يوميات احلى كتكوته

[ghada]

السلام عليكم ورحمه الله

حلوه فكره اليوميات دى وعجبتنى وطبعا انا علشان مش فاهمه يعنى ايه يوميات سالت ماما عليها وفهمتنى قالت لى تحكى اللى عايزه تقوليه لاصحابك فى المنتدى يعنى اقول عملت ايه النهارده بالتفصيل مش تفصيل اوى يعنى علشان مش تزهقوا منى برضو

قالت لى لازم تدخلى كل يوم تقولى حصل لكى ايه على مدار اليوم وطبعا ماما مش هتدخلنى المنتدى كل يوم علشان المذاكره والدروس وكده يعنى :storm_9401257127043:storm_9401257127043

علشان كده انا كل ما اقدر ادخل اكتب حاجه هتلاقونى

ماشى اتفقنا :36_3_1[1]:
اعرفكم بنفسى بقى الاول انا اسمى كتكوته طبعا ده مش اسمى الحقيقى ده اسمى هنا على المنتدى لكن اسمى الحقيقى غاده

عندى 9 سنين و7 شهور وفى سنه 4 ابتدائى والحمد لله من كجى وانا بطلع متفوقه فى مدرستى الاولى او التانيه بالكتير يعنى اطلع الخامسه

مامتى عضوه هنا فى المنتدى ويانا وهى طبعا تعرفوها حبيبه قلبى خلود ولى اخت واحده بس اكبر منى وهى شذا

كده انتم عرفتوا عنى اهو حاجات كتيره النهارده

انا بقى بحب مدرستى جدا ومدرسينى كمان ومش بحب اخد دروس ولكن ماما مصممه تدينى درس انجليزى ورياضه مش فاهمه ليه يعنى

بس انا الايام دى بقيت ازهق من المدرسه علشان فيه بنت بتقعد جمبى تضايقنى وتتكلم كتير وكل ما اقول لها اسكتى شويه مش بتسكت

كفايه بقى علشان انا بصراحه زهقت من الكتابه مش تزعلوا منى بس انا بكتب واجبات كتيره اوى وايدى بقى وجعتنى

اشوفكم تانى بقى لو عرفت ادخل بكره المنتدى

بس ياريت توصوا ماما خلود على شويه تسيبنى اقعد كل ما اقول لها تقولى لا لا كده مش بزمتكم حاجه تضايق:50 (8)::50 (8):
بس اوعو تقولها لها كده

يلا سلام بقى :50 (31):

[ah-mo]

كلامك اكبر من سنك مشاء الله يا عسوله ودا اسمكك اللي هسميكي بيه ربنا يحميكي وعاوز اقولك ان ماما عوزاكي تكوني احسن منها لان محدش في الدنيا يحب حد يكون احسن منه غير ابنه او بنته واعلمي ان العلم لا حدود له ومفيش حاجه اسمها تفوق بل اسمها اجتهاد فشدي حيالك شويه في دروسك واثبتي لماما انك اد المسؤليه
ربنا يوفقكك يا حبيتي
عمو احمد

[اميرة حبى انا]

لا ياست غادة
مافيش قعاد
عشان يفضل التفوق زى ماهو

[fagrmasr01]

بس ياريت توصوا ماما خلود على شويه تسيبنى اقعد كل ما اقول لها تقولى لا لا كده مش بزمتكم حاجه تضايق:50 (8)::50 (8):

كتكوتة الكتكوتة
مش هانوصى ماما عليكى عارفة ليه ؟ لأن ماما بتحبك ومتوصية بيكى وخايفة عليكى وعاوزاكى فعلا تكونى احسن واحدة فى الدنيا كلها

تسلم ايديكى يومياتك زى العسل زيك يا غادة
ياللا شدى حيلك وذاكرى وحافظى على التفوق
ربنا يبارك لك وينجحك ويوفقك فى حياتك
ويخليكى انتى واختك لماما وبابا
ويخللى بابا وماما
ويارب ربنا يسعدكم جميعا
آمين
:50 (31):
لعلمك بئا
.. هتابع يومياتك ..
لأنها بجد حلوة اوى اوى اوى
:36_3_12[1]:

[وردة الايمان]

كتكوته ......انا سعيده جدا بيومياتك ...

جميله ..أوى ....أوى .وفكرتنى بحاجات كتير .

كتكوته ...ممكن تعتبرينى ...صحبتك ....؟

هستنى منك رد على السؤال ده ضرورى .

على فكره انا مش صغيره ...انا كبيره ...

بس بحب كل الأطفال الجمال الشاطرين اللى زيك ..

خلاص ..؟ هنبقى اصحاب..؟

انا اسمى ورده .

وده طبعا مش اسمى الحقيقى ...بس لو بقينا اصحاب بجد هقولك على اسمى الحقيقى .

بس ايه صحبتك الغلسه دى اللى قاعده جمبك ......هى اسمها ايه ....؟

انتى ممكن تقولى للمس بتاعتك عليها ...ابقى كلمينى عليها المره الجايه .

مش هطول عليكى بئه ....واسيبك تذكرى ...انا عايزاكى تبقى اشطر من مامتك ..

انا حاسه ان علاقتى بيكى هتكون احسن من علاقتى بمامتك ...بس اوعى تقوليلها ...ده سر .

متنسيش ....مستنيا يومياتك ....يلا بئه .....سلام.



* وردة*

[ghada]

[quote=احمد مختار;42662]كلامك اكبر من سنك مشاء الله يا عسوله ودا اسمكك اللي هسميكي بيه ربنا يحميكي وعاوز اقولك ان ماما عوزاكي تكوني احسن منها لان محدش في الدنيا يحب حد يكون احسن منه غير ابنه او بنته واعلمي ان العلم لا حدود له ومفيش حاجه اسمها تفوق بل اسمها اجتهاد فشدي حيالك شويه في دروسك واثبتي لماما انك اد المسؤليه
ربنا يوفقكك يا حبيتي
عمو احمد

شكرا ياعمو احمد على انك رديت على يومياتى دى وبحب اوى اسم عسوله ده

يعنى اشد حيلى اكتر من كده ياعمو بقى لغايه ما يتقطع يعنى ولا ايه بس

والله بذاكر بس ماما برضو مش عاجبها مذاكرتى وبتقولى مش ينفع كده
شكرا ياعمو احمد وانا كمان هقرا يومياتك

ماشى

[ghada]

[quote=اميرة حبى انا;42816]
لا ياست غادة
مافيش قعاد
عشان يفضل التفوق زى ماهو

كده برضو ياطنط



ده انتى حبيبتى

ماسى ماسى :50 (8)::50 (8):

[ghada]

[QUOTE=fagrmasr01;42820]


تسلم ايديكى يومياتك زى العسل زيك يا غادة
ياللا شدى حيلك وذاكرى وحافظى على التفوق
ربنا يبارك لك وينجحك ويوفقك فى حياتك
ويخليكى انتى واختك لماما وبابا
ويخللى بابا وماما
ويارب ربنا يسعدكم جميعا
آمين

شكرا ياعمو جمال وشكرا على الدعوه بتاعتك وعلى عسوله وعلى كل الحاجات

بس ا حب اقول ان انا طلبت من ماما تقعد معايا علشان تشوفنى وانا بكتب برضو علشان مش كنت فاهمه الموضوع برضو اوى يعنى


:50 (31):
لعلمك بئا
.. هتابع يومياتك ..
لأنها بجد حلوة اوى اوى اوى
شكرا ياعمو ودى حاجه تسعدنى جدا اوى جدا اوى خالص

بس اما ابقى اعرف اقعد بقى شويه كده تانى :50 (8):

[ghada]

[quote=وردة الايمان;42934]
كتكوته ......انا سعيده جدا بيومياتك ...

جميله ..أوى ....أوى .وفكرتنى بحاجات كتير .

ربنا يخليكى ياطنط ورده انتى اللى اجمل جدا

كتكوته ...ممكن تعتبرينى ...صحبتك ....؟

ياااااااااااااه ده انا اكون فرحانه جدا ومبسوطه اوى كمان


هستنى منك رد على السؤال ده ضرورى .

طبعا موافقه موافقه موافقه

على فكره انا مش صغيره ...انا كبيره ...
بجد يعنى انتى كام سنه طيب

بس بحب كل الأطفال الجمال الشاطرين اللى زيك ..

وانا كمان بحبك اوى ياطنط

خلاص ..؟ هنبقى اصحاب..؟

ياريت طبعا

انا اسمى ورده .

وده طبعا مش اسمى الحقيقى ...بس لو بقينا اصحاب بجد هقولك على اسمى الحقيقى .

خلاص بقى احنا بقينا اصحاب اهو مش اتفقنا بس ابقى قولى لى فى ودنى علشان محدش يسمعنا

بس ايه صحبتك الغلسه دى اللى قاعده جمبك ......هى اسمها ايه ....؟

اسمها شيرين وهى بنت ولا بلاش ماما قالت لى عيب تقولى كلمه وحشه على صاحبتك
بس كل ما نكون بنلعب سوا تروح تشتكى لمامتها وتيجى مامتها تزعل منى وعايزه تتخانق معاى

بنت ملهاش شخصيه خالص كده

انتى ممكن تقولى للمس بتاعتك عليها ...ابقى كلمينى عليها المره الجايه .

مش هطول عليكى بئه ....واسيبك تذكرى ...انا عايزاكى تبقى اشطر من مامتك ..

انا حاسه ان علاقتى بيكى هتكون احسن من علاقتى بمامتك ...بس اوعى تقوليلها ...ده سر .

مش هقولها ياطنط ولا كلمه من اللى قلناها هنا انا وانتى بس انتى بقى اوعى تقولى لها

خلى بالك انا هقولك اسرار كتيره قوى متقوليهاش لاى حد خصوصا عمو فارس ده اللى كل شويه يرميكى من القطر كده

متنسيش ....مستنيا يومياتك ....يلا بئه .....سلام.

حاضر ياصاحبتى هتوحشينى كتير اوى

[ghada]

ازيكم يااصحابى
ازيك يا وردة
ا زيك يا خلود
مش هقدراكمل اكتر من كدا
اناالنهارده مروحتش الرحلة وماما
مرضتش على الرحلة علشان هى في
القرية الفرعونية
وطبعن علشان فيها مركب مرضيتش
وقالت اناخايفة عليكى ياغادة
وهعوضهالك وانا معاكى
انا واختك وبابا
وانا زعلانه وقولولها تعوضها فى العيد

باىىىىىىىىى
باىىىىىىىى

يا فجروقمر ووردة واحمدوlionواميرة وخلود :50 (31)::50 (31):وشذا رحاب ودهم

[خلود]

طيب مش انا خايفه عليكى ياكتكوته

وبعدين خلاص هعوضها لك ان شاء الله زى ما اتفقنا

بس قولى يارب الجو يفضل حلو كده ونعرف نروح
على فكره يومياتك جميله كتكوته

[ah-mo]

يا ست كتكوته ايام الدراسه معدوده اما الاجازه فاعملي اللي انتي عوزاه
اسمعي كلام ماما واكيد هي هتعوضلك كل حاجه بتتمنيها يلا ربنا معاكي يا عروسه ابني

[خلود]

ايام العمر معدوده يااحمد

مفروض تقولى لا وديها الرحله

انت كده وحش فى نظرها جدا

دراسه ايه ومذاكره ايه

خلى بالك بقى هتكرهك انت حر

[fagrmasr01]

بصراحة بئا يا غادة
انا مش موافق ماما على انها تمنعك من الرحلة دى

عارفة ليه
لان الرحلات اللى زى دى بتزود المعلومات عن بلدنا وبتنمى التفكير

على كل حال متزعليش من ماما عشان هى بتحبك
بس سلمى لى عليها وقولى لها ان عمو جمال بيقول لك مش تمنعى غادة تانى من الرحلات الحلوة اللى زى دى

غادة ...
مستنى اليوميات تانى وتانى .. وبالتفاهم تقدرى تقنعى ماما بطلباتك

[ghada]

انا اليوم صحيت من النوم
فطرط وذاكرت وقعدت على الكمبيوتر
ونزلت حتى اذهب للدرس حكاية الدرس
انا مش عايزة اخد درس لان انا شاطرة

وماما مش راضية تخلينى اخرج
من الدرس وبعدان انا عا يزة اقول
حاجا مهمة انا لية جيران هما
ابو تراكة واميرة حبى انا
وكتكوت وهو صديقى الذى ااتمنه على الاسرار
باىىىىىىىىىىىىى

[fagrmasr01]

انا عا يزة اقول
حاجا مهمة انا لية جيران هما
ابو تراكة واميرة حبى انا
وكتكوت وهو صديقى الذى ااتمنه على الاسرار


على فكرة بئا يا غادة
اصحابك الثلاثة اجمل اصحاب وكلنا بنحبهم زى ما بنحبك تمام
انما اسرار ايه الى بتأتمنى عليها الكتكوت يا كتكوتة
قولى لى بينى وبينك ومش هاقول لحد

غادة .. الكتكوتة.... يومياتك جميلة اووووووى
اوى جدا خالص
:36_3_12[1]:

[ah-mo]

انا اليوم صحيت من النوم
فطرط
فطرت بالتاء يا ست كتكوته
انا عا يزة اقول
حاجا مهمة انا لية جيران هما
ابو تراكة
حاجه مش حاجا
ابو تريكه
وليس كما كتبت
يومياتك زي العسل وبعدين ادعي اصدقائك للمشاركه في المنتدي بيومياتهم كمان

[شذا]

صباح الخير علكم
انهرده حصلط حكاي جميله تحبواني احكلكم طيب انا اليوم دخلت الى الدرس بتاع العلوم
بس سمعت كويس اوى اوى وخت 100\100ولمارجعت لماما التلى شاطوره ياشذا

[fagrmasr01]

الف مبروك يا شذا
100/100
مبروك الامتياز
ويارب دايما متميزة ومتفوقة ومن الاوائل
وكل سنة وانتى والاسرة والمسلمين بخير

واتفضلى هدية صغيورة
بمناسبة الـ 100%
http://www.munasbh.net/1368_11200169956.jpg
عمو جمال

[ghada]

اهلا بكم يا اصحابى انا كتكوته صباح الخير امبارح انا اخدت

1الاجازةةةةةةةةةةةةةةةةةة

ومش مصدقة نفسى مفيش مذاكررررررررررررررررررةةةةةةةةةةةةةةةفى سهرررررررررررررررررررررررررررررررررررر

وفى كمبيوتررررررررررررررررررررررررر

ومفيش صحاين بدرىىىىىىىىى

وفى تليفزيونننننننننننننننننننن
بس اصحابى وحشونىىىىىىىىى

باىىىىىىىىىىىىىىىىى

[ghada]

انا اخدت اجازة اخرالسنة امبارح

[الرومنسى]

كتكوتة
قعاد على الجهاز لاااااااااااااا
بعد الإمتحانات

[قموره]

انتى فين كتكوته

فى انتظار يومياتك اللذيذه

[ghada]

وانا جيت اهوه وهقول على يومياتى ياقمورة

انا بقى امبارح كتبت كلام عن الرئيس السابق

فى كراسة وهكتبهولكوا بعدين علشان معايا ناس عايزين

يقعدوا على الكمبيوتر

[خلود]

ههههههههههههه

واحنا مستنين احلى يوميات ياقمر المنتدى الجميله

بس بطلى كسل بقى