-- ارجع..بقلمى(صابر)

[RSS]

إرجع
http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده
بكل غالى ..بسألك..
بطول ليالى.. اشتقت لك..
إرجع..
بكل حلو بفكرك..
بكل حلم استنظرك..
إرجع
إرجع انا خايفه اخسرك..
وحلفت عمرى ماازعلك..
بحلفك.. واستعطفك..
إرجع لقلبى اللى اتحرق..
إرجع انا عايشه ف قلق..
إرجع راضينى..ياضى عينى..
حبك دا قدرى وفوق جبينى..
من قبل حتى مااتخلق..
إرجع..

تعالى اقولك.. كلمتين..
من غيرك انت.. ابقى مين..
واعرفك..ايه الحنين ..
وأوصفك.. للعاشقين..

واقول فى ودنك.. وانا جوه حضنك..
إنك حبيبى.. بختى ونصيبى..
وشوق سنين..

واعلمك..تحب فيا..
واعلمك.. تقدر عليا..
لو اظلمك..من غير آسيه..
تغضب وماتبكيش عينيه..
لما تخاصمنى.. يادوب شويه..
بس ترجع لى قوام..
مش تطّول ف الخصام..
داحنا فرقتنا حرام..
وبينا يحلو الغرام..
إرجع..

لسه البلابل ع الشجر..
فوق فى السما لسه القمر..
كل ايامنا الجميله..وانا ف حضنك كل ليله..
إرجع نكمل ف السهر..

في الف حاجه محتاجالك..
عماله تسأل ايه جرالك..
ليه بس تاخد كل حاجه وتختفى..
انت تاخد بس انا مش بكتفى..
وحياة عينيك..انا دايبه فيك..
إرجع بقا..
حرام عليك