RSS
17-06-2011, 08:40 PM
*-*-*-*-*-*-*-*-
الجــلسة الأولى
*-*-*-*-*-*-*-*-
ــــــــــــــــــــــــــــــــــــــــــــــــــ ــــــ
أنا الدكتور احمد عبد الرحمن ** **
دكتور امراض نفسيه و عصبيه ** **
ــــــــــــــــــــــــــــــــــــــــــــــــــ ـــــــــ
كل يوم بتقابلنى حالات كتير .. حالات عندها مشاكل نفسيه و مشكلات فى حياتها .. فى اللى عقده الحب و فى اللى عقده صحابه و فى اللى كان اهله سبب فى العقده اللى عنده .. ده غير الفلوس والمشاكل الماديه .. و غير الخيانة من الحبيب و الصاحب ... انا حاليا بعمل دراسات على اكتر من حالة .. و بحاول احل عقدتهم لأن ده هيكون موضوع رسالتى الجديده
فكرة رسالتى انى اجمع مجموعه اشخاص بيعانوا من مشاكل نفسيه و احطهم فى مكان واحد و اعمل بعد المواقف اللى ممكن تخليهم يتغيروا للأحسن واحل مشاكلهم و عقدتهم فى الحياة
ومن الحالات اللى حيرتنى فى علاجها :
اسم الحالة : يوسف على ابو الفضل
رقم الجلسه : الاولى
التشخييص : شخصية زكيه - كئيبه - عصبيه - متقلب المزاج - متردد فى اختيارته - قلة الثقه فى من حولة - صريح - مندفع
انا : أسمك ايه ؟
يوسف : اسمى يوسف ابو الفضل
أنا : عندك كام سنه يا يوسف
يوسف : عندى 25 سنه
أنا : بتشكى من ايه يا يوسف .. يعنى ايه اللى خلاك تلجأ لدكتور نفسى
يوسف : انا المفروض يا دكتور كنت اعمل كده من زمان
أنا : من زمان .. زمان ده اللى هو من اد ايه ؟
يوسف : يعنى مثلا يا دكتور مش اقل من 15 سنه
أنا : ياه ده انت كنت صغير على كده اوى ... يبقى لازم تحكيلى عن طفولتك بس الاول بتشتغل ايه ؟
يوسف : انا محاسب فى بنك بقالى حوالى 3 سنين
أنا : كويس يعنى كل يوم فى احتكاك بناس جديده
يوسف : للأسف يا دكتور كل يوم بشوف ناس جديده
أنا : تحب انت تتكلم و لا أنا اسألك اسئله وانت تجاوب عليا ؟
يوسف : اسأل يا دكتور و انا مستعد اجاوبك عن اى حاجه و بصراحه .. لأنى عايز حد يساعدنى
أنا : احكيلى عن طفولتك .. يعنى ايه السن اللى تبدأ تفتكر فيه طفولتك .. و ايه اكتر حاجه لما بتيجى سيرة الطفوله بتفتكرها
يوسف : يعنى ممكن سن 6 سنين .. و يمكن اكتر حاجه بتفكرنى بطفولتى هى بابا و ماما الله يرحمهم
أنا : الله يرحمهم .. وماتوا امتى ؟ طب وكان علاقتك ايه بيهم ؟ .. يعنى نبدأ بوالدك .. كان بيعاملك ازاى .. تفتكر معاملته معاك وانت صغير ؟
يوسف : ماتوا او اتقتلوا و انا عندى 11 سنه .... بابا مفتكرلهوش اى معامله معايا غير الضرب .. يعنى عمره فى مرة ما ندالى ب أسمى غير بالشتيمه .. و عمرة ما طبطب عليا وانا بعيط و عمره ما فى يوم خدنى فى حضنه او حسيت ان ابويا
أنا : طب ده بالنسبه ل أبوك .. و بالنسبه ل أمك ؟
يوسف : امى .. ماما مفتكرلهاش غير انها مش بتقعد فى البيت و عالطول بتقرا فى مجلات الموضه و عند صحابها كل يوم والتانى
أنا : طب نرجع لحكايه الموت بتاعتهم . انت قلت اتقتلوا او ماتوا ممكن تحكى بالظبط ؟
يوسف : دى حكايه كبيرة يا دكتور
أنا : اوك وانا معاك لحد بكره .. احكى و على مهلك .. الاول تحب تشرب حاجه
يوسف : لا ميرسى .. بس لو ممكن كوبايه ماية
أنا : بس كده ..... ثوانى ...... اتفضل
يوسف : شكرا
أنا : شربت اهو ومش حارمك من حاجه .. تقدر تبدأ الحكايه بقى .. بس الاول هسالك كام سؤال بسرعه ؟
يوسف : اوك يا دكتور اتفضل
أنا : بابا كان شغال ايه ؟
يوسف : عنده اجنس عربيات .. و اخد توكيل كده
أنا : طب و بالنسبه لماما ؟
يوسف : لا ماما مش بتاعه شغل .. ماما بتصرف وبس
أنا : اممممممممم .. طب عندك اخوات ولا انت بس ؟
يوسف : كان عندى اخوات
أنا : كان ... يعنى ايه ؟
يوسف : ربنا يرحمهم .. فى الجنة ان شاء الله
انا : الله يرحمهم .. تقدر تبدأ كلامك
يوسف : انا من ساعه ما وعيت ع الدنيا و و انا محستش ان عندى اب وام زى ما قولت ابويا وكان قاسى عليا .. وامى مش فاضيالى خالص .. يعنى من غير الدادة مكنتش هلاقى حد يأكلنى او ياخد باله منى
ابويا و مكنتش بشوفه غير بالصدفه .. كان بيجى من بره وش الفجر .. و لما بيجى طبعا بيدخل ينام عالطول و انا الصبح اروح المدرسه و ارجع من المدرسه الاقيه فى الشغل و هكذا .. مكنتش بقالبله غير فى المناسبات
يعنى مثلا داخل الحمام باليل و لقيته جوه .. او جيه بدرى ساعتيين عن معاده و لحقت اشوفه .. كان مقضيها سهر و نسوان و شرب و مكنش همه غير مزاجه وبس
أنا : طب و ماما كان موقفها ايه من كل ده ؟
يوسف : ماما كانت بتتكلم فى الاول بس تعبت من الكلام و من الضرب .. ومكنش ينفع تتطلب الطلاق و هى معاها 3 عيال .. مين هيأكلهم و هيعيشوا ازاى و مع مين .. و نظام ضل راجل ولا ضل حيطه .. ياما ردت على مكالمات ستات من اللى يعرفهم غير الهدايا اللى بتجيله كل يوم والتانى و طبعا ده ميجييش حاجه فى سهر كل يوم
أنا : سكت ليه كمل ؟
يوسف : مسكينه امى دى .. اتجوزت ابويا و هو اكبر منها ب 15 سنه ... لأنها مش الزوجه الاولى فى حياة بابا ,, ده لأنه كان متجوز واحده بس مكنتش بتخلف .. وبعد عشره كبيرة طلقها عشان يجيب الواد اللى يشيل اسمه .. الواد ده اللى هو انا .. وزى ما انا ما انا مخترتش انه يكون ابويا .. امى مختارتش انه يكون جوزها .. اهلها غصبوا عليها انها تتجوزة عشان فلوسه و انه هينشلهم من الفقر اللى هما فيه .. و زى ما تقول كده باعوا بنتهم .. ايه رأيك فى امى بعد ما حكتلك كل ده ؟
أنا : اكيد كانت ضحيه للفقر و انها ملاك
يوسف : هههههههههههههههههه ملاك .. حلوة ملاك دى منك يا دكتور .. انا كمان كنت فاكر امى ملاك بس طلعت هى كمان عايشه حياتها .. زى ما ابويا كان بيخون ماما .. ماما كمان كانت بتخون بابا
انا : بتخونه .. ازاى .. اقصد عرفت منين ؟
يوسف : كنت بسمعها بتتكلم فى التليفون واحد تانى غير بابا وبتقوله كلام حب و جو رومانسى كده ده غير انه كان بيجى يشأر عليها لما بابا بيكون مسافر .. و ده اللى شوفته بعينى .. كانت لما تعرف ان بابا مسافر كان بيجى هو بالليل .. كانت تمشى الداده عشان محدش يشوف حاجه طبعا .. بس للأسف شوفت و عرفت و مبقش الملاك اللى كنت شايفه
فى يوم سمعت صوت الباب بيفتح ,, فبحسب ان بابا جيه بدرى و حبيت اخرج اسلم عليه لأن كان بقالى كتير مش بشوفه بس لقيت ماما سابقتنى ع الباب و هى بتتسحب و شوفت الراجل اللى كان معاها سألتها مين ده
خدتنى و دخلت بيا الاوضه و قالتى
ده يا يوسف يا حبيبى حارس جايبينه عشان يحرس البيت عشان بابا مش هنا و ممكن يدخل لنا حرامى .. وانت عارف ان الحراميه و حشيين و لو عرفوا ان بابا مسافر ممكن يطلعوا يسرقونا ... بس اوعى يا يوسف تقول لبابا ان فى حد جيه عشان بابا مش بيحب يجيب حراس البيت و ممكن يضرب ماما ... ترضى تشوف ماما بتتضرب
يوسف : اكيد لا يا ماما
امه : ايوة كده جدع يا حبيبى .. يلا بقى ادخل على اوضتك و متخرجش منها خالص
يوسف : بس انا خايف يا ماما لحسن يطلع عليا حرامى .. ممكن تخلى عمو ده يجى يحرس اوضتى
امه : لا متخافش اوضتك كويسه و مفهاش حاجه .. الحارس ده هيحرس الاوضه بتاعتى عشان بابا شايل فيها فلوسه و الحراميه هيدخلوا عليها .. يلا بقى نام عشان المدرسه الصبح .. تصبح على خير
يوسف : وانتى من اهله
امه : مفييش بوسه لماما ولا ايه
و طبعا يا دكتور مكنتش فاهم حاجه و كنت بفرح لما الحارس ده بيجى عشان الحراميه و انى خايف على ماما لحسن حد يسرقها .. و طبعا خايف لحسن بابا يعرف و يضرب ماما .. بس هيعرف ازاى ومين هيقوله
هو مين بيشوفه عشان احكيله
أنا : اهدا يا يوسف .. مالك مش وقت عياط دلوقتى
يوسف : سامحنى يا دكتور بس دى اصعب ايام عشتها
أنا : للأسف جلسه انهارده و قتها خلص .. و هنكمل فى الجلسه التانيه ان شاء الله و مش عايز اطول عليك او اخليك تفتكر اكتر من كده انهارده تكون هديت و تقدر تحكيلى على كل حاجه
يوسف : ان شاء الله .. بس يا دكتور ممكن تكتبلى على حاجه عشان مش عارف انام بقالى اكتر من شهر
أنا : حاضر .. انا كاتبتلك على مهدئ .. تاخد واحده قبل النوم
يوسف : طيب ,, و الجلسه الجايه امتى يا دكتور ؟
أنا : وقت ما انت تحب .. لو يناسبك بكره يبقى تمام .
يوسف : اه بكره كويس جدا
أنا : خلاص يبقى اشوفك بكره
يوسف : اوك .. وشكرا يا دكتور واسف لو كنت طولت عليك
أنا : لا دى مهمتى وواجبى انى اسامعك و ان شاء الله اساعدك
يوسف : و ده عشمى فى ربنا و فيك .. مع السلامه
أنا : سلام
أنا : ...... دخليلى اللى بعده
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-
تعليقى ع الجلسه الاولى :
من كلام يوسف لاحظت ان طقولته هى السبب فى عقدته النفسيه وانها كلها خيانه و غدر و ممحسش فيها بحنان و خصوصا ان ابوه و امه و اخواته ماته و مفييش حد ليه تانى فى الدنيا
اكيد بيعانى من الوحده و دى من اهم اسباب الارق اللى بيعانى منه
حسيت انه منعدم الثقه فى اللى حواليه بسبب الخيانه اللى كان بيشوفها
اظن ان قسوة ابوه و ضربه و معاملته معاه دى سبب فى شخصيته اللى اظن انها ضعيفه الى حد ما او انها شخصية متقلبه مش عارفه تختار بين الصح و الغلط
لاحظت انه صريح .. ده لانه حكالى على حاجات كتير من معاملته معايا لأول مرة
مظنش ان مشكله امه وابوة هى المشكله الوحيده وان حياتة لسه مليانه بمشاكل كتير
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
اسم الحالة : سارة محمود الدسوقى
رقم الجلسه : الاولى
التشخيص : شخصية منعزله - انفعالات هادئه - قليله الخبرة فى الحياة - منطويه - تميل للوحده - علاقات اجتماعيه نادرة - قلة ثقه بالنفس - متسامحه - زكيه - متردده
أنا : اسمك ايه
سارة : سارة محمود الدسوقى
أنا : عندك كام سنه ؟
سارة : 22 عشرين سنه
أنا : ايه اللى خلاكى تلجأى لدكتور .. احب اعرف مشكلتلك ايه ؟
سارة : **** ---****
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
وبكده تكون خلصت الحلقة الاولى .. او الجلسه الاولى من
عيادة الدكتور عبد الرحمن
ياترى ايه حكايه سارة .. و يوسف ده حكايته ايه ؟
طب ممكن مشاكلهم تتحل ؟ ممكن الدكتور عبد الرحمن يعرف سبب عقدتهم
ده اللى هنشوفه فى الحلقات الجايه ان شاء الله
عايز رأيكم فى الحلقة و يارب تكون عجبتكم ياترى اكمل ولا الفكره مش كويسه او محبتوش الاسلوب
رأيكم يهمنى انى اكمل او مكملش ,, و شكرا لمتابعتكم :( :( :(
الجــلسة الأولى
*-*-*-*-*-*-*-*-
ــــــــــــــــــــــــــــــــــــــــــــــــــ ــــــ
أنا الدكتور احمد عبد الرحمن ** **
دكتور امراض نفسيه و عصبيه ** **
ــــــــــــــــــــــــــــــــــــــــــــــــــ ـــــــــ
كل يوم بتقابلنى حالات كتير .. حالات عندها مشاكل نفسيه و مشكلات فى حياتها .. فى اللى عقده الحب و فى اللى عقده صحابه و فى اللى كان اهله سبب فى العقده اللى عنده .. ده غير الفلوس والمشاكل الماديه .. و غير الخيانة من الحبيب و الصاحب ... انا حاليا بعمل دراسات على اكتر من حالة .. و بحاول احل عقدتهم لأن ده هيكون موضوع رسالتى الجديده
فكرة رسالتى انى اجمع مجموعه اشخاص بيعانوا من مشاكل نفسيه و احطهم فى مكان واحد و اعمل بعد المواقف اللى ممكن تخليهم يتغيروا للأحسن واحل مشاكلهم و عقدتهم فى الحياة
ومن الحالات اللى حيرتنى فى علاجها :
اسم الحالة : يوسف على ابو الفضل
رقم الجلسه : الاولى
التشخييص : شخصية زكيه - كئيبه - عصبيه - متقلب المزاج - متردد فى اختيارته - قلة الثقه فى من حولة - صريح - مندفع
انا : أسمك ايه ؟
يوسف : اسمى يوسف ابو الفضل
أنا : عندك كام سنه يا يوسف
يوسف : عندى 25 سنه
أنا : بتشكى من ايه يا يوسف .. يعنى ايه اللى خلاك تلجأ لدكتور نفسى
يوسف : انا المفروض يا دكتور كنت اعمل كده من زمان
أنا : من زمان .. زمان ده اللى هو من اد ايه ؟
يوسف : يعنى مثلا يا دكتور مش اقل من 15 سنه
أنا : ياه ده انت كنت صغير على كده اوى ... يبقى لازم تحكيلى عن طفولتك بس الاول بتشتغل ايه ؟
يوسف : انا محاسب فى بنك بقالى حوالى 3 سنين
أنا : كويس يعنى كل يوم فى احتكاك بناس جديده
يوسف : للأسف يا دكتور كل يوم بشوف ناس جديده
أنا : تحب انت تتكلم و لا أنا اسألك اسئله وانت تجاوب عليا ؟
يوسف : اسأل يا دكتور و انا مستعد اجاوبك عن اى حاجه و بصراحه .. لأنى عايز حد يساعدنى
أنا : احكيلى عن طفولتك .. يعنى ايه السن اللى تبدأ تفتكر فيه طفولتك .. و ايه اكتر حاجه لما بتيجى سيرة الطفوله بتفتكرها
يوسف : يعنى ممكن سن 6 سنين .. و يمكن اكتر حاجه بتفكرنى بطفولتى هى بابا و ماما الله يرحمهم
أنا : الله يرحمهم .. وماتوا امتى ؟ طب وكان علاقتك ايه بيهم ؟ .. يعنى نبدأ بوالدك .. كان بيعاملك ازاى .. تفتكر معاملته معاك وانت صغير ؟
يوسف : ماتوا او اتقتلوا و انا عندى 11 سنه .... بابا مفتكرلهوش اى معامله معايا غير الضرب .. يعنى عمره فى مرة ما ندالى ب أسمى غير بالشتيمه .. و عمرة ما طبطب عليا وانا بعيط و عمره ما فى يوم خدنى فى حضنه او حسيت ان ابويا
أنا : طب ده بالنسبه ل أبوك .. و بالنسبه ل أمك ؟
يوسف : امى .. ماما مفتكرلهاش غير انها مش بتقعد فى البيت و عالطول بتقرا فى مجلات الموضه و عند صحابها كل يوم والتانى
أنا : طب نرجع لحكايه الموت بتاعتهم . انت قلت اتقتلوا او ماتوا ممكن تحكى بالظبط ؟
يوسف : دى حكايه كبيرة يا دكتور
أنا : اوك وانا معاك لحد بكره .. احكى و على مهلك .. الاول تحب تشرب حاجه
يوسف : لا ميرسى .. بس لو ممكن كوبايه ماية
أنا : بس كده ..... ثوانى ...... اتفضل
يوسف : شكرا
أنا : شربت اهو ومش حارمك من حاجه .. تقدر تبدأ الحكايه بقى .. بس الاول هسالك كام سؤال بسرعه ؟
يوسف : اوك يا دكتور اتفضل
أنا : بابا كان شغال ايه ؟
يوسف : عنده اجنس عربيات .. و اخد توكيل كده
أنا : طب و بالنسبه لماما ؟
يوسف : لا ماما مش بتاعه شغل .. ماما بتصرف وبس
أنا : اممممممممم .. طب عندك اخوات ولا انت بس ؟
يوسف : كان عندى اخوات
أنا : كان ... يعنى ايه ؟
يوسف : ربنا يرحمهم .. فى الجنة ان شاء الله
انا : الله يرحمهم .. تقدر تبدأ كلامك
يوسف : انا من ساعه ما وعيت ع الدنيا و و انا محستش ان عندى اب وام زى ما قولت ابويا وكان قاسى عليا .. وامى مش فاضيالى خالص .. يعنى من غير الدادة مكنتش هلاقى حد يأكلنى او ياخد باله منى
ابويا و مكنتش بشوفه غير بالصدفه .. كان بيجى من بره وش الفجر .. و لما بيجى طبعا بيدخل ينام عالطول و انا الصبح اروح المدرسه و ارجع من المدرسه الاقيه فى الشغل و هكذا .. مكنتش بقالبله غير فى المناسبات
يعنى مثلا داخل الحمام باليل و لقيته جوه .. او جيه بدرى ساعتيين عن معاده و لحقت اشوفه .. كان مقضيها سهر و نسوان و شرب و مكنش همه غير مزاجه وبس
أنا : طب و ماما كان موقفها ايه من كل ده ؟
يوسف : ماما كانت بتتكلم فى الاول بس تعبت من الكلام و من الضرب .. ومكنش ينفع تتطلب الطلاق و هى معاها 3 عيال .. مين هيأكلهم و هيعيشوا ازاى و مع مين .. و نظام ضل راجل ولا ضل حيطه .. ياما ردت على مكالمات ستات من اللى يعرفهم غير الهدايا اللى بتجيله كل يوم والتانى و طبعا ده ميجييش حاجه فى سهر كل يوم
أنا : سكت ليه كمل ؟
يوسف : مسكينه امى دى .. اتجوزت ابويا و هو اكبر منها ب 15 سنه ... لأنها مش الزوجه الاولى فى حياة بابا ,, ده لأنه كان متجوز واحده بس مكنتش بتخلف .. وبعد عشره كبيرة طلقها عشان يجيب الواد اللى يشيل اسمه .. الواد ده اللى هو انا .. وزى ما انا ما انا مخترتش انه يكون ابويا .. امى مختارتش انه يكون جوزها .. اهلها غصبوا عليها انها تتجوزة عشان فلوسه و انه هينشلهم من الفقر اللى هما فيه .. و زى ما تقول كده باعوا بنتهم .. ايه رأيك فى امى بعد ما حكتلك كل ده ؟
أنا : اكيد كانت ضحيه للفقر و انها ملاك
يوسف : هههههههههههههههههه ملاك .. حلوة ملاك دى منك يا دكتور .. انا كمان كنت فاكر امى ملاك بس طلعت هى كمان عايشه حياتها .. زى ما ابويا كان بيخون ماما .. ماما كمان كانت بتخون بابا
انا : بتخونه .. ازاى .. اقصد عرفت منين ؟
يوسف : كنت بسمعها بتتكلم فى التليفون واحد تانى غير بابا وبتقوله كلام حب و جو رومانسى كده ده غير انه كان بيجى يشأر عليها لما بابا بيكون مسافر .. و ده اللى شوفته بعينى .. كانت لما تعرف ان بابا مسافر كان بيجى هو بالليل .. كانت تمشى الداده عشان محدش يشوف حاجه طبعا .. بس للأسف شوفت و عرفت و مبقش الملاك اللى كنت شايفه
فى يوم سمعت صوت الباب بيفتح ,, فبحسب ان بابا جيه بدرى و حبيت اخرج اسلم عليه لأن كان بقالى كتير مش بشوفه بس لقيت ماما سابقتنى ع الباب و هى بتتسحب و شوفت الراجل اللى كان معاها سألتها مين ده
خدتنى و دخلت بيا الاوضه و قالتى
ده يا يوسف يا حبيبى حارس جايبينه عشان يحرس البيت عشان بابا مش هنا و ممكن يدخل لنا حرامى .. وانت عارف ان الحراميه و حشيين و لو عرفوا ان بابا مسافر ممكن يطلعوا يسرقونا ... بس اوعى يا يوسف تقول لبابا ان فى حد جيه عشان بابا مش بيحب يجيب حراس البيت و ممكن يضرب ماما ... ترضى تشوف ماما بتتضرب
يوسف : اكيد لا يا ماما
امه : ايوة كده جدع يا حبيبى .. يلا بقى ادخل على اوضتك و متخرجش منها خالص
يوسف : بس انا خايف يا ماما لحسن يطلع عليا حرامى .. ممكن تخلى عمو ده يجى يحرس اوضتى
امه : لا متخافش اوضتك كويسه و مفهاش حاجه .. الحارس ده هيحرس الاوضه بتاعتى عشان بابا شايل فيها فلوسه و الحراميه هيدخلوا عليها .. يلا بقى نام عشان المدرسه الصبح .. تصبح على خير
يوسف : وانتى من اهله
امه : مفييش بوسه لماما ولا ايه
و طبعا يا دكتور مكنتش فاهم حاجه و كنت بفرح لما الحارس ده بيجى عشان الحراميه و انى خايف على ماما لحسن حد يسرقها .. و طبعا خايف لحسن بابا يعرف و يضرب ماما .. بس هيعرف ازاى ومين هيقوله
هو مين بيشوفه عشان احكيله
أنا : اهدا يا يوسف .. مالك مش وقت عياط دلوقتى
يوسف : سامحنى يا دكتور بس دى اصعب ايام عشتها
أنا : للأسف جلسه انهارده و قتها خلص .. و هنكمل فى الجلسه التانيه ان شاء الله و مش عايز اطول عليك او اخليك تفتكر اكتر من كده انهارده تكون هديت و تقدر تحكيلى على كل حاجه
يوسف : ان شاء الله .. بس يا دكتور ممكن تكتبلى على حاجه عشان مش عارف انام بقالى اكتر من شهر
أنا : حاضر .. انا كاتبتلك على مهدئ .. تاخد واحده قبل النوم
يوسف : طيب ,, و الجلسه الجايه امتى يا دكتور ؟
أنا : وقت ما انت تحب .. لو يناسبك بكره يبقى تمام .
يوسف : اه بكره كويس جدا
أنا : خلاص يبقى اشوفك بكره
يوسف : اوك .. وشكرا يا دكتور واسف لو كنت طولت عليك
أنا : لا دى مهمتى وواجبى انى اسامعك و ان شاء الله اساعدك
يوسف : و ده عشمى فى ربنا و فيك .. مع السلامه
أنا : سلام
أنا : ...... دخليلى اللى بعده
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-
تعليقى ع الجلسه الاولى :
من كلام يوسف لاحظت ان طقولته هى السبب فى عقدته النفسيه وانها كلها خيانه و غدر و ممحسش فيها بحنان و خصوصا ان ابوه و امه و اخواته ماته و مفييش حد ليه تانى فى الدنيا
اكيد بيعانى من الوحده و دى من اهم اسباب الارق اللى بيعانى منه
حسيت انه منعدم الثقه فى اللى حواليه بسبب الخيانه اللى كان بيشوفها
اظن ان قسوة ابوه و ضربه و معاملته معاه دى سبب فى شخصيته اللى اظن انها ضعيفه الى حد ما او انها شخصية متقلبه مش عارفه تختار بين الصح و الغلط
لاحظت انه صريح .. ده لانه حكالى على حاجات كتير من معاملته معايا لأول مرة
مظنش ان مشكله امه وابوة هى المشكله الوحيده وان حياتة لسه مليانه بمشاكل كتير
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
اسم الحالة : سارة محمود الدسوقى
رقم الجلسه : الاولى
التشخيص : شخصية منعزله - انفعالات هادئه - قليله الخبرة فى الحياة - منطويه - تميل للوحده - علاقات اجتماعيه نادرة - قلة ثقه بالنفس - متسامحه - زكيه - متردده
أنا : اسمك ايه
سارة : سارة محمود الدسوقى
أنا : عندك كام سنه ؟
سارة : 22 عشرين سنه
أنا : ايه اللى خلاكى تلجأى لدكتور .. احب اعرف مشكلتلك ايه ؟
سارة : **** ---****
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
وبكده تكون خلصت الحلقة الاولى .. او الجلسه الاولى من
عيادة الدكتور عبد الرحمن
ياترى ايه حكايه سارة .. و يوسف ده حكايته ايه ؟
طب ممكن مشاكلهم تتحل ؟ ممكن الدكتور عبد الرحمن يعرف سبب عقدتهم
ده اللى هنشوفه فى الحلقات الجايه ان شاء الله
عايز رأيكم فى الحلقة و يارب تكون عجبتكم ياترى اكمل ولا الفكره مش كويسه او محبتوش الاسلوب
رأيكم يهمنى انى اكمل او مكملش ,, و شكرا لمتابعتكم :( :( :(