محمود التهامي

[محمود التهامي]

بتحبها
عايش سنين بين أهلها
حابب تكون مخلص لها
شايف فحلمك حلمها
مصر اللي قلبك حبها
واللي فغناك صوت فرحها
روح قول لها
واوصف ودوب جوا القلوب
واعزف بقلبك نبضها
حاول تكون
حاول تعيش
غني لها واضحك لها
وافتح لها بايدك طريق كون الصديق
نوّر بعمرك شمعها
وارسم لها في الكون وجود وانسى الحدود
سجل تاريخها وعزها
وارجع لها واحضن بدمعك رملها
واحلم لها بنهار جديد وبألف عيد
واكتب بدمك اسمها
رد الندا كون الفدا
واحمي سماها وأرضها
هتكون كدة من أهلها
وتكون شموسها وزرعها
في الوقت دا تبقى استاهلت
نقول عليك ابنهااااا

*********************

[محمود التهامي]

ما زلت أسبح في بحر عينيك


باحثا لي عن مرسى


فلا حبك يهديني ولا جمالك يغرقني


ما زلت أبحث عنك


وأقود الثورة ضد عيونك


وأحاول أن أغزو قلبك


فترتد سهامي إلى صدري


فيزيد حبي لك وانتمائي لعينيك


ولا ينقذنني من الموت في حبك


إلا إيماني ببريق عينيك


فإذا بي أصير رسولا في عشقك


احمل من عينيك أعذب الكلمات


أدعو بها إلى حبك


فلا يؤمن بي إلا من ذاب فيك عشقا


ولا أجد لغرامك ناصرا إلا قلبي


فهو مازال أسيرا لك


تائها في مدارك


يا شمس عمري






******

[محمود التهامي]

أخرجي م الدايرة ديا
وارفضي تبقي القضية
حاولي حتى تحسي بيا
اوهميني

ابعدي عنه
وقوليلي ؟
هو قاللك
قلبه حبك
أو
عشقتك
عرفيني

انسي حبّه انه حبيبك
او نصيبك
ارحميني

مش هاقولك
قلبه عمره ما حس بيكي
مانتي قولتي انه حبيبك

مش معاكي
وباع هواكي
وقلبه رافض
يبقا ليكي

ولو وهبتي الكون لقلبه
قلبه بايع
مش شاريكي

كنتي ليه كلمة وسلام
واديتيه كل الحنان
شايفه فيه كل الامان

عايشه ليه طول الزمان
وللا حاسه بكلمة منه
فاكره انه فيوم يقولها

مش حاسسها
ومش شايفها
وعمره ما يفكر يكونها

وللا حابه تكوني ليه
وردة
ما يفكر ينولها

لسة تاني دايبه فهواه
رافضه تبقي مش معاه

عارفه ساعتها يقولك ايه
مهما رسمتي الشوق فـ عنيه

اسف
عمري ما كنت معاكي
ولا حسيت ان انا بهواكي
يمكن فيكي كل الدنيا
لكن قلبي
مش وياكي

********

[fagrmasr01]

اطيب تحياتى مع امنية صادقة من قلبى بالفوز
تستحقه عن جدارة

[خلود]

كلهم احسن من بعض

واخر قصيده جميله جدا جدا

اتمنى لك الفوز يارب

بجد تستاهله

[محمود التهامي]

اطيب تحياتى مع امنية صادقة من قلبى بالفوز
تستحقه عن جدارة







مينفعش حد يفوز في المجال دا وحضرتك موجود يا عم جمال
اشكرك على تشجيعك

[وردة الايمان]

استاذ محمود ..

كلامك فعلا جميل جدا ...

وتشبيهاتك رقيقه وصادقه ..


واسمحلى اسجل اعجابى ببعض الأبيات ..


زى مثلا ...

واوصف ودوب جوا القلوب
واعزف بقلبك نبضها

وكمان ......

وارسم لها في الكون وجود وانسى الحدود
سجل تاريخها وعزها

والأجمل .......

وارجع لها واحضن بدمعك رملها
واحلم لها بنهار جديد وبألف عيد
واكتب بدمك اسمها

شعر رائع يا استاذ محمود ..
فيه صدق واحساس عالى جدا ..

أحييك عليه ........

[nasr]

همه الجماعة المديرين دول مديرين في كل حاجه حتي في الإبداع !!!
روعه يا أستاذ / محمود ويعلم الله كم أسعد عندما أقرأ كلمات صادقه مثل ما كتبته .
لن أهنئك علي ما كتبت بل أهنئ أسرة المنتدي كلها عليك لحضورك العالي المسئول في كل الأمور التي تدور من حولك وأتمني لك المزيد من التألق والسعاده.
أكثر الله من أمثالك .

[اميرة حبى انا]

لا طبعا اكيد هتشترك فى المسابقة
بس ناقص واحدة يا محمود
ارجو انك تكتبها

[اميرة حبى انا]

محمود كان نفسى اوى تشترك فى المسابقة
لكن انت مش كملت المطلوب للاسف
- قصة من ابداعهم الخاص
2- شعر فى حب مصر (رغم اللى احنا فيه بس هى ملهاش ذنب)
3- شعر يعبر عن الحب والرومانسية والسعادة بالحب
4- شعر فى حب منتدانا الجميل ده
يغلق لانتهاء المدة المحددة للمسابقة
ويعلن عن الفائز قريبا باذن الله