هل مازلت قادر على ان تفرح من قلبك

[اميرة حبى انا]

السلام عليكم ورحمة الله

أمازلنا قادرين على ان نفرح؟!




الحياه يوم ويوم

لحظة ولحظة

أمل وألم

حب وجرح

دمعة وابتسامة

وحزن وفرح

هذه هى الحياه نعيش كل أيامها و لحظاتها

نحيا بامالها ونتجرع وتقتلنا آلامها

نحبها ولا نتعلم من غدرها

تجرحنا فنمد لها سكيناً أخرى لتطعننا بها

نبكى حتى تجف بحار دموعنا
ونبتسم كأننا بخير وليس هناك ما يحدث لنا!

نحزن حتى الموت حتى يقتل الحزن كل حلم و بعد كل هذا كيف نفرح؟!

ولماذا اذا فرحنا لانشعر بالفرح؟!

هل لان كل ما يسعدنا ويفرحنا يأتى بعدما نكون فقدنا كل أمل لنا فيه
بعد أن نكون بذلنا كل طاقتنا لنيله فيأتى وليس هناك طاقة للفرح ام هل
لان الحزن استوطن قلوبنا وبنى فيها مستعمرات عتيقة ولم يدع فيها للفرح مكان


انتظرت أن اسمع الخبر الفلانى طوال عمرى ويوم سمعته شعرت
بأنى أشاهد أحد الاعلانات التى تتكرر اكثر من مائة مرة يومياً على ذات القناة!

يحيرنى دائما هذا السؤال

لماذا لم نعد قادرين أن نفرح من قلوبنا

هل اننا لانجيد فن السعادة ؟

وهل هناك اصلا فن لابد ان نتعلمه ؟

وانت هل مازلت قادر على ان تفرح من اعماقك ؟

وان لم يكن فما الذى يمنعك؟

اتمنى ان ارى اجابة هنا بين سطوركم


(http://qloopmasria.com/vb/search.php?do=process&replyless=1)

[وردة الايمان]

ليه الكلام ده يا أميره ......؟

انا شايفه الفرح والسعاده فى كل مكان ....

ليه مش حاسه بيها ...يكفى ان فيه ناس بيحبوكى ..

حب من غير اى غرض لمجرد انك انسانه تستهلى الحب ده ..

انا حاسه بالسعاده ...وياريتك انتى كمان تحسى بيها ..

شوفى دايما الحاجات الجميله حواليكى ...هتلاقيها كتير ..كتير ...أوى .

شوفى اد ايه انتى تقدرى تسعدى اللى حواليكى ..هتلاقيه برده كتير ...كتير ...أوى .

حاولى تحسى بالسعاده ....لو حاولتى بجد .....هتحسى بيها ..صدقينى .





أختك .......* وردة الايمان*

[sharabasy]

انا شايفة يا جماعة المشكلة في الوقت
ما بقاش في وقت للفرح او حتي الحزن لاننا لو قعدنا نفرح ونزعل مش حنعرف نمشي حياتنا في الزمن الي عايشينه
كل حاجة بسرعة بسرعة حتي الفرح والحزن
ام اياد

[fagrmasr01]

أميرتنا

موضوع مهم اوى .. أحييكى عليه
:36_3_12[1]:
جذبنى للرد عليه من قوة وعمق السؤال او التساؤلات الموجودة بداخل السؤال

وبالرغم من ان انا أكثر الاعضاء المتهم دائما بكثرة انشغالى بأحزانى .. وبعمق معايشتى فى أشعارى وخواطرى لكل ما يحزننى ... الا اننى أجد فى الحياة الكثير مما يسعدنى ويشجعنى على ان اتمتع بلحظات السعادة التى تتواجد أحيانا فى عمرى
وقد تكون وقات سعادتنا مساوية لوقتالاحزان ولكننا من شدة ألم الاحزان نظن ان وقت الاحزان طويل او انه يمر ببطء شديد .. ووقت الفرحة يمر علينا سريعا لاننا فيه مبتهجين متلذذين فلا ننظر الى الساعة

من خلال تجربتى مع احزانى المتراكمة... نظرت بحيادية فوجدت ان لحظات السعادة يجب ان نعيشها بعمق اكثر .. وان نرعاها حتى لا تمر سريعا وتنتهى.. وحبذا لو تمسكنا بها حتى لا تمضى .. فتستمر

ربنا عز وجل يسعد قلبك وحياتك يا اميرة المنتدى
كل سنة وانتى طيبة يا أميرة
:36_3_12[1]:

[خلود]

لحظات السعاده موجوده وبحاول اعيشها

وزى ما قالت وده كفايه ان فيه ناس كتير بيحبوكى بدون اى اغراض

الحمد لله انا فعلا بحس بحب الناس لى وبدعى ربنا يستمر

كمان بحس بالسعاده فى وجود اولادى حواليا حتى لو تاعبنى بمشاكلهم ومشاغبتهم لى لكن وجودهم فى حياتى هى السعاده

بعينها واحمد الله عليها

السعاده حوالينا فى حاجات كتيره بس عمرها قصير او بتمر بسرعه فتلاقينا مش بنحس بيها كتير

لكنها موجوده ولازم نتمسك بلحظاتها السريعه دى

احييكى على موضوعك اميره لانه فيه نقاش كتير جدا

[اميرة حبى انا]

اشكركم على الردود والاراء

[saadrabea]

أميرة
موضوعك قيم جدا بس إسمحيلي بسعة صدر

الفرحة التي تحدث عنها الاخوه الاعضاء فرحة خاصة - حالة تخصهم

ولكني أقدر لكم أن نناقش الفرحة العامة - فرحة فقير لا يجد قوت يومه - لا يعرف عن وجود ما نترفه به بزخم

نحن لدينا العديد من الطرق للترفية وإن كان يصعب الفرح ؟ لأنه الحمد لله مازال في قلوب الشباب (رجال ونساء ) الاحساس العام
كيف نفرح - وعندما تذهب للنزهة لا تجد مكان عام للفقير نظيف وبدون رسوم .
كيف تفرح - وعندما تذهب للمطعم تكتشف أن ثمن الوجبة مرتب موظف .
كيف تفرح - عندما تذهب لمنزلك وتجلس في التكييف أو بجوار المدفأة - وتستمتع بالتلفزيون لتشاهد أطفال الشوارع .
كيف تفرح - وانت ذاهب للعمل للتعثر في العديد من المؤهلات المحترمة والجديره بالاحترام - ولا يجد عمل - لعدم وجود وسطة .
كيف تفرح - وأين - ومع من -

الفرح الذي تتحدثون عنه فرح خاص - أنا رأي الشخصي وعفوا
فرح وهم مجرد أننا نوهم أنفسنا أننا سعداء

السعادة أن ترى سعادة من حولك ( من عامة الشعب ) .

أسف على النظرة دي ولكن هذا حال مصر
إلا أن يشاء الله

[ام العيال]

الموضوع كبير يااميره والله
لكن لو الانسان حب انه يكون مبسوط وسعيد هيكون
والعكس

ممكن اى موقف ولو بسيط يفرحنا ويكون له ذكرى كمان تسعدنا

نعم ربنا علينا كتييييييييييره جدا وده اكبر سبب يسعدنا
ولو شفنا احوال ناس تانيه هنعرف اننا اسعد ناس بجد

اللهم لك الحمد كما ينبغى لجلال وجهك وعظيم سلطانك

[محمود عبد الله]

الحياه بئا لونها بمبى
و انا جامبك و انت جمبى

[saadrabea]

عندك حق ياباشمهندس محمود
مش بس بمبي دي بمبي ونظيفة زي نظيف

[اميرة حبى انا]

شكرا على وجودكم فى الموضوع وارائكم

[وحيد المصرى]

نبكى حتى تجف بحار دموعنا
ونبتسم كأننا بخير وليس هناك ما يحدث لنا!

موضوعك هايل جدا بس أكتر الجمل شدتنى هيا دى
الحياة مجرد ذكريات ولو احنا هربنا من ذكريتنا هيجى يوم فى الحياة هدفع ثمن هروبى فلا تنسى أن تقتل ذكرياتك

بحيكى بجد على الموضوع دة ...

[اميرة حبى انا]

شكرا يا وحيد على رأيك فى الموضوع