رجــاء من كل الأعضاء

[وردة الايمان]

اعزائى اعضاء المنتدى ...

ممكن يكون الكلام ده مش من صلاحياتى كعضوه فى المنتدى ..
علشان كده ممكن الأداره تحذفه اذ رأت فيه اى تجاوز ...

هى مجرد حاجات اتمنى اننا نتعاهد عليا .....


*ياريت نعاهد بعض ان ميكنش فى حاجه اسمها

مواضيع صفريه ...

ياريت كلنا ندخل ونشارك برأينا مهما كان رأينا بس هيفرق كتير لصاحب الموضوع والرد ياريت ميكنش مجرد مجامله الرد ده لأنسان جمعك بيه مكان واحد وليه حق عليك انك تشكره على مجهوده مهما كان بسيط .

******

*ياريت ..ياريت نشارك ونرد على المواضيع من غير ما يكون السبب الرئيسى للرد هو كاتب الموضوع ..
و يكون السبب هو الموضوع نفسه وهنا مش هيكون فيه فرق بين ادارى او مشرف او عضو لأننا بنهتم بالموضوع اكتر من اللى كاتبه ....

* فيه ناس كتير بتغيب فتره عننا ياريت نعمل نداء ليهم كل فتره بأسمهم وده هيكون مجرد تعبير بسيط عن رغبتنا فى عودتهم تانى .....

* وآخر حاجه ياريت نكون مع بعض اسره بجد مش مجرد كلام ...
ونتخيل المنتدى ده بيت حقيقى والأقسام اللى فيه هى اماكن حقيقيه بنتكلم ونتحاور فيها ..

وياريت لو فيه حد عنده نقد لأنسان تانى يكون فيه صراحه ووضوح اكتر بينا ...

وياريت لو فيه اعتراض على الكلام ده نتناقش ونوضح وجهات نظرنا ...

( والأختلاف فى الرأى لايفسد للود قضيه )


انا قبل كده عملت دعوه للحب ....

ومستعده اعملها تانى وتانى ..

علشان يفضل الحب دايما موجود بينا .


أشكركم ..........

http://photos-e.ak.fbcdn.net/hphotos-ak-snc1/hs012.snc1/2925_1131759449825_1102436553_396668_2756621_n.jpg

[محمود عبد الله]

و الله جزاكى الله كل خير يا وردة
قسم السيارات فى احتياج شديد للحكاية دى
اتبرع ولو بمشاركة
ههههههههههههههه

[محمد المصري]

طبعا انا بايد رايك جدا
الخلاف فى الرائ لا يفسد للود قضية

ولاضم صوتى لصوتك وبالبى الدعوة

يارب ديما يجمعنا على خير وود

[اميرة حبى انا]

اكيد كلامك صح ياوردة
وياريت الكل يعمل به
شكرا يا وردة

[وردة الايمان]

محمود


( الأحباب )


أميرة المنتدى


اشكركم جدا على ردودكم وكلامكم وتعليقاتكم الجميله ..


وان شاء الله منتدانا هيكون احسن واحسن ..


بحبنا وودنا وتعاونا مع بعض ..

[ام العيال]

كلامك صح الصح والله ياغاليه

ربنا يجمعنا دايما على حبه وطاعته

[خلود]

اكيد دعوه جميله جدا وكلنا موافقين عليها

شكرا ياورده على هذه الدعوه الجميله

[محمود التهامي]

كلامك جميل كالعادة يا وردة وطبعا كلنا متفقين معاكي
وبمناسبة دعوة الحب فأنا بابتديها بالتنويه عن حالة زميلنا العزيز محمود
واضم صوتي لصوته
لجمع اكبر قدر من التبرعات قصدي المواضيع للقسم الجديد
ههههههههههههههه
مرورك لوحده مش كفاية
اتبرع ولو بمشكور
ههههههههههههههههههههههه

[وردة الايمان]

أم العيال ...خلود ...اشكركم جدا على ترحيبكم بالدعوه ...

ويارب دايما يجمعنا كل شىء جميل ....

أستاذ محمود ..

انا سعيده جدا بمشاركتك فى الموضوع ..

واعذرنى ان كنت تدخلت فى امور خاصه بلأداره .

لكن الدافع كان حبى للمنتدى مش اكتر ...

وان شاء الله هتكون بدايه جميله للمشاركه فى كل المواضيع ...

وبالنسبه لمحمود عبد الله

والله انا كان نفسى يكون عندى معلومات كفايه عن السيارات علشان اشارك معاه ...

بس اوعده انى احاول ....

واتمنى له ولجميع مشرفين الأقسام التميز واضافة المزيد لأقسامهم ..

اشكرك ....أستاذ محمود التهامى على مشاركتك اللى اسعدتنى فعلا .

[محمود التهامي]

انا مش شايف اي حاجه في اللي قولتيه يا وردة محتاج لصلاحيات او فيها تدخل او اي حاجه من كل دا
واعتقد انك بقالك معانا فترة كافية تعرفك احنا بنتعامل مع بعض ازاي
يعني مفيش هنا ادارة وسلطة وصلاحيات والكلام دا
الالقاب دي مجرد صفة او هيكل تنظيمي للموقع
لكن ملهاش اي صفة او علاقة بتعاملنا مع بعض
يعني لما برد دلوقتي برد كعضو عادي مش كمدير
مدير دي في الاقسام الإدارية وفي حالة وجود مخالفة تستدعي تدخل الإدارة
لكن غير كدا كلنا اعضاء عاديين
ومحدش له اي سلطة على التاني
طالما لم يتعدى الحدود والاداب المتعارف عليها
والحمد لله نادرا جدا ما يوجد بين الأعضاء ما يستدعي تدخل الإدارة
اشكرك جزيلا وردة
واشكر جميع من يشرفونا بتواجدهم على صفحات موقعنا

[خلود]

ياعينى ياعينى على التواضع يامديرنا

اهى دى المديرين والا فلا

والله كلامك جميل جدا وفعلا بيقربنا من بعض كلنا وفعلا هنا مافيش لا مديرين ولا مشرفين ولا الكلام ده

احنا كلنا بنتعامل وكأننا عيله واحده فى بيت واحد يضمنا حبنا للبيت ده ويارب ما يبعدنا عنه ابدا

[دعاء الكروان]

شكرا وردة لدعوتك الجميلة
بارك الله فيكى

[وردة الايمان]

انا اللى بشكرك جدا يا دعاء على تلبية الدعوه ...

وزى ما قالت خلود احنا كلنا فى المنتدى اسره واحده ...

واهم حاجه فى الاسره الواحده اننا نكون حريصين على تواجدنا المستمر ومشاركتنا المستمره ...

والأكتر من كده اننا نكون حريصين على احترام كل منا للآخر ...

والحمد لله كل ده موجود فعلا ..

واتمنى انه يستمر على طول ......

[fagrmasr01]

أتمنى ان الجميع يستجيب
ويكون فعلا الهدف المشاركة والتفاعل مع الموضوعات ومش مجرد اثبات المرور

[وردة الايمان]

أتمنى ان الجميع يستجيب

ويكون فعلا الهدف المشاركة والتفاعل مع الموضوعات ومش مجرد اثبات المرور


اشكرك استاذ جمال على ردك ...

وان شاء كلنا هنحقق الهدف من الموضوع ...

وانا واثقه من كده لأننا كلنا بنحب المكان وعايزينه يكون افضل وافضل ان شاء الله ..

[وردة الايمان]

انا بجدد تانى الدعوه وحبيت بس افكركم ..

ان لسه فيه

مواضيع صفريه

احنا عايزين نعمل حمله فى المنتدى ..

شعارها ...

لا للمواضيع الصفريه ...ايه رأيكم ؟

وعلى رأى محمود ...

اتبرع ولو بمشاركه ..

وممكن حل الموضوع ده

بأن كل مشرف يكون مسؤول عن المواضيع الصفريه اللى فى القسم بتاعه ..

( طبعا اللى مش هيكون هو اللى كاتبها )

انا عارفه انى غلسه ..

بس معلش استحملونى ..

( حظكم بئه )

مع تحياتى ........* وردة *