المساعد الشخصي الرقمي

مشاهدة النسخة كاملة : رحيل بلا قصيدة


afifi mustafa
22-11-2009, 10:16 AM
اشكر اخوانى واخواتى فى ادارة المنتدى على استضافتكم لى فى الشهور الماضية وكم كنت سعيد بينكم
الا اننى لا افضل ان اكون ضيفا ثقيلا عليكم كما احسست وخاصة على قسم ابدعات الاعضاء والمراقبين عليه واتمنى ان ارفع يدى اليكم لتوديعكم بدون ان يغضب منى احد مع خالص حبى وتمنياتى للجميع بكل خير

واخر دعواهم ان الحمد لله رب العالمين



عفيفى
وردة الايمان
22-11-2009, 03:16 PM
أستاذ عفيفى ....


ايه الكلام ده ....


حد فينا زعلك .....او قال لك كلام يضايقك ....


ياريت تتكلم معانا بصراحه ....


انت انسان جميل قبل ما تكون شاعر ...


ياريت ترجع فى قرارك ....


وقسم الابداعات فى انتظارك ...




* وردة *
fagrmasr01
22-11-2009, 03:27 PM
للعلم يا اخ عفيفى
احب اوضح لك لمجرد التوضيح
قسم الابداعات انا لست مراقبا عليه


واتمنى تقول لنا خلافك مع مين وعن ايه
انا لا اؤيد فكرة انسحاب اى عضو

لما انت قلت ان جمال اكيد هيزعل.. مزعلتش وفقط طلبت منك ان توضح لماذا ؟
ولا اظن ان عندما اطلب منك التوضيح اكون ضايقتك

انت اخ لى
واتمنى ان تراجع نفسك
lionking
23-11-2009, 08:01 AM
اشكر اخوانى واخواتى فى ادارة المنتدى على استضافتكم لى فى الشهور الماضية وكم كنت سعيد بينكم
الا اننى لا افضل ان اكون ضيفا ثقيلا عليكم كما احسست وخاصة على قسم ابدعات الاعضاء والمراقبين عليه واتمنى ان ارفع يدى اليكم لتوديعكم بدون ان يغضب منى احد مع خالص حبى وتمنياتى للجميع بكل خير

واخر دعواهم ان الحمد لله رب العالمين



عفيفى



لا حول ولا قوة الا بالله

خير بس يا عفيفى

ايه اللى انت بتقوله ده احنا كلنا هنا اخوة وبنحترمك جدا وبنقدرك جدا كمان

ياريت تهدى بس كده وتصلى ع النبى وتفكر

ولو فعلا فى حد زعلك ياريت تقولنا اللى حصل وبرده ياريت ترجع فى قرار الابتعاد لاننا فعلا هنفتقد اخ عزيز وغالى

واحنا فى انتظار رجوعك وابداعاتك تانى
afifi mustafa
23-11-2009, 01:56 PM
بسم الله الرحمن الرحيم

اخوانى واخواتى واساتذتى فى المنتدى ( وردة الايمان - ليون - جمال فجر مصر )
بداية اشكركم على هذا الشعور الجميل والنبيل الغير مستغرب على احد منكم ولكن قصة انسحابى من المنتدى كانت لها بعض الاسباب وقبلها اوضح ما يلى:
1- اننى عندمات قررت الانسحاب كان ذلك من خلال قسم ابدعات الاعضاء للاسباب التالية.
1- انه هذا القسم اعتز به وبكل مافية من اعضاء ومن كلامات
2- اردت الانسحاب بهدوء وبدون ضوضاء تذكر ولم اذكر حتى مع كلمات وداعى لكم ايقونات ( عاجل او طلب او مناقشة ) للخروج بسلام
3- اردت توجيه كلماتى اللى الاستاذ (جمال فجر مصر )الذى كنت انتظر منه ان يكون اول المحاورين معى حيث اننى وكماطلب منى فى قسم (ادم ) التوضيح وقمت بالتوضيح ولم يفكر حتى فى الرد عليه او على كلمات انسحابى الا فى نهاية يوم امس وذلك للاتى :

طبعا هذا الكلام صعب فهمه الى (وردة الايمان - وليون ) ولذلك لزم التوضيح بعد اذن الاستاذ جمال فجر مصر:

1- انا فى قصيدتى منتهى الحب كان اخر بيت فيها

عينانا قبلتنا مجلسنا جنتنا العشق مذهبنا والحب لنا الدينا
وفور نشر القصيدة بعث لى الاستاذ /جمال فجر مصر برساله خاصة يطلب حذف البيت لان ذلك كفر بالله والعياذ بالله
وبالفعل قمت بحذف بيت الشعر الا ان كلامه لى اتعبنى جدا وكانت النصيحة مباشرة جدا منه ومؤلمه الا اننى اعتبرته وما زلت الاخ والقائد والمعلم بالنسبة لى

2- اختى الجميلة ( اميرة ) مشكورة طلبت استضافتى فى قسم ادم وكان من بين الاسئلة ان اوجه الى حواء بيتين من الشعر فكتبت الاتى :
استغفر الله الا فى محبتكم فانها حسناتى يوم القاه
فان زعمت بأن الحب معصية فالحب اجمل ما اعصى به الله
واردفت البيتين قائلا ( اكيد الاستاذ جمال هيزعل من البيتين دول)
وفوجئت بالاستاذ جمال يبعث لى برساله حادة مفادها ( ليه جمال بالذات اللى هيزعل ومش عاوز اكمل بقيت الرساله وطلب التوضيح )
وبالفعل ارسلت الية توضيح واخبرته بأننى كتبتب ذلك علشان انت ما بتحبش الشعر المحرم شرعا وانتظرت منه ردا فلم اجد( وعلى العموم علشان عدم الاطالة نص
الرسائل اللى بينى وبين الاستاذ جمال فى ( قسم ادم )

علشان كدا انا حسيت انى مزعل الاستاذ جمال وحسيت انه متضايق مش عارف ليه لشخصى ولا لشعرى وان كان السبب الاول يقولى انا زعلاته فى ايه او اى احد من الاعضاء وان كان السبب التانى يتبادل معى الرأى والرأى الاخر مش يتهمنى فى المرة الاولى والعياذ بالله بالكفر وفى المرة الثانية يتعامل معى بلغة اشمعنى جمال
بالذات ويطلب منى التوضيح وكاننى وزير الخارجية الجزائرى.

هذا ما احببت ان اوضحه وختاما ارجو ان كنت اخطأت فى حق احد وبالتحديد انت يا استاذ جمال تقبل عذرى وانا على استعداد فقط ان اتقبل نقدك الموضوعى

عفيفى
fagrmasr01
23-11-2009, 02:37 PM
يؤسفنى ردك جدا
بل ويحزننى جدا

نصحتك لوجه الله
وطلبت التوضيح لانك ذكرت اسمى
ما هو الخطأ فى هذا

وعلى كل حال اترفع عن المناقشة
واتمنى ان يناقشك غيرى فى فهمك واسائتك الشخصة لى فى ردك الاخير
afifi mustafa
23-11-2009, 03:09 PM
انا الذى اترفع عن مناقشتك ولن اقبل معك حوار وكلامى وكلامك موجود وامام الجميع ( ولا ادرى ما هى الاساءة التى وجهتها اليه فى كلامى ؟؟؟)
وعلى فكرة اسفسارى الاخير غير موجه اليك.
lionking
23-11-2009, 03:18 PM
علشان كدا انا حسيت انى مزعل الاستاذ جمال وحسيت انه متضايق مش عارف ليه لشخصى ولا لشعرى وان كان السبب الاول يقولى انا زعلاته فى ايه او اى احد من الاعضاء وان كان السبب التانى يتبادل معى الرأى والرأى الاخر مش يتهمنى فى المرة الاولى والعياذ بالله بالكفر وفى المرة الثانية يتعامل معى بلغة اشمعنى جمال
بالذات ويطلب منى التوضيح وكاننى وزير الخارجية الجزائرى.

هذا ما احببت ان اوضحه وختاما ارجو ان كنت اخطأت فى حق احد وبالتحديد انت يا استاذ جمال تقبل عذرى وانا على استعداد فقط ان اتقبل نقدك الموضوعى

عفيفى



صلوا ع النبى يا جماعة

انا بصراحة مش عارفة من حقى اتدخل ولا بلاش

بس عايزة اقول كلمتين لاستاذنا جمال

معلش مع احترامى ليك

الكلام ده انا مش شايفة اى حاجة تزعلك فيه

بالعكس خالص

عفيفى قال انك تتقبل عذره وانه مستعد يقبل نقدك

معلش يمكن انت قريتها وانت مستعجل شوية

وتانى اسفة جدا انى اتحشرت فى الموضوع

بس مش المفروض ان مبدعين المنتدى يزعلوا من بعض كده


صلــــــــــــــــــــــوا ع النبـــــــــــــــــــــــى
fagrmasr01
23-11-2009, 03:22 PM
عليه الصلاة والسلام
شكرا ليون
lionking
23-11-2009, 03:26 PM
عليه الصلاة والسلام
شكرا ليون



ده معناه انك زعلت منى انا كمان!!!!!

برده هقول

صــــــــلـــــــوا ع النبى يا نااااااااااااااااااس

وكل سنة وانتم طيبين
fagrmasr01
23-11-2009, 03:27 PM
اختصرتى الرد بطريقة رائعة ياليون فعلا
ولا املك لكى الا الشكر
وردة الايمان
23-11-2009, 03:30 PM
أستاذ جمال ......أستاذ عفيفى .


معقوله ....اللى انا قرأته ده .


ومن افضل الناس فى المنتدى .


أستاذ ...عفيفى .


بعد هذه الفترة فى المنتدى ومع ذلك انت مخطىء فى فهمك لشخصية أستاذ ...جمال .


أستاذ ..جمال من الشخصيات التى تحمل قلب كبير وحب لكل الناس وانا واثقه ان كلامه ليك لم يكن بقصد الاساءه ابدا .


واحترام رأيه لا يقلل ابدا من شخصيتك واحترامنا ليك .


أستاذ ....عفيفى .


اتمنى ان تضع المشكله فى حجمها الطبيعى بالرغم اننى لا ارى اى مشكله على الاطلاق .


وياريت متحرمش قسم الابداعات من اشعارك ....واحنا كلنا فى انتظارك .


متتأخرش علينا .




* وردة*
fagrmasr01
23-11-2009, 03:36 PM
قدمت له نصيحة انى شايف انه بيت شعر قد يغضب الله
وبمنتهى الادب كلمته

لا أحب الانسحاب
ولكن
أجدنى مجبرا عليه
وردة الايمان
23-11-2009, 03:39 PM
الانسحاب من ايه .

ارجو التوضيح ...







* وردة*
fagrmasr01
23-11-2009, 03:52 PM
انسحابى هو فقط من مناقشة الموضوع

الاخ الذى يتهكم علىَّ مع انى نصحته لوجه الله وبمنتهى الادب وحتى لا يغضب منه الله
وارسل يشكرنى .. وأتحداه ان يكتب كلمة منى جرحته
والمرة الثانية هو الذى قال ان شعره يغضب الله
والموضوع علنى استوضحته والموضوع ليس سرا طلبت التوضيح

وعندما اعلن انسحابه حاولت ان استرضيه
وعندما قال المراقبين اوضحت له انى لست مراقب

وردة الايمان ..

هناك حديث شريف يقول
قد يكون أحدكم ألحن على بحجته فاذا قضيت له من حق اخيه شئ فقطعة من نار.. والعياذ بالله

انا منسحب فقط من الموضوع
بالتأكيد مش من المنتدى
فالمنتدى به أخوة واخوات أكارم
ولى فيه احباب لى فى الله احبهم صدقا
وفى المنتدى من هم أصحاب أفضال حقيقية علىَّ
وليس مجرد كلمات فى النت ولا أقوى على فراقهم
اميرة حبى انا
23-11-2009, 04:09 PM
السلام عليكم
ممكن اقول حاجة بعد اذنكم طبعا
عيب بجد لما الشعراء يتخانقوا او يختلفوا
انا قرأت الموضوع كله وليس به ما يستدعى كل هذا الكلام
استاذ عفيفى البيت اللى اختلفتوا عليه عاجبنى جدا جدا على فكرة
لكن استاذ جمال لفت النظر بأنه فيه شوية ممكن يبقى حرام
خوفا عليك مش اكتر
ارجو واحنا بنقرأ ردود نفترض حسن النية
لان الكلام ده مجرد حروف على شاشة كمبيوتر
مش هنشوف اللى كاتب اذا كان فرحان او متضايق او زعلان او بيتخانق
يبقى نفترض حسن النية الى ان يثبت العكس
ووارد جدا اللى يرد على موضوع مش يدخله تانى يبقى وارد يا استاذ عفيفى ان الاستاذ جمال مش شاف اسفسارك او كلامك فى موضوع ادم
بلاش نختلف من غير سبب
انا دخلت عشان متبقوش زعلانين من بعض
ولا الاستاذ عفيفى ينسحب
ولا اخرج تانى ولا ايه
وللعلم احنا معندناش اعضاء بتنسحب يا استاذ عفيفى مهما حصل
مشرف عام بس
ههههههههههههههههه
عايزة رد ايجابى بليييييييز
انا عارفة ان انتو الاتنين جوة الموضوع
fagrmasr01
23-11-2009, 04:15 PM
اقسم بالله العظيم مكنتش غضبان وكان نصيحة مؤدبة طيبة هادية خوف عليه من انه يغضب ربنا لمجرد الشعر
وهو نفسه ارسل لى يشكرنى والمرة الثانية هو نفسه الى حدد ان شعره بيغضب ربنا
وخوف عليه مش اكتر

معرفش ايه الى حول الموضوع

انا عن نفسى مش عارف اقول ايه والله لكن
الموضوع انتهى
ومفيش زعل باذن الله
وكل سنة وكلكم طيبين

وياريت تكون فهمت قصدى يا عفيفى
انا مش زعلان
انا كنت عاوزك تلغى انسحابك وترجع ف قرارك

ليون ووردة .. انا شكرتكم ومش زعلان
والله العظيم مش زعلان

عفيفى
سامحنى ان كنت أسأت اليك
اميرة حبى انا
23-11-2009, 04:17 PM
ياسلام ادى الرد ولا بلاش
يلا يا استاذ عفيفى
احدفه برد احسن من رده
:36_3_12[1]:
fagrmasr01
23-11-2009, 04:20 PM
كتبت ردى اللى باذن الله يكون ايجابى
قبل ان تكررى الطلب يا أميرة
واشكرك جدا

أميرة ..
نورتى منتداكى
:36_3_12[1]:
afifi mustafa
23-11-2009, 04:23 PM
كل سنة وانت طيب يا استاذ جمال واعتبرنى ابن لك مش اخ

عفيفى
اميرة حبى انا
23-11-2009, 04:26 PM
هههههههههههههه
اشمعنا ابن مش اخ
انت عايز تكبر الراجل
ده اصغر واحد فى المنتدى
لا لا لا
متسمعش كلامه ياجمال يابنى
انت اخونا الصغنن
كل سنة وانتو طيبين
واسكتوا بقى
fagrmasr01
23-11-2009, 04:30 PM
كل سنة وانت طيب يا استاذ جمال واعتبرنى ابن لك مش اخ

عفيفى

وانت طيب ياعفيفى
متزعلش بجد
اقسم بالله العظيم ان كلامى كان خوف عليك
ربنا عز وجل يوهب لكم الصحة والسعادة
كل سنة وانت طيب


اميرة .. خلاص بئا مفيش انسحابات
كل سنة وانتى طيبة بئا
afifi mustafa
23-11-2009, 04:31 PM
وعلى العموم متشكر جدا يا اميرة وكمان بشكر اختى وردة الايمان وليون وربنا يخليكم


عفيفى
اميرة حبى انا
23-11-2009, 04:40 PM
طيب
الحمدلله
يلا العبوا سوا
بس من غير ماتكسروا حاجة فى المنتدى
سلاااااااااام