المساعد الشخصي الرقمي

مشاهدة النسخة كاملة : -- مالك..بقلمى(صابر)


RSS
14-07-2011, 05:20 PM
مالك


http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده

انت فاكر انى ملكك.. انتهى.. وانا ف انتظارك..
والغرام دا بكلمه منك..واللى بينا كان قرارك..
والمحبه تحت امرك..نار وجنه باختيارك..
وان انا علشان بحبك ..ح ارضى انى اعيش ف نارك..
وابقى دايما همى قربك ..واملا عمرى من مرارك..
مالك..
فوق من وهمك..من افعالك..
مش عن ضعف ان انا سكتالك..
ليه الحب ماجاش على بالك ..
وابقى عشانه رضيت بهوانك..
بس خلاص بردود افعالك..
مش ح اقبل اتهان علشانك..

انسى كل كلام مابينا قلتهولك..
كل حرف حلو انا سمعتهولك..
وحب غالى شيلتهولك..وعمر خالى عيشتهولك..
اسفه انى حفظتهولك..اتصدمت بطيش غرورك..
لو حاببنى..
كنت اثرت ف شعورك..
واحتوتنى..
هوه دا ف الحب دورك..
بس انت اسير غرورك..

انا بالحب اديت وسكت..وعملت اكتر ماانت عملت..
يكفى ان انت اللى اتغيرت..وانت اللى اتجنيت وغلطت..
وانا للاخر برضه فضلت..صابره وصامته واتحملت..
قصدك ايه بعد اللى عملت..ليه تجدد ف عتاب دلوقت..
فات الوقت..
ماتجرّحش غرام عشناه..ضاع الحب اللى عملناه..
ماتت بينّا
لعبة الحب اللى بينا..اللى عشناها ف خيالنا...
نبنى فيها كل ليله..والامير يعشق اميره ..
زى ماتكون الف ليله..بس ياخساره حزينه..
بانت الغلطه الكبيره..الامير عايز اسيره..

والكلام دا قلتهولك..بس مابيرضيش غرورك..
مش ح اقدم الا قلبى.. وانت خدته ..
لاء قتلته..
هوه دا اللى انت عملته..
بعت اجمل حب عيشته..
راح بأهمالك.. خسرته..
حتى قلبى معاك كسرته..
بس دا كل اللى عندى..
بعدوا مافيش الا عِندى..
قصاد غرورك..
فى ايه تانى ادهولك