المساعد الشخصي الرقمي

مشاهدة النسخة كاملة : عاوز افتح استوديو ف بشتيل



fagrmasr01
25-01-2009, 11:06 PM
ياريت الى عنده برنامج ينفعنى لعمل الاستوديو
محتاج برنامج اقص بيه الصورة يكون سهل ومحترف
وكذلك لتلميع الصور ومسح ما قد يكون بها من تشوهات فى الصورة
وتوضيح او تعديل الالوان
وياريت اعرف اكتب على الصورة باللغة العربية

على فكرة مش استوديو كبير
حاجة صغيرة اوى فى قرية بشتيل
وهعزمكم ع الافتتاح باذن الله

محمود التهامي
26-01-2009, 11:26 AM
أقوى برنامج ينفذ كل طلبات حضرتك اسمه فوتوشوب بس بصراحة مش سهل قوي يعني

لكن هو دا البرنامج اللي كل استديوهات مصر شغاله بيه

وربنا يوفقك و ألف مبروك مقدما ً

خلود
26-01-2009, 09:09 PM
http://www.m7shsh.net/images/bq0iprdjfep3tpmmxd5p.gif

مبروك مقدما جمال على الاستديو الجديد

محمد المصري
27-01-2009, 10:45 AM
أقوى برنامج ينفذ كل طلبات حضرتك اسمه فوتوشوب بس بصراحة مش سهل قوي يعني

لكن هو دا البرنامج اللي كل استديوهات مصر شغاله بيه

وربنا يوفقك و ألف مبروك مقدما ً


فعلا أ / محمود

هو الفوتوشوب من اقوى برامج التعديل على الصور

fagrmasr01
29-01-2009, 12:01 AM
الف شكر يا احباب
سؤال:
هل فيه فوتو شوب بيكتب ع الصورة بالعربى؟

محمد المصري
29-01-2009, 12:11 AM
اكيد طبعا

جارى احضار طلبك

fagrmasr01
13-02-2009, 08:41 PM
لازلت أنتظر الفوتو شوب الى ينفع اكتب عليه بالعربى
أعلم مشغولياتك وملتمس لك العذر
وياريت يكون معاه تعليم
وخصوصا لموضوع الفلاتر
وتنقية الصورة
جزاكم الله عنى خيراً

الطاوس الحزين
14-02-2009, 04:13 PM
ينفع تكتب عليه بالعربى بواسطة برنامج تانى ...كان عندى على الكمبيوتر

هدورلك عليه

بس الاول نزل برنامج فوتوشوب...

fagrmasr01
14-02-2009, 04:26 PM
شكراً لإهتمامك أيها الطاووس الحزين.. أقصد الطاووس المبهج
وشكرا كمان مرة مقدماً على مساعدتك
ومنتظر .. الكتابة بالعربى على الصور.. واى حاجة تخلينى اعمل تحسين فى الصورة وتعديل التشوهات مثلا او تلوين العيون والشعر
معلش .. انتوا عارفين ان هى دى الحاجات الى بتعجب البنات وتخليهم يروحوا الاستوديو تانى وتانى

وباذن الله الافتتاح عاوز له دعاية كبيرة اوى .. ياريت برضه تساعدوا كلكم
معلش .. الناس لما بتلاقى حد يساعد بتتعشم أكتر وأكتر
وانا متعشم.. وانتوا أهل كرم
ربنا يخليكوا وتساعدوا

الطاوس الحزين
14-02-2009, 04:48 PM
امممم


انا بصراحة لاقيت عندى البرنامح خاص بالكتابه على الفلاش

بس اعتقد انه يكتب على الفوتوشوب

وانا حاليا بابحث عن وصله على النت مباشرة

محمود التهامي
14-02-2009, 11:34 PM
الفوتوشوب مش محتاج برامج عشان يكتب عربي

كل المشكلة في الفونتات

يعني لو فيه فونتات عربي هيكتب عربي

تقدر تنزل اي اصدار فوتوشوب مي وهيشتغل تمام ويكتب عربي مظبوط

للأسف مش قادرين نرفعهولك عشان حجمه اخر اصدار عندي سي اس 3 مي cs3 me مساحته حوالي 450 ميجا

fagrmasr01
15-02-2009, 12:27 AM
شكرا لكم بارك الله فيكم
تم تنزيل الفوتوشوب .. وفعلا بيكتب عربى
وأحاول الان اجادته .. ارجو دعواتكم
جزاكم الله عنى خير الجزاء

محمد المصري
19-02-2009, 02:35 PM
طبعا انا باعتذر على التاخير

هذا رابط البرنامج (http://208.115.33.142/godfather2/Adobe%20Photoshop%20CS3%20ME.zip)

وكما قال أ / محمود اغلب برامج الفوتوشوب تدعم العربية


بالنسبة الى الشرح

لا اجد افضل من الموقع الذى تعلمت منة الفوتوشوب

وهو
قلعة الفوتوشوب (http://www.gl3a.com/vb/index.php)

ويوجد بة ملحقات للفوتوشوب ودروس تعليمية وكل شيئ عن الفوتوشوب

fagrmasr01
19-02-2009, 02:51 PM
بارك الله فيك وفى منتداك الطيب
وجزاك عنى خير الجزاء
جارى التحميل وباذن الله احاول انى اتعلم منه
الف شكر
شكر الله لك