-- الشباب وطلعتهم في البر ومشاكلهم ,, نبي منك حل ادخل وعطنا حل

[RSS]

السلام عليكم

كيفكم يا حلويــــــن

انا اليوم ابي اقولكم شيء

وأبي اقتراحاتكم ::

حنا شباب مسوين لنا جلسة في البر بالقرب من بيت واحد من الاصدقاء طبعا في البر

حنا والشباب اتفقنا على اننا نشري ماطور كهرب وقطينا كل واحد دفع من عندة

وجبنا ماطور كهرب مستعمل , وشغلنا الماطور ثم اشتغل وفرحنا فرحة لا يعلم بها الا الله

المهم وين وصلنا اية اية ثم فجأه طفا الماطور ما ندري وش الخراب حلوسنا فيه منا ومنا يا فلان ياعلان

ما فيه فايدة وقلنا لواحد يا أبو فلان شغل الدقديسن يعني الددسن ثم وديناه للمصلح وصلحة وجبناه

واشتغل المهم عدة ذيك الليله على هالحال

وجينا الليلة الثانية يالله يا فلان شغل الماطور يوم جا يشغلة عيا يشتغل قلت حاول مرة ثانية وحاول

عيا قلت ياليل ما أطولك وش نسوي بالهماطوور الامحق

وقلنا لواحد من العيال شغل موترك ,, قال ما فيها بنزين ,, درينا انها تصريفة حلوة

وقلنا لثاني قال مافيها بنزين يالله وصلتني هنا بعد حلو المهم شغل واحد ددسنة وراح

وسوى الماطور وجا

شفو 3 ايا وحنا على هالحال .. والمرة الثالثة يوم جيت الجلسة انا وواحد من عيال عمي لحالنا لين

الدنيا مكركبة فوق تحد العمدان حقت اللمبات طايحة اصلا مغر لمبة وحدةومنكسرة ما ندري

وش الي لاعب في الجلسة تدرون من الي لاعب في الجلسة ؟؟ ما تتوقعون ما أقول الا اخخ

يالقهر بس طلعت معزا جارنا في الجلسة ياسلام على هيك معزا ,, ومن سبب المعزا جا

التماس في الاسلاك وحنا ما درينا وشغلنا الماطور ومن الالتماس

احترق الماطور ياليل اسوووود ارجع للمصلح قلنا وش فيه؟؟ قال المصلح ماطوركم انتهى قلنا ويش

قال الدينموا حقة احترق مدري القلب قال بكرة تجون وتاخذونة قلنا اوكي قعدنا ذيك الليلة بلا ماطور

جينا المصلح اليوم الثاني قال لا ما خلص قلنا متى؟؟ قال بكرة قلنا اوكي , المهم عدة على ما أظن

4 ايام بلا ماطور نجي المصلح بعد 4 ايام لقينا الماطور مشرح المهم سحبنا على الماطور

للمعلومية // الماطور لألحين عند المصلــــــح طرت على بال واحد من العيال فكرة ,,

قلنا وشهي الفكرة قال وش رايكم نقرب من البيت اكثر قلنا ليش قال علشان نسحب سلك كهرب

من البيت قلنا بس ما هي زينة عند بيتكم تعرف حنا طالعين علشان نسولف ونضحك ونصايح

وللللــ..... إلخ .

قال لا مهاب عند البيت!! قلنا ونك أولا تقول عند البيت؟ قال ابي اسحب سلك من غرفة العامل حق

غنمنا قلنا اوكي والله انها فكرة زانة , المهم مدينا سلك حوالي 150 متر وجبنا اللمبات والتلفزيون

والدش المهم علومنا زانة ,, وجبنا خيمة وقعدنا الليلة هذي فلة وسوالف وضحك وفرفشة ,

اية نسيت أهم شيء قال واحد فلان تبيني اغبر سيارتك قال وشلون قال اغبرها الك وخليها زاحشة

(زاحفة) قال اوكي غبر وجاب العدة حقت التغبير وغبر وأنا اضحك على التغبيرة في البداية

بس في النهاية والله ضبطها المهم عودنا لبيوتنا ........ وجينا الليله ألي عقبها وتعشينا

وسمرنا الين جت الساعة حوالي 1:30 سوينا ملعب كرة طايرة اية يا إبن الحلال كورة طايرة , المهم

حنا مشتاقين للطايرة حطينا العمدان واحد شرق وواحد غرب المسافة بينهم حوالي 6 متر تقريبا

وجبنا سيم تبن وبرسيم اية انت تعرف ما عندنا الا هالاسيام وحطينا سيم واحد وربطناة من العمود

للعمود علشان نرمي الكورة من فوقه وقمنا نلعب لعب وضحك وهواش ومطالب والله فلة ذيك

الليلة..

والحين جا دوركم يا شباب بالله ابي كل واحد يقول الي عندة نبي نضبط الجلسة ..

المطلوب منكم /

وش الاشياء الي نا قصتنا والي تحسن الجلسة ........... وغيرها .