-- كفايه عتاب..بقلمى(صابر)

[RSS]

كفايه عتاب


http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده


كفايه عتاب..انا وانتى كده نرتاح..
كفايه عذاب..كفايه شجون.. كفايه جراح..
لا ح استنى ونبقى صحاب..
ولا ح اقبل اكون كداب..
خسرتينى..وبُعدى عقاب..
وحتى ان جيتى عند الباب..
مافيش داعى..كفايه عتاب..


قرار خدته.. وناوى عليه..
غرام سيبته.. نسيته.. انسيه..
مافيش داعى نجدد فيه..
ولا نفكر ف يوم نحييه..

طريق قلبك مايلزمنيش..
ومن غيرك وبيكى ح اعيش..
مافيش داعى.. عتاب تانى..
ولا نصّحى آلام تانى..
كفايه.. كنا بنعانى..
وقولى لقلبك انسانى..

ح تفضل قصه توجعنا مع الايام..
واى عتاب مالوش معنى وكتر كلام..
عتاب كتروا.. يرجعنا لجرح زمان..
مافيش داعى.. بقى شبعنا.. آهات حرمان..

ونطوى الصفحه.. نقفلها..
نشوف قصه.. تكون غيرها..
ياقلبى ونحيا من غيرها..
نعيش من تانى.. مع غيرها..

كفايه عتاب ..على اللى فات..
وايه يعنى.. دا حب ومات..
وساب بعدو ..عذاب وآهات..
مافيش داعى نعيد شىء فات..
نرجّع ذكرى حب ومات..
كأنه ما كان.. وراح ولا كان..
وكان بينّا.. وكنا زمان..
وفين احنا.. وفين يا زمان..
كفايه عذاب..كفايه عتاب