-- ح تيجى اكيد..بقلمى(صابر)

[RSS]

ح تيجى اكيد


http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده



ح تيجى اكيد ..ويوم تشتاق لقعدتنا..
وتتمنى وتستنى..نجدد تانى قصتنا..
وسهرتنا..و انا وانت نكلم بعض..
وضحكتنا.. وترتاح جنبى بعد البُعد..
ماظنش فيك آسى يقدر ..
على بعادى وتستكتر..
عليا احب فيك اكتر..
وتبقى بعيد..ح تيجى اكيد..

مابستحملش تتأخر..وماعرفش طريقك فين..
بسرعه الظنون تكتر.. واقول راح عند ناس تانيين..
واغير على حبنا تنساه..
واقول غيرى عيون شيفاه..
وبتجنن هنا لوحدى..وبدعى ياريتنى كنت معاه..
ح تيجى إمتى ماتقولها..
عينيه الناس بتسألها..
وفضحانى بمنظرها..
ماتبخلشى.. وتكسرها..

ساعات الوحده تغلبنى.. تجيب افكار تغّلبنى..
وشك ونار بيتعبنى.. بطول صبرك..
واقول لو جاى وحاببنى.. بينسى ازاى وبيسيبنى..
يكون قلبك بيحسبنى.. شديد زيك..
انا من غير هواك مفقود..
تقول ضايع.. تقول محسود..
تقول عايش.. لكنى بموت..

ماتتأخرش وكفايه ..تعبت بجد من بُعدك..وماقدرتش..
وماعرفتش.. اعيش بعدك..ولا اتنفس..
بشوف حواليه.. مابحسش..لانوم ف عينيه ..ولا ترمش..
حياتى جامده من غيرك..
وفاضيه بعد تأثيرك..
وبستنى ف ليلة العيد..
وبتمنى بعمر جديد..
واقول راجع..
ح تيجى اكيد