-- دى انا..بقلمى(صابر)

[RSS]

دى انا..

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده


دى انا.. اللى بس بكلمه منك.. تملك الدنيا ومافيها..
دى انا..
اللى طول ماهى عايشه جنبك.. عايزه بس تبقى ليها..
اللى بتزورك فى حلمك .. كل ليله تحس بيها..
اللى تتمنى تضمك..كل فين لما تلاقيها..
اللى بتشاركك فى همك..واللى دمعك من عينيها..
اللى بتقاسمك ف دمك.. يجرى فيك او يجرى فيها..
اللى تبقى حضن راحتك لما تحتاجه تلاقيها..

دى انا..
اللى تنساها تجيلك..
وتخاصمها تشتكيلك..
اللى تظلم فيها تغفر..
عايشه تترجى ضميرك..

مهما تبعد ف انتظارك..
مش بتشكى من مرارك..
حاسه جنه وهيه نارك..
مش بتطمع ف اعتذارك..

حبك انت نور حياتها..
يوم لقاك كان يوم ميلادها..
وانت اجمل ماف وجودها..
دى انا..

اللى مابتشفش غيرك..
شمعه بتنور ف ليلك..
كل شىء حلو ف حياتى..
نفسى المو.. وادهولك..
وابقى ملكك ..حته منك..
اللى ماتقدر تسيبها..
او ف يوم تستغنى عنك..

وانت قدرى..وضى فجرى..
وانت روحى .. وكل عمرى ..
وكل حرف ..منى صدق ..
وكل كلمه ..منى عشق..
وكفايه اقولك ياانا..
دى انا