المساعد الشخصي الرقمي

مشاهدة النسخة كاملة : * حوار مع ( الاحباب ) *



وردة الايمان
21-12-2009, 11:53 PM
احبابى الكرام ....

هنبتدى اول حوارتنا

فى موضوع دردشه

والطبيعى ان بدايات اى موضوع

بتكون قويه

ولكن فى حوارتنا اللى يارب ماتنتهى ابدا

هتكون ان شاء الله كلها قويه

والبدايه هتكون مع

*
*
*
مدير
*
*
المنتدى

*
*
( الاحباب )

ونقوله .....السلام عليكم .....

fagrmasr01
21-12-2009, 11:58 PM
اسمحى لى ان ارحب معك بالمدير العام واسجل حضورى
جمال

وردة الايمان
22-12-2009, 12:00 AM
انت جيت قبل المدير

أشكرك جدا ...

محمد المصري
22-12-2009, 12:07 AM
وعليكم السلام

انا باسجل حضورى

نقدر نبتدى

اميرة حبى انا
22-12-2009, 12:09 AM
مش تقولوا انكو غيرتو المكان
ينفع كده بدور عليكو بقالى كتيييييير
المهم
انا كمان متابعة

وردة الايمان
22-12-2009, 12:09 AM
حمد لله على السلامه ..

ياترى مستعد للدردشه .....؟

محمد المصري
22-12-2009, 12:10 AM
اكيــــــــــــد

fagrmasr01
22-12-2009, 12:11 AM
حدث خطأ بسيط وهو ان الاحباب متواجد فى الصفحة الاساسية اللى مكتوب فيها دردشة فكرة جديدة
فارجو ترتيب هل هنا ام هناك

محمد المصري
22-12-2009, 12:13 AM
هنا أ جمال

معلش انا مخدتش بالى من الموضوع الجديد

fagrmasr01
22-12-2009, 12:13 AM
الحمد لله التقينا هنا

على بركة الله

وردة الايمان
22-12-2009, 12:13 AM
ممكن فى البدايه تقدم لنا نفسك ....

الأسم .......

السن .......


الوظيفه ......

المؤهل .....

الحاله الاجتماعيه ........

خلود
22-12-2009, 12:18 AM
وبعدين فى اللغبطه دى بقى

مش تنادوا علينا يعنى

ادور الف عليكم كده فى كل الغرف يعنى


طيب ادينا موجودين اهو

محمد المصري
22-12-2009, 12:18 AM
ممكن فى البدايه تقدم لنا نفسك ....

الأسم .......

السن .......


الوظيفه ......

المؤهل .....

الحاله الاجتماعيه ........



الاسم : محمد ابوزيد
الوظيفة : مدير وشريك الشركة المصرية للانظمة الرقمية والخدمات المتكاملة ecds
المؤهل : دبلوم متوسط
الحالة الاجتماعية : متزوج

وردة الايمان
22-12-2009, 12:20 AM
استاذ محمد ...

انت حاسس انك حققت جزء كبير من احلامك

محمد المصري
22-12-2009, 12:21 AM
استاذ محمد ...

انت حاسس انك حققت جزء كبير من احلامك




احلامى كتير

الحمد لله حققت الاستقرار

وردة الايمان
22-12-2009, 12:26 AM
ولو مكنتش مدير منتدى كنت تحب تبقى ايه ؟

محمد المصري
22-12-2009, 12:27 AM
اكون عضو محبوب
بين الاعضاء

وردة الايمان
22-12-2009, 12:30 AM
وياترى دا اول منتدى تقوم بأدارته ...؟

محمد المصري
22-12-2009, 12:33 AM
لا طبعا

كان عندى منتدى تانى ودا كان اول منتدى ليا

egyjoy.net

واقوم حاليا بادارة اكثر من منتدى

محمد المصري
22-12-2009, 12:36 AM
لكن هذا المنتدى احب المنتديات لى

وردة الايمان
22-12-2009, 12:36 AM
وياترى عملك كمدير منتدى ...

سهل وممتع ..

صعب بس فيه متعه ..

صعب ...وغلس ....وكله مشاكل

محمد المصري
22-12-2009, 12:40 AM
وياترى عملك كمدير منتدى ...

سهل وممتع ..

صعب بس فيه متعه ..

صعب ...وغلس ....وكله مشاكل



صعب فية متعة

مشاكل كتير بتقابلنا
لكن الحمد لله كل مشكلة ولها حل

fagrmasr01
22-12-2009, 12:41 AM
الحوار جميل
ياترى هاناخد وقت نسأل بعد الحوار
واللا مسموح بالمداخلات
مجرد استفسار

وردة الايمان
22-12-2009, 12:42 AM
وبمناسبة المشاكل ...

ايه اصعب مشكله واجهتك من اول ما بقيت مدير منتدى ...؟

محمد المصري
22-12-2009, 12:45 AM
عندما قام احد اطفال الهاكر

باختراق المنتدى ولم تكن الثغرة التى اخترق منها المنتدى واضحة

لكن الحمد لله تم التغلب عليها وحل المشكلة

وردة الايمان
22-12-2009, 12:47 AM
اعضاء المنتدى الحمد لله كلهم كويسين

بس ياترى حصلت قبل كده مشكله مع احد الاعضاء ...؟

محمد المصري
22-12-2009, 12:50 AM
لا
لان الادارة تحتاج الى سياسة فى التعامل

محمد المصري
22-12-2009, 12:50 AM
وهذا مبداي فى التعامل مع الاعضاء

وردة الايمان
22-12-2009, 12:52 AM
هل هناك اعضاء تربطك بيهم علاقة صداقه ....؟

محمد المصري
22-12-2009, 12:55 AM
هناك بعض الاعضاء اصدقا لى

وردة الايمان
22-12-2009, 12:57 AM
وهل هناك اعضاء تتمنى ان تربطك بيهم علاقة صداقه ...؟

محمد المصري
22-12-2009, 12:59 AM
وهل هناك اعضاء تتمنى ان تربطك بيهم علاقة صداقه ...؟



بالتاكيد نعم

وردة الايمان
22-12-2009, 01:02 AM
طب ممكن تكلمنا عن صداقتك بأستاذ محمود التهامى ...

وتقولنا امتى وازاى بدأت ......؟

محمد المصري
22-12-2009, 01:06 AM
أ / محمود صديق عزيز

بدات كنا نعمل سوينا فى ادارة مركز خدمات انترنت

ونحن الان شركاء فى شركة واحدة ( المصرية للانظمة الرقمية والخدمات المتكاملة )

وردة الايمان
22-12-2009, 01:07 AM
لو قلتلك توصف استاذ محمود فى كلمتين ...

هتقول ايه ....؟

محمد المصري
22-12-2009, 01:09 AM
رب اخ لم تلدة امك

وردة الايمان
22-12-2009, 01:12 AM
ممكن تقولنا اى موقف ظريف حصل بينك وبين استاذ محمود ..

محمد المصري
22-12-2009, 01:15 AM
المواقف كثيرة

لكن لا اتذكر احدها الان

وردة الايمان
22-12-2009, 01:19 AM
شكرا ....على الرد ده .

المهم...فيه سؤال غلس شويه ...

فى بداية انشاء المنتدى كنت بتشترك انت واستاذ محمود فى المواضيع والمناقشات ...

بس للأسف الموضوع ده لم يستمر طويلا ...؟

وبقيت انت واستاذ محمود بعيد عننا شويه ...

ممكن نعرف السبب ....؟

محمد المصري
22-12-2009, 01:24 AM
شكرا ....على الرد ده .

المهم...فيه سؤال غلس شويه ...

فى بداية انشاء المنتدى كنت بتشترك انت واستاذ محمود فى المواضيع والمناقشات ...

بس للأسف الموضوع ده لم يستمر طويلا ...؟

وبقيت انت واستاذ محمود بعيد عننا شويه ...

ممكن نعرف السبب ....؟



السبب الرئيسى

هو عم الاتصال بالانترنت فترة كافية

والانشغال اغلب الوقت

وردة الايمان
22-12-2009, 01:29 AM
انا عارفه انى طولت عليك ..


علشان كده دا هيكون السؤال قبل الأخير ..


وبصراحه هو اهم سؤال ..


لو حصل خلاف بين اتنين من الاعضاء ..


هتقف بجانب ...


- اللى صداقتك بيه اكتر حتى لو الحق مش معاه .


- اللى اهميته اكتر فى المنتدى حتى برده لو الحق مش معاه .


- هتقف جمب اللى معاه حق حتى لو مش صاحبك واهميته مش كبيره فى المنتدى .

محمد المصري
22-12-2009, 01:34 AM
انا عارفه انى طولت عليك ..


علشان كده دا هيكون السؤال قبل الأخير ..


وبصراحه هو اهم سؤال ..


لو حصل خلاف بين اتنين من الاعضاء ..


هتقف بجانب ...


- اللى صداقتك بيه اكتر حتى لو الحق مش معاه .


- اللى اهميته اكتر فى المنتدى حتى برده لو الحق مش معاه .


- هتقف جمب اللى معاه حق حتى لو مش صاحبك واهميته مش كبيره فى المنتدى .



قال النبي صلى الله عليه وسلم: (انصر أخاك ظالماً أو مظلوماً قالوا: كيف ننصره ظالماً يا رسول الله؟! قال: تمنعه من الظلم فذاك نصرك له)

وردة الايمان
22-12-2009, 01:40 AM
اجابه فى منتهى الذكاء ..

قبل ما اختم حوارى ...انت قلت فى البدايه ان ده احب منتدى ليك ..

ممكن نعرف السبب ....؟

وختام الحوار الجميل ده ....

ممكن كلمه توجهها لكل الاعضاء علشان المنتدى يبقى احسن واجمل ...؟

يعنى حاجه عايز تقولها لهم من زمان وفى مصلحة المنتدى ...

واشكرك جدا ......جدا على حوارك ...

اللى انا شخصيا استمتعت بيه ...


* وردة *

محمد المصري
22-12-2009, 01:47 AM
اجابه فى منتهى الذكاء ..






شكرا





قبل ما اختم حوارى ...انت قلت فى البدايه ان ده احب منتدى ليك ..

ممكن نعرف السبب ....؟

وختام الحوار الجميل ده ....

ممكن كلمه توجهها لكل الاعضاء علشان المنتدى يبقى احسن واجمل ...؟

يعنى حاجه عايز تقولها لهم من زمان وفى مصلحة المنتدى ...

واشكرك جدا ......جدا على حوارك ...

اللى انا شخصيا استمتعت بيه ...


* وردة *




سبب حبى لهذا المنتدى هو اننى احسست انى اقدم خدمة لمدينتىالتى احبها مدينة 6 اكتوبر

وكم اكون سعيد عندما اجد احد الاشخاص كان يبحث عن معلومة ووجدها هنا بمنتدانا الغالى

كلمتى

نحن نلتقى لنرتقى

الإختلاف في الرأي لا يفسد للود قضية

fagrmasr01
22-12-2009, 01:49 AM
شكرا وردة الايمان على الحوار الجميل
بصراحة الفكرة جميلة وناجحة

أحييكى وردة على الفكرة والتنظيم وادارة الحوار بمهارة
وتحية الى اخويا محمد ابوزيد على المشاركة الى اسعدتنى جدا

وردة الايمان
22-12-2009, 01:53 AM
طبعا بنشكر ....الاحباب على حواره ...


اللى طولت عليه فيه شويه ....


واشكرك استاذ جمال على رأيك ..جدا


وياريت لو فيه اى تعليق من باقى الاعضاء ....


انا فى انتظاره ...


وفى انتظار رأيكم فى الحوار ..اللى اتمنى انه يكون عجبكم ..

وردة الايمان
22-12-2009, 01:50 PM
انا حبيت اشكرالأعضاء اللى كانوا موجودين اثناء الحوار ...


وحبيت اقولكم .....


ان الضيف الجديد ....لموضوع دردشه ..


هبلغكم بيه قريب ...


وهو شخصيه ..جميله جدا ...ومحبوب جدا ...


وانا واثقه ان الحوار معاه هيكون ممتع جدا ...جدا ..


وطبعا لسه مستنيا رأيكم فى حوارى مع الأحباب ..


وياريت تكونوا عرفتم تحددوا شخصيته ..اللى انا شايفه انها كانت واضحه تماما ..


بس هأجل رأيى ....بعد رأيكم اللى يهمنى جدا .



* وردة *

محمد المصري
02-01-2010, 01:25 AM
اية دا

مفيش اى تعليق على الحوار

طيب حتى حد يرد يقول انى مكنتش صريح او اى حاجة

وطبعا انا مستنى رائ وردة فى الحوار

اتمنى ان تكونوا صريحين

واظهار سلبياتى حتى استفيد واحاول التغيير من نفسى

محمود التهامي
02-01-2010, 01:40 AM
اه مكنتش صريح
ومش هقولك في ايه
ههههههههههههههههههههه

واول حاجه بقا تغيرها ala7bab دا عشان زهقت منه
يللا بجملة الرخامة بقا
اشمعنى انت يعني

وردة الايمان
02-01-2010, 01:48 AM
استاذ محمود انا سعيده جدا بمشاركتك فى الموضوع ..

وبالنسبه لردك ....

ممكن توضح لنا استاذ محمد مكنش صريح فى ايه ..؟

وبصراحه شديده جدا ..........

ايه رأيك فى شخصيته ...........؟



* وردة *

محمود التهامي
02-01-2010, 01:50 AM
ههههههههههههههههههههههههه

مش انا ضيف الحوار يا استاذة وردة
اذن لست مضطرا للرد

وردة الايمان
02-01-2010, 01:57 AM
انا اسفه يا استاذ محمود على اسئلتى ..



وحضرتك طبعا مش مجبر على الرد عليها ابدا ...

محمود التهامي
02-01-2010, 02:02 AM
هههههههههههههههههه
مش لدرجة الأسف يا استاذة
ومتهيألي كان باين اني بهزر
هو قال محدش هيقوللي مكنتش صريح فقولتله مكنتش صريح
سأل عن حاجه نحب يغيرها قولتله الاسم لاني مش حابه من زماااااااااااااااااااااااااااان وياما قولتهاله بس هو مصمم عليه
بس كدا
الموضوع بسيييييييييط خاااااااااااالص

fagrmasr01
02-01-2010, 03:05 AM
وننتظر معا تحديد شخصية الحوار القادم

خلود
02-01-2010, 03:24 AM
اهو انت كده دايما يمحمود

ملغبط الدنيا كده

وتدخل الهزار فى التهريج

وبعدين اسمه وهو حر فيه

واحد شايل اسمه ومحمود زعلان ليه

اما غريبه دى ههههههه
واسمحى لى ياورده اعلق على الموضوع ككل

الفكره جميله جدا

وموضوع جميل والاسئله حلوه جدا ولو انه كان فى البدايه فى اعتقادى شبيه بكرسى الاعتراف ولكن فيه اختلاف حيث انه حوار على الهواء والاخت ورده ادارت الحوار بطريقه سلسله ولذيذه جدا

وانت ياالاحباب كنت بسيط جدا فى اجاباتك وردودك

وانت يامحمود سيب الناس فى حالها بقى هههههههه :storm_9401257127043:storm_9401257127043

وردة الايمان
02-01-2010, 12:31 PM
هههههههههههههههههه
مش لدرجة الأسف يا استاذة
ومتهيألي كان باين اني بهزر
هو قال محدش هيقوللي مكنتش صريح فقولتله مكنتش صريح
سأل عن حاجه نحب يغيرها قولتله الاسم لاني مش حابه من زماااااااااااااااااااااااااااان وياما قولتهاله بس هو مصمم عليه
بس كدا
الموضوع بسيييييييييط خاااااااااااالص

فعلا يا استاذ محمود واضح انه هزار .....

وواضح اكتر انك مجوبتش على الأسئله برغم انها نفس الأسئله الموجهه لكل الأعضاء وهى تحديد شخصية ( الأحباب ).........
يعنى مش شرط انك تكون ضيف .

ومع ذلك .......فكرة موضوع دردشه او ( حوار ) اساسها هو الأختيار وعدم اجبار اى عضو انه يقول رأيه ..

وانا يكفينى مجرد اشتراكك يا استاذ محمود فى الموضوع ...

وكل سنه وانت طيب ...

ويارب السنه الجديدة تكون افضل سنه على منتدانا الجميل ...

وردة الايمان
02-01-2010, 12:36 PM
وننتظر معا تحديد شخصية الحوار القادم


اهتمامك بالموضوع بيسعدنى جدا يا استاذ جمال ...

وبصراحه شخصية الحوار القادم كان المفروض انها

استاذ...( محمود التهامى)

بس أمرى لله هضطر اغيرها ...

واوعدك انى هحدد الضيف الجديد قريب ان شاء الله ....

وردة الايمان
02-01-2010, 12:43 PM
واسمحى لى ياورده اعلق على الموضوع ككل



الفكره جميله جدا


وموضوع جميل والاسئله حلوه جدا ولو انه كان فى البدايه فى اعتقادى شبيه بكرسى الاعتراف ولكن فيه اختلاف حيث انه حوار على الهواء والاخت ورده ادارت الحوار بطريقه سلسله ولذيذه جدا


وانت ياالاحباب كنت بسيط جدا فى اجاباتك وردودك


:storm_9401257127043:storm_9401257127043



اشكرك يا خلود على رأيك فى الموضوع وفى الحوار ...


والأجمل انك وضحتى رأيك فى ( الاحباب ) او تحديدا رأيك فى اجاباته ...


وانا سعيده جدا بمشاركتك ...


ويارب كل الحوارات اللى هعملها تعجبكم وتقربنا لبعض شويه ....ولو شويه صغيرين .....

خلود
02-01-2010, 05:17 PM
ورده

انا لما قلت بسيط فى اجابته كنت اعنى بالبساطه الوضوح وعدم كتر كلام وبالعكس اجاباته عجبتنى جدا

وبيقولوا خير الكلام ما قل ودل

اشكرك على التعقيب والرد ورده

انا اللى سعيده بفتح حوارات تقربنا وتعرفنا ببعض اكترلاننا كلنا هنا بيجمعنا حبنا فى الله وحبنا لمنتدانا جدا

وردة الايمان
02-01-2010, 07:39 PM
ورده



انا لما قلت بسيط فى اجابته كنت اعنى بالبساطه الوضوح وعدم كتر كلام وبالعكس اجاباته عجبتنى جدا


وبيقولوا خير الكلام ما قل ودل


اشكرك على التعقيب والرد ورده


انا اللى سعيده بفتح حوارات تقربنا وتعرفنا ببعض اكترلاننا كلنا هنا بيجمعنا حبنا فى الله وحبنا لمنتدانا جدا



انا اللى سعيده فعلا بكلامك يا خلود ..

وانا شايفه ان الحوار كان ناجح جدا وقدرت ارسم صوره للشخصيه اللى اتحاورت معاها ..

بس اللى واضح اكتر من كل ده ان نجاح المنتدى سببه حب الجميع له سواء ادارين او مشرفين او اعضاء ..

خلود .........

اسعدتينى بمشاركتك واوعدك ان الحوار الجديد هيكون اجمل واجمل ......

محمد المصري
04-01-2010, 05:12 PM
السلام عليكم

اشكرك ياخلود على رايك فى الحوار

والشخصية

وطبعا مستنى راي باقى الاعضاء

شكرا يامحمود انا عارف انك بتهرج بس ياريت تقول لنا رايك فى الحوار

محمود التهامي
06-01-2010, 10:15 PM
بس أمرى لله هضطر اغيرها ...




مش فاهم ... ليه مضطرة

وردة الايمان
07-01-2010, 12:16 AM
علشان واضح يا استاذ محمود انك ما بتحبش توجيه الأسئله ...

والدليل ان حضرتك مجوبتش على اسئلتى الخاصه بـ ( الأحباب )

ومع ذلك .....موضوع حوار هكمله ان شاء الله ...

مع شخصيه تانيه ........

واشكرك ..على الاهتمام .

محمود التهامي
07-01-2010, 12:23 AM
علشان واضح يا استاذ محمود انك ما بتحبش توجيه الأسئله ...



والدليل ان حضرتك مجوبتش على اسئلتى الخاصه بـ ( الأحباب )


ومع ذلك .....موضوع حوار هكمله ان شاء الله ...


مع شخصيه تانيه ........



واشكرك ..على الاهتمام .



ههههههههههههههههههههههههههههههههههه
واضح كدا ان حضرتك واخدة مني موقف جامد قوي والغريب اني مش فاهم ليه

عموما انا مقولتش اني مبحبش توجيه الأسئلة
وفيه مواضيع قبل كدا كتيييييييييييير تشهد عليا
لكن
عدم اجابتي كان لان الاسئلة متخصنيش
وصراحتي في نقد حد على الملأ كدا متبقاش صراحة دي تبقا قلة زوق

وردة الايمان
07-01-2010, 12:34 AM
عدم اجابتي كان لان الاسئلة متخصنيش

ازاى...الأسئله كانت موجهه لكل الأعضاء ..
وانت قولت اننا كلنا زى بعض ومفيش فرق بين مدير او اى عضو ..
( ياريت تكون لسه فاكر )


وصراحتي في نقد حد على الملأ كدا متبقاش صراحة دي تبقا قلة زوق

استاذ محمود اى انسان مهما كان نقده لشخصيه معينه فممكن جدا انه يقول رأيه من غير اى جرح لهذه الشخصيه ومن غير اى قلة ذوق ..
واظن شخصيه زى ( الاحباب ) مش هتحتاج كل ده ..

محمود التهامي
07-01-2010, 12:44 AM
والله ما قادر امسك نفسي من الضحك
هو لما اقول رأيي فيه تبقا حاجه تخصني انا مش هو
دا على أساس يعني انه رأيي انا وانا حر فيه - طيب ماهو يبقا ساعتها احتفظ بيه لنفسي طالما ميخصش حد تاني
وانهي شخصية في الوجود دي اللي هتتقبل نقد
او زي ماهو باين كدا من كلام حضرتك مش محتاجه نقد وكلها مميزات
محمد عليه الصلاة والسلام مات يا أستاذة وردة
وحضرتك لما سألتيني كان عن الأحباب وللا محمد ؟؟؟
يعني شخصية الأحباب - مدير الموقع - المعروفة على الموقع واللي اكيد مش زي الواقع
وللا أ/ محمد أبو زيد - الصديق
لو الأولى يبقا سؤال حضرتك مكنش له لازمة وزي ماقولتي


واظن شخصيه زى ( الاحباب ) مش هتحتاج كل ده ..


لو التانية بقا يبقا كلامي كان في محله ومفيش حد كامل ومفيش حد برضه بيتقبل النقد

يعني مثلا ... مثلا هاه عشان متجيش بعد كدا تسأليني محمد سطحي في ايه زي ما سألتي كذب في ايه

لو رأيي في حد انه سطحي اقولهاله ازاي من غير ما اجرحه

وردة الايمان
07-01-2010, 01:01 AM
وانهي شخصية في الوجود دي اللي هتتقبل نقد
كتير جدا ..
او زي ماهو باين كدا من كلام حضرتك مش محتاجه نقد وكلها مميزات
محمد عليه الصلاة والسلام مات يا أستاذة وردة
وحضرتك لما سألتيني كان عن الأحباب وللا محمد ؟؟؟
هو فيه فرق ..؟
يعني شخصية الأحباب - مدير الموقع - المعروفة على الموقع واللي اكيد مش زي الواقع
وللا أ/ محمد أبو زيد - الصديق
لو الأولى يبقا سؤال حضرتك مكنش له لازمة .
لو التانية بقا يبقا كلامي كان في محله ومفيش حد كامل ومفيش حد برضه بيتقبل النقد

يعني مثلا ...
مثلا هاه عشان متجيش بعد كدا تسأليني محمد سطحي في ايه زي ما سألتي كذب في ايه
انا مسألتش السؤال بالطريقه دى ..

لو رأيي في حد انه سطحي اقولهاله ازاي من غير ما اجرحه..

انا دلوقتى اللى بضحك جدا ..

على العموم اشكرك جدا ...

واتمنى ان الكلام ده ما يكنش السبب فى اى مشاكل ...

محمود التهامي
07-01-2010, 01:04 AM
لا ابدا
مفيش اي مشاكل
ياريت بس تكوني فهمتيني كويس

وردة الايمان
07-01-2010, 01:11 AM
لا ابدا

مفيش اي مشاكل

ياريت بس تكوني فهمتيني كويس



فهمت كويس جدا ..جدا

وسعيده جدا بصراحتك ..

انت فعلا مدير متميز ..

fagrmasr01
07-01-2010, 03:16 PM
باختصار شديد .. محمود التهامى عنده حق
وياريت الاخت وردة الايمان تقول لنا على مواعيد للحوار الى توقف من فترة طويلة جدا ...

محمود التهامي
07-01-2010, 08:42 PM
شكرا يا عم جمال على الوقفة الجميلة دي
ناس تانيه قعدت تتفرج
ههههههههههه

وردة الايمان
07-01-2010, 09:39 PM
باختصار شديد .. محمود التهامى عنده حق
وياريت الاخت وردة الايمان تقول لنا على مواعيد للحوار الى توقف من فترة طويلة جدا ...


حاضر يا استاذ جمال ...ان شاء الله الموضوع هيستمر ..

ولسه فيه حوارات كتيره وجميله ..

وان شاء الله الشخصيه الجديده هتكون متميزه جدا ..

واوعدك قريب جدا ....هيكون الحوار الجديد ..

اشكرك على اهتمامك ...يا استاذ جمال

وردة الايمان
07-01-2010, 09:43 PM
شكرا يا عم جمال على الوقفة الجميلة دي
ناس تانيه قعدت تتفرج
ههههههههههه

استاذ محمود ...

فعلا وجودك فرق كتير جدا فى المنتدى ...

روحك الجميله واسلوبك ..

بيخلوا اى موضوع له طعم وشكل مختلف تماما ..

محمود التهامي
07-01-2010, 09:53 PM
متشكر جدا يا وردة على كلامك الجميل دا
والله نفسي افضل موجود على طول بس والله بحاول