المساعد الشخصي الرقمي

مشاهدة النسخة كاملة : ـصاحبي اللي مات .. ...


RSS
27-08-2011, 04:41 PM
اراهنك لو كنت عارف ..
ان دا كان آخر يوم تشوف حبيبتك فيه و هي فرحانه ..
و تقولها بحبك و هي سرحانة ..
ف آخر كلمة قالها المدرس مش لاقياها ف الكتاب ..
اراهنك لو كنت عارف ..
ان دا آخر ماتش برو هنلعبه ..
و آخر دور ساقع هنشربه ..
و استهبل و اسيبك و امشي ..
علشان تدبس ف الحساب ..
اراهنك لو كنت عارف ..
ان دي آخر سجارة هتاخدها من ايد محمود و تقطعها بإيديك
و يتنرفز .. و يقولك همد ايدي عليك ..
و انت بكل بساطة تقوله الله يهديك ..
بطل عناد .. محدش ضامن عمره ..
اراهنك لو كنت عارف ..
ان دي آخر مكالمة هتعملها ..
و آخر صوت هتسمعه ..
و آخر مشوار راس البر هنطلعه ..
و آخر مرة هتلعب بالكوتشي المستورد كورة ..
و تجري تشوف اي حد يلمعه ..
اراهنك لو كنت عارف ..
ان دي كات آخر صلاة تراويح ..
و آخر دعوة بتدعيها ..
و تقول يا رب ..
أراهنك لو كنت عارف ..
ان يوميها كان آخر فطار ..
و آخر لمة ..
و تبوس راس اختك و هي لامة ..
اللي انت وقعته ع المفرش من طبق الخضار ..

صاحبي اللي مات ..
ف آخر رمضان ..
لو كان عرف ان ده تاريخ وفاته ..
مكانش وافق ع الرهان ..
:sadd:








منقول