RSS
29-06-2011, 08:00 PM
كل واحدة تزهق من شغل البيت، تقول عايزة اشتغل.. أحقق ذاتى، أشارك ف نهضة المجتمع، أعمل على رفعة الوطن.. كلمة واحدة.. كان غيرك أشطر.. وبعدين انتى مش هتشتغلى مخترعة الذرة يعنى
فيه واحدة ناصحة.. أما تعوز تشتغل مش بتقول موضوع التعبير اللى فوق ده عشان عارفة إنها هتاخد تريقة لحد ماتشبع.. بتقول بقى زهقت من شغل البيت، زهقت من القعدة ف البيت، عايزة اشغل يومى بحاجة اشمعنا انت بتنزل كل يوم وأنا افضل قاعدة هنا؟؟
هو أنا يعنى بروح الملاهى؟؟ -أنا ده اللى هو أى راجل- ده أنا بصحا ف معاد وانزل ف معاد والعربية تعطل -أو مالاقيش مواصلات- وكل أسبوع ده لو ماكانش كل يوم خناقة ف الشغل وحاجة قرف.. وأنا عشان بخاف عليكى م البهدلة -بكرر كلامى أنا ده اللى هو أى راجل وانتى دى اللى هى أى بنت ماحدش يفهم غلط- مانكرش إن فيه شغل للستات بس.. مدرسة أطفال، دكتورة ف تخصصات معينة.. بس ماتزعليش أما ابقى عايزك تفضلى ف البيت معززة مكرمة، عندك الدش.. التليفون.. الفيس بوك -اللى طبعا معايا باسوورده- وياحبذا لو متصاحبة على واحدة جارتك أظن مافيش أحسن من كده
وانتى لما تنضفى البيت وتعملى الأكل وتغسلى الهدوم وتكنسى تبقى دى حاجة وحشة أو لا سمح الله حاجة بتحط من مكانتك كإنسانة متعلمة مثلا؟؟ يعنى تشتغلى ف بيتك ولا تشتغلى عند حد غريب.. ده غير إن شغل البيت ممكن يتعمل ف أى وقت مش بمواعين معينة
مش هخوض شفتوا انتوا هخوض دى ف مين بيتعب أكتر.. أنا ولا انتى.. بس لو انتى اشتغلتى من هيراعى الولاد -البنات ف داهية مش مهم حد يراعيهم- ومين هياخد باله من تربيتهم ومذاكرتهم؟؟ ده دورك، وده دورى وماينفعش نبدل.. وأى ست بتشتغل بتحسد الستات اللى قاعدين ف البيت.. وطبعا عمرها ماهتقول لجوزها أنا زهقت م الشغل عشان ماتسمعش إسطوانة "ههههههه مأنا قلتلك م الأول ماسمعتيش كلامى عشان تعرفى إنى صح وانتى مابتفهميش".. صح؟؟
حاجة تانية.. السواقة.. أنا مش هتريق على سواقة الستات عشان معروف إنهم مالهمش فيها.. لكن السواقة ف مصر حاجة.. والسواقة ف الظروف الطبيعية حاجة تانية خالص
لازم السواق المصرى.. يكون مستعد ومتأهب لأى حركة غباوة هتحصل من أى عربية جمبه.. ويفادى أى كسر أو بلاعة ف وسط الأسفلت.. ولازم يكون حافظ قاموس الألفاظ النابية والسوقية شتيمة شتيمة.. ولازم يكون بيعرف يتخانق ويستحسن يبقى معاه شومة صغيرة كده تحسبا للظروف وكمان لو الكاوتش نام يغيره.. ومافيش بنوتة(*) لطيفة هتعمل الحاجات دى
أنا مش بقول إن ماينفعش أى واحدة تسوق.. لأ هتسوقى، بس مثلا تجيبى الولاد م المدرسة -البنات طز فيهم يرجعوا مشى- تشترى حاجات م السوق اللى ف الشارع اللى ورا.. وتمشى على مهلك.. تاتا تاتا يعنى
لكن الكلام ده بينطبق ع المدن الهادية.. الفاضية.. الرايقة.. لكن ماتمشيش على طريق ويكون جمبك تريللا ماشية على 120 ووراكى حيوان عمال يزمر وعايز يعدى وأنا قاعد ف الشغل عمال أقول يا ترى انتى فين يا مديحة.. سايقة ولا بتتشقلبى.. وقفوكى ف لجنة ولا لسه.. بتتضربى ولا بتضربى.. واحد ناصح يقولى ماتتصل تتطمن عليها.. إذا كان هى مابتعرفش تسوق أصلا أكلمها كمان ف الموبايل وهى سايقة؟؟.. وكل ده عشان تزورى أهلك مثلا أو تروحى كارفور.. ماينفعش تستنى يا هانم لحد مارجع واوصلك أنا وقت مافضى؟؟ لكن لأ لازم تعملى 7 رجالة ف بعض هو أنا ناقصة إيد ولا رجل -طبعا الكلام ده مستحيل يحصل معايا أنا.. الكلام على أى واحده تانى-
عزيزتى البت/ عزيزتى الفتاة.. ياريت ماتحاوليش تبقى راجل.. عشان مش هتقدرى.. الموضوع مش تحدى.. بس ماينفعش.. خليكى انتى مستريحة ف البيت وهو هيعملك كل طلباتك -هو ده اللى هو أى واحد غيرى
أنا مش ضد إنك تشتغلى أو تسوقى.. بس ضد إنك تزعلى أما أقولك لأ.. بدافع الخوف عليكى
البنوتة : كائن أنثوى جميل ومرهف الإحساس.. رقيق.. ناعم الصوت وخفيف الوزن.. رشيق الخطوات.. مقاس رجله مش أكبر من 38.. مهدد بالإنقراض فى مصر ومتوافر بكثرة فى الدول الأجنبية والتليفزيون
ايه رايكم فى الموضوع و زي يا جماعه ما بنكتب على الاولاد بتريقه لازم نكتب عليهم فى الشئ الكويس بردو علشان هما كمان يعاملونا زي ما بنعاملهم كده وياخدو عننا فكره حلوه بردة ههههههههه وشكــــــــرا :110:
فيه واحدة ناصحة.. أما تعوز تشتغل مش بتقول موضوع التعبير اللى فوق ده عشان عارفة إنها هتاخد تريقة لحد ماتشبع.. بتقول بقى زهقت من شغل البيت، زهقت من القعدة ف البيت، عايزة اشغل يومى بحاجة اشمعنا انت بتنزل كل يوم وأنا افضل قاعدة هنا؟؟
هو أنا يعنى بروح الملاهى؟؟ -أنا ده اللى هو أى راجل- ده أنا بصحا ف معاد وانزل ف معاد والعربية تعطل -أو مالاقيش مواصلات- وكل أسبوع ده لو ماكانش كل يوم خناقة ف الشغل وحاجة قرف.. وأنا عشان بخاف عليكى م البهدلة -بكرر كلامى أنا ده اللى هو أى راجل وانتى دى اللى هى أى بنت ماحدش يفهم غلط- مانكرش إن فيه شغل للستات بس.. مدرسة أطفال، دكتورة ف تخصصات معينة.. بس ماتزعليش أما ابقى عايزك تفضلى ف البيت معززة مكرمة، عندك الدش.. التليفون.. الفيس بوك -اللى طبعا معايا باسوورده- وياحبذا لو متصاحبة على واحدة جارتك أظن مافيش أحسن من كده
وانتى لما تنضفى البيت وتعملى الأكل وتغسلى الهدوم وتكنسى تبقى دى حاجة وحشة أو لا سمح الله حاجة بتحط من مكانتك كإنسانة متعلمة مثلا؟؟ يعنى تشتغلى ف بيتك ولا تشتغلى عند حد غريب.. ده غير إن شغل البيت ممكن يتعمل ف أى وقت مش بمواعين معينة
مش هخوض شفتوا انتوا هخوض دى ف مين بيتعب أكتر.. أنا ولا انتى.. بس لو انتى اشتغلتى من هيراعى الولاد -البنات ف داهية مش مهم حد يراعيهم- ومين هياخد باله من تربيتهم ومذاكرتهم؟؟ ده دورك، وده دورى وماينفعش نبدل.. وأى ست بتشتغل بتحسد الستات اللى قاعدين ف البيت.. وطبعا عمرها ماهتقول لجوزها أنا زهقت م الشغل عشان ماتسمعش إسطوانة "ههههههه مأنا قلتلك م الأول ماسمعتيش كلامى عشان تعرفى إنى صح وانتى مابتفهميش".. صح؟؟
حاجة تانية.. السواقة.. أنا مش هتريق على سواقة الستات عشان معروف إنهم مالهمش فيها.. لكن السواقة ف مصر حاجة.. والسواقة ف الظروف الطبيعية حاجة تانية خالص
لازم السواق المصرى.. يكون مستعد ومتأهب لأى حركة غباوة هتحصل من أى عربية جمبه.. ويفادى أى كسر أو بلاعة ف وسط الأسفلت.. ولازم يكون حافظ قاموس الألفاظ النابية والسوقية شتيمة شتيمة.. ولازم يكون بيعرف يتخانق ويستحسن يبقى معاه شومة صغيرة كده تحسبا للظروف وكمان لو الكاوتش نام يغيره.. ومافيش بنوتة(*) لطيفة هتعمل الحاجات دى
أنا مش بقول إن ماينفعش أى واحدة تسوق.. لأ هتسوقى، بس مثلا تجيبى الولاد م المدرسة -البنات طز فيهم يرجعوا مشى- تشترى حاجات م السوق اللى ف الشارع اللى ورا.. وتمشى على مهلك.. تاتا تاتا يعنى
لكن الكلام ده بينطبق ع المدن الهادية.. الفاضية.. الرايقة.. لكن ماتمشيش على طريق ويكون جمبك تريللا ماشية على 120 ووراكى حيوان عمال يزمر وعايز يعدى وأنا قاعد ف الشغل عمال أقول يا ترى انتى فين يا مديحة.. سايقة ولا بتتشقلبى.. وقفوكى ف لجنة ولا لسه.. بتتضربى ولا بتضربى.. واحد ناصح يقولى ماتتصل تتطمن عليها.. إذا كان هى مابتعرفش تسوق أصلا أكلمها كمان ف الموبايل وهى سايقة؟؟.. وكل ده عشان تزورى أهلك مثلا أو تروحى كارفور.. ماينفعش تستنى يا هانم لحد مارجع واوصلك أنا وقت مافضى؟؟ لكن لأ لازم تعملى 7 رجالة ف بعض هو أنا ناقصة إيد ولا رجل -طبعا الكلام ده مستحيل يحصل معايا أنا.. الكلام على أى واحده تانى-
عزيزتى البت/ عزيزتى الفتاة.. ياريت ماتحاوليش تبقى راجل.. عشان مش هتقدرى.. الموضوع مش تحدى.. بس ماينفعش.. خليكى انتى مستريحة ف البيت وهو هيعملك كل طلباتك -هو ده اللى هو أى واحد غيرى
أنا مش ضد إنك تشتغلى أو تسوقى.. بس ضد إنك تزعلى أما أقولك لأ.. بدافع الخوف عليكى
البنوتة : كائن أنثوى جميل ومرهف الإحساس.. رقيق.. ناعم الصوت وخفيف الوزن.. رشيق الخطوات.. مقاس رجله مش أكبر من 38.. مهدد بالإنقراض فى مصر ومتوافر بكثرة فى الدول الأجنبية والتليفزيون
ايه رايكم فى الموضوع و زي يا جماعه ما بنكتب على الاولاد بتريقه لازم نكتب عليهم فى الشئ الكويس بردو علشان هما كمان يعاملونا زي ما بنعاملهم كده وياخدو عننا فكره حلوه بردة ههههههههه وشكــــــــرا :110: