RSS
21-08-2011, 03:23 AM
السلام عليكم
تصدقو انا لاحظت حاجه فيا وفى ناس كتير يمكن مش بياخدو بالهم منها
اننا بنبقى ميتين اوى على الدعاوى والطلبات اللى احنا عايزينها من ربنا لكن قليل اللى بياخد باله وهو بيدعى انه يتشحتف ف الدعا عشان بس يطلب
(( رضا الله ))
عمرك جربتى تاخدى بالك من دعاكى هتلاحظى ان اول دعوتين سامحنى يارب واهدينى ودول بسرعه جدا والباقى عايزه زوج صالح عايزه ذريه صالحه عايزه فلوس عايزه وعايزه وعايزه
انا قعدت مع نفسى لاحظت فى نفسى حاجه مهمه
انى مكنتش بقرب من ربنا عشان رضاه رغم اعتقادى ده.... لا انا كنت بقرب من ربنا عشان طلباتى تتحقق لانى واثقه ان محدش هيديهانى غيره
عشان كده لما مكنش بيدينى اللى انا عايزاه او بمعنى اصح بياخره شويه لاجله كنت بكتأب وازعل كانى معترضه بشكل غير مباشر على قضاؤه وشويه بشويه بلاقينى ببعد عنه وارجع اقوله انا تعبااااانه يارب ادينى والف وارجع لنفس الدايره من تانى
ليه مبفكرش ان ده عشان مصلحتى ... وليه بشيل هم الدنيا اوى كده لما انا واثقه فى رحمته زى ما كلنا بنقول
انا لو كنت فعلا عبد يستحق حب ربنا كنت جريت على حبه بهدف واحد واحد بس سهل وبسيط ((( انى مش عايزه حاجه غير حبك)))
رضاك يارب الاول عندى وباقى الحاجات تيجى متجيش دى ارادتك انت مش بمزاجى... لما فكرت فى كده اكتشفت انى كنت بتاعه مصلحتى اوى معاك يارب
وعشان كده انت عاقبتنى ف نفسى بانك خلتنى افضل شايله هم كذا وكذا وكذا اللى انا طلبتهم وخدت من قلبى سكينه وامان الثقه ف انك ف يوم من الايام هتقول للامانى اللى ف قلبى كونى ف هتكون..
عارفين انا من وانا صغيره كنت بعمل حاجه حلوه اوى اقرر بينى وبين نفسى ان الخلق اللى ربنا مش بيرضى عنه ده هبطله
وفعلا سبحان الله انا فاكره وانا ف اعدادى مره واحده كده قررت انى هبطل غش وفعلا...لحد الان عمرى ما غشيت ولا غششت حتى لو مش لاقيه كلمه اكتبها ف الورقه ..
ولما كبرت شويه قررت انى مش هكذب تانى ..اللى هو الكذب البسيط اللى ممكن نكذبه على ماما وبابا وفعلا كنت بقول الحق واتوكل من جوايا على الله
ولحد الان لو كذبت كذبه بسيطه بحس انى عامله ذنب كبيييييير اوى مستحيل ربنا يغفرهولى فافضل طول اليوم استغفر واقوله سامحنى ...ف عرفت معنى تعظيم احساسى بالذنب وانى مصغروش ف اتعود عليه واحس انه عادى ف ابطل استغفر ف ابعد عن ربنا وهكذا لحد اخر الطريق ........
انا انهارده خدت قرار بردو زى زمان وان شاء الله مش هرجع عنه
انهارده انا عرفت انى بهذب نفسى واخلاقى ببعدى عن الحاجات اللى هو مبيحبهاش ... وعرفت انى اصلا مجتش الدنيا دى عشان اتنعم لا انا جيت عشان ربنا يبتلينى ويبتلى اللى حواليا ف يعرف مين فينا اللى يستحق الجنه ومين ميستحقهاش ..ف مش من حقى انفر واقنط لما هو يمنع عنى حاجه ...
وعرفت انى فى وسط طلبات وطلبات للدنيا بطلت ادعى واتمنى انى ادخل الجنه ...وكانى يارب كل اللى عايزه منك مصلحتى وخلاص ومش قادره حتى ارد على نعمك الكتير اللى انت اديتهانى غير بانى بطلب اكتر واكتر....وكل ما تدينى سقف مطالبى يعلى كمان.
وعرفت انى ببص فوقيا ف بقول من حقى انى يبقى عندى ومبصتش تحتى ف قولت الحمد لله على اللى عندى غيرى بيتمناه...
عرفت انى يارب وحشه اووووى لو عبد عمل فيا جميله بفضل شايلاها طول العمر واشكره عليها ولو انت اديتنى مليون نعمه لا تعد ولا تحصى بقولك الحمد لله وخلاص وكأن المفروض انك تدينى الحاجات دى اساسا....
عرفت انى عملت حساب للناس اكتر منك ف شغلت بالى بيهم وافتكرت انى مش ناسياك وانى بعمل لدينى ودنيتى لكن شويه بشويه انشغالى بيهم بعدنى عنك...
عرفت اد ايه انا مستهلش ان انت تبقى ربى وانك خلتنى اطلع مسلمه رغم انك كان ممكن تطلعنى اى ديانه تانيه وياعالم وقتها كنت هعرف اسلم ولا لا
انا قررت من انهرده ان شاء الله ان انت الاول والاخير فى حياتى وانى عايزه افهمك اكتر عشان اقدر افهم نفسى وعشان ادتنى ولاَخدت منى مفيش حاجه بتاعتى اساسا عشان ازعل ..
نفسى يارب تبقى فخور ان انا امتك زى ما انا فخوره ان انت ربى ....
اسفه اوى على الاطاله بس يارب يارب كل واحده فيكو شايله هم ترميه وتجرى تقول لربنا رضاك وحبك والجنه .. وتفرح ربنا بيها
انا بس قولت افضفض معاكو باللى فى قلبى يارب يعينكو على الطاعه ويرزقكو حبه ان شاء الله .. وادعوولى معاكو انول رضاه
منقوووول للافااادة .
منقول
تصدقو انا لاحظت حاجه فيا وفى ناس كتير يمكن مش بياخدو بالهم منها
اننا بنبقى ميتين اوى على الدعاوى والطلبات اللى احنا عايزينها من ربنا لكن قليل اللى بياخد باله وهو بيدعى انه يتشحتف ف الدعا عشان بس يطلب
(( رضا الله ))
عمرك جربتى تاخدى بالك من دعاكى هتلاحظى ان اول دعوتين سامحنى يارب واهدينى ودول بسرعه جدا والباقى عايزه زوج صالح عايزه ذريه صالحه عايزه فلوس عايزه وعايزه وعايزه
انا قعدت مع نفسى لاحظت فى نفسى حاجه مهمه
انى مكنتش بقرب من ربنا عشان رضاه رغم اعتقادى ده.... لا انا كنت بقرب من ربنا عشان طلباتى تتحقق لانى واثقه ان محدش هيديهانى غيره
عشان كده لما مكنش بيدينى اللى انا عايزاه او بمعنى اصح بياخره شويه لاجله كنت بكتأب وازعل كانى معترضه بشكل غير مباشر على قضاؤه وشويه بشويه بلاقينى ببعد عنه وارجع اقوله انا تعبااااانه يارب ادينى والف وارجع لنفس الدايره من تانى
ليه مبفكرش ان ده عشان مصلحتى ... وليه بشيل هم الدنيا اوى كده لما انا واثقه فى رحمته زى ما كلنا بنقول
انا لو كنت فعلا عبد يستحق حب ربنا كنت جريت على حبه بهدف واحد واحد بس سهل وبسيط ((( انى مش عايزه حاجه غير حبك)))
رضاك يارب الاول عندى وباقى الحاجات تيجى متجيش دى ارادتك انت مش بمزاجى... لما فكرت فى كده اكتشفت انى كنت بتاعه مصلحتى اوى معاك يارب
وعشان كده انت عاقبتنى ف نفسى بانك خلتنى افضل شايله هم كذا وكذا وكذا اللى انا طلبتهم وخدت من قلبى سكينه وامان الثقه ف انك ف يوم من الايام هتقول للامانى اللى ف قلبى كونى ف هتكون..
عارفين انا من وانا صغيره كنت بعمل حاجه حلوه اوى اقرر بينى وبين نفسى ان الخلق اللى ربنا مش بيرضى عنه ده هبطله
وفعلا سبحان الله انا فاكره وانا ف اعدادى مره واحده كده قررت انى هبطل غش وفعلا...لحد الان عمرى ما غشيت ولا غششت حتى لو مش لاقيه كلمه اكتبها ف الورقه ..
ولما كبرت شويه قررت انى مش هكذب تانى ..اللى هو الكذب البسيط اللى ممكن نكذبه على ماما وبابا وفعلا كنت بقول الحق واتوكل من جوايا على الله
ولحد الان لو كذبت كذبه بسيطه بحس انى عامله ذنب كبيييييير اوى مستحيل ربنا يغفرهولى فافضل طول اليوم استغفر واقوله سامحنى ...ف عرفت معنى تعظيم احساسى بالذنب وانى مصغروش ف اتعود عليه واحس انه عادى ف ابطل استغفر ف ابعد عن ربنا وهكذا لحد اخر الطريق ........
انا انهارده خدت قرار بردو زى زمان وان شاء الله مش هرجع عنه
انهارده انا عرفت انى بهذب نفسى واخلاقى ببعدى عن الحاجات اللى هو مبيحبهاش ... وعرفت انى اصلا مجتش الدنيا دى عشان اتنعم لا انا جيت عشان ربنا يبتلينى ويبتلى اللى حواليا ف يعرف مين فينا اللى يستحق الجنه ومين ميستحقهاش ..ف مش من حقى انفر واقنط لما هو يمنع عنى حاجه ...
وعرفت انى فى وسط طلبات وطلبات للدنيا بطلت ادعى واتمنى انى ادخل الجنه ...وكانى يارب كل اللى عايزه منك مصلحتى وخلاص ومش قادره حتى ارد على نعمك الكتير اللى انت اديتهانى غير بانى بطلب اكتر واكتر....وكل ما تدينى سقف مطالبى يعلى كمان.
وعرفت انى ببص فوقيا ف بقول من حقى انى يبقى عندى ومبصتش تحتى ف قولت الحمد لله على اللى عندى غيرى بيتمناه...
عرفت انى يارب وحشه اووووى لو عبد عمل فيا جميله بفضل شايلاها طول العمر واشكره عليها ولو انت اديتنى مليون نعمه لا تعد ولا تحصى بقولك الحمد لله وخلاص وكأن المفروض انك تدينى الحاجات دى اساسا....
عرفت انى عملت حساب للناس اكتر منك ف شغلت بالى بيهم وافتكرت انى مش ناسياك وانى بعمل لدينى ودنيتى لكن شويه بشويه انشغالى بيهم بعدنى عنك...
عرفت اد ايه انا مستهلش ان انت تبقى ربى وانك خلتنى اطلع مسلمه رغم انك كان ممكن تطلعنى اى ديانه تانيه وياعالم وقتها كنت هعرف اسلم ولا لا
انا قررت من انهرده ان شاء الله ان انت الاول والاخير فى حياتى وانى عايزه افهمك اكتر عشان اقدر افهم نفسى وعشان ادتنى ولاَخدت منى مفيش حاجه بتاعتى اساسا عشان ازعل ..
نفسى يارب تبقى فخور ان انا امتك زى ما انا فخوره ان انت ربى ....
اسفه اوى على الاطاله بس يارب يارب كل واحده فيكو شايله هم ترميه وتجرى تقول لربنا رضاك وحبك والجنه .. وتفرح ربنا بيها
انا بس قولت افضفض معاكو باللى فى قلبى يارب يعينكو على الطاعه ويرزقكو حبه ان شاء الله .. وادعوولى معاكو انول رضاه
منقوووول للافااادة .
منقول