-- جرح موت..بقلمى(صابر)

[RSS]

جرح

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده



مصيرك يوم تبصى عليا وتقولى حبيبى وكان..
مصيرك يوم تحبى تحسى بوجودى انه زى ماكان..
ساعتها ح تبكى وتقولى..
سيبته يضيع ..وسابنى وضاع..
تقولى جرحته سابهولى..
وراح حتى.. ماقلش وداع..

ولما ح يفوت الاوان..يحلو ف عيونك زمان..
وتندمى.. وانا اكون مشيت..
وتحلمى.. بمليون ياريت..
وما تلوميش يومها إلا نفسك..
ياما اشتكيت ..ماسمعت حسك..

حبى الكبير زود غرورك..
قالك كفايه ..ودا كان يطولك..
واستهنتى بقدرتى.. ابعد او انسى..
قولتى تحيى تموتى.. مين دا اللى يقسى..
فاكره إنى اسيرك لسه..
ح تدوبينى بأى بصه..
وتغلبينى بسحر همسه..
دا كان زمان.. قبل ماتبدى بالنسيان..

وخسرتينى.. وعلمتينى.. انسى غرامك..
وانسى حنينى.. وابطل ضعفى.. وانا قدامك..
والشوق ليكى يروح.. بعد ماكنتى الروح..
سيبتى القلب يداوى آلامه ويعالج ف جروح..

ح اروح واسيبك تندمى..
تتمنى طيفى وتحلمى..
نفسك ف قلب تعذبيه.. و بدم جرحه ترسمى..
محتاجه قلب تعلميه ..يصبر..يسيبك تظلمى..
فات الآوان على السكوت..
انا شلت حبك م الوجود..
خلاص آهاتى بقالها صوت..
المره دى ..كان جرح موت