المساعد الشخصي الرقمي

مشاهدة النسخة كاملة : * استطلاع عام..للمباراه *


وردة الايمان
13-11-2009, 01:11 PM
اعزائى الاعضاء ......


احنا جزء من المجتمع ...جزء كبير ...


واهتمامات الشعب المصرى ..لازم نعبر عنها بكل الطرق الممكنه ..


علشان كده ......


ده استطلاع لمدة يوم واحد... حول ..


نتيجة مباراه ( مصر والجزائر )


ياريت كل الاعضاء يشاركوا فى هذا الاستطلاع ....


تتوقع مين اللى هيفوز ....


وماذا ستكون النتيجه ...


ومن تتوقع سيحرز الاهداف .


الاستطلاع مستمر حتى غدا ....صباحا ....ان شاء الله .


واذا وافقت النتيجة الحقيقيه ....رأى احد الاعضاء ....


فسأقوم بتهنئته بنفسى فى هذا القسم ........


اتمنى التوفيق للجميع .......




* وردة الايمان*
أبو على المصرى
13-11-2009, 03:48 PM
السلام عليكم
ان شاء الله
مصر 2 و الجزائر 0
و الله الموفق
mohamedbook
13-11-2009, 05:51 PM
التوقعات فيها مش هتبق حاسمة
لان السناريوا هيتكرر كل مرة من الجزائر انهم هيبوظوا المتش
مع ان الدلائل كلها بتقول ان منتخب مصر هو الافضل وهوا المفروض يكسب
لكن الي هيحسم المتش التوفيق وعدم التوفيق وليس اللعب الحسن او الجيد
انا عن نفسي لا اجزم بالنتيجه
ah-mo
13-11-2009, 06:21 PM
للاسف وربنا يخيب ظني يا رب
هزيمه مصر هذا شعوري واسف للجميع
وردة الايمان
14-11-2009, 03:17 AM
غريبه فعلا التشاؤم ده ....حتى فى الكوره ..

أستاذ ..ابو على فقط هو اللى عنده امل فى فوز مصر..

اتمنى ان يظهر احد آخر يحمل اى شىء من التفائل ...
fagrmasr01
14-11-2009, 03:47 PM
باذن الله 4 /1
لصالح مصر
وردة الايمان
14-11-2009, 05:11 PM
لأ ....مش ممكن ايه التفائل ده يا أستاذ جمال ..

يارب توقعك فعلا يحصل .....بس ليه يعنى 4/1

ليه مقلتش 4/0

انت حاسس ان الجزائرين ممكن يجيبوا هدف ؟

انا متوقعه ان عصام الحضرى هيكون نجم المباراه ...

على العموم انا متشكره جدا على توقعك ....واتمنى انه يتحقق .


* وردة*
fagrmasr01
14-11-2009, 05:18 PM
لأ ....مش ممكن ايه التفائل ده يا أستاذ جمال ..



يارب توقعك فعلا يحصل .....بس ليه يعنى 4/1
ليه مقلتش 4/0
انت حاسس ان الجزائرين ممكن يجيبوا هدف ؟
انا متوقعه ان عصام الحضرى هيكون نجم المباراه ...
على العموم انا متشكره جدا على توقعك ....واتمنى انه يتحقق .



أتمنى من كل قلبى
ان يكون الفرق 4 او 5 أو أكثر

ولكن
الجزائر فريق مش سهل .. ونتائجه فى مشوار التصفيات واضحة وبيعرف يوصل للمرمى .. ولو عن طريق استغلال هجمة مرتدة او خطأ فى اى لحظة .. ومش عيب أبدا انهم يجيبوا هدف .. وان حصل وجابوا هدف مش مفروض نشعر باليأس لأن فريق مصر باذن الله قادر على الفوز
وباذن الله الحضرى هو أسد أفريقيا بحق
وللعلم هو لحد اليوم حاصل على لقب احسن حارس مرمى فى افريقيا
وباذن الله نفوز فوز جميل يسعد قلوبنا كلنا
أسعد الله قلبك وردة الايمان
آمين
:36_3_12[1]:
اميرة حبى انا
14-11-2009, 05:21 PM
انا ماليش فى الكورة ومش بفهم فيها
بس بجد باتمنى من كل قلبى
مصر تفوز
عشان الناس تفرح شوية
وردة الايمان
14-11-2009, 06:44 PM
أول استطلاع نسائى ......

أشكرك يا أميرة ...وكلنا بنتمنى زيك مصر تكسب ...

بس ياريت كنتى قلتلنا ...متوقعه مصر تكسب بأد ايه .....

لإنها ممكن تكسب ومتصعدش لكاس العالم ....

وبالتالى هيبقى مكسب زى عدمه .....

اسعدتينى بإشتراكك....

تواجدك دايما بيسعد الجميع .




* وردة*
اميرة حبى انا
14-11-2009, 07:24 PM
يا وردة
اكيد اقصد انها تكسب بالطريقة اللى تفرح الناس
والناس مش هتفرح الا لو صعدت لكأس العالم
شوفى المفروض كام عشان ده وانا اتمناه
ولا اقولك
6/0 كويس
أبو على المصرى
14-11-2009, 10:44 PM
السلام عليكم
انا مش قولتلكم
بعد كدة لو عيزين تعرفو نتائج المباريات قبل المباراة
ان شاء الله
اسئلونى
fagrmasr01
15-11-2009, 12:24 AM
الله ينور عليك يا ابو على
:36_3_12[1]:
الف مبروك الفوز لمصر كما توقعت انت من بداية الاستطلاع 2/0
والف مبروك فوزك بنتيجة الاستطلاع
:36_3_12[1]: