-- من يوميها..بقلمى(صابر)

[RSS]

من يوميها
http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده
مش لقيها..من يوميها ..
كل ليله هموت عليها..
قلبى لسه حياته بيها..
لسه روحى دايبه فيها..
مش لقيها..

انا كنت عايش عمرى بيها..
انا كنت شايف من عينيها..
سألت كل الناس عليها..
مين قابلها ..ياخدنى ليها..

بطلت اضحك من يوميها ..
حتى ابتسامتى مش لقيها..
راحت حياتى وكنتى فيها..
روحتى وبعدتى وفضتيها..
والنوم خاصمنى من يوميها..

عملتى ايه فيا وبقيتى مش حبيبتى..
الدنيا هيه بس انتى روحتى غيبتى..
اعرف منين إن انتى سيبتينى و خاصمتى..
وليه نسيتى وليه بعدتى وليه ظلمتى..

من يوميها كل حاجه حلوه راحت..
ضاعت ف ثانيه زى لما حبيبتى ضاعت..
وفين حياتنا مش لقيها..
بقيتى قاسيه من يوميها..

ليه يبقى فيكى قلب بايع..
قاسى وسايبنى وحدى ضايع..
كرهت احلم بالهوى واطلب امانى..
انا اللى طول عمرى ماشفتش حد تانى..
لما حبيت افتكرت إنك عشانى..
من يوميها وانتى احلى ماف زمانى..

وتسلمينى للدموع..
اتمنى واحلم بالرجوع..
من يوميها كل ليله..
ياشمسى بستنى الطلوع..

ذكريات عايش عليها..
بفتكرها وانتى فيها..
بس صورتك مش لقيها..
تايهه منى من يوميها