-- بحملك..بقلمى(صابر)

[RSS]

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده




لما تبقى ناوى تجرح مش ضرورى يكون بقسوه..
مره تانيه لما تجرح افتكرلى حاجه حلوه..
ابقى سيب للحب مطرح ..
لما تنوى تانى تجرح..

بحملك ..غلطة فشلنا.. مع بعضنا..
انت السبب.. ف اللى جرالنا.. ف حبنا..
وبلوم عليك .. كسرتنا..
شوف انت فين ..وصلتنا..
خلتنا نكره بعضنا..
غيرت بالاهمال مصيرنا..
ضيعت كل حلو بينّا..
آخرتها انا وقلبى إتكسرنا..
وانت بكره..تحب غيرنا..
اللى زيك ..مش ح يسأل.. ايه جرالنا..
مش ح يحزن..بكره تعرف ألف غيرنا..
بحملك..غلطة فشلنا

بس دايما ابقى فاكر..
كل ظلم يجيله آخر..
بكره تتندم عليا..
ييجى يوم وتحس بيا ..
هوه انا قاسيت شويه..
وانت ضحيت بالهديه..

ابقى دوّر مين يلومك لما تغلط..
لما تصحى ف عز نومك عنى تسأل..
وتلاقيك ف الدنيا وحدك..
بس انا ..ح ارتاح ف بعدك..
وافتكرها.. وقلتهالك..
انت بعدى خسرت نفسك..
شلتنى من تحت جلدك..
بعتنى.. وقفلت قلبك..
سيبتنى.. وخسرت حبك..
ازاى ممكن تانى احبك..
اصل انا وقلبى إتكسرنا..
بحملك..غلطة فشلنا