علي برج المراقبة ( أهداء الي روح الجندي أحمد شعبان )

[nasr]

ســــنتين وأنا واقف علي برج المراقبة أطل
علي أرضنا العربية في فلسطين حبيبة الكل
أقول آه لو أقدر أعدي لاجل أحارب الذل
لكن الأوامر صريحه الجنود لازم تطيع الكل

المصري من سالف الدهر كان بيطيع
لكن النهاردة بيرفض ســــنة التطبيع

ســـــنة نبينا وقرآننا من زمان يا عم
أرجع ذاكرها تلاقي القرب منهم هم
حكامنا فاوضت وقالت دول ولاد العم
أعدائنا تكرهنا وإحنا علي شملهم نتلم
توازنات القوي كدبة خلت حياتنا غم
زاد فقرنا جهلنا و أمراض بالبطئ بتعم

بدعو يوماتي يا مصر تعيشي في سعاده
ترجع يا أزهر تنورها ونحيا في عباده
أرزقها يا رب سترك وأرزقني أنا شهاده

حلم الشهاده جميل لكن يجيلي منين
بحلم وأنا علي برج المراقبة سـنين

وبسـرعة طلقة رصاص من قناص غدارة
ســـكنت في قلبي فرحت بـــس يا خسارة

شــــــــهادتي جت علي أيد أخ مش ولاد العم
وأنا اللي جريت يوم غزه إتبرعتله بالدم
وعشت سنين وأنا بحلم أعدي له نحارب الهم

سلام يا برج المراقبة عشت حلمي معاك
يا ريت يا مصر تحمي اللي بعدي هناك

[fagrmasr01]

الله ينور عليك ويبارك لك ويكرمك

اكتر من قوية واكتر من معبرة واكتر من ممتازة

كلها تستحق الاقتباس فعلا وتستحق عليها تحية تقدير خاصة جدا

تسلم ايديك يا مبدع يا جميل

ولاتنس الاشتراك فى مسابقة المنتدى قبل يوم 17

[nasr]

الله ينور عليك ويبارك لك ويكرمك يا أستاذي



كلماتك لي اكتر من قوية واكتر من معبرة واكتر من ممتازة


كلها تستحق اَلتقدير فعلا وتستحق عليها تحية حب خاصة جدا


تسلم ايديك يا أستاذي يا مبدع يا جميل


ولن أنسي الاشتراك فى مسابقة المنتدى
قبل يوم 17 أن شاء الله

[fagrmasr01]

اخويا وصديقى وحبيبى ناصر
بصراحة حتى ردك على التعليق.. ابداع جميل اوى ولازم ارجع واحييك تانى وتانى عليه بجد
تسلم يا مبدع

[مصطفى مامون]

من غير مجامله العاميه عندك عاليه جدا ياناصر
انا بحسدك يارتنى اعرف انظم عاميه تستاهل تبقى
تلميذعمنا /جمال

[محمود التهامي]

اعتقد يا استاذ ناصر
انك هتحتاج تغير كام بيت بعد الخبر دا
http://www.vb.6ocity.net/showthread.php?t=8668

[محمود عبد الله]

خطيييير تسلم ايدك يا عمى

[nasr]

شكر وتقدير لكلماتك الرقيقة يا مصطفي وعلي فكرة أنا أقل بكتير مما كتبت
في كلماتي بل علي العكس عندما أقرأ لك أشعر بأنني أمام شاعر محترف
يتشرف منتدانا الجميل بكلماته كما أتشرف أنا بأخوتك واخوة وحب الحاج جمال ربنا يكرمه ويعفو عنه ويعافيه وميحرمناش منه.

[nasr]

اعتقد يا استاذ ناصر

انك هتحتاج تغير كام بيت بعد الخبر دا
مديرنا الغالي
لقد قرأت الخبر ولا أستبعد رؤية الأستاذ / فهمي هويدي لاسيما وانه رجل محترم لا يخشي في الحق لومة لائم وتاريخة يشهد له وأنا أقل من ان أقيم ما قاله ولكن يا أستاذ / محمود أنا زهقت من الكدب في البلد دي يا عزيزي كلنا كاذبون من أول الواد الأهبل المختل عقليا" اللي بيقتل في المسيحيين الي الراجل الأهبل اللي قال حاجيب للمصريين حقهم من الجزائريين .

[nasr]

خطيييير تسلم ايدك يا عمى


يسلم لي مرورك يا هدية المنتدي لينا
ربنا يخليك يا حوده وميحرمناش من خفة دمك