المرتب الملائم لمحدودي الدخل (الموظفين )

[saadrabea]

دي أول مشاركة ليا معاكم
واتمنى نناقش مع بعض - كام يكون المرتب الملائم للموظف الحكومي
أو الموظف بشكل العام - للحد من الرشاوي - وضمان العيشة الكريمة لكل موظف

وياريت ما فيش ما يمنع إن كل عضو له رأي يقول إزاي حسب المبلغ

يمكن نقدر نوصل لرقم نقتنع بيه ونشوف سكة لعرضة على أكبر فئة من المسؤلين



سعد الخبيري

[محمود عبد الله]

لو واحد عنده مراته و اتنين اطفال
هنقول مرتين لحمة فى الاسبوع = 120 بالخضار و لاوازمهم
مرتين فراخ بلدى = 80 بلاوازمهم
مره سمك = 40 لو الست جابت السمك و نظفته فى البيت
7 كيلو لبن = 35
عيش الاسبوع = 5 من ابو شلن طبعا
كهرباء و مية = 70
فواكه =60
سمن =13 نصيب الاسبوع من العلبة الشيراتون ال 2 كيلو
التموين لو فيه = 15 نصيب الاسبوع
احطياطى الامراض و الملابس =125 نصيب الاسبوع
مدارس خاصة = 42 نصيب الاسبوع (على اساس 1000 للطالب فى السنة)
دروس خصوصية =0 لان الام قاعدة فى البيت و بتطور من نفسها وواخدة بالها من العيلين
نصيب تحويشة العمر =125 نصيب الاسبوع (على اساس 500 للشهر)
تليفون = 12.5 نصيب الاسبوع من الفاتورة
غاز = 5

اضرب × 4 يبئا فى الشهر محتاجين 3390 قول 3500ج
ده عشان العيشة الكريمة فى العصر العجيب ده
و كمان محسبناش البيض و فينو المدارس و اللانشون و كدة

[محمود عبد الله]

موضوعك هايل الف شكر

[saadrabea]

شباب : انا طرحت الموضوع لغرض هام جدا وياريت نتجاوب فية

عندي تعليق

أولا: انا الحمدلله لست من موظفين المحليات - انا مدير مالي بشركة محترمة بالرياض



على فرض أننا سوف نحقق 50 % من المدرج برأي الاستاذ/ محمود يعني بدل 3500 جنية شهري خليها 1750 جنية شهري = حد الكفاف

ممكن نفكر أيه سبب تفشي الرشوه في المحليات أكثر من كده

لما يكون الموظف محتاج مبلغ ذي كده والدولة بتقدرة ، ونعم التقدير من 180 جنية حتى 700 جنية بجميع البدلات والحوافز تقريبا على حد علمي

اما الموظف الذي لا يقبل لا ننكر بوجود نسبة منهم مازالوا محترمين + ولكن كيف يعيشون ؟؟؟؟؟؟؟؟؟؟؟

عمل لدى شركات خاصة + إجهاد طوال اليوم + تعب صحي + إكتئاب + ..... = مرض = عدم عناية من الدولة = وفاه

مش عارف ايه رايكم الحل نعمل ايه للناس دي

إزاي نحاول نساعد المرتشي أن يعود عن هذا الطريق
يجب على هؤلاء ترك العمل إن كان غير كافي والبحث عن عمل جديد ؟؟ فين

ياريت نتبادل الحوار ما العمل لبلدنا الحبيبه مصر - وللشعب المصري الاصيل 7000 سنة تعب وإجهاد وما زال يعلو وجهة الابتسام ؟؟؟

[كاسبر سكاى]

موضوع مهم جدا
اشكرك اخى على الطرح
*********
صحيح انه لو اردنا حساب حد الكفاف لكل شخص
ستكون النتيجة دائما
مصروفات اكثر بكثير من الايرادات
اذا كيف يعيش الفرد عندما يكون دخله تحت حد الكفاف
سبحان الله هنا تكون رحمة الله بعباده
*****
وان كان الامر يختلف حسب الوضع الاجتماعى لكل فرد
فما يعتبر اساسيات لفرد فهو لفرد اخر قمة الترفيه او الكماليات

والعكس بالعكس يذكر

مصر فيها خير كثير
لكن للاسف ماينقصنا هو الضمير والايجابية

تحياتى ولى عودة

[saadrabea]

تذكرت اليوم موضوع هام

إذا كنت تتأذي من دفع إكراميات عنوه ، أو خوفا من عدم إتمام مصالحك
إذا أرتضيت المبلغ المفوع ، وأحسست أن الموظف ، مش عارف أقول ايه والله
بس كنوع من التخفيف عن الاخوه الموظفين عبء الحساب
ممكن ندفع بنية المساعدة ، بنية الصدقة ، بنية ..... أي نيه حسنة المهم أنك ترفع عن الحق



سعد الخبيري

[morecolour77]

4000 جنية...............

[morecolour77]

في ناس ممكن تستكتر المبلغ لكني عامل في الموضوع دا دراسة عن شاب متخرج حديثا و محتاج يتجوز عند عمر من 28 الي 30 سنة و لا يملك من حطام الدنيا شيئ إلا مؤهله الدراسي
لا يوجد عنده شقه و مقدم مهر و لا حتى سيارة 28

[اميرة حبى انا]

والله موضوع زى ده اصبح من الصعب تحديده
نظرا للاسعار العجيبة والطلبات اللى مش بتخلص
ربنا يكون فى عون الناس

[fagrmasr01]

على الأقل 2000 جنيه كمتوسط .. يعنى مفروض تتراوح مرتبات محدودى الى متوسطى الدخل من 1500 الى 2500
وعلى فكرة .. حماية الأسعار أهم جدا بعد زيادة المرتبات لكى لا تتدخل الاسعار فتلتهم الزيادة

[الباشا تلميذ]

لو فضلت الاسعار على الوقت الحالى
ممكن نقول لايقل عن 2000 كحد ادنى

[kamy]

اسمحولى ياجماعه أقول رأى
اول مايجب عمله هو الرقابه على الاسعار بشكل جيد ثم ذياده الدعم على السلع الاساسيه
ثم رفع الاجور 1500الى 2500 والرقابه من قبل مكتب العمل و وزاره القوى العامله بالتزام الشركات برفع المرتبات مش يكون مجرد وعود من اصحاب الشركات امام المسئولين والتلفزيون ثم نعطى العامل 400 جنيه ونمضيه على استقاله واستماره 6 عند التعين والله هو ده اللى بيحصل فى معظم الشركات وبعدين اصحاب الشركات هتقول اللى عاجبه 400 اهلآ وسهلآ واللى مش عجبه فى غيره كثير مش لاقى شغل ياجماعه الدوله تدعم السلع الاساسيه اعتقد هى اهم من الملاعب ومشاهده مسلسلات رمضان اللى بيقولوا اشترى التليفزيون حق عرضها بملايين والا انا غلطان

[3aber_Sabel]

الناس اللي بتكتب ارقام عجيبة غريبة زي 1500 و 2000 و 1750 جنية
ازاااااااااااااااااااي يعني
أقل واجب و انا بأكد ان أقل واجب عشان حياة فعلا كريمة و مستقرة
مش اقل بأي حال من الأحوال عن 5000 جنية بداية التعيين يعني بعد التخرج علطول

أما اللي بنشوفه و عايشينه دلوقت من اوضاع و مرتبات لا يمت بصلة من اللي المفروض يحصل

الحكاية كلها ان الحاجة ام الاختراع عشان كده الناس بتتحايل على الظروف الاجتماعية بكافة الاساليب و الأفكار سواء بقا شريفة او غير شريفة عشان يعيشوا!!!!! بس عشان مجرد يعيشوا عسى انه يجي يوم و الحال يتغير

التباين الطبقي و المعيشي كبير جدا جدا
الانشغال بامور تدبير المعيشة أخد الناس بعييييييييييييييييييييييييييييييييد جدا جدا عن الحياه الحقيقية و معناها و جوهرها و الهدف اللي عشانوا الناس عايشه
و طبعا كلكم راعي و كلكم مسئول عن رعيته..... ما من أحد بيده أن يقيم العدل بين الناس و لم يقمه إلا سيسأل و يحاسب
ما من أحد بيده تطبيق الشرع و القانون و لم يطبقه إلا سيسأل و يحاسب.

الكلام كتييييييييييييييييييييييررررررر بس كل واحد عامل نفسه فهمي الاهبل و كأن الكلام مش له رغم ان الكلام كله له و حيسأل و لكن قد أسمعت لو ناديت حيا و لكن!!!!!! :) لا حياة لمن ينادي

[lionking]

طب يا جماعه لو قلنا 5000

فين الدولة اللى هتديك الرقم ده

وبعدين بصراحة لازم رقابة على كل حاجة من ناحية الجودة والاسعار
يا اخى الفاضل كل التجار اصبحوا جشعين جدااااااااااا فوق ما تتصور

انت ممكن تمشى فى شارع واحد فيه 3 سوبرماركت ولو سالت على الجبنة هتلاقى 3 اسعار مختلفة وانت وشطارتك بئه

الضمير انعدم من عند الناس كلها واصبح شىء عادى وغير محسوس ,,, يكادوا يكونوا نسيوا هو ايه الضمير اصلا

واسمح لى الناس اللى بتكتب ارقام 1700 و 2000 دول واقعيين اوى وعارفين حكومتهم الغراء اوى اوى

وفاهمين ان حتى الرقم ده مش هيوصله الموظف الحكومى المحترم



تحياتى

[fagrmasr01]

فعلا هى دى اللى نقدر نسميها حسبة برما
الثلاثة الاف جنيه فى الوقت الحالى هو رقم متواضع لمعيشة متوسطة لخمسة افراد
وفعلا مفيش المرتبات دى ولا فى الحكومة ولا فى الوظائف العادية المعروفة

وهو دا السبب اللى بيخللى الشعب يسرق من بعضه

التاجر مظلوم والمستهلك مظلوم .. الحيتان الكبار هم السبب الحقيقى والرئيسى

[محمود التهامي]

الموضوع فعلا مثير جدا

بس اللي مش فاهمه كويس
هل احنا بنحاول نحدد الحد الادنى الدخل عشان العيشة الكريمة وللا عشان منع الرشاوى ؟؟؟

في رأيي الرشاوى مش هتتمنع ولا هتقل
لانه مش الموظفين البسطاء هم بس اللي بيقبلوا رشاوى او بمعنى افضل في الحالة دي اكراميات
بالعكس
كبار الموظفين والمسؤولين هم اللي بيقبلوا بل ويطلبو مبالغ عجيبة كرشوة او مقابل لتسهيل اي شيء
اذن الحكاية والمشكلة ليست في الدخل وكفايته من عدمه

اما بالنسبة للحد الادنى للدخل
فالأمم المتحدة بتقول ان اللي دخله اقل من 5 دولار يومي يبقا فقير
واحنا يادوب نفسنا نبقا فقراء
يعني لو أسرة مكونة من اربع أفراد ( أب وأم وطفلين ) بس
يبقا المفروض دخلهم يكون 20 دولار يومي يعني حوالي 115 يومي
يعني 3450 شهريا
وبكدا يبقوا يا دوووووووووب فقرا

واعتقد كدا يبقا نص المصريين ع الاقل نفسم يفتقروا
هههههههههههههههههههههه

[محمود التهامي]

الحكومة مشكورة أعلنت ان الحد الأدنى هيبقا 400 جنيه



تخيلو بقا أسرة دخلها 400 جنيه

وللا بلاش تتخيلو عشان دا مش هيبقا خيال دا هيبقا فيلم رعب

ههههههههههههههههههههههههههههههه

[since1990]

اللهم اجعلنا من فقراء الامم المتحده.
هما اللى بيحددو الحد الادنى دول مش مكسوفين من نفسهم؟
فعلا اللى اختشوا.....

[lionking]

حلوة اوى الدعوة دى

آآآآآآآآآآآآآآآآآآآآمين