هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[saadrabea]

الحمد لله
انا مدير مالي بشركة كبيره جدا جدا جدا
والوضع المالي لي بالشركة ممتاز والحمد لله
كل اللي بفكر فيه هو انا هفضل على طول كده في الغربه ولا ايه
امتى هعيش في بلدي . السن 42 سنه .

مش عارف علشان مجربتش الظروف الحالية لمصر
مع العلم انا تارك مصر منذ 5 سنوات فقط
بس للاسف لما سافرت اكتشفت اني مكنتش اعرف حاجة ابدا عن مصر
علشان كنت مشغول جدا طووووول الوقت
ومكنش عندي اي وقت لاي حاجة غير شغلي
لما سافرت شوفت مصر من بره
وشكل الموضع صعب قوي للعيشة المرتاحة
هو دا صح ولا انا برده شايف غلط

[محمود التهامي]

والله على حسب يا استاذ سعد
فيه ناس يادوب عايشة وفيه ناس مبسوطة وفيه ناس عايشة على دم ناس
وكل واحد هيكونله رأي
يعني هتلاقي اللي طهقان من البلد وعايز يهاجر
وهتلاقي اللي راضي بحاله وقانع تماما
المهم انت عايز ايه وايه بيمثلك مشكلة وايهتقدر تتحمله
ظروفك اكيد هتفرق كتير وانت لوحدك اللي تقدر تقرر

مش عارف تقدر تنزل اجازة تشوف الحال والوضع وتجرب وتشوف هتقدر تتأقلم وللا لأ

[mohamedbook]

نصيحة
اوعي ترجع الا اذا اضترتك الظروف لترجع
طلما مستريح عندك ايه مشكلتك
وكلها ارض الله ووعي تالي الوطن والكلام ده
شعارات فقط

[محمود التهامي]

يا استاذ محمد
هو يعني لو كان مرتاح كان سأل وللا فكر يرجع
اما بقا حكاية الشعارات اللي حضرتك بتقول عليها دي
فلو مكنش حسها مكنش قالها

[اميرة حبى انا]

انا مع استاذ محمد
مادمت حضرتك ليك مكانتك فى شغلك
ومرتاح فيه
اوعى تسيبه
ومش لازم نوصف الوضع هنا
خلينا عايشينه من غير ما نوصفه
واكيد حضرتك بتقرا جرايد
وبتشوف برامج اخبارية
اقولك
عايز تعرف مصر
اتفرج على الحياة اليوم
كل يوم الساعة 9
خليك مكانك وزى ما استاذ محمد قالك
كلها بلاد ربنا

[محمود التهامي]

وهي الحياة اليوم هي بس اللي بتجيب أخبار مصر
يا جماعة ما تطفشوش الراجل سيبوه يفكر بحرية وخليوكو حياديين
اه فيه الحياة اليوم وفيه 90 دقيقة وفيه 48 ساعة
بس برضه فيه ميلودي افلام وكايرو سينيما
وحتى الحياه فيها ديل اور نو ديل لعبة الحياه ودارك والمطبخ اللي مطهقنا كل يوم
فيه الدويقة وعزبة الهجانة وفيه مدينة نصر وحدائق اكتوبر ودريم لاند
فيه العتبه وفيه كايرومول وفيه الموسكي وفيه اركاديا
وفيه ام المصريين والقصر العيني وفيه دار الفؤاد والزهور
فيه مالك عبارة بيغرق الناس عشان ياخد فلوس التأمين ويهرب وفيه موظف غلبان بيرفض رشوة بالملايين
وزي ما فيه عندنا فيه في كل حته
زي ما فيه شعب غافل نايم فيه حكم فاسد
مش عندنا احنا بس والله لأ في كل حته
يااااااااااه تعبت كفاية كدا بقا

[اميرة حبى انا]

والله انت ناوى تودينا فى داهية
بص
احنا عايزين المنتدى من غير مدير
امشى بقى

[محمود التهامي]

طيب اجمعي توكيلات قصدي ردود من 25% من الأعضاء وانا امشي
ومتخافيش مش همنع الشهر العقاري قصدي مش هوقف الرد
ههههههههههههههههههه

[خلود]

انا رأى زى ما قالك محمود انزل جرب الاول شهرين تلاته وانت هتعرف تقرر ما اذا كنت تستمر فى الغربه ولا ترجع بلدى تانى

بس اللى اسمعه ان الغربه مره

بالنسبه ان المدير يمشى او يستنى فده طبعا مش ممكن يحصل ابدا منتدى 6 اكتوبر مينفعش من غير مديرينه اللى هما احلى مديرين فى الدنيا

[اميرة حبى انا]

يعنى انتى شيفانى هقدر امشيه اوى

[محمود التهامي]

ليه بس يا أميرة
دانا قولت 25% بس

[mohamedbook]

عن خبرة بالحياة في مصر الحبيبه
لو جيت والله وانا اقولها ولله لتكره نفسك
اظن سمعت عن كام واحد موت مراته وعياله بالاش دة
الناس هنا بقه عبيد الفلوس
اقراء في اخبار الحوادث واحد بيموت واحد عشان 3 جنيه والاخر موت واحد عشان خناق العيال وواحد موت واحد عشان كوز درة
شفت الانحطاط واصل بينا لغايه فين
احنا عم فينا التخلف والجهل والرشوة وسوء الخلق وقله الادب تحرش في الشارع في الموصلات
ممكن تلاقي واحد ماشي بتكتوك ( لو مكنتش تعرف التكتك ) حاجة كدة ب3 عجلات زي الراجل الي موت واحد عشان 3 ج المهم مشغل صب مسمع امع لا اله الا الله كلها ولا حد بيتكلم
هيدفعوك فلوس الزباله علي اكهرباء وهيسبوها عندك لغايه متعفن عندك
مرة ركنت العربيه في شارع جامعة الدول وبعدين جه الونش كلبشها المهم رحت للامين الي هو مش امين التله عايز افك السيارة متكلبشه وادفع الغرامه قالي استني لما الضابط يجي المهم طال الانتظار اتصلت بحد مهم في المخروسة المهم جالي الونش في ثواني وفك الكبش ومخدش غرامه -----(لو حبيت تمشي صح مش هينفع )
اتحداك لو عرفت تطلع شهادة ميلاد من كيرو مول الناس هناك عملين زي شوال القطن المكبوس انت بس هتشوف المنظر هترجع تاني
اتحداك لو كلت رغيف عيس نظيف من الفرن البلدي الي مشرف عليه واحد من التموين
اتحداك لو مسمعتش شتيمه كل شويه
اتحداك لو عرفت تاخد المبلغ الي بتخدة في اي دوله عربيه الا اذا كنت حرامي وسفاح
اتحداك لو رحت ترخص عربيتك ومدفعتش رشوة وضيعولك اليوم
انا جبت العربيه زيرو وخدو باردو فلوس تخيل مديني نمر سودة وبعدين مهندس الفحص الي مينفعش النمر السودة التله انا جيبها من عندكم هو انا مخترعها المهم رسينا اني طلعت فلوس من جيبي وادتلو فلوس عشان يمضي ومضي
بالاش انزل اجازة وروح القسم لاي سبب وشوف هيحصل ايه
علي فكرة انا فكرة اهاجر استورليا بس للاسف معرفتش ولو جتلي الفرصة هسافر بدون تردد ومش هرجع البلد ديه تاني
الانسان المحترم في البلد ديه ------------ممكن يقولوا عليه مجنون منتخلف غبي ويحسسوك بكدة
تعرف ليه عشان بقينا شعب متخلف ومنحرف والجهل والمحسوبيات طفحت فينا الا من رحم ربي
وعلي فكرة كلامي خبر يحتمل الصدق والكذب ونت واحساسك

[nasr]

علي فكرة يا أستاذ سعد أنا بعمل في نفس مجالك بإحدي الشركات الكبري في مصر ورأيي ان سوق العمل في السنوات الأخيرة أتأثر كتير لاسيما بالأزمة المالية العالمية والصورة في مصر بقت أكثر منافسة لاسيما في مجالنا ( المحاسبة ) وعليك أن تمسك العصايه من النص
يعني السن 42 سنه مش مشكلة لو أعزب أنزل فورا" تزوج وسافر بيها وكمل رحلة نجاحك ولو كنت متزوج فأعتقد أن 80 % من مشكلتك محلوله ويبقي السؤال أنا ممكن أستحمل الغربة قد أيه .. أعتقد مما ذكرته مش قبل 4 سنوات علشان أنزل بشروط هي :
1 - أحاول أخذ شهادة دولية زي cma أو cpa
2 - أرمي ال c.v بتاعتي في الشركات المصرية .
3 - أجعل عودتي لمصر مرهونة بتوقيع عقد مناسب لي.

قال رسول الله ( ص ) دع مايريبك الي ما لا يريبك .
بمعني خليك في العمل اللي انت فيه لحد ما تلاقي العمل اللي تحب أن تكون فيه . يعني بالعربي أحساس البطالة واحد حتي لو كان معاك فلوس كتير لذلك تجلد يا أخي
واستحمل شويه وبلاش تلعب في عداد رزقك .

[محمود التهامي]

وبلاش تلعب في عداد رزقك


جامده قوي دي استاذ ناصر


انت فين يا استاذ سعد
فين تعليقاتك على ردود الناس

[saadrabea]

الاخوه الاعزاء
انا شاكر جدا كل ردودكم

انا إن شاء الله مستمر في العمل ، إالى أن يشاء الله أمرا اخر

[saadrabea]

موجود يا أستاذ / محمود
بس الموضوع زاد صعوبه
الحمد لله بخصوص العمل بمصر عندي العديد من العروض
وكذلك بالخارج .
وبخصوص الدراسات الحمدلله انا عندي عدة شهادات دولية ليست قليلة,وليست مجال لذكرها الان .

انما أنا مدير مالي تنفيذي - لشركة حديد الراجحي
وكذلك عضو مجلس إدارة بمجموعة الاسمنت والجبس .

والفكرة كانت ياترى في مجال في مصر ( غير أني اعمل شغل خاص - لأنه تحت الدراسة بالفعل )
ممكن الواحد يشتغل به وهو مرتاح - بدون ضغط عصبي او سرقات وما شابة
وطبعا أنا عارف إن الراتب أو حتى قريب منه مستحيل بس ماشي حبيت أعرف رايكم
وكان زي ما توقعت
ابعد تكسب للاسف
ياريت يجي اليوم اللي نحس إن مصر بتستفيد من خبراتها بالخارج
العاملين بالخارج من خيرة شباب البلد -
عندي مجموعة من أصدقائي هنا تتخيل / أساتذة جامعات : أستاذ جامعي بعين شمس والقاهره وغيرها .
لماذا يسافر ؟ معقولة .
اقولك نكتة : أنا صرفت اكثر من 150 الف جنية على بعض الشهادات والدراسات من زمان
ويوم مخلصت محستش بأي فرق مادي
لكن حسيت بعروض كتير جدا كلها من الخارج - ودي كانت بداية السفر
انا اسف الكلام خدني ودا مش مجالة

عموما انا شاكر جدا تقديركم جميعا
بس ياريت كلنا ندعي لمصر
إن المسئولين يفقوا بقى
يارب ولي أمرنا خيارنا

[ام انس]

بسم الله الرحمن الرحيم


ا. سعد


الغربة غربة النفس .. مش المكان ولا الزمان ولا الاصدقاء


والوطن بيكون داخل الاسرة ( الزوجة والاولاد )


لو اسست بيت وارتحت فيه هتعيش اسعد الناس ولو كنت فى اخر الكون .

[ام انس]

تنبية هااااااام

احذر ان تترك اسرتك وتسافر

واذا خيرت بين اسرتك وبين عملك فاختار اسرتك

كثيرا من الناس تفقد اسرهم مع الزمن والسبب البعد والغربة

احتوى ما تحب اينما تكون, ولا تقدم الماديات ( وان كانت مهمة ) على الدفئ الاسرى .

احساس جميل وانت تزرع فى ابنائك حسن الخلق ويشبوا امامك فتيان يافعين .

تخيل نبته جميله ترويها بحبك وخبرتك , وكل يوم تكبر امامك , لا تحرم نفسك من هذا الاحساس الجميل

واسفه على الاطالة .

[saadrabea]

الاخت أم انس

بارك لله فيكي ونصايحك فعلا غالية وقيمة
والحمد لله انا معي اسرتي
كمان أنا من حقوق بالعمل السفر بأي وقت لمصر او غيرها


وشاكر جدا جدا مشاركتك الرأي

[AFIFI MOSTAFA]

الاستاذ / سعد
اتمنى لك الاستقرار وراحة البال وصدقنى نصيحة من اخ مجرب كتر التنقل بين الشركات مردوده عكسى تماما لانك اكيد اخذت وضعك بعد جهد
وتعب ومن الصعب تثبت نفسك كل مره واضح انك اخذت شهادت كتيرة وتعبت فيها ما تضيع جهدك على الفاضى


عفيفى

[fagrmasr01]

انا عن نفسى ... حزين انى رجعت .. بسبب حرمانى من الكعبة والمسجد النبوى الشريف

احسب انت الاول ظروفك وصلى صلاة الاستخارة

وبينى وبينك كلها ارض الله

[اسامة22]

ياابن الناس انا متغرب زيك ولسة جاي من مصر
وندمت اشد الندم اني جيت
العالم عايشة ومبسوطة اوي في مصر
وصدقني بلدك احسن من العالم كلة
حتي لو كان فيها اية
وبعدين انت ادري واحد بظروفك
يعني لو ربنا كرمك بمبلغ حلو انزل واستفيد بمشروع
تعملة وصدقني ياما ناس كتير في مصر ماسافرتش وبدات
وربنا اكرمها
يكفي الامان في مصر
وانت عارف كلامي كويس
الاماااااااااااااااااااااااان
اللي في ناس مفكرة ان السعودية هي الكعبة والمدينة المنورة وبس
لالالالا
في حاجات كتيييييييييييييييييير هنا لو حد شافها هيعرف ان كفاية اوي
انك تروح بيتك اخر اليوم وتشوف ولادك بالدنيا كلها
وبعدين انت بقالك خمس سنين
احمد ربنا غيرك واعرف ناس كتير بقالهم عشرسنين وخمستاشر سنة
معملوش حاجة
غير انهم تعبو وجالهم امراض الدنيا
الغربة كربة يااستاذي
وبعدين امروك انت ادري بيها
اولا
انت متزوج ولا
ولو متزوج عندك اولا ولا
وهما عايشين هنا ولا في مصر
الامور دي بتفرق ان الانسان يستحمل يكمل ولا يقول
بارك الله فيما رزق
وعمتا عاجبني رد المدير جدا جدا
وربنا يوفقك لما فية الخير والصلاح اخوك اسامة42س الدمام

[اسامة22]

نست حاجة مهمة كمان
الاخ الل بيقولك كلها ارض الله
كلامك علي العين والراس
كلها ارض الله اه
بس قولة ياستاذنا العزيز بيقولو عليك هنا اية
بالرغم انك عربي مسلم واللغة واحدة
انت عارف يااخي ياللي بتقول كلها ارض الله
بيقولو عليك اية هنا
يااااااااااااااااااااااااااااااااااااااااااااااا
اجنبي
يااجنبي
مسلم ومصري وعربي
ويقولك عليك انت اجنبي
رسول الله صلي الله علية وسلم قال فيما معناة
من ملك قوت يومة وبات شبعان كانة ملك الدنيا وماعليها

[محمود عبد الله]

انا عندى سؤال
اولادك معاك فى الغربة
ولا سايبهم فى مصر؟؟؟؟؟؟؟؟؟؟؟؟

[الفارس]

اخى . .محمد




اكيد كلامك فيه كتير اوى صح من ناحيه المعاناه



ومع ذلك بنحب بلدنا وبنحبها اكتر من اى بلد فى العالم كله



لكن المشكله ان كل المغتربين لفتره طويله بيبقى صعب التأقلم فيها



الا بعد سنين طويله بعد مايكون نفذ صبره وتعب فعلا



وخصوصا ان حياتنا هنا فى الغربه اسهل وافضل كتير اوى



من حياتنا فى مصر واكيد فيها ناس كتيره مخنوقه فيها


وبتتمنى تطلع منها لكن لما بطلعوا بيعرفوا انهم بيحبوها


اوى اوى كمان .






عزيزى . . اسامه 22




معلشى لفت نظرى ردك انت عارف ليه لانك متغرب زينا



لو دا رأيك ل سعد معلشى ليه انت ماعملتش بيه وفضلت فى مصر



طالما مش قادر تبعد عنها كدا


كنت اتمنى تاخد انت القرار علشان تنصح بيه غيرك


وخصوصا انك تقريبا فى نفس العمر



ولو زعلان من كلمه اجنبى الى بيقولها ليه مستنى تسمعها



وعلى فكره انت بتقول انك لسه جاى من مصر وبتندم اشد الندم انك جيت



ولو تفتكر كلامك فى الاجازه الى قبل دى قولت نفسى الكلام فى موضوع



انك كنت بتتمنى الطياره ماتوصلش ليه دا كله طيب خليك مرتاح



لو انت فعلا مبسوط وعايز دا




معلشى ماتزعلش من صراحتى فى كلامى ليك .






اخى . . سعد




طبعا سؤالك وموضوعك هو سؤال وموضوع معظم الناس المتغربين




هتلاقى ردود كتير واختلافات كتيره انت الوحيد الى تقدر تحدد دا




اسأل نفسك السؤال دا وجاوب عليه محتار . . قارن وضعك . . حياتك




للعلم سعد انا زيك متغرب وفى نفس عمرك ونفس درجه وضعك الوظيفى




احنا هنا بنعمل كل حاجه بالتليفون واحنا على مكاتبنا بنأمر وننهى


فى الالاف الموظفين




حاسس بقيمتك ووضعك وكيانك عايش . انت هنا تعتبر واسطه للعايز


واسطه فى امور كتير . .




فى مصر محتاجين الوسطه لينا علشان ابسط امورك تطلع بطاقه


ولا تجدد رخصه ولا شهاده ميلاد ولا ولا .....




انت هنا بتعتبر حلم لشخص محتاج كل حلمه وظيفه كويسه او مساعده فى حاجه




ليه ممكن تعملها وتحققها له وانت على كرسيك




و يكفى ان الى بتحلم بيه بتحققه مش بتحلم بيه وبس صح ولا لاء




اوقات كتيره اوى بنفكر فى سؤالك ومع اول ايام لاجازاتنا فى مصر


بنبقى عايزين نرجع




كل واحد وليه ظروفه واكيد هى الى بتتحكم فيه كتير اوى من الى رجعو


فشلوا ويتمنوا يرجعوا تانى خايف ترجع صح . . خايف من الفشل . .


خايف من المعاناه . . خايف تندم . .


واكيد خايف من الوضع الى انت فيه لانك مش هتلاقيه فى مصر




انت الوحيد الى ممكن تقرر دا مش حد تانى وربنا يوفقك


ولو وصلت لقرار اتمنى نعرفه لان كلنا محتاجين


لرد سؤالك والجواب عليه

[محمود عبد الله]

انت سيد قرارك

[rose]

معلش اتدخل فى الحوار فى مصر مفيش شغل والشباب الا لسه متخرجين مش لاقيين شغل والغلا ء زيادة عن اللزوم واصبحنا من البلاد الفقراء والسوق نيام فى كل المجالات انا باقولك الحقيقة والواقع معلش استحمل شوية لتكوين راسمال شد الحزام بحيث ان تكون مبلغ لمشروع خاص اما اذا كان لك شغل ثابت هنا تضع اموالك فى البنك واو استثمرها فى شغل خاص بيك بدون مشاركة احد لان النصابين دلوقتى فى مصر مااكثرهم واعمل استخارة وربنا سبحانه وتعالى يدبر من امرك يسرا ان شاء الله اخى العزيز

[saadrabea]

ياجماعة انا شاكر جدا كل ردودكم

وللاسف فعلا أنا بنزل مصر كتيير جدا
واول حاجة بعملها إني بأكد موعد العودة اللي في الغالب بتكون بعد 48 ساعة لأني بكون في مأموريه
وطبعا بكون متضايق جدا من حال الناس
ولما بروح المطار بحس إني في أمان عن إني امشي في شوارع مصر
وانا مش عارف في ظابط هيطنط عليا النهارده ولا هروح
ودا حصل معايا قبل كده في جميع الجهات الحكوميه بلا مبالغة
ظابط مرور برمضان الماضي - اخد مني فلوس بالإجبار - وفي حالة عدم الدفع بيقولي إني وقفت في الممنوع والغرامه فيها فلوس 1500 جنية وحبس
وللعلم انا مكنتش واقف من أصلة دا هو اللي وقفني

ودخلت أعمل بطاقة نفس الموضوع إدفع تخلص
ورحت اعمل واعمل واعمل وكلة إدفع تتفتح الابواب لاء يبقى مفيش امل إنت اكتر من كلمة أجنبي بتاعة السعودية - إنت لا تمتلك شيئ من نفسك فأنت ومالك واهل في خدمة الشرطة والحكومة
واللي مش عاجبة يشوف بلد تانية احسن

علشان كده لما الطيارة بتنزل في الرياض والله بحس إني رجعت البيت
بس برده عندي اهل في مصر بيوحشوني أمي وأخواني وبعض الاصدقاء - العيلة يعني - السعودية مهما يكن لا يوجد بها عيلة ابدا حتى وانا معايا كل الاسره واستطيع السفر فياي وقت

[rose]

كفاية انك قاعد فى الرياض جميلة جدا تحفة بصراحة بحبها جدا والله لما باسافر بابقى فرحة جدا ان تركت مصر بالمشاكل والضوضاءوقلة الادب بتاعة الناس فى الشوراع والبائعين الجائلين حتى الهواء الملوث
بجد راى انك تحافظ على شغلك وحياتك كفاية عندك عربية تروح وتيجى بيها احسن ماتركب الميكروباس ولا تتعبشط فى الاتوبيس ولا الشوراع الزحمة ولا اشارات المرور الا ماحدش بيحترمها ولاالضابط الشرطة ولا ايه ولاايه
معاناة جامدة جداربنا يعين اللى عيشين فى مصر

[rose]

لاتترك العمل فى مصر هتاخذ ملرتب بكتير قوى حوالى الفين جنيه موش هتقدر تعيش بيهم انت واسرتك اسبوع لان الحياة غالية ومتطلباتها كتير مش زى زمان كنا نقدر نعيش باقل المصاريف كل حاجة اصبحت غالية ولاترجع والا معاك مبلغ كبير مش اقل من مليون جنيه مصرى وياريت دولار علشان تفتح مشروع صغير يدر عليك وعلى اسرتك مصاريف شهرية كمان لكن اقل من ذلك لاترجع واجعل هدف المليون جنيه امامك ليه مصاريف الحياة هنا صعبة والشوراع مش نظيفة والناس لم يبقى عندها اخلاق ومفيش احترام للانسان والله دى نصيحة من اخت كبيرة وربنا يوقفك وييسر لك امرك

[rose]

شكرا لك على رودرك وانما هى نصيحة من اخت اكبر لوجه الله تعالى وكلنا اخوة فى الله

[بسمةأمل]

السلام عليكم ورحمة الله وبركاته
أخي الفاضل ساكتب ردي بنائا علي تجربتي الخاصه مع والدي
فلقد خرجت منها بنتيجة ملموسة
إذا كان سفر الانسان الي الخارج سفر غير مدروس ومحدد الاهداف فلن يستطيع المرء أخذ قرار العودة بسهولة بعد ذلك
كان يجب من البداية ان تضع النقاط علي الحروف قبل ان تسافر
مثل انا اسافر لاحقق مالا لاني اطمح الي مشروع ما مثلا او غير ذلك اقوم به في بلدي
ولكن العبارة الشهيرة لدينا رايح اعمل فلوس اكون نفسي وارجع
ولكنا الانسان طماااااااااااااااااع والفلوس الحلال لما بتجري في يد الانسان يكون من الصعب التفريط فيها بسهولة حيث انها عصب الحياة
فابي في البداية كان يطمح الي بناء بيت وسيارة وان عيش ابنائه في مستوي مرتفع عما كان يعيش وكان يحلم لنا بالكثير وفعلا لقد حقق ما كان يريد ولكن بعدما عودنا علي مستوي مرتفع من الانفاق فجميع طلباتنا مجابة اوالان نزلنا كلنا الي بلدنا الغالية فيما عدي هو فكيف له ان يحقق لنا مركز مرموق ويلبي احتايجتنا ان هو عاد الي هنا وهو لن يحقق ولو واحد من الالف من دخله هنا
أن كنت تري انك لم تنجذب الي هذا التيار بعد وانك ستطيع ان تحقق نفسك في بلدك ولو بعد حين
فاعلم ايها الفاضل ان بلدك في امس الحاجة الي اناس شرفاء يحبونها ويبنون فيها
اعتذر عن الاطالة واتمني لك ان يسددك الله الي القرار الصحيح