى وتسلم ابداعاتك
عندك قدرة جميلة على الابداع فعلا فى اتجاهات متعددة
ربنا يبارك لك ويكرمك
يارب ميحرمنيش ابدا من اخوتك فى الله
آمين

[fagrmasr01]

أشكرك أستاذ جمال ...واشكرك يا عفيفى على تأييدكم للفكرة ...
وبالنسبه للبدايه ...
فالمفروض طبعا مشرف القسم هو اللى يختار القصيده اللى هيقوم الشعراء الأفاضل بتحليلها ونقدها ..
واستاذ جمال حتى ولم يكن مشرف القسم فهو اكتر انسان يمكن ان نستفاد منه ومن خبرته ..
علشان كده يا استاذ جمال حضرتك اللى هتختار اول المواضيع اللى هيتم نقدها ...
وانا هقترح مجرد اقتراح ان يكون الموضوع الأول لحضرتك ...
انا عارفه طبعا ان هيكون صعب نقده ..
بس هتكون بدايه قويه للفكره ...

واشكرك ......على ثقتك .



اشكرك بجد يا وردة على موافقتك على الاشتراك فى النقد والتحليل
وموافق طبعا بكل سرور ان تكون اول موضوعات النقد والتحليل من كلماتى المتواضعة

واتمنى منك ومن الجميع ان يشرفونى بمرورهم وتحليلهم لكل كلمة ولكل تصوير او تشبيه
وحاكون سعيد جدا بقياس المعانى ونقاط القوة والتميز وبنفس السعادة هافرح بكل نقد يوجه لى للتحسين

ومنتظركم الان باذن الله فى اول مواضيع التحليل والنقد
تحياتى يا مولاتى

[fagrmasr01]

والان .. وبعد ان تفضلتم باهدائى نقدكم الجميل فى تحياتى يا مولاتى

اترك لكم المجال لكى تختاروا احد قصائدك لتكون محلا للتحليل والنقد البناء
وسأنتظر يوما كاملا ..
فان لم يتبرع احد بقصيدة من ابداعه للنقد فسوف اطرح انا احد قصائدى لتنال شرف تحليلكم ونقدكم لها

[fagrmasr01]

اتشرف ان اضع بين ايديكم
انا امبراطور الحب وسلطانه
لتحظى بشرف تحليلكم لها مع النقد الذى اتشرف به واشكركم عليه مقدما

[fagrmasr01]

ويتكرر اللقاء فى باب النقد
ساضع باذن الله قطعة اسميتها ... مهما اوصف
واتمنى ان يشاركنى الجميع نقدها وتحليلها

وحسب الاتفاق .. سيتم فتح موضوع جديد اسمه تحليل ونقد لـ .. مهما اوصف
والله المستعان

[fagrmasr01]

يغلق الموضوع لعدم التفاعل