المساعد الشخصي الرقمي

مشاهدة النسخة كاملة : afifi نورت الكرسى


اميرة حبى انا
13-01-2010, 09:54 AM
السلام عليكم ورحمة الله وبركاته
معانا النهارده ضيف غالى
مرحمش ولا ست
حدفهم كلهم من القطر
حتى الرجالة ياعينى
لكن كل واحد له يوم
afifi
جبت لك احلى كرسى فى العالم
اتفضل اقعد
http://www.gulfup.com/gfiles/12633654441.jpg
ودى طبعا نهاية اى حد يرمى الستات من القطر
هههههههههههههههههههه
عفيفى
منورنا والله
وعايزة اسمع واشوف احلى ترحيب بعفيفى
حتى تصبروه على اللى مستنيه:storm_6014232031094
ام انس
13-01-2010, 10:25 AM
هههههههههههه

لا بجد معقول اميرة النسمة تعمل كداااا

ايه ده

الله يكون فى عونه

لا بجد مكنتش اعرف انك جبارة كده

جامدة ... ههههه

ربنا معاااااااااااااه.....ههههه

معتقدتش يدخل هناااا
الا لو حد داعى عليه


.
محمود عبد الله
13-01-2010, 10:35 AM
انا مستنى بس يجاوب على الاسئلة الثابتة عشان اجمع معلومات عنه
و افصله ورقة امتحان كدة للمتفوقين فقط
الفارس
13-01-2010, 12:07 PM
عفيفى

انت فين عملوها فيك

ادخل واقعد على الكرسى ولا يهمك من حد

شوفت علشان تعرفى كان لينا حق نرميهم من فوق القطر الف مره

خصوصا الريسه بتاعتهم ... جبارة

ياله شد حيلك ربنا معاك ,,,
ام العيال
13-01-2010, 02:26 PM
عفيفى
جه يومك
هههههههههههههههههه
معلش
اتحمل
برضه الكرسى للرجاله يابطل

وخد دى تتقوت بيها وانت بتجاوب
اصل الكرسى ده انا عارفاه مرهق وبيجوع
هههههههههههههههه

سلامى لام روان وقلها متقلقش عليك


بطه محمره وجاهزه

http://arabic.cri.cn/mmsource/images/2006/08/11/0811kaoya.jpg
AFIFI MOSTAFA
13-01-2010, 04:22 PM
اخوانى / اخواتى / اصدقائى / اهلى وعشيرتى استودعكم الله اقصد السلام عليكم

انا شايف والله اعلم مقصلة اعدام مش كرسى اعتراف والله يجازيكى يا اميرة وعلى العموم اولا احب اشكر اللى بيشاركونى فى الجنازة
اقصد الاسئلة بداية من ( ام انس ) الله يجازيها كل خير اتمنى ان تدعى لى بالثبات عند السؤال واخى العزيز ( محمود عبد الله ) الذى
اوصية بأن تكون سيارة تحت الطلب الخاصة بى ان تكون اخر موديل واخى الحبيب جدا الى قلبى ( فارس) وبقوله وحشتينى يا راجل
انت مش بتجيلى غير فى التعازى ولا ايه واخيرا اختى المحترمة ( ام العيال ) هما طبعا بيسئلوا المحكوم علية بالاعدام نفسك فى ايه
الحمد لله انك هتكونى جنبى يا ريت تجهزى لى طورة حمام محشى وبططتين سمان وخمس فراخ بلدى .

اخوكم / عفيفى
خلود
13-01-2010, 08:16 PM
هههههههههههه

انت وقعت ولا الهوى رماك

ياعينى ياعفيفى

ربنا يعينك ويقويك ويصبرك

بص متخافش هى نطه واحده وكله بيخلص

خلى بالك ياعفيفى كلنا وياك وبنشجعك
جايلك وجايبه لك اسئله صغننين وحلوين خالص

بس لما تسمى كده بالله وتقعد كده
وردة الايمان
13-01-2010, 08:29 PM
معقوله انت يا عفيفى ...؟

ما عرفش غير دلوقتى ...

بس ولا يهمك ....

انت راجل وهتستحمل كل اللى هيتعمل فيك ..

وخليك فاكر انى عمرى ما رميتك من القطر ..

كان لازم اخلص ضميرى قبل ......ما تقابل رب كريم ..

انت انسان طيب اوى يا عفيفى وربنا هيقف معاك ما تقلقش ..

وانا موجوده لو احتاجت اى حاجه ....

اشوف وشك بخير ....بس يارب اشوفه تانى .
اميرة حبى انا
13-01-2010, 08:38 PM
هههههههههههههههههههه
هما فرحانين فيك
قصدى بيك يعنى
اوى كده ليه
يا حرااااااام
مش قادرة ابطل ضحك
ههههههههههههههههه
nasr
13-01-2010, 10:16 PM
أيه اللي انتوا عاملينه ده في عفيفي أنا بحذركم كلكم لو واحد قرب له مش حتعدي علي خير ده مبدع يا ناس لا حول ولا قوة إلا بالله ربنا معاك يا عفيفي
fagrmasr01
14-01-2010, 01:22 PM
وتكاتفا مع المبدعين
احييك ياعفيفى .. اجمد وشد حيلك ولا يهمك
حبايبك كتير يابطل
اميرة حبى انا
14-01-2010, 01:48 PM
الاسئلة الثابتة
1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليك؟
5-ايه احلامك؟
6-كام مره حسيت انك ملكش لزمه فى الحياه؟
7- كااااااام مره مقدرتش تكتم دموعك؟
8-حلمت حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif
AFIFI MOSTAFA
14-01-2010, 01:58 PM
الجنازة دى شكلها هيبقى مليانة ناس وشكلها هتكون زفة ما حصلتش اختنا الغالية ( خلود ) ادعى لى برحمه وخفى شوية على دا انا بتحاسب
كدا حساب الملكين استاذى وحبيبى ( ناصر ) ياريت تبدء فى نظم قصيده رثاء بحقى بس تكون معتبرة اختى الغالية ( وردة الايمان ) وصيتك
اشعارى وياريت كل يوم جمعة تفتكرينى بالدعاء (انما يتقبل الله من المتقين ) اخى الاكبر واستاذ المنتدى ( جمال ) استحفلك بالله تكون شفيع
لى عند اخونا دول دا انت راجل كبير وكلمتك مسموعة برضه .

وهقول للجميع توكلت على الله

عفيفى
AFIFI MOSTAFA
14-01-2010, 03:07 PM
-الاسم؟
عفيفى مصطفى محمد عفيفى
2- السن؟
مواليد 10/9/1973 يوم تعطل فية الوزرات والهيأت الحكومية
3-احساسك ايه وانت قاعد على الكرسى؟
نفس احساس جمعة الشوان فى مسلسل دموع فى عيون وقحه لما كان قاعد
على جهاز كشف الكذب
4- مين اقرب انساااااااان او انسااااااانه ليك؟
اقرب انسان لى هو انا
5-ايه احلامك؟
اشوف اولادى احسن شيئ فى الدنيا
6-كام مره حسيت انك ملكش لزمه فى الحياه؟
يوم الثلاثاء 26/12/18989 يوم توفى والدى وكان عمرى 16 سنة
7- كااااااام مره مقدرتش تكتم دموعك؟
لما ظهرت نتيجة النيابة العامة 1997 لانى سابع الدفعة واسمى اتنشر فى الجرائد بسبب انى من اوائل الدفعة
8-حلمت حلم واتحقق؟؟
الحمد لله حج بيت الله الحرام والحمد لله حجيت انا ومراتى والاولاد

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
الصداقة هى الحياه ان صحت.اقرب صديق /جمال رجب
اقرب صديق فى المنتدى / اتمنى ان تكون اختى / وردة الايمان
10-كل شخص مننا جواه نسبة حزن ياترى نسبة الحزن جواك كام في المية؟
60%

11- مين اقربلك وبتحس انه فاهمك اكتر والدك والا والدتك ؟؟؟
للاسف كلاهما متوفى ( رحمهما الله )

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
موضوع مسابقة القطر بتاع اختى خلود
13- لو حبيت شخص مش حاسس بيك ياترى تعمل ايه ؟؟؟؟
هفضل احبه من غير ما اقوله ويحس بى ولو ما حسش بى هتبقى مصيبة
وفى بحث اريته ان فعلا فى لغة للقلوب ومن ثم تتحول الى لغة عيون ومن ثم الى لغة الشفايف وهكذا
14- هاقولك كلمات توجهها لاشخاص في منتدانا
- مواضيعك ممتازة
جمال- اميرة - وردة الايمان - دعاء الكروان
- انت فين وغايب عننا ليه
اختى العزيزة ( ليون)

- المنتدى وحش من غيرك
اميرة حبى انا
- رأيك بيعجبنى
وردة الايمان
- انت شخصية محبوبة جدا فى المنتدى
خلود
- انت دمك خفيف اوى
اخويا فارس- محمود عبد الله
- انت شخصية قوية تتحمل الصعاب
ام العيال
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
نعم بحكم عملى كمحقق علشان ارضى القانون لكن الاخرين بيتفهموا ذلك وبيسمحونى .

16- هل حد ظلمك لدرجة انك قلت مش ممكن اسامح؟؟؟
ايوا وبسببة قدمت استقالة لكنه اعتذر وسحبتها.
17- لو هتسافر مكان ومطلوب منك تاخد شخصين بس معاك تختار مين؟؟؟
زوجتى ام روان وروان وسندس

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
سهلة جدا بس بحاول اداريها بقدر المستطاع.مفيش
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
نفسى ازور فرنسا . لو ما كنتش مصرى اتمنى اكون من بنها ههههههههه

:d ايه السؤال اللي كنت تتمنى انى ماسألوش ؟؟؟
السؤال رقم 18
اميرة حبى انا
14-01-2010, 04:34 PM
اجاباتك جميلة والصدق والوضوح باين فيها
شوفوا يا جماعة
اخونا طلع محقق
عايزين نحسسه الناس اللى بيحقق معاها احساسها بيكون ايه
بما انه جاوب على الاسئلة الثابتة
اتفضلو وبدون رحمة
مش هوصيكو بقى
الفارس
16-01-2010, 10:18 AM
شد حيلك يابطل هى دى الردود مايهمكش من حد

كلنا معك وبعدين دانت طلعت محقق

كدا انا أطمنت عليك
AFIFI MOSTAFA
16-01-2010, 10:34 AM
ايوا يا ابو الفوارس لكن لما تحقق مع واحد غير لما تحقق مع واحدة واسأل مجرب
ام انس
16-01-2010, 12:52 PM
ما شاء الله اجابات جميلة ومتزنه وتتسم بالصدق

ربنا يوفقك

طلع الكرسى سهل .. الحمد لله

هو صحيح شكله مرعب .. بس ربنا ستر

يارب دايما
AFIFI MOSTAFA
16-01-2010, 02:27 PM
متشكر قوى يا ام انس وربنا يبارك فيكى وفى اولادك وشكلكم كدا هتسبونى كتير بين الحيا والموت


عفيفى
وردة الايمان
16-01-2010, 05:21 PM
عفيـــفى ....

اولا اشكرك جدا على كلامك ..

انا سعيده بيه جدا ..

وشرف ليا انى اكون اختك ..

ويارب ترجع بالسلامه لبلدك بين اهلك وحبايبك ..

وياريت تسمحلى اسألك شوية اسئله وان شاء الله يكونوا سهلين جدا ...

لاحظت ان شعرك فى الفتره الأخيره اصبح اشد قوة وتشبيهاتك اصبحت أقوى واجمل وخاصتا شعرك ( الغازى ) اللى انا شايفه انه اجمل شعر كتبته ...

يا ترى يا عفيفى ايه اللى ممكن يخلى الشاعر بالتميز والأبداع ده ؟


* ممكن توصف لنا ( عفيفى ) فى كلمتين ؟

* لو اتطلب منك قصيده تكتبها فى حب مصر بس تكون مشتركه ....
ياترى مين هتختاره يكتب معاك القصيده ؟

*هقولك اسماء اتنين من شعراء المنتدى وهتوصفلى اشعارهم ..
وياريت تقولى احسن قصيده كتبوها ...

أستاذ جمال ...( فجر مصر )

ناصـــــر


آخر سؤال .........

* ايه اجمل قصيده انت كتبتها وبتحب تقراها كتير ؟
وياريت تكتبلنا منها اجمل بيتين ..

اتمنى ان اسئلتى تكون سهله وجميله ...

اختك ...........* وردة *
اميرة حبى انا
16-01-2010, 11:06 PM
يلا رد على اسئلة وردة
عشان عايزة اسألك اسئلة صغنوووووووووونة خالص
afifi mustafa
16-01-2010, 11:19 PM
مش عارف اقولك اية يا وردة غير انك انسانة بمعنى الكلمة .
يا ترى يا عفيفى ايه اللى ممكن يخلى الشاعر بالتميز والأبداع ده ؟
الامر بسيط جدا يا وردة الواحد يكتب اللى فى قلبة ويترجم الاحاسيس لكلمات دون التقيد بوزن او قافية والشعر تعبير جميل عن تجربة صادقة
كمان لازم الواحد يستمتع بقراءة الشعر القديم والحديث العامى والفصحة الزجل والاغانى حتى شعر النثر الذى تحرر من الشعر يطلع عليه ويطلع
على اشعار الاخرين ويفهمها بفهمه هو لا بشرح صاحبها وقبل كل ذلك يجب ان يكون الشاعر او المبدع انسان حساس متذوق للكلمة ويحبها


* ممكن توصف لنا ( عفيفى ) فى كلمتين ؟
شاعر رومانسى

* لو اتطلب منك قصيده تكتبها فى حب مصر بس تكون مشتركه ....
ياترى مين هتختاره يكتب معاك القصيده ؟

نفس الشخص اللى كمل معايا قصيدة( هو فايز وانا فايز مين لنصر العربى عايز ) فى قسم ابدعات الاعضاء
وقسم ابدعات الاعضاء ليس ببعيد


*هقولك اسماء اتنين من شعراء المنتدى وهتوصفلى اشعارهم ..
وياريت تقولى احسن قصيده كتبوها ...

أستاذ جمال ...( فجر مصر )

الاستاذ / جمال هو استاذ الجميع بما فيهم انا وهذا اقل شيئ يقدم اليه وشعرة طبعا مدرسة لينا
احب قصائدة لى ( يالى مقاييس الجمال )


ناصـــــر

حبيبى الاستاذ / ناصر
الشاعر رقيق الحس الكثير التنوع فى الشعر
احب قصائدة / على برج المراقبة



آخر سؤال .........

* ايه اجمل قصيده انت كتبتها وبتحب تقراها كتير ؟
هى :

لا اعلم شكلى ولكنى اعرف عيناها
وترانى حين اتكلم تنطق شفتاها
فلتصغى الى يا اذنى الان نداها
ولتنظر مرأتى فى ففيها اراها

هذة الكلمات من احب الكلمات التى كتبتها الى قلبى

اسألتك سهلة جدا يا وردة وربنا يديم الاخوة بيننا

اخوكى / عفيفى
afifi mustafa
16-01-2010, 11:22 PM
تحت امرك يا سيادة الاميرة كلى اذان صاغية

عفيفى
مصطفى مامون
17-01-2010, 01:30 AM
كلنا معاك ياعفيفى شنقه تفوت ولاحد يموت
استحمل يابطل
AFIFI MOSTAFA
17-01-2010, 09:24 AM
متشكر يا عم / مصطفى

بس ازاى شنقة تفوت ولاحد يموت قصدك علقة تفوت ماتش يفوت اى حاجة غير الشنق ولا حد يموت
على العموم تشكر اوى يا عم على مشاركتك وعقبالك.

اخوك / عفيفى
اميرة حبى انا
17-01-2010, 09:38 AM
السلام عليكم

1- أين تقضي كل وقتك ... ؟
2- أين تجد راحة البال ... ؟
3- أين تجد نفسك في البيت ... ؟
4- من علمته الرماية فرماك ... ؟
5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟
6- من هو صديقك الصدوق ... ؟
7- من أى شئ تغضب ... ؟
8- متى تبكي بحرقه ... ؟
9- متى تجلس لوحدك ... ؟
10- متى تقول لا ... ؟
11- متى تكون أناني ... ؟
12- كيف تعيش يومك ... ؟
13- كيف ترى حال الأمة اليوم ... ؟
14- كيف تنظر لمستقبلك ... ؟
15- كيف تنظر للمرأة ... ؟
16- في عصر العولمة الحالي (( ما رأيك في حب الإنترنت )) ... ؟
17- يقال أن الحب يمحو جميع العيوب والأخطاء في المحبوب (( ما تعليقك )) ... ؟
18- ما هو سر نجاحك في الحياة ... ؟
19- ما أجمل مافي الحياة في نظرك... ؟
20- هل أنت عاطفي ... ؟
21- هل صدمت بالخيانة من أعز أحبابك ... ؟
22- هل أنت فوضوي ... ؟
23-العضو اللي تتمنى تشوف شكله هو ........
24-العضو اللي نفسك تعطيه كف هزار ........

25-العضو اللي نفسك تعطيه كف (((مش)))هزار.......
26-عضو تلقبه بسوبر ستار شباب المنتدى......

27-عضوه تلقبها بسوبر ستار صبايا المنتدى.........

28-عضو تقوله (ياغايب ليه ماتسأل).........

29-عضو تقوله(والله العظيم اشتقنالك).........

30-عضو تقوله الله يجزيك خير ويعطيك العافيه.......

31-عضو اتقولوا انااسف بحقك .........

32-عضو تقوله (خير ان شاءالله)..........

33-عضو تقوله الله يسهل لك .........

34-عضو ارتحت له من اول ماشفت اسمه بالمنتدى.......

35-عضو اول ماشفته ماكنت تطيقه ويوم عرفته حبيته......

36-عضو تتخيل شكله وتقول متخيل ايه............

37-عضو طيب على نياته......

38-عضو شعبيته كبيره ومحبوب عند غالب الاعضاء........

39-عضو تحسه برييء براءه اطفال........

40-(الثقل والركاده والرزانه والهدوء والوناسه)تجتمع في العضو........

41-عضو مثقف.....

42-عضو مرح ....

43-عضو شاعر......

44-عضو زووووء .........

45- عضو تهديه هديه وايه هي الهديه .........

46-عضو تهديه اغنيه وايه هي الاغنيه .............

47-عضو تهديه بيت شعر وايه هو بيت الشعر ...............
48-ما الفرق بين شخصيتك في النت وخارج النت؟
49- ماهو مبدئك في الحياة
50- ماهو الطموح الذي تريد ان توصل اليه
51- ماهي امنيتك في الحياة
52-ما اجمل مرحلة دراسية مرت في حياتك وتتمنى ترجع لها ..؟
53-ماذا تعني لك الصداقة؟
54-ماذا تمثل لك الاشياء التاليه
/القمر
الحب
الصداقه
البحر
الدراسه

55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,

الشخصية المثقفة ....

الشخصية الاجتماعية ....

الشخصية المبدعة ....

الشخصية الفوضوية ....

الشخصية المشاغبة ....

الشخصية الهادئة ...

الشخصية العبقرية ...

الشخصية الانيقة ....

الشخصية الدبلوماسية ....

الشخصية المرحة ....

الشخصية الساخرة ...

الشخصية البريئة ....

الشخصية الحادة ....

الشخصية الحنونة ....
56 -من هو العضو الي يسعدك تواجده بالمنتدى؟

57- من هو العضو الي يضايقك وجوده بالمنتدى؟ بصراحة
58- كيف يعتذر الرجل عامة؟ وكيف يعتذر "عفيفى" خصوصا؟

59- أشياء لا تحب ان تتكلم عنها مع إي شخص؟
60-ما الفرق بين شخصيتك في النت وخارج النت؟
****** هل اضطررت الى الكذب في أحد أسئلة كرسي الاعتراف؟؟


اوعى تقول انى طولت عليك
AFIFI MOSTAFA
17-01-2010, 10:12 AM
- أين تقضي كل وقتك ... ؟
معظمه فى الشغل
2- أين تجد راحة البال ... ؟
فى الرضا
3- أين تجد نفسك في البيت ... ؟
فى البانيو
4- من علمته الرماية فرماك ... ؟
مفيش
5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟
ام العيال
6- من هو صديقك الصدوق ... ؟
جمال رجب غنيم الجوهرى قاسم
7- من أى شئ تغضب ... ؟
الكذب
8- متى تبكي بحرقه ... ؟
عند الظلم
9- متى تجلس لوحدك ... ؟
وانا بكتب شعر
10- متى تقول لا ... ؟
عندما تنتهك حرمات الله

11- متى تكون أناني ... ؟
فى العبادات
12- كيف تعيش يومك ... ؟
ثلثة فى الشغل (الجميل الشاق) والاخر فى المنزل ( المريح الدوشة ) والثالث فى النوم (اللذيذ الممتع)
13- كيف ترى حال الأمة اليوم ... ؟
كغثاء السيل
14- كيف تنظر لمستقبلك ... ؟
على المرء ان يسعى وليس عليه ادراك النجاح
15- كيف تنظر للمرأة ...
امى واختىوبنتى وعطر الكون ومصباح البيت
AFIFI MOSTAFA
17-01-2010, 10:34 AM
16- في عصر العولمة الحالي (( ما رأيك في حب الإنترنت )) ... ؟
وسيلة من وسائل الاتصال المذهلة والسريعة وممكن يكون الحب عن طريقه
بس واجب الاحتراس لان النت زى ما فى ايجابيات كتيرة فى سلبيات اكتر
17- يقال أن الحب يمحو جميع العيوب والأخطاء في المحبوب (( ما تعليقك )) ... ؟
ديما اللى بيحب مش بيشوف عيوب حبيبه لكن لو حصل نصيب واتجوزو
العيوب بتظهر زى الشمس دا طبعا للراجل والمرأة
18- ما هو سر نجاحك في الحياة ... ؟
برضى بما قسمه الله لى
19- ما أجمل مافي الحياة في نظرك... ؟
الاولاد ( الذرية الصالحه )
20- هل أنت عاطفي ... ؟
جدا جدا جدا
21- هل صدمت بالخيانة من أعز أحبابك ... ؟
لم يحدث والحمد لله

22- هل أنت فوضوي ... ؟
فى البيت ممكن فى الشغل لا
23-العضو اللي تتمنى تشوف شكله هو ........
دعاء الكروان
24-العضو اللي نفسك تعطيه كف هزار ........

الفارس


25-العضو اللي نفسك تعطيه كف (((مش)))هزار.......

مفيش والله

26-عضو تلقبه بسوبر ستار شباب المنتدى......

محمود التهامى

27-عضوه تلقبها بسوبر ستار صبايا المنتدى.........

اميرة


28-عضو تقوله (ياغايب ليه ماتسأل).........

ليون


29-عضو تقوله(والله العظيم اشتقنالك).........

ناصر


30-عضو تقوله الله يجزيك خير ويعطيك العافيه.......

الباشا تلميذ
الفارس
17-01-2010, 10:46 AM
ماشى . . ماشى . . ماشى

هو أول التعارف واستقبال الضيوف كف هزار

جديده دى

على العموم مقبوله منك لانى عارف انها أكيد محبه

ههههههههههههههههههههه

ههههههههههههههه
AFIFI MOSTAFA
17-01-2010, 10:54 AM
ربنا يخليك يا ابو الفوارس ودا كف هزار يا عمى انت مش شايف كمية الاسئلة

عفيفى
AFIFI MOSTAFA
17-01-2010, 12:33 PM
31-عضو اتقولوا انااسف بحقك .........
جمال فجر مصر

32-عضو تقوله (خير ان شاءالله)..........
مصطفى مأمون

33-عضو تقوله الله يسهل لك .........
مفيش

34-عضو ارتحت له من اول ماشفت اسمه بالمنتدى.......
الاحباب

35-عضو اول ماشفته ماكنت تطيقه ويوم عرفته حبيته......
مفيش

36-عضو تتخيل شكله وتقول متخيل ايه............

اميرة حبى انا .متخيل شكلها زى ( شمس البارودى فى الشكل)


37-عضو طيب على نياته......
انا

38-عضو شعبيته كبيره ومحبوب عند غالب الاعضاء........
جمال فجر مصر

39-عضو تحسه برييء براءه اطفال........
مفيش

40-(الثقل والركاده والرزانه والهدوء والوناسه)تجتمع في العضو........
وردة الايمان

41-عضو مثقف.....
محمود التهامى

42-عضو مرح ....
خلود

43-عضو شاعر......
ناصر

44-عضو زووووء .........
الباشا تلميذ

45- عضو تهديه هديه وايه هي الهديه .........
ام العيال .اهديها مصحف
AFIFI MOSTAFA
17-01-2010, 02:44 PM
46-عضو تهديه اغنيه وايه هي الاغنيه .............
(يا اعز واغلى واطيب قلب ) اهديها لأبو تريكة

47-عضو تهديه بيت شعر وايه هو بيت الشعر ...............
كأننا والماء من حولنا قوم جلوس حوله الماء .
اهديه .لعمرو الحكيم
48-ما الفرق بين شخصيتك في النت وخارج النت؟
مفيش فرق .بس فى النت اخرس وبره النت بربنط
49- ماهو مبدئك في الحياة
اليوم احلى من امس وغدا احلى منهما
50- ماهو الطموح الذي تريد ان توصل اليه
ان ارضى الله عز وجل
51- ماهي امنيتك في الحياة
كتيرة بس اهمها اشوف روان دكتورة وسندس مهندسة
52-ما اجمل مرحلة دراسية مرت في حياتك وتتمنى ترجع لها ..؟
مرحلة الجامعة
53-ماذا تعني لك الصداقة؟
هى الحياه بحلوها
54-ماذا تمثل لك الاشياء التاليه
/القمر احد اسباب كتابة شعرى
الحب تسألنيى عن الحب قلت عواطفة منوعة الاجناس موطنها القلب
الصداقه الوفاء
البحر النقاء
الدراسه فترة الشباب بحق

55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,

الشخصية المثقفة .... ام انس

الشخصية الاجتماعية ....ام الاء

الشخصية المبدعة ....دعاء الكروان

الشخصية الفوضوية .... مفيش

الشخصية المشاغبة ....محمود عبد الله

الشخصية الهادئة ... قمر

الشخصية العبقرية ... محمود التهامى

الشخصية الانيقة ....ليون

الشخصية الدبلوماسية ....الاستاذ / سعد

الشخصية المرحة .... خلود

الشخصية الساخرة ...مفيش

الشخصية البريئة ....دىدى

الشخصية الحادة ....مفيش

الشخصية الحنونة ....ام العيال
56 -من هو العضو الي يسعدك تواجده بالمنتدى؟

مع بعض -دعاء الكروان ووردة الايمان


57- من هو العضو الي يضايقك وجوده بالمنتدى؟ بصراحة
طالما بصراحة كان جمال فجر مصر اما الان فهو اخى الاكبر
58- كيف يعتذر الرجل عامة؟ وكيف يعتذر "عفيفى" خصوصا؟
الرجل يعتذر بفعلة وليس بكلامه فقط . عفيفى يفعل ذلك

59- أشياء لا تحب ان تتكلم عنها مع إي شخص؟
حياتى الشخصية
60-ما الفرق بين شخصيتك في النت وخارج النت؟
اظن السؤال مكرر مع سؤال رقم 48

****** هل اضطررت الى الكذب في أحد أسئلة كرسي الاعتراف؟؟

لا والله على ما اقول شهيد.

واقفل المحضر فى ساعته وتاريخه واطلع على اقواله واقر بما فيها

اخوكم / عفيفى



اوعى تقول انى طولت عليك

انتى ما طولتيش خالص ربنا يخليكى وتقعى فى نفس الموقف مجهز لكى 100 سؤال .
اميرة حبى انا
17-01-2010, 02:57 PM
اجاباتك جميلة اوعى
بس استنى هبص فى المراية اشوفنى شكل شمس البارودى كده
وبعدين اشمعنا شمس البارودى اصلا
المهم عجبانى اوى طريقتك فى الاجابات
وحسيت فيها بصراحتك
خصوصا
وان فى اسئلة انت الوحيد تقريبا اللى جاوبت عليها
AFIFI MOSTAFA
17-01-2010, 03:12 PM
الفكرة مش اشمعنا شمس البارودى يا اميرة انا مش عارف ليه بتخيل كل عضوا فى المنتدى بشكل ممثل وانتى تخيلتك كدا اعمل ايه
يعنى يعنى يعنى
اميرة حبى انا
17-01-2010, 03:47 PM
خلااااااص بتشخط ليه طيب
متعملش
شمس البارودى شمس البارودى
حد لاقى
fagrmasr01
17-01-2010, 06:42 PM
31-عضو اتقولوا انااسف بحقك ....جمال فجر مصر
لامجال لأى أسف بين اخ وأخوه يا عفيفى .. انت اخويا

38-عضو شعبيته كبيره ومحبوب عند غالب الاعضاء.. جمال فجر مصر
أشكرك يا عفيفى ... مجاملة لطيفة منك اشكرك عليها جدا

57- من هو العضو الي يضايقك وجوده بالمنتدى؟ بصراحة
طالما بصراحة كان جمال فجر مصر اما الان فهو اخى الاكبر



اشكرك عفيفى من كل قلبى
وادعو الله عز وجل ان يرعاك فى غربتك انت وأسرتك وان يوفقك لما فيه خير وصلاح الدين والدنيا والآخرة وان يحقق لك الله أطيب أمانيك وان يرزقك الخير والبركات واليه سبحانه وتعالى .. جل فى علاه .. ابتهل ان يهدينا جميعا الى سواء السبيل
اللهم آمين
جمال فجر مصر
AFIFI MOSTAFA
18-01-2010, 11:37 AM
متشكر اوى يا استاذ / جمال وديما لنا استاذ واخ كبير نتعلم منك

عفيفى
ام العيال
18-01-2010, 08:56 PM
عفيفى حقيقى والله انا بعتبرك اخ وربنا شاهد
وهديتك وصلت ودى اجمل هديه والله
وربنا يكرمك ويوفقك ويرزقك ويهون غربتك يارب
ويفرحك بكتاكيتك يارب

الله لا يحرمنى من المشاعر الاخويه دى ابدا
اميرة حبى انا
18-01-2010, 09:06 PM
كل يوم بيزيد حبى للمنتدى اللى جمع بين ناس
من اجمل واحن وارق الناس
ناس قلوبها صافية
ناس تحابت فى الله
بشكركم على الروح الجميلة اوى دى
واشكرك يا عفيفى على المدة الجميلة اللى قضيتها على الكرسى
وعلى الاجابات الصريحة وخفة الدم
الف شكر