رحله عمرك

[خلود]

السلام عليكم و رحمة الله و بركاته


ازيكوا يا احلى اعضاء ؟؟؟

طبعا كلنا طلعنا رحلات و احنا فى المدارس و فى الكليه او تبع النادى

او رحله طلعناها كدة احنا و صحبنا
او مع العيله


و طبعا كله عرف احنا بنعمل ايه فى الرحلات

من مقالب و غنى و نكت و لعب و بلاوى زرقه كتير اوووووووووى

و فى رحلات عمرنا ما بننساها و مواقف اصلا اصلا ما ينفعش تتنسى


الرحلات دى مهما عدى عليها العمر بتفضل ذكرى حلوة و خالدة جوانا طبعا

و بيكون ليها تأثيرها علينا



ياترى ايه احلى رحله طلعتها ؟؟

كان عندك كام سنه ؟؟


مع مين و فين ؟؟

احلى موقف حصل فيها ؟؟

واصعب موقف ؟؟

القفشات اللى حصلت ؟؟؟؟

يلا احكوا لى عايزة اعرف تفاصيل


ماشـــــــــــــــــــــــى

و ليه كانت احلى رحله فى حياتك ؟؟


عايزة اجابات على الاسئله دى

بمنتهى الصراحة

اتفـــــقنا

هتنورونى يا جماعه

[fagrmasr01]

موضوع جميل اوى ياخلود


وبمناسبة الايام الجميلة الى احنا فيها
افتكر طبعا ان
من اجمل رحلاتى
.. رحلات الحج لبيت ربنا ..
وزيارات المسجد النبوى الشريف

يارب اكتب لنا العودة احنا وكل مشتاق
يارب آمين
:36_3_12[1]:

[sharabasy]

فعلا من اجمل الرحلات لما كنا عايشين في السعودية وكنا بننوي ونقرر نعتمر ونطلع من الرياض علي مكة ياسلام وفي الطريق ننزل الميقات علشان نحرم من هناك ربنا يكتبها لينا مرات اخري
ام اياد

[خلود]

اشكرك جمال واتمنى لك ولكل المسلمين اداء اجمل الفرائض وهى فريضه الحج

وياريت برضو تقول لنا وتحكى عن اجمل رحلات حصلت بعد فريضه الحج او قبلها

وطبعا ام اياد اقصد رحلات مع الاهل والاصحاب والاصدقاء

رحلات ترفيهيه غير رحلات الحج الروحانيه الدينيه

واشكركم على المرور والتعلق وفى انتظاركم وباقى الاعضاء جميعا

[sharabasy]

مااكدبش عليكوا ان فعلا طلعت رحلات كتيرة وخصوصا في الجامعة
واحلاها اللي في الجامعة
وبحكم التخصص في قسم الجيولوجيا كان لية حظ اطلع الواحات والبحر الاحمر كل منهما اسبوع

ومن الطريف رحنا الغردقة يومين في فندق 4 نجوم في نهاية الاسبوع وكانت مكافأة من الدكتور
وعينك ما تشوف الا النور في مطعم الفندق
كان زملائنا واخوانا الشباب بيعملوا عمايل تموت من الضحك كأننا اول مرة نشوف اكل كسفونا قدام الاجانب

وكانت واحدة زميلتنا الله يمسيها بالخير في وقت الاكل تلقط لنا الصور واحنا بناكل طبعا الصور بتكون طبيعية جدا

ام اياد


حفتكر رحلات اخري واحكيها