-- {.. يـآآ جمـآآعـة صدقووونـي أنـآآ مش ميــــت ..}

[RSS]

.
.
.


http://www.imuae.com/vb/imgcache2/69457.gif




موضوع قرأتـه من شوية و أثـر فيـآ أووووي
و حبيت أنقلـه ليكــم ..
-
-
-
-


قمت من النوم فجأة في عيني نور غريب وقوي جدا ..
استغربت النور ده كله جي منين !!


واندهشت لما لقيت الساعه بتشاور على 3 صباحا وأن مصباح الغرفة مطفى
طيب النور ده كله جي منين !!


وانفزعت لما لقيت نص ايدي جو الحيطه شديتها بسرعه خرجت وانا ببصلها بكل اندهاش !!
رجعتها تانى لقيتها دخلت جوه الحيطه ..استغربت !!


ايــه اللي بيحصلي ده ؟!!



وسمعت صوت ضحك
بصيت نحيته لقيت اخويا نايم جمبي ولقيته بيحلم..
بيحلم انه راكب عربيه اخر موديل لناس اغنيه أوي وانه لابس اغلى واشيك لبس ..
وكان بيضحك وفرحان ..
ابتسمت ..
بس انا عرفت هو بيحلم بأيه ازاى !!!


بعدين اتفزعت من اللى بيحصل وقمت من على السرير
وجريت على اوضة امي وابي ..


قعدت اصحى فى امي واطبطب عليها واناديها بس هى مش بتستجيب
قعدت اناديها كتير واطبطب كتير
ولقيتها فجأه قامت
كانت مخضوضه أوي وبتبص يمين وشمال لقيتها مش بترد ولا بتبصلي


قعدت انادى مـاما مـاما
كانت حاطة ايدها على قلبها وبتقول بسم الله الرحمن الرحيم


لقيتها بتطبطب على بابا وبتصحيه ولما قام
قالت له قوم نطمن على الاولاد ، قالها : ده وقته
قالتله : معلش قلبي مش مطمن في حاجه غريبه


وانا واقف مستغرب
قعدت اقولها يا ماما ، انا اهو يا ماما ، انتي مش شيفانى ياماما !!
قامت ومشيت !!


حاولت امسك هدومها لكن الهدوم مش بتتمسك !!
جريت وقفت قدمها عدت من جوايا
ملقتش غير انى امشي وراها
وبابا كان ورايا محاولتش ابصله عشان ما يتجاهلنيش بردو
ودخلت امى الاوضة وفتحت النور


انفزَعت لما لقيتني نايم على السرير !!
وقعدت ابص لجسمى وايدى وانا مستغرب .. انا ازاي بقيت اتنين !!


انا مين ومين اللى نايم على السرير ده ؟!!




جملة بابا " استريحتى يا ستى اهم نايمين اهو "
ماما قالت : انا عاوزه أطمن على محمد ولقيتها بتقرب مني


قصدى من الشخص اللى نايم مكاني وبتطبطب عليه
كانت بتقوله يا محمد
لكن هو مش بيرد وكانت بتطبطب بشويش وبدأت تهزه جامد


جريت عليها
وقلتلها يا ماما انا اهو ردي عليا


لكن صوتها كان بيزيد خوف وكان بيعلى
كانت بتنادي محمد محمد
وفجأة صرخت
ولقيت الصرخة بتوجعنى قوي كانها بتضربنى
بكيت وقلتلها ما تصرخيش


وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى !!!
محمد مش بيرد والبكاء بيزيد وانا مش عارف اعمل ايه


صحي اخويا على الصوت وهو بيسال في ايه ماما !!
صرخت اخوك مات يا احمد مات


وانا بقولها ببكائي
لأ والله ياماما انا أهو شوفيني شوفينى انت مش سمعاني !!
لكن ما فيش امل



بصيت للسما وقلت يارب ايه اللى بيحصل ده
لكن ما لقتش سقف !!


وحسيت بطعنه غريبه وحاجات بتقطعنى
بصيت لأحمد لقيته بيصرخ قلتله اسكت انت بتعذبني
لكنه كان بيزيد فى الصراخ وماما بتبكي فى حضن بابا والنحيب بيزيد


وقفت قدامهم عاجـز ومذهول
رفعت راسي تانى وقلت
يارب ايه اللى بيحصل يارب فى ايه ؟!!


وسمعت صوت من كل حته كان جي من بعيد
ركزت معاه لقيته بيعلا وبيزيد كأنه قرآن أيوا قرآن
والصوت بدأ يقوى يقوى أوي هزني من شدته
كان بيقول
" لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ "


وفى ذهول الصوت لقيت ايدين بتطبق عليا
اتنين شكلهم مش من البشر


بيقوليلى تعالى..
قلتهم انتم مين ؟ وعاوزين منى ايه ؟
و شدوووني


صرخت : سيبونى ما تخدونيش من اهلى ..اهلى فكروني مت
قالولى :ما انت مت فعلا .. قلتلهم :ازااااي
ابتسموا وقالوا:
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت وحلم طويل
هتصحو منه على اليوم ده على العالم ده ..


قالولي : احنا حراسك لحد القبر
اتفزعـــت
قبر ايه انتوا هتدخلونى القبر !! ردوا: كل انسان لازم يدخل القبر



بس انا عمرى مادخلت القبر ده
" مكتوب على كل البشر "
طول عمرى كنت بكره الكلمه دي مبحبش اسمعها
بستعيذ بالله منها و بحاول انساها
مكنتش بقدر اتخيل نفسي فى المكان الصعب ده ..


سألتهم بخوفي : هتسيـــبوني !!
قالولي مع عملك ..
قلت : طيب وعملى ده كويس ؟!
سكتوا !!


ولقيت واحد بيصرخ وبيبكي و واحد تانى سعيد أوي
وكل واحد فيهم واقف معاه اتنين بردو زى اللى معايا
!!



سألتهم : ده بيبكى ليه
؟


قالوا : ده عارف مصيره طول عمره كان من اهل الضلال ..


قلت يعنى رايح النار ؟!
واللي بيضحك ده رايح الجنه ..!!


طيب انا رايح على فين ؟!
قولــولي
ردوا عليا :
هما كانو عارفين هما ايه فى الدنيا ودلوقتى عارفين هما فين فى الاخره ..
وانت عشت طول عمرك تايه متردد شويه تمشي صح وشويه تمشي غلط
شويه تتوب وترجع تعصي تاني
ما كنتش واضح هتفضل بردو انهاردة تايه مش عارف حاجه !!


اتفزعـــت وقلت
ايه يعنى ايه ؟!
انا رايح النــــــــار ؟!
قالولى رحمة ربنا واسعه ولسة الرحلة طويلة ..


بصيت وريا لقيت عمي وابويا واخويا ماشين وراهم امي
واهلي بيبكوا شايلين صندوق ..



جريت عليهم ناديت محدش بيرد
ناديت على امى
قلتلها يا امى ما تبكيش ..ادعيــــلى ..
ناديت على بابا
قلته يا بابا خلى بالك من امى واخويا ..
ناديت على احمد
قلتله يا احمد خلى بالك من نفسك سيبك من الدنيا ومتاعها دي رخيصة أوي صدقنى مش هتنفعك ..


ناديتهم كلهم بس كانو مشغولين بالبكاء
ومحدش سامعنى مكنتش بتمنى حاجه فى اللحظة دي الا انهم يسمعونى ..


وشدنى الملكين ونزلونى القبر ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى ..


وخوفى عليهم انهم مش حاسين باللى انا حاسه
وحسدى ليهم انهم لسه فى الدنيا
بس للأسف كنت ببكى وهما بيبكوا كنت خايف عليهم من الدنيا أوى
واتمنى لو اصرخ ولو يسمعونى


وخرجوآ كلهــم وقفـلوا الباب



والنـــور
تحـول


لـ ( ســـوااااد )
-
-
-
-



اعمل للدنيا بقدر بقائك فيها واعمل للآخرة بقدر بقائك فيها ..
واعمل لله بقدر حاجتك اليه
واعمل من المعاصي بقدر ما تطيق من العقوبة ..
ولا تسأل الا من لا يحتاج الى أحد
واذا أردت أن تعصي الله ..فاعصه..في مكان لا يراك فيه ..


http://www.imuae.com/vb/imgcache2/69458.gif
.
.
.