يوميات فريد يوميات ف*ر*ي*د يوميات فريد يوميات ف.ر.ي.د [الأرشيف]

مشاهدة النسخة كاملة : يوميات فريد يوميات ف*ر*ي*د يوميات فريد يوميات ف.ر.ي.د

فريد

26-06-2011, 06:40 PM

السلام عليكم
هابداء يومياتى باجمل ايامى
ايام العمرة
البداية منذ ركبت الطائرة و كانت معى والدتى شفاها الله و عفاها و ركبنا الطائرة و طبعا انا متعود على ؟؟؟؟؟؟؟؟؟؟؟؟؟؟؟؟
بالكتير قوى يعنى اتوبيس و لما المسائل فتحت كانت العبارة الا كانت هاتغرق زمان لكن لسه ليه عمر
المهم كنت بصراحة مش مطمن ليه مش عارف
المهم الطيارة طلعت حسيت بوجع فى ودنى الست الا ورايا صرخت امى العزيوة ملت كده عليه و قالت على فكرة امى عندها 76 سنه المهم قالت لى ايه
اصلها مكنتش بتركب المراجيح عشان كده بتخاف انا كنت بركبها زمان كنت هاموت من الضحك وصلنا الحمد لله لجدة وسط صراخ السيدة التى بالخلف و كان معاها جوزها
نوعية غريبة قعد يزعق لها و يقول لها نبقى نركب جمل و انا اقولها ياعم هدى نفسك هو بمزاجها اهدى المهم وصلنا جدة المفروض معانا مشرف للرحلة ده المفروض قعدت ادور عليه فص ملح و داب قلت اعتمد على حوسى الخمسة بقى مفيش فايدة قلت لامى اقعدى هنا و خلى بالك من الشنط و بداءت اسال ماذا علينا فعله المهم اخذت استنارات لملءها و بعدين روحت اخدت ختم خروج على الجوازات و خرجنا نبحث اين نذهب .
فاصل و نواصل

خلود

26-06-2011, 07:22 PM

قموره

27-06-2011, 02:03 AM

يوميات حلوه اوى استاذ فريد

حمدالله على سلامه حضرتك والحاجه واحنا مستنين يومياتك

اسامة22

27-06-2011, 03:23 AM

اخيرا يوميات فريد على منتدانا

يلا ياصديقى الغالى فى انتظار باقى يومياتك الجميله

فريد

27-06-2011, 01:55 PM

ياهلا بيك وبيومياتك ياحاج فريد

طبعا اول حاجه مبروك العمره وعقبال يارب الحج وكل سنه كده

انا اسمع الى يروح مره بيبقى نفسه كل سنه يروح

حمدالله على سلامتك و سلامه الحاجه

وياعينى الست عماله تصوت كده

انا مستنيه باقى اليوميات ومتابعه

اهلا بيكى ياخلود
و الله يسلمك و عقبالك
وفعلا ايام جميلة لها واقع رائع داخل النفس
و يارب العودة
و انا هاتابع اليوميات ان شاء الله

فريد

27-06-2011, 01:57 PM

يوميات حلوه اوى استاذ فريد

حمدالله على سلامه حضرتك والحاجه واحنا مستنين يومياتك

اشكرك ياقمورة
اليوميات حلوة بالناس الا فيها
و الله يسلمك و عقبالك ان شاء الله

فريد

27-06-2011, 02:01 PM

[QUOTE=اسامة22;152170]
اخيرا يوميات فريد على منتدانا

يلا ياصديقى الغالى فى انتظار باقى يومياتك الجميله
[/

اهلا ياسمسم يلا بقى قلت اقرفكم شوية باليوميات دى
استحمل بقى
هههههههههههههههههههههههه

فريد

27-06-2011, 02:37 PM

و دلوقتى بعد الفاصل رجعنا تانى نواصل
بعد ماخرجنا من مطار جدة وطبعا لان المشرف مش موجود
وقفت محتار و سالت قالوا من هنا او هنا
يعنى طريقان عكس بعض المفروض كلنا هانركب مع بعض
ماعلينا اخترت واحد منهم و رحت هناك و لقيته قدامى صدفة المشرف
قلت له انت فين قالى بغباء بدور على الاتوبيس
قلت له مش تدور على الناس الاول قالى معلش المهم ركبنا الباص فى طريقنا الى المدينة المنورة
و فى الطريق اتصلت بالغالى الحبيب اسامة و تفضل مشكورا و اغلق التليفون هههههههههههههههههههه
لا محدش يفهم غلط عشان يتصل هو و اتكلمنا مع بعض شوية
و اكملنا الرحلة الى المدينة و استغرقت حاولى 8 ساعات كانت رحلة شاقة جدا
وصلنا تقريبا الساعة 12 و لا واحدة مش فاكر بقىو عرفنا غرفنا فى الفندق و اخلدنا للنوم العميق استعددا لبدء اول ايامنا فى المدينة المنورة احب البلاد لقلبى
وذهبنا فى الصباح لصلاة الظهر و طبعا من غير المشرف هههههههههههه
دخلنا ابواب الحرم النبوى لا نعرف اين نذهب و لكنى وجدة مصلى السيدات و من على الباب اوصلت امى و بداءت فى التنبيه عليه ان تخرج من نفس الباب بعد الصلاة
بصراحة كانت زحمة و كنت خايف جدا وخوفى كان فى محله
المهم دخلت صليت ركعتين تحية المسجد و خرجت من جديد لاسال عن قبر النبى محمد صلى الله عليه و سلم
و اول من قابلنى سالته فقال مصرى قلت نعم من اين قال باكستان تجذبنا اطراف الحديث وسالته قال نصلى الظهر و نذهب سويا صلينا الظهر و قال تعال نروح مشيت معاه
وذهبنا الى هناك و بصراحة كانت اول مرة و زحمة جدا و عديت بسرعة
و زعلت لكن قلت فى نفسى انا عرفت الطريق هاجى تانى برحتى ان شاء الله و جريت على امى و لم اجدها
قلت بتصلى مرت الدقائق سريعة و القلق بدء يتملكنى
الناس خرجت و امى فين و سالت عن باب اخر قالوا كده روحت مفبش حد رجعت بسرعة و روحت تانى فضلت على هذه الحالة لحد تقريبا الساعة الثالثة عصرا و ممنوع الدخول بتتاتا قلت اروح الفندق يمكن راحت خناك روحت ملقتهاش يانهار ابيض امى فين رجعت جرى على الحرم و من الفندق للحرم النبوى المسافة كانت بسيطة جدا و فى الطريق وجدت ؟؟؟؟؟؟؟؟؟؟؟؟؟
فاصل و نواصل

اميرة حبى انا

28-06-2011, 02:56 AM

وبعدين بقى فى القلق ده
ينفع كده
راحت فين الحاجة ياعم
طيب متتاخرش وتعرفنا بسرعة
ماشى

فريد

28-06-2011, 10:31 AM

وبعدين بقى فى القلق ده
ينفع كده
راحت فين الحاجة ياعم
طيب متتاخرش وتعرفنا بسرعة
ماشى

هههههههههههههههههههههههههههه
رحت ياستى فى حتة حلوة قوى
هاقلك عليها بعد الفاصل
اهلا بيكى يااميرة

خلود

28-06-2011, 12:01 PM

حتى فى سردك لليوميات انت مبدع

نظام اثاره وتشويق جميل اوى

بس خضتنى على الحاجه حرام عليك

مستنيه ومتابعه يافريد اجمل رحله

فريد

28-06-2011, 12:07 PM

حتى فى سردك لليوميات انت مبدع

نظام اثاره وتشويق جميل اوى

بس خضتنى على الحاجه حرام عليك

مستنيه ومتابعه يافريد اجمل رحله

هههههههههههههه
حلوة مبدع دى دايما رافعة من معنوياتى
لا لسه فيه مفاجاءت كبيرة فى الرحلة الجميلة
وبعد الفاصل هانواصل

فريد

28-06-2011, 05:30 PM

و رجعنا لكم انا والحاجة امى بعد الفاصل عشان نتواصل
وقفنا لما رحت الفندق ملقتهاش و فى طريقى للحرم النبوى الشريف وجدتها من بعيد ومعها فتاة
قعدت اشاور بايدى كده يعنى ايه ده المهم قلت السلام عليكم كنتى فين ياحاجة و بعدين شكرت البنت الا طلع انا اخوها معاه و كان سابق يسال عن الفندق
ناس جميلة جدا وقلت لها شكرا قالت و لو عرفت انها سوريه و شكرت الولد و سالتها روحتى فين قالت لى روحت ازور و لقيت الباب مقفول قالوا الزيارة للنساء بميعاد
قلت كده برضه ينفع يعنى افضل الف عليكى الدنيا كلها ضحكت و قالت كنت رايحة ازور خالص هاعمل ايه يعنى لقيتها و خلاص اتفقنا بقى اننا فى الظهر و العصر نبقى بالمسجد و نروح بعد العصر للغدا و المغرب و العشاء نبقى لبعد العشاء عشان منفضلش رايحين جايين بقى شغالين الحرم كده ههههههههههه و ده كان يوم الخميس بالليل و هناك تقابلت مع نسيبى الاتنين و قعدنا شوية مع بعض فى فندقهم ثم ذهبنا للنوم غدا الجمعة يوم طويل جدا جدا جدا صحينا و صلينا الجمعة و قررنا الذهاب للمستشفى فى الطوارىء كلكم بتسالوا ليه السبب هو ان امى عنده بعيد عنكم فشل كلوى و بتغسل 3 مرات فى الاسبوع و احنا من يوم الاربعاء لم نغسل الاساعتين المهم وصلنا المستشفى سالنا الحارس قال اجازة طيب ياعم و الطوارىء قال من هنا بس مفيش ولا فاهم حاجة المهم دخلت سالت على الباب قال اهلا ابشر و اخد البسبور و سجله و ادنى رقم وقالى خش داخل قلت كويس دخلت جوه قالوا اكشفوا بره الاول قلت و ماله بلدهم و هما احرار المهم كشفنا الضغط السكر الا الا الا و دخلنا على السرير للغسيل قالوا اشعة رحنا عملنا اشعة الكلام ده كان من بعد صلاة الجمعة بشوية صلينا العصر بالمشفى و بعدين بعد ساعة قالوا اطلعوا فوق جاءت ممرضة اخدت امى على كرسى و انا معهم طبعا امال يعنى نمت و طلعنا قسم الغسيل و هناك وجدنا ممرضة مصرية من الشرقية عسل عسل قالت لامى ازيك ياخالة و قلت ازيك ياخويا مش عارف ايه اللغة دى ماعلينا قلت ممكن تستنى بره خلاص كده قلت حاضر امال هاقول ايه يعنى كنت جايب لامى علبة عصير وزجاجة ماء و تفاحة وانا علبة عصير و تفاحة برضه ومفيش كراسى نزلت تحت الاستراحة اه سالت الممرضة قلت تعالى بعد اربع ساعات يعنى مغرب و عشاء الساعة بقت خامسة تقريبا نزلت اخترت كرسى بعيد عشان لو عينى غمضت شوية ابقى فى السليم و بداءت رحلة الانتظار انام و اقوم القى عشر دقايق خمس دقايق كده يعنى المغرب سالت عن المسجد قالوا بره المبنى بس جوه المستشفى قلت كويس روحت صليت و انا فى الطريق شربت علبة العصير و بصراحة اكلت التفاحة جعان بقت 8 و ربع و نصف قلت اطلع بص بصة قبل صلاة العشا وقد كان طلعت لقيت الممرضة بتقولى مغسلناش ليه ياستى الكانة مش شغلاة يانهار ابيض طيب و الجهاز مش شغال معقول و ركبنا جهاز فى الرجل ازاى يعنى قلت لى هانعمل ايه طيب و بعدين الدكتورة كانت من السودان و مشيت و الجهاز كان راكب غلط امى قالت كده و هيه بتفهم احسن من الدكتورة فضلت البنت تحاول فى الجهاز الجديد ابدا و امى تقول له مش شغال اندهى الا ركبته تشيله و انا واقف لا على حامى و لا على بارد ايه الا بيحصل ده
و اعمل ايه دلوقتى اتصلت بمصر و قلت لهم قالوا جرب من الرقبة دخلت قلت لهم جربوا اشتغل ياه الحمد لله اشتغل الحمد لله الساعة كام دلوقتى 11 ونصف بالليل و الغسيل المفروض 4 ساعات مش مهم المهم فيه غسيل طلعت جبت كرسى من بتوع المرض و قعدت مش شايف خالص فصلت بس صاحى من الخوف عشان افضل متابع و هنام فين المهم غمضت من التعب وانا قاعد والممرضى بتاعة مصر مشيت و جت واحدة تانية من السودان بس لذيذة قوى خفيفىة المهم قالت لى احجز عشان متجيش هنا تانى تغسل على طول فين قلت بره فى كذا طيب بيفتحوا امتى قالت الساعة سابعة و دلوقتى اربعة و شوية قلت ماشى ممكن اصلى الفجر و تخدى بالك قلت مفيش مشكلة قلت لامى نامى لحد ماجى نامت امى و انا صليت و بقت الساعة 5 و نصف و بعدين يارب محدش يجى عشان السرير للصبح بس عشان احجز و اخدها و امشى المهم ربنا كرمنا حجزت و رجعت لامى اخدتها و نزلنا ركبنا تاكسى للسكن تعبانين اه جدا جعانين اه جدا روحنا جبت فطار فطرتها و نمنا الى صلاة الظهر كان يوم مرعب جدا جدا .
فاصل و نواصل شكلكم زهقتم منى

خلود

28-06-2011, 11:39 PM

فريد

29-06-2011, 11:34 AM

لا يافريد مش زهقنا ولا عمرنا نزهق منك ولا من يومياتك

والف الف سلامه للحاجه يافريد

يارب يشفى عنها يارب ويخليها لك يارب

فعلا يوم صعب اوى عليك وعليها

حقيقى بتحكى حسستنى انى كنت معاكم وبجرى وقلقانه زيك بالظبط
ربنا يطمنك عليها

اهلا ياخلود ربنا مايحرمناش من تواجدك و دعواتك
و ربنا يبارك لنا فيهم بصراحة و الله بركة وجودهم معانا
له طعم جميل و ربنا يصبر الا فرقهم اماهتهم
و يرحم من مات و يهدينا لبر الوالدين

قموره

29-06-2011, 11:48 PM

جميله اوى يومياتك استاذ فريد وربنا يخلى الحاجه يارب

ويطمنك عليها ومتابعه ليوميات حضرتك باهتمام وشوق شديد

فريد

30-06-2011, 12:48 PM

جميله اوى يومياتك استاذ فريد وربنا يخلى الحاجه يارب

ويطمنك عليها ومتابعه ليوميات حضرتك باهتمام وشوق شديد

ربنا يبارك فيكى ياقمورة
و يارب يبارك لنا فى والدينا ان كانوا احياء
و يرحمهم ان كانوا اموات
و اشكرك على المتابعة و الاهتمام
يانشط عضو فى المنتدى

قموره

01-07-2011, 01:25 PM

دى شهاده اعتز بيها من حضرتك

ربنا يخليك ويبارك فيك

طيب مش راضين يدونى شهاده تقدير ليه بقى

فريد

03-07-2011, 11:40 AM

دى شهاده اعتز بيها من حضرتك

ربنا يخليك ويبارك فيك

طيب مش راضين يدونى شهاده تقدير ليه بقى

ههههههههههههههههه
انا و لا اعرفهم
انا هاديكى شهادة بس مش معتمدة
مش رسمى
تنفع

قموره

08-07-2011, 05:10 PM

ياااااااااااااااااه يااستاذ فريد

ده انا يحصل لى الشرف

انا اطول اخد من حضرتك شهاده

ربنا يخليك كفايه شعور حضرتك الرائع ده

فريد

10-07-2011, 03:26 PM

ياااااااااااااااااه يااستاذ فريد

ده انا يحصل لى الشرف

انا اطول اخد من حضرتك شهاده

ربنا يخليك كفايه شعور حضرتك الرائع ده

الشرف ليه انا
و بعدين انتى تستحقى الشهادة بجد
انا هابعت لك شهادة مخصوصة
ده اقل واجب
بس خليكى نشيطة مفيش كسل

فريد

13-07-2011, 03:48 PM

و بعد ماطال الفاصل رجعت لكم عشان نتواصل
بعد مافطرنا و نمنا صحينا عشان نستعد لصلاة الظهر و كان بينا اتفاق اننا نقعد من الضهر للعصر
و بالفعل كنت بوصلها لمكان النساء و اروح الف بقى و اتمىشى و كنت استغل الوقت لزيارة النبى صلى الله عليه و سلم
و احاول ان اكون بطيىء نوعا ما فى خطواتى لاعيش لحظات الروعة داخل الطريق الى الروضة و للاسف مقدرتش ادخل الروضة
لسلوك البعض الخاطىء يعنى يقعدوا محدش عاوز يمشى زحمة جدا العسكر كانوا بيقفلوا الطريق للروضة
و عندهم حق مفيش مكان المهم بعد الزيارة ادخل الى المسجد و اتطلع اليه و استمتع بالمنظر جميل و ساحر و رائع
و تشعر بالسكينة و الهدوء و انت تنظر حولك لترى كل الجنسيات و الاعمار و الاشكال
سبحان الله المهم بعض صلاة العصر اخرج انتظر الحاجة و نذهب لشراء الغداء غالبا طبعا بيكون كبسة و فراخ
و نطلع الفندق للغداء و نترحاح شوية و نستعد لصلاة المغرب و العشاء معا و منظر الحرم بالليل بيقبى تحفة رائع جدا
الله اكبر حاجة تشرح القلب عقبالكم كلكم و عقبالى الحج ان شاء الله المهم روحنا السكن بالفندق و عملنا اتنين نسكافية كنت واخد علبة من هنا هههههه
و نمنا استعداد للغد اصلنا هانروح تانى المركز للغسيل الحمد لله على كل شيء الميعاد كان الساعة 12 ظهرا و ده توقيت الصلاة للاسف ضاعت صلوات كتير منى مش الصلاة نفسها انا كنت بصلى
فى المسجد بس مش فى الحرم المهم روحنا المركز على حسب الميعاد دخلت وقفت لحد ماركبت و بداءت تغسل روحت المسجد صليت الظهر و نمت شوية و لقيت تلي5فون واحد معرفة اتصل بيه
و قالى انا جايلك قلت له ملوش لزمة انا باخد تاكسى قلى لا استنانى و بالفعل جه واخدنا بالسيارة بتاعته للسكن ربنا يبارك فيه و يكرمه طلعنا السكن و بعدين نزلت جبت الغدا المرة دى بقى كبسة برضه بس لحمة المرة دى ههههههههههههه بس مش عجبتنى ماعلينا كان هذا اخر ايامنا فى المدينة المنورة يخسارة بجد زعلت جدا روحنا صلينا المغرب و العشا و اتصلنا بكا اخواتى طمنهم علينا و روحنا نستعد و نلم الهدوم استعددا للرحيل بعد الضهر المهم فى اليوم دهتاهت واحدة من الحجاج الكبار الا معانا فضلوا يدورا عليها لحد الساعة 1 باليل المهم لقوها وتانى يوم الظهر بعد الصلاة جاءت السيارة استعددا للرحيل الى مكة المكرمة حوالى 8 ساعات بالسيارة رحلة متعبة جدا و خصوصا لكبار السن المهم ركبنا الاتوبيس المكيف و شوية نوم على شوية استيقاظ صلينا العصر فى الطريق و صلينا المغرب و العشا جمعا و قصرا فى الطريق برضه و حوالى الساعة 12 باليل لح لنا منابر الحرم المكى الله اكبر القلب يختطف سنرى الكعبة المشرفة نحن على ابواب مكة الله اكبر وصل الاتوبيس سالنا عن المسافة مابين الفندق و الحرم كبيرة جدا جدا لا ينفع معها المشى لامى طبعا المهم وصلنا الفندق و نحن ننزل الشنط من الباص حدث شيء غير متوقع بالمرة !!!!!!!!!!!!!!!!!!!!!!!!!!!!!!
ماذا حدث ؟؟؟؟؟؟؟؟؟؟؟؟؟؟؟؟؟؟؟؟؟؟
فاصل و نواصل

خلود

15-07-2011, 12:59 AM

فاصل ........ونواصل

وطبعا لازم تشوقنا كده يافريد

طيب انا منتظره الشئ الغير متوقع

يومياتك رائعه يافريد

فريد

17-07-2011, 12:49 PM

فاصل ........ونواصل

وطبعا لازم تشوقنا كده يافريد

طيب انا منتظره الشئ الغير متوقع

يومياتك رائعه يافريد

لازم فاصل ياخلود عشان محدش يزهق
و بعدين اساسا مبقاش حد يدخل
هههههههههههههه
على العموم بعد الفاصل فيه فعلا
مفاجاءة

خلود

17-07-2011, 10:58 PM

لا يافريد كلنا بندخل وهنواصل وياك

بس ياريت مش تزهق وده حال الاجازه بقى والصيف وبلاويه واللى بيجرى فيه

قموره

18-07-2011, 12:22 AM

انا منتظره شهادتك المخصوصه لى استاذ فريد ولو ان كلامك ده اجمل شهاده اعتز بيها

ويومياتك روعه وفى انتظار مفاجأتك

فريد

19-07-2011, 04:10 PM

لا يافريد كلنا بندخل وهنواصل وياك

بس ياريت مش تزهق وده حال الاجازه بقى والصيف وبلاويه واللى بيجرى فيه

ههههههههههههههههه
ماشى ياخلود انا هاواصل
طالما انتى و قمورة متبعين

فريد

19-07-2011, 04:12 PM

انا منتظره شهادتك المخصوصه لى استاذ فريد ولو ان كلامك ده اجمل شهاده اعتز بيها

ويومياتك روعه وفى انتظار مفاجأتك

عنيىه الاتنين
بس ياترى عايزة الشهادة صورة و لا كتابة
و اشكرك على التواجد فى اليوميات

خلود

20-07-2011, 12:24 AM

اكيد متابعين يافريد بس انت بطل كسل يلا

فريد

20-07-2011, 12:46 PM

مانا شغال اهو

فريد

26-07-2011, 04:06 PM

و من بعد اخر فاصل
رجعنا عشان نتواصل
و نبداء من حيث انتهينا
هو الصح
لا نبداء من جديد
بل من حيث انتهى الاخرون
انا دخلت موضوع تانى ماعلينا
اخبرتكم قبل الفاصل بحدوث شيء غير متوقع عند وصولنا الى مكة المكرمة
الذى حدث هو انى عند نزولى على درج الفندق تزحلقت قدمى ووقعت على الدرج و حدث
انه كان هناك خلع فى الكتف و مفصل اليد اليمنى و جرح فى قصبة القدم اليمنى و جرح قطعى فى مشط القدم اليمنى وهو اخطر ماحدث
شعرت بالم شديد جدا طيب و بعدين الساعة الان تعدت ال12 مساء لو طلعت الفندق و نمت اعلم انى ساقوم و الالم اكبر بكثير المهم انا الحمد لله ربنا ذكرنى و قلت الدعاء
و طلعت الفندق تسلمت الغرفة و قلت لامى ان تستعد سنذهب الان لاداء العمرة و لم اخبرها عما حدث تسلمنا الغرفة احضرت عجلة لامى و نزلنا فى الطريق الكبير الى الكعبة المشرفة الالم لا تسال لا اشعر بشيء البتة الناس كتير جدا بداءت تلوح لنا المنابر و النور و الضوء اه شيء فى النفس يرفرف يعلو احاسيس متباينة متفوتة
مش عارف انا اصلا كنت حاسس بايه كنت اجرى للدخول قلبى يهفو الى الوصول محدش يسال عن الاصابة انا مش حاسس باى حاجة ابدا
وصلنا لول بوابة قالوا لا اذهبوا لبوابة الملك خالد ماشى الحال ذهبنا دخلنا و بداءت ابحث عى مكان النزول اه امامى الكعبة ظهرت لقد وجدت السلم الذى تنزل من عليه العجلة لقد دخلت انا امام الكعبة مباشرة ايه ده فيه ايه انا اختفيت ذهلت وقفت سرحت مش عارف انا هنا و لا هناك و لا فين بصراحة شيء مش لاقى له وصف فضلت واقف شوية مش عارف اعمل ايه و لا هاعمل ايه اصلا بس احساس رائع رهيب جدا
و فاصل و نواصل

خلود

02-08-2011, 12:42 PM

محمد المصري

05-09-2011, 03:04 PM

يوميات حلوه اوى يااستاذ فريد

حمدالله على سلامتك والحاجه ومنتظرين بقاى يومياتك الجميله

فريد

05-09-2011, 03:08 PM

سلامتك يافريد الف سلامه

واكيد الفرحه وجمال وقدسيه المكان نستك اى الالام بتشعر بيها

عقبالنا يارب ومره تانيه الف لسلامه على وقوعك وطمنا حصل ايه بعد كده

مستنيه اشوف حسيت بايه بعد ما روحت ونمت اكيد الالام فظيعه

الله يسلمك ياخلود
و عقبالك و عقبال كل امة محمد صلى الله عليه و سلم
ان شاء الله
و هاقولك حسين بايه فى سياقه
من سياقه ده

فريد

05-09-2011, 03:09 PM

يوميات حلوه اوى يااستاذ فريد

حمدالله على سلامتك والحاجه ومنتظرين بقاى يومياتك الجميله

اهلا يااستاذ محمد
نورت اليوميات المتواضعة
و نورت المنتدى
و الله يسلمك
و عقبالك ان شاء الله

خلود

22-09-2011, 12:29 AM

اين باقى اليوميات يافريد

شكلك كده ناسى ان احنا متابعين

فريد

22-09-2011, 11:09 AM

اين باقى اليوميات يافريد

شكلك كده ناسى ان احنا متابعين

لا ياحاجة
شكلى متابع
انكم ناسيين
ههههههههههههههههه

خلود

24-09-2011, 06:00 PM

لا مش ناسيين احنا اهو متابعين

وبلاش لعب بالكلمات يافيلسوف

يلا بطل كسل وكمل

فريد

25-09-2011, 10:34 AM

هههههههههههههههههههههههه
حاضر يافندم

lionking

28-09-2011, 03:13 PM

حلـــــــــــــوة اوووووى فكـــــــــرة يومياتك يا فريد

اول حاجة مبروك العمرة وعقبالى يااااااااااااااااااااااااااااااارب

انا اخدت فكرة سريعة كده ,,,,, بس محتاجة انى اقرأها تانى بتركيز عشان اعرف اناقر فيك كويس

هههههههههه

يلا كمل يومياتك بسرعة

فريد

28-09-2011, 03:55 PM

lionking

01-10-2011, 02:03 AM

ايه يا فريد

انت نمت ولا ايه ....

كمل يا بيه اليوميات عشان لما تخلص هطلب منك طلب جامد اوووووووى

فريد

02-10-2011, 12:06 PM

ايه يا فريد

انت نمت ولا ايه ....

كمل يا بيه اليوميات عشان لما تخلص هطلب منك طلب جامد اوووووووى

اه
انتى تؤمرى ياليون
من خمسة قروش و حتى 25 قرش
ولا يهمك
ههههههههههههههههههههه

lionking

05-10-2011, 08:44 PM

يارب نصحى من النوم ده

حد ينادى على فريد يا جماعة

فريد

09-10-2011, 11:41 AM

يارب نصحى من النوم ده

حد ينادى على فريد يا جماعة

هههههههههههههههه
ثورة ثورة ياليون
مفيش نوم خلاص النوم انتهى

lionking

09-10-2011, 12:45 PM

مش فاهمة

:1 (16): :1 (16): :1 (16):
انت كده خلصت يعنى يومياتك

؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟

أطلب يعنى الطلب بتاعى ولا ايه ؟؟

فريد

09-10-2011, 02:08 PM

مش فاهمة

:1 (16): :1 (16): :1 (16):
انت كده خلصت يعنى يومياتك

؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟

أطلب يعنى الطلب بتاعى ولا ايه ؟؟

هههههههههههههههه
لا لسه
بس طلباتك اوامر
اطلبة
و انا هانفذ

lionking

09-10-2011, 02:42 PM

فريد

09-10-2011, 02:50 PM

ميرسى يا فريد

ما يؤمرش عليك ظالم

شوف يا استاذى الفاضل

هو طلب رخم موووووووووت

عايزين وانت بتكتب يومياتك,,,,,,,,,,,

تكتبلنا يومياتك مع الثورة

25 يناير

ينفع ولا ايه ؟؟؟

يعنى ترجعنا لجو الثورة تانى

الموضوع طبعا هايل
على فكرة فى فترة غيابك ان عملت شوية حاجات
هاتلاقيهم فى ابداعات الاعضاء صوت و ثورة و هى
كتابات من داخل التحرير
و ايام الثورة فعلا و بصوتى
و مدعمة بالصور
من ايام الثورة الفعلية
هادور على الراوابط و ابعته لك

lionking

09-10-2011, 03:03 PM

اوك

:) :) :)

فريد

09-10-2011, 05:22 PM

اوك

:) :) :)

مين يافندم

خلود

10-10-2011, 01:10 PM

فين اليوميات ياحاج

:1:

فريد

10-10-2011, 01:31 PM

فين اليوميات ياحاج

:1:

مانا بحاول افتكر يابنتى
صمتى ليس سباتا
و انما الحقيقة نسيانا