ضيف الكرسى الاول

[اميرة حبى انا]

نصل الهوى
معلش بقى جت فيك
كل واحد يحضر الخمس اسئلة اللى هيسئلهم لمحمود(نصل الهوى)
وهو هيرد عليهم وده لمدة 3 ايام
بداية من اليوم الاثنين
ربنا معاك بقى

[خلود]

منور المقعد

جيبتلك شوية أسئله أتمنى تكون خفيفه عليك

وأهم حاجه الصراحه..

ياترى ايه شعورك دلوقتى وانت فى أول يوم لك على كرسى الاعتراف ؟؟



دلوقتى نبدأ الأسئله :



< 1> - صــف نفســـك بكلمتيـــن فقـــط..!



< 2> -مــاهــو الشــئ الذي ندمــت علــي عمـلــــه؟!؟



< 3> -كـلمـــة تمنيـــــت ان تسـتطيـــع سحـبهــــا؟!؟



< 4> -آخـــر شخـــص تتـــذكــــره قبـــل أن تنـــــام؟!؟



< 5> -جــريمــة تتمنـــي لـــو تستطيـــع ارتكابهــــا؟!؟



< 6> -حمـامة زاجـــل حاملـــة رســالة لـك,,,من من تتمنـى ان تكــون؟!؟



< 7> -شخـــص لطــالما حـــلمـــت بــــه؟!؟



< 8> -دمـعـــه انـذرفــــت رغـمــاً عنـــك؟!؟



< 9> -مـوقـــف صــدمــك ولــن تنســــاه؟!؟



-شـخــص تتمنــي الإنتقــام منـــه؟!؟



-شــئ او عمــل لا تستطيــع مســامحته؟!؟



-شــئ او شخــص غيــّر مجــري حياتـــك؟!؟



-حلم لا تستطيـــع تحقيقه؟!؟



-كلمة تود سماعها كل يوم؟!؟



-القمر-الشمس-النجوم...........ايهما تفضل والسبب؟!


كفايه عليك كده علشان انت بس تعز على واسيب شويه لغيرى بقى


بس كده ..خلصت الأسئله

ورفعت الجلسه

[اميرة حبى انا]

ياعينى يامحمود
معلش امسحها فيا
ومتنساش ان فى اسئلة ثابتة ترد عليها الاول
خليك منظم
ربنا معاك ياخويا

[محمود التهامي]

ههههههههههههههههههههه

< 1> - صــف نفســـك بكلمتيـــن فقـــط..!

بسم الله الرحمن الرحيم

الاجابة نصل الهوى
هههههههههههههههههههههه



< 2> -مــاهــو الشــئ الذي ندمــت علــي عمـلــــه؟!؟

غير الجواز يعني

ههههههههههههههههههههه

< 3> -كـلمـــة تمنيـــــت ان تسـتطيـــع سحـبهــــا؟!؟

غير تتجوزيني برضه
ههههههههههههههههههههههههه

< 4> -آخـــر شخـــص تتـــذكــــره قبـــل أن تنـــــام؟!؟

ربنا يخليلي نور


< 5> -جــريمــة تتمنـــي لـــو تستطيـــع ارتكابهــــا؟!؟

فيه كام واحد وواحده كدا قلتهم احسن

< 6> -حمـامة زاجـــل حاملـــة رســالة لـك,,,من من تتمنـى ان تكــون؟!؟
بلاش الحمامة عشان المدام هتدبحها وتاكلها بس نقول رسالة موبايل
من مين من ناس كتيييير قوي بقالي كتير ما شوفتهومش


< 7> -شخـــص لطــالما حـــلمـــت بــــه؟!؟
بحلم بنفسي كتير وببنتين حبيتهم زماااااااااااان


< 8> -دمـعـــه انـذرفــــت رغـمــاً عنـــك؟!؟
لما البنت اللي بحبها اتجوزت ولما بتصعب عليا نفسي


< 9> -مـوقـــف صــدمــك ولــن تنســــاه؟!؟
مش فاكر بجد


-شـخــص تتمنــي الإنتقــام منـــه؟!؟
مبحبش الانتقام وزي ما كاظم ما قال حاشاك ِ عمري أن أفكر بانتقام إني لك ِ قلب ٌ وحب ٌ واحترام


-شــئ او عمــل لا تستطيــع مســامحته؟!؟
لأ المنتدى مش هيكفي


-شــئ او شخــص غيــّر مجــري حياتـــك؟!؟
ربنا يخليلي مراتي و ليا اصحاب مش كتير بس كلهم لهم تأثير كبير قوي في حياتي هقول بس انه فيهم واحد معانا هنا وهو هيعرف نفسه


-حلم لا تستطيـــع تحقيقه؟!؟
مبحبش احلم بحاجه مقدرش عليها ويمكن دا سبب احباطي


-كلمة تود سماعها كل يوم؟!؟
بحبك


-القمر-الشمس-النجوم...........ايهما تفضل والسبب؟!
النجوم نورها حلو ومش مؤزي زي الشمس ولا معتمه في اصلها زي القمر


يا خسارة خلصو بسرعه
حد عنده اسئلة تانية
يللا قبل ما يعقل يا جدعان
ههههههههههههههههههههههههههههههههه

[إبراهيم البشبيشي]

هل كان الحب في حياتك قدرا أم اختيار ؟؟؟

هو انت ليه مش بتحب تحلم بحاجة حاسس انك مش هاتعرف تحققها ؟؟

ربنا يخليلك نور بس هل فيه حد تاني ممكن تفكر فيه قبل النوم ؟؟؟؟

يا ترى بتعتبر نفسك شخص مؤثر في حياة كام واحد من اللي تعرفهم ؟؟ - بمعنى آخر يعني لو انت مش موجود في حياتهم الحياة بالنسبة لهم تتوقف تماما ؟؟؟؟

بس وشكرا مقدما على الإجابة

وشكرا مؤخرا على سعة الصدر .

:D;):mad::(:):p:rolleyes::o:confused::cool::eek::D :mad::p:(:);):D:p:eek::

[محمود التهامي]

هل كان الحب في حياتك قدرا أم اختيار ؟؟؟

اعتقد قدر
هو انت ليه مش بتحب تحلم بحاجة حاسس انك مش هاتعرف تحققها ؟؟
عشان معقدش نفسي زيادة مع اني ساعات بفكر احلم بس من كتر ما قلبت بغم قررت او حاولت ابطل
ربنا يخليلك نور بس هل فيه حد تاني ممكن تفكر فيه قبل النوم ؟؟؟؟
اكيد فيه طبعا بس نور اكتر الاوقات وساعات الحب الأولاني وساعات الشغل وساعات حد من صحابي وساعات حاجه ضحكتني خلال اليوم
يا ترى بتعتبر نفسك شخص مؤثر في حياة كام واحد من اللي تعرفهم ؟؟ - بمعنى آخر يعني لو انت مش موجود في حياتهم الحياة بالنسبة لهم تتوقف تماما ؟؟؟؟
أولا معتقدش انه فيه حد حياته تتوقف على حد تاني لكن ممكن يكون تأثيري على الأقل لنورالدين ابني ومراتي طبعا


متشكر على أسئلتكم ومستني البقية

[محمد المصري]

انا لسة شايف الموضوع حالا لانى كنت مشغول انبارح

لكن انتظرنى جايبلك شوية اسئلة تحفة

يلا اشوفك بعد كام رد

[اميرة حبى انا]

والله برافو عليك
رديت وشكلك صريح
يارب الباقى يبقو كده
بس اذا سمحتم
الالتزام بانهم يكونو خمس اسئلة فقط لاغير

[محمود التهامي]

هو انتي كنتي قايلة خمسة وللا تلاتة

نسيت واعترفت على طول مخدتش بالي

ههههههههه

[اميرة حبى انا]

عشان تتعلمو تقرو قواعد اللعب قبل ماتلعبوووو

[إبراهيم البشبيشي]

أستاذة .. أستاذة .. أستاذة

أنا ماسالتش غير أربعة بس ممكن أسأل سؤال كمان

هو إنت شايف نفسك من جوه إزاي ؟؟ بمعنى آخر إوصف نفسك من جوة شايفها ازاي يعني بيت , قصر , فيلا في الساحل الشمالي , كهف جنب المحيط كده يعني

[محمود التهامي]

هو إنت شايف نفسك من جوه إزاي ؟؟ بمعنى آخر إوصف نفسك من جوة شايفها ازاي يعني بيت , قصر , فيلا في الساحل الشمالي , كهف جنب المحيط كده يعني

أوضة مكركبة جدا جدا

وجواها حاجات كتيييييييييييير قوي

ورغم كركبتها

فترتيبها سهل قوي

بمعنى تاني بنظرة واحده تقدر تعرف كل محتوياتها

دا لو حبيت

[خلود]

لما سياده المشرف العام يقعد على كرسى الاعتراف مش كفايه عليه 5 او 10 مفروض اكتر واكتر من كده بكتير

بس بجد فعلا اجاباتك فى منتهى الصراحه

[محمود التهامي]

شكرا خلود والحمد لله ان الصراحة دلوقتي مبقتش تزعل

[محمد المصري]

طبعا من الطبيعى انى اسالك وطبعا الشباب سبقونى وحرقوا اسئلة كتيرة
لكم انا حاولت اجيب حاجة جديدة

1- متى احسست بالمسئولية اول مرة احكى لنا موقف ؟؟

2- متى احببت اول مرة ومن ؟

3- عندما تضيق بك الدنيا ما الشئ الذى تفكر فية ؟

4- حياتك بقرارك ام بقدرك ولماذا ؟

5- الدنيا ماذا تعنى لك وما قيمتها ؟

[اميرة حبى انا]

رد ياعم الحلو بقى
رد ياامور
عايزة اشوف الرد والنبىىىىىى
شكرا يامدير على الاسئلة والله
خصوصا السؤال اللى ف بالى ده

[اميرة حبى انا]

ياجماعة بكرة اخر يوم لمحمود على الكرسى
اللى يحب يساله يكتب اسئلته بكرة ان شاء الله
وانت يامحمود متنساش ترد على الاسئلة الثابتة

[محمود التهامي]

1- متى احسست بالمسئولية اول مرة احكى لنا موقف ؟؟
مش فاكر بس يمكن لما كنت رايح اتقدم لمراتي
2- متى احببت اول مرة ومن ؟
أول مرة كنت في رابعة ابتدائي لو هتسموه حب يعني ومين طبعا مينفعش اقول اسمها

3- عندما تضيق بك الدنيا ما الشئ الذى تفكر فية ؟
قوللي بس الأول هي بتوسع امتى

4- حياتك بقرارك ام بقدرك ولماذا ؟
فيه قدر وفيه قرار ومحدش قدر يحسمها لحد دلوقتي مسير أم مخير

5- الدنيا ماذا تعنى لك وما قيمتها ؟
تقصد انهي دنيا اللي عايشينها وللا اللي نفسنا نعيشها

[محمد المصري]

الدنيا واسعة بس احنا اللى شايفينها كدا

ياعم اللى احنا عايشينها
هنروح بعيد لية خلينا هنا احسن