كان نفسى لكن محصلش

[فريد]

بسم الله و الصلاة و السلام على رسول الله
صلى الله عليه و سلم
وبعد
السلام عليكم و رحمة الله و بركاته
الموضوع بسيط هو
كان نفسى ..........
لكن محصلش .......
ايه هو بقى
يعنى كل الاحلام الا الواحد
كان بيحلم بيها
و معرفش
مقدرش
الظروف لم تسمح له بذلك
لكنها لم تتحقق فعلا
انا هابداء
................


كان نفسى جدا اكون ظابط فى المخابرات
كان نفسى اعمل ديوان من خواطرى
كان نفسى اروح احج
كان نفسى اهاجر امريكا زمان
كان نفسى اركب يخت
كان نفسى حد يسلفنى عشرة جنيه
مين جاى بعدى
و يبعت العشرة جنيه

[خلود]

موضوع لذيذ اوى يافريد وفكرته هايله

وانا جايه بس مش هديك 10 ج

انا بقى كان نفسى فى حاجات كتير وحلمت بحاجات كتير جدا

بس اهمها انى اكون دكتوره بالبالطو الابيض والسماعه

وكان نفسى ربنا يرزقنى بولد بس ربنا ادانى احلى بنوتين بموت فيهم

كان نفسى انزل ميدان التحرير واشارك فى الثوره بدور فعال مش مجرد انزل احتفل بعد التنحى

ودلوقتى نفسى بقى فى مستقبل جميل لبلدى ولاولادى

[مصطفى مامون]

موضوع جميل يافريد احييك عليه
وانا كان نفسى اكون بحار وكان نفسى احكم مصر لمده يومين
واول حاجه اعملها اول ما احكم انىاجيب لنفسى عقد عمل فىالامارات واسيب الحكم
وكان نفسى العب فى الزمالك
وكان نفسى الزمالك ياخد الدورى
وكان نفسى احج

[فريد]

انا زعلان منكم كلكم
ده مش كلام
انا عامل الموضوع ده
عشان حد يسلفنى العشرة جنيه
و اضحك عليه و مش اديها له تانى

[خلود]

ايه ده انت داخل على طمع

[فريد]

لا داخل على سلف

[شذا]

كان نفسى اروح مصيف ومحصلش

كان نفسى فى حاجات كتير هتحصل ان شاء الله

[فريد]

كان نفسى اروح مصيف ومحصلش

كان نفسى فى حاجات كتير هتحصل ان شاء الله


اهم حاجة يكون عندك امل فى الله
و معلش المصيف السنة رخم قوى
عشان الدنيا حر
يمكن السنة الجاية يجى فى الصاقعة
و تعرفى تروحى المصيف

[فريد]

كان نفسى الثورة تحكم
كان زمنا دلوقتى على خطى تونس
بلا و تعدينا تلك الخطوة

[خلود]

كان نفسى ميكونش فى بلطجه

[فريد]

كان نفسى ميكونش فيه حكم عسكرى

[فريد]

كان نفسى اكون فى الحج السنة دى