حد سمع عن قطاع تابع للمرحلة الثامنة اسمه قطاع ق ؟

[hoshakhs]

كل الناس على الموقع بتتكلم على قطاع ر او ن او ع و محدش بيتكلم خالص عن قطاع ق و روابط و مؤسسات بتتعمل عن كل قطاع و اسماء و تليفونات رايحة جاية و محدش عاوز يجيب سيرة قطاع ق و مستنى حد يظهر و يقول حاجة عن قطاعنا الظريف ده لاكن محدش عاوز يتكلم....طيب لو كانو الناس زعلانين علشان موضوع المقابر ده فعلى ما اعتقد ان قطاع ر واخد نفس الإطلالة ...صح ؟ و بعدين هو حتلاقى ان فيه 20 او 30 قطعة ارض بس الى واخدة صف اول على المقابر و ديه طبعا ميزة كبيرة علشان مش حتكون مجروح و احتمال تكون الواجهة بحرى كمان و الناس الى جوة مش حيكون عندهم مشكلة اوى
ياريت الناس الى تابعة لقطاع ق يظهرو كدة و يبينو نفسهم احسن انا ابتديت احس ان فيه فعلا حاجة غلط.

[Gamal_khalil]

سلام عليكم انا معاك فى قطاع ق قطعة 285

[ah-mo]

ان شاء الله خير يا جماعه وعسي ان تكرهو شيئ وهو خير لكم
لكن لابد من الساده اصحاب القطع التي امام المقابر مباشره التكاتف وان تعمل يدا واحد وتعمل وتجتهد كي يصل صوتها الي المسؤلين مطالبين بعمل سور عالي يحمي حرمه الموتي ويحمي نظر ابناء واصحاب تلك القطع علي ان يزرع هذا الصور باشجتار عاليه
اتمني التكاتف وانا علي اتم المشاركه معكم وعمل مذكره جماعيه للسيد المهندس وزير الاسكان والتنميه العمرانيه والسده سوزان مبارك التي لا اظن انها توافق ان يكون هناك طفلا بمصر اول ما يفتح عيناه صباحا يفتحها علي المقابر
كذلك منظمات المجتمع المدني
ربنا يوفق الجميع يا رب
وكل عام وانتم بخير

[hoshakhs]

قطاع ق يا اخوانا !!! قطاع مكون من 648 قطعة ارض و مدخلش على الموضوع غير اثنين بس ؟؟ ياريت الى سمع عن حد فى قطاع ق يقوله يدخل و يشترك معانا.


حسام محمد
قطاع ق قطعة 199
0110200752

[adham62]

انت ممكن تفتح الراديو وتسمع
وعلى فكره شعبولا بيجهز اغنيه عن هذا القطاع
انتظر الشريط على اول السنه

[adham62]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههها
اضحك بنفس او بدون نفس علشان تعالج الاكتئاب الذى يعانى منه 90% من الشعب المصرى

[hoshakhs]

يعنى هو اخرة صبرى واحد داخل يهزر ؟ مممم ما علينا عموما يعنى احب اقولكم ان قطاع ق ده من اظرف الفطاعات و مفيش زيه ده كفاية انه قطاع على ناصية و بحرى....
عموما لو فيه حد فى القطاع ده ياريت يرد و بطلو تماحيك فى القطاعات التانية ، بكرة هما الى يجو يصيفو عندنا

[zizo408]

انا نفسى اعرف الدولة دة عايزة اية من الشباب لية بيشعرونا اننا مش من شعب البلد دة ، المسئول الباشا من وافق على ان تكون المنطقة السابعة بجوار المقابر موفر صحراء اكتوبر لمييييييييييين؟؟؟ انا مش بقول اننا كنا نطمع بأرقى مناطق اكتوبر بس على الاقل طالما ان العمران لم يصل لجميع محافظة اكتوبر كان المنطقى ان يكون التخصيص لشباب ابنى بيتك بمواقع بعيدة تماما عن المقابر وحين تصبح المحافظة ممتلئة بالعمران حين ذلك ينظر لتلك المناطق القريبة من المقابر واللة يسهل للشركة التى تخصص لها قطعة ارض كبيرة جدا جدا جدا وتبيع الشقة باكثر من مائة الف بالتقسيط بمقولة انها مدعمة وكونها تبنى بدون مسلح اى حوائط حاملة مع ان المفروض ان تكون تلك المنطقة تتبع لمشروع ابنى بيتك، بصراحة انا شايف اصحاب قطع الاراضى القريبة من المقابر هايكون عنوان مشروعهم ابنى بيتك ثم بيعة ، هل هذا هو مقصد وهدف المشروع؟؟؟؟؟

[BELAL MOHAMED]

اخيرا لاقيت حد فى قطاع ق بيتكلم على العموم اهلا بكم
انا زميلكم فى قطاع ق قطعة رقم 327

[ام منه]

سلام عليكم انا معاك فى قطاع ق قطعة 285
في قطاعي(ر)و (ق)تم تعديل التقسيم للمنطقه 7 بالسادس من اكتوبر فبعد ان كان قطاعي (ا) و (ب) هما الملاصقين لمقابراكتوبر و المزمع تسليمهم في المرحله السابعه فوجئنا بتأجيل تسليمهم ليتم تسليم المرحله الثامنه قبل قطاعات ا و ب من المرحله السابعه فكيف يأتي بالله عليكم تسليم الثامنه قيل تسليم المرحله السابعه ؟ وكيف يتسلموا علي الورق فقط بمحضر استلام و كروكي بالمنطقه بجوار المقابر ثم فجأه يحدث تعديل و لايتسلموا القطعه علي الواقع الا بعد المحضر الاستلام بشهر ؟ بعد تعديل التقسيم فلم يتسلموا اراضيهم لليوم بالرغم من انهم في الجدول ينتهي تسليمهم في 13-9-2009، تبعا لجدول الهيئه فقاموا باستلام محاضر التسليم دون استلام الارض علي الطبيعه ونتساءل لصالح من يتم هذا التعديل في التقسيم ؟ هل لانهم اعترضوا علي الاراضي الملاصقه للمقابر؟و لماذا نتسلم اراضي ملاصقه للمقابر بالرغم من ان صحراء اكتوبرلاتزال لم يزحف عليها العمران بالصوره التي تجعلنا نلجأ لسكني المقابر وان كان واجبنا ان نبوس ايدينا وش و ظهر لاننا دفعنا الف جنيه و اخدنا ارض كما قال يقول لنا موظفواالجهاز فهل سنرضي ان تكون المقابر اول ما يفتح عليه اطفالنا اعينهم و هل سيفرز ذلك الجو جيل من الاسوياء ام المقهورين في حين يوجد جنوب منطقه المقابر حزام اخضر بمساحة 1100 فدان فلماذا لم تخصص و لو مسافة نصف كيلومتر حزام اخضر يفصلنا عن القبور نرجو من الساده المسئولين النظر لنا ولاطفالنا بعين الرحمه و ابعادهم عن القبور قليلا من الامتار :50 (8)::50 (8):

[yousef]

احنا هنعد سكتين كدة على الأرض الى ملاصقة للمقابر دى هندفع فيها دم قلبنا فى البناء وفى الاخر نبقى سكنين فى المقابر عايزين نحاول ونقف يد واحدة علشان يوافقوا على نفل قطاعنا الى مكان افضل دى صحراء يا عالم ......ولا هى جت لحد عندنا وحتى الصحراء خلصت
وبعدين على القمر الصناعى مكنش قطاع ر على المقابر خالص دة كان فى عكس مكانة لية اتبدلوا القطاعات ولا الى قبلنا مردوش بالمقابر فبيدوهلنا احنا
لو كان دى الخريطة من البداية كان الواحد قال نصيبة كدة لكن حصل تغير للقطاعات لصالح مين
ولية اساسا حد يسكن جنب المقابر والصحراء ممتدة ؟ لية سوء التخطيط واحنا لسة فى البداية ؟
ياريت حد يسمع لصوتنا ويبعدونا عن المقابر.

[adham62]

مش عارف ليه كل الضجه دى علشان احنا مجاورين المقابر طيب انت تكره ان تكون جارك من هم فى دار الحق
انت اخدت ايه من جيرانك اللى فى دار الباطل
طيب جرب السكان دول سكان بلا ضوضاء ولا مشاحنات الخ
المهم ممكن نطالب ان يكون هناك شريط من اشجار بطول المقابر وبعدين انا بحسد الناس الملاصقه للمقابر هناك ميزه كثيرون مش واخدين بالهم منها
هتقولوا ايه هيه ( انتم اول المستفيدين من الرحمه والنور اللى بتوزع هناك )

[sharabasy]

انا شايفة انكم عندكم حق ولو اني انا783 قطاع ن لكن متفقة معاكم
وبعترض علي كلام الاخ ابو فؤاد قطاع ن لان لو يقدروا يعملوا زي الاخ يوسف ما قال ليه ما يعملوش

[BELAL MOHAMED]

بارك الله فيكى يا ام منة والله قلتى اللى نفسنا نقولة
يا جماعة عايزين نشوف حل فى الموضوع دة
وانا معاكم انشاء الله

[adham62]

بتعترضى ليه ياام اياد احنا هنا فى مجلس الشعب
خليكى رياضيه
انا لفت نظرى مدى تشاؤم الاخوه من ملاصقتهم للمقابر الموضوع محتاج شوية مجهود وهو توجيه نداء للساده المسؤلين عن المشروع بعمل فاصل اوخط اخضر من اشجار تتميز بالطول والعرض
او سور من الطوب الحرارى
وبعدين ابتسم انت فى جمهورية مصر العربيه ( ماركة حرق الدم وعدم الشعور بالآخر الخ الخ الخ الخ )

[hoshakhs]

انا شايف ان سور من الاشجار حيكون فكرة كويسة جدا بس ياريت يبتدو يزرعو فيه من دلوقتى علشان يدوب بعد عشرين سنة يكون الشجر كبر و غطى على المقابر !!!
يا جماعة سور ايه و شجر ايه بس ؟ الحاجات ديه كدة كدة لازم تتعمل لاكن لازم يكون فيه مسافة بين المقابر و المساكن على الاقل 100 متر و خصوصا لو عرفنا ان المقابر و فى اوقات كثيرة بتكون ماوى للخارجين عن القانون و المتشردين !!! و احنا حنكون اقرب الناس ليهم ، يعنى حيتسلو علينا و ده طبعا غير الصويت الى حنسمعة كل يوم و طبعا اكيد اكثر من مرة فى اليوم.
و عموما لو معرفنشا نعمل حاجة يبقى نطالب بإعادة تصميم الفلل علشان تكون دار مناسبات نستضيف فيها اهل الموتى و الناس الى جاية تعذى ...ايه رايكم ؟ او ممكن ناجرها للطوربية مفروش

[sharabasy]

ده بيتهم اللي ان شاء الله حيعيشوا فيه هما واسرهم لازم تكون نفسيتهم مرتاحة لسكنه
وطالما في امل ليه مانحاولش
لا يضيع حق وراءه مطالب
بلاش سلبية لازم نحاول ونعمل اللي علينا
والتوفيق من عند الله,وساعة لما نعمل اللي علينا ونفشل
ساعتها نقول (عسي ان تكرهوه شئ وهو خير لكم)

[zizo408]

ياجماعة لازم نتكاتف ونقدم شكوى جماعية للسيد رئيس الجمهورية ونعرف سيادتة ان الشباب الذين وثقوا بقدرة سيادتة وفى الحكومة وتقدموا بالحجز بمشروع ابنى بيتك قد ظلموافى المنطقة السابعة فى قطاعى ( ق ) ، ( ر ) لانهم اصبحوا ملاصقين للمقابر وان هذة المنطقة غير مؤهلة تماما لتربية اطفال يكون لهم ولاء لهذا الوطن ، فما باللك بأطفال يستيقظون يوميا على اصوات صريخ لحالات الوفاة ، وما بالك بطفل يرى يوميا طقوس دفن الموتى ، بالرغم ان هذا المشروع اهم مشروع للبرنامج الانتخابى للسيد الاب الرئيس محمد حسنى مبارك ، يجب ان نوصل هذة الصورة للسيد الرئيس وايضا للسيدة الفاضلة سوزان مبارك وايضا السيد احمد المغربى والسيد محمود سعد ببرنامج البيت بيتك ، جميع الشباب الذين استلموا بهذة المنطقة قد انتابهم حالة من الضيق والاستياء وعدم الرضى وكأننا لسنا ننتمى لمصرنا الحبيبة ، هل هذا يرضى السيد الاب الرئيس محمد حسنى مبارك؟؟؟ ياريس انا بقالى حوالى 3 سنين بشتغل وبوفر كل قرش وهاستلف من ناس مقربين عشان اكون قد المسؤلية واقدر ابنى قطعة الارض وفى الاخر بيتى ملاصق للمقابر......

يجب على الوزارة ان تتحرى الدقة فى قراراتها وان تعلم هدف المشروع وهو بناء جيل قادر على الولاء وحب مصر وان صحراء اكتوبر كبيرة جدا جدا ، وان تعدل فى قرار ملاصقة قطاع ( ق ) ، ( ر ) للمقابر ، ويتم نقل القطاعين عن هذا المكان

المشروع اصبح تحت مسمى كيف تبنى بيت قريب جدا للمقابر ومن الذى يشترية ؟ لان كل الشباب تفكر فى البيع ، هل هذا هو مقصد وهدف المشروع؟؟؟؟؟