المساعد الشخصي الرقمي

مشاهدة النسخة كاملة : -- عرفت ليه..بقلمى(صابر)


RSS
21-06-2011, 07:10 PM
عرفت ليه
http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده

عرفت ليه.. مااعرفش غير اغفر واحب..
عرفت ليه..مابشوفش فيك غير احلى حب..
وليه بسامح ..ليه بصالح..
ليه بشوفك.. اغلى قلب..

مش بس بُعدك عنى صعب..
وإنك ملاك.. مايقع ف ذنب..
دا لإنى بكره العذاب..
مابحبش ابدء بالعتاب..
ولا يرضنيش.. لوم او حساب..

بحس إن بينّا عمر..
وحب يغلب كل أمر..
وفيا قلب كبير بيغفر..
حنانه زى النهر يغسل..
وسماح يحلى كل مر..
ومش ضرورى ف كل غلطه..
نقطع الشوق والموده..
مااحناش حبايب م النهارده..

عايزه اقولهالك وصدّق ..
اشتريتك قبل ماابدء ..
وآما قال القلب بعشق ..
كنت دايبه.. فيك وبغرق..

يعنى تغلط.. ولا تزعل..
ولا حتى.. يومين ماتسأل..
قلبى اكبر م الخصام..
تيجى ..مش محتاج كلام..
طعم قربك اعتذار..
ريحتو بتنسى المرار..
طيف وجودك.. حس صوتك..
حتى صمتك او سكوتك..
جنه تمحى اى نار..

ومش ح اقولك كنت فين..
غبت عنى عند مين..
او صالحنى.. وشوف عينيه السهرانيين..
مش ح اقابلك واحنا ابدا زعلانين..
انت قربك..يعنى تحلو السنين..
لحظه جنبك..دنيا م الشوق والحنين..

عرفت ليه مش بهجرك..
مش بحاول ازعلك..
لما تبعد.. لما تظلم.. مش بعاتبك واسألك..
وآما ترجع ..بتلاقينى..
فاتحه حضنى.. بالدموع بستقبلك..
عرفت ليه