الفرانكو عرب ( لغة الشات والرسايل ) والشباب الروش

[اميرة حبى انا]

السلام عليكم ورحمة الله وبركاته


الفرانكو عرب



لغة الشات والشباب الاستايل

أحدث لغات العالم


الاول نحكى عنها ونقول

هى لغة بنستخدم فيها الحروف الانجليزية علشان نعبر عن كلمات باللغة العربية

يعنى مثلا عايزة اقول

السلام عليكم هاكتب aslam 3lykm

اقول رايى هاكتب akolra2y


المهم انتشرت اللغة دى فى مسجات الموبيل

وعلى الشات وكمان فى المنتديات

وللاسف كتير من الشباب ادمن اللغة دى لدرجة انه

لم يعد يستطيع ان يكتب جملة باللغة العربية

وكمان بقى الجديد ايه نزلت برامج تفسير للغة دى وبتقوم بالترجمة


طيب وماذا بعد !! هل ستصبح اللغة العربية منطوقة فقط كما فى اللغة الهيروغليفية
؟؟؟؟؟

وهل سيأتى اليوم ونرى الاحاديث الشريفة والقران الكريم !!!؟؟؟؟

مكتوب بتلك اللغة المهجنة
؟

وبعدين ليه نطمس هويتنا العربية وليه مش نتعلم اللغات الاجنبية

يعنى من الافضل ان تكتب عربى باللغة العربية

وانجليزى فى اللغة الانجليزية

وكفاية بقى لخبطة



انا منتظرة اسمع ارائكم


_

[afifi mustafa]

يا اميرة المشكلة يا ريت تقف عند الكتابة وبس المصيبة السودة ان الاخلاق والعادات بقت غربية مائة فى المائة وكل دا بيرجع لاسباب كتيرة اهمها البعد كل البعد عن الدين ونسيان الانسان اصلة

عفيفى

[fagrmasr01]

انها جزء من مخطط مسح الهوية العربية والاسلامية
يسير كما هو مخطط له للقضاء على الدين.. ويساعد فى تنفيذه قنوات فضائية تصرف عليها المليارات وافلام سينما بعشرات الملايين وأغانى هاطة ومسلسلات تافهة وجرائد صفراء ومن كل لون ... كلها تهدف الى التغييب والتغريب
ويساعدهم فى هذا غياب غريب للثقافة فى ظل وزارة ثقافة تضطهد المثقفين فى كل مكان ويكفى ان وزيرها فاروق حسنى ....

[محمود عبد الله]

i think Arabic letters will stand untel the end of the life
even there were one man called mahmoud choose to answe for your post in english
arabic letters is a fixed letters for the authorised ********************************s
dont forget that the Qur2an ( Al Ketab Al ma7fooz) had written with that suspected letters to dead

[اميرة حبى انا]

اتفضلو اهو بيرد بالانجليزى
حد يقولو حاجة يا ناس

[محمود عبد الله]

لما يكون واحد جامد اوى
و بعدين فى بلطجية غلسو على ابنه
و نزل طرقعلهمم و قالهم الواد اهه
يبقا حد يورينى هيقدر يعمله ايه ؟؟

انا عملت كدة كتبت بحروف الانجليزى ان العربى باقى الى نهاية الكون
صحصحى يا اميرة

[اميرة حبى انا]

ماشى يا عمو
وجهة نظر برضو
معلش اصلى لسه مش صحيت

[وردة الايمان]

موضوع للمناقشه جميل جدا يا أميره ..

والأراء اللى اتقالت اجمل واجمل ..

وكويس ان محمود رد باللغه الأنجليزيه ...

لأن ردنا المفروض يوصل للى السبب فى المشكله ..

العرب ليهم اعداء كتير ..

واللغه العربيه هى اساس هويتنا ...

والأهم من كده انها لغة القرآن الكريم ...

وياريت يكون فيه دور للمدارس وللجامعات وللمساجد للحفاظ على لغتنا العربيه .

انا عارفه انها هتكون عمليه صعبه ...

بس هيكفينا شرف المحاوله ...

اشكرك يا أميره .

[محمود عبد الله]

شايفة الناس اللى بتفهم الف شكر يا وردة

[اميرة حبى انا]

ماشى يا محمود يعنى انا مش بفهم
الله يسامحك

[محمود عبد الله]

دانت المفهومية كلها بس البوسيسور كان مهنج باين

[اميرة حبى انا]

ماشى يا عم
اما اشوف اخرتها معاك