المساعد الشخصي الرقمي

مشاهدة النسخة كاملة : من فضلكم أضيفوا ألغاز من عنكم



إبراهيم البشبيشي
24-01-2009, 04:32 PM
أيوة يا جماعة المنتدى ده بتاعنا كلنا لذلك اللي يلاقي لغز أو فزورة يا ريت مايبخلش علينا بيها ونكون له من الشاكرين

lionking
04-03-2009, 11:40 AM
طب يا جماعة انا هبدأ أول فزورة هنا

********
*****
***
**
*



هربت انثى الطاوس ذات يوم وذهبت الى حديقة العم عبده صاحب البيت المجاور ,,, وولدت,, فمن يمون صاحب المولود؟؟


الاول ام العم عبده؟؟؟

وياريت اللى يجاوب يكتب فزورة تانية

fagrmasr01
04-03-2009, 12:03 PM
هههههههههههههههههههههه
حلوووة اوى
انثى الطاوووس
لو ولدت فى بيت عم عبده
يبقى
المفروض
ان
الحل
يكون

زى الحل لو ديك عم عبده راح باض بيضة فى بيت الراجل الى ساكن جنب عم عبده
ههههههههههههههههه
بجد بجد حلوة

انا كده قلت الفزورة الى عليا

يبقى دلوقتى الفزورة المزدوجة
الفزورة ام جناحين

والفزورة ام جناحين
يحلوها اتنين
هههههههههه


ياللا يا جدعان
مين مين الى عليه الدور

lionking
04-03-2009, 05:45 PM
الظاهر ان الدور عليا تانى

:p:p:p

ما علينا

السؤال سهل اووووووووووووووووووووى


ما هو الشىء الذى اذا اجتمع فرق؟؟؟؟

*********
*******
****
**
*

حد عرف الاجابة:eek::eek:

fagrmasr01
04-03-2009, 06:20 PM
ننتظر يمكن حد يحاول
والله المستعان

وبرضه لمنع الاحراج
ياررررريت
تبقوا تبعتوا لنا الاجابات دى

زى بتوع فوازير رمضان ف التلفزيون العربى كده

واللا ينفع المرة دى

أجرب حظى

وأقول

*

*

*

المقص



وانا المرة دى فزورتى
من تخصصى
من هوايتى الى بحبها


* ما هو البيت
الذى لا توجد فيه
أبواب ولا شبابيك ؟

lionking
04-03-2009, 08:01 PM
ههههههههههههههههههههههههههههههههههه


هفكر يا سيدى اللورد


انا بشك انها


**

*

*

*


*

*

بيت الشعر

امانة بس تقولى صح ولا غلط

fagrmasr01
04-03-2009, 08:12 PM
هههههههههههههههههههههههههههههه

ربنا يخليكى يارب

انما كده حضرتك الى عليكى الدور

فين الفزورة ؟؟

lionking
04-03-2009, 10:10 PM
حااااااااااااااضر ولا يهمك

خد دول بقى

ما المسافة بين اول حرف وآخر حرف فى كلمة ( جميلة) ؟؟


ما هو الشىء الذى امامنا ولا نراه ابداا ؟؟


ما الشىء الذى تراه فى الليل 3 مرات وفى النهار مرة واحدة ؟؟؟






اعتقد صعبين اوى مش كده

ههههههههههههههههههههههه

fagrmasr01
05-03-2009, 11:09 AM
خد دول بقى

1 - ما المسافة بين اول حرف وآخر حرف فى كلمة ( جميلة) ؟؟


2 - ما هو الشىء الذى امامنا ولا نراه ابداا ؟؟


3 - ما الشىء الذى تراه فى الليل 3 مرات وفى النهار مرة واحدة ؟؟؟



لالالالا

*
*
*
بجد المرة دى
*
*
*
الاسئلة والفوازير
*
*
*
بتاعة حضرتك
*
*
*
حلها اهو :

1 - المسافة ميل

2 - المستقبل

3 - حرف اللام


ههههههههههههههههه

طيب حضرتك حاولى تحلى لنا الفوازير دى


1 - سائق كان يسير فى الشارع بالجهة اليمنى فجأة انحرف جهة اليسار وصعدعلى الرصيف وخبط رجل وخبط عمود مع ذلك لم يحرر له ضابط المرور مخالفة لماذا ؟

2 - كم شهر في السنة الميلادية يحتوى على 28 يوم؟

3- رجل ترك 17 جمل وأوصى بأن يأخذ الابن الأول نصفها والثانى ثلثها والثالث تسعها فجاء قاضي المدينة راكبا جمله ليساعد فى تنفيذ الوصية .. فماذا فعل؟ مع العلم انه عاد راكباً جمله طبعا

4 - ما هو الحيوان الذى يحك أذنه بأنفه ؟

lionking
05-03-2009, 11:26 AM
ورينى عندك ايه النهاردة



1 - سائق كان يسير فى الشارع بالجهة اليمنى فجأة انحرف جهة اليسار وصعدعلى الرصيف وخبط رجل وخبط عمود مع ذلك لم يحرر له ضابط المرور مخالفة لماذا ؟

عشان هو الرجل اللى خبطه
2 - كم شهر في السنة الميلادية يحتوى على 28 يوم؟

كل الشهووووووووووووور

3- رجل ترك 17 جمل وأوصى بأن يأخذ الابن الأول نصفها والثانى ثلثها والثالث تسعها فجاء قاضي المدينة راكبا جمله ليساعد فى تنفيذ الوصية .. فماذا فعل؟ مع العلم انه عاد راكباً جمله طبعا
تصدق مش عارفة دى بس هفتى برده
اعتقد انه اخد جمل وخلاهم 16 وقسم الباقى


4 - ما هو الحيوان الذى يحك أذنه بأنفه ؟
الفيل


ماااااااااااااااشى دخلنا فى اسئلة الحسابات والارقام وانا مش بحبها بس وماله

خد دووووووووووول

1) عمر أحمد 65 سنه, وعمر محمد 35 سنه, متى كان عمر محمد نصف عمر أحمد؟؟

2) هل تستطيع ان تذكر خمسة ايام للاسبوع عدا الاثنين, الثلاثاء , الاربعاء, الخميس, الجمعة , السبت , الاحد؟؟؟

3) ما هو الشىء الذى اذا اردت ان تستعمله رميته؟؟

وابقوا قابلونى الحلقة الجاية dddddd

fagrmasr01
05-03-2009, 12:47 PM
اولا الله ينور على الاصرار والمواصلة

ومعلش بعد اذن حضرتك
هاسيب سؤال الجمال السبعة عشر يمكن حد يحاول حله

أما اسئلة حضرتك الجديدة
1 - من خمس سنين
2 -
3 - المنديل الورقى

وبهذا يكون عندى سؤال متروك بلا حل .. الجمال السبعتاشر
وعند حضرتك سؤال بلا حل .. ايام الأسبوع

انا هحاول افكر
وحضرتك تحاولى تفكر
ويارررريت الناس تشترك معانا وتفكر
أتمنى

lionking
05-03-2009, 01:38 PM
معلش بقى استاذى

اجابة السؤال رقم 3 غلط

هيييييييييييييييييييييييييييييييييييييييييه :d:d:d:d:d


ويقى كده عندنا 3 اسئلة عايزين الناس تفكر فيهم

السؤال بتاعك رقم 3 )) بتاع ال 17 جمل

السؤال بتاعى رقم 2)) يتاع ايام الاسبوع

السؤال بتاعى رقم 3)) بتاع الحاجة اللى لو عايزين نستعملها نرميها



وبرده ابقوا قالونى الحلقة الجاية


بس انا عندى احساس ان خلود هتحلهم

fagrmasr01
05-03-2009, 02:52 PM
طيب ينفع تكون الكرة ؟

يارب تطلع صح

واللا حد بسرررعة يحاول يدور لنا على خلود

خلوووود

انتى فييييين ؟

lionking
05-03-2009, 05:25 PM
ههههههههههههههههههه

برده غلط


ومنوع الاستعانة بصديق

اللى يعرف يجاوب


وليه هدية

fagrmasr01
05-03-2009, 05:44 PM
على فكرة دى فزورة حقيقية كان القاضى هنا الامام على بن ابى طالب ..
ومع جمل الامام على أصبح عدد الجمال 18
النصف 9
والثلث 6
وتسعها2
ورجع الامام راكب جمله

فين حضرتك حل ايام الاسبوع .. واللى تستعمله ترميه

lionking
05-03-2009, 05:51 PM
سيدى اللورد

الحل بتاع ايام الاسبوع

( امس ,,,,واول امس,,,,,, اليوم ,,,,,, غدا,,,,,, بعد غد )

الفزورة التانية


الاجابة ( الشبكة)


واى خدمة

lionking
06-03-2009, 08:44 AM
بسم الله

يالا بقى عايزة حد يجاوب على الاسئلة دى

1)هل يجوز لرجل ان يتزوج شقيقة ارملته؟؟

2)اين توجد بلاد ليس بها سكان,,,وجبال بلا اشجار,,,,,, وانهار بلا ماء؟؟

3)ما هو ,,, اعمى واخرس واطرش ,,, ولا يمشى الا على راسه؟؟؟



ورونى بقى هتعملوا ايه

*********
********
******
****
**
*
*
*
*
وابقوا قابلونى ايــــــــــــــــــــــــــه
*****
****
***
**
*
*
*
*الحلقة الجايـــــــــــــــــــــه

fagrmasr01
07-03-2009, 01:27 AM
نعم يجوز ان يتزوج الرجل شقيقة أرملته
ولكن
بعد قضاء فترة العدة
أى ان الرجل هنا فى هذه الحالة تكون له فترة عدة

بلاد بلا سكان ونهر بلا ماء
على الخريطة

السؤال الثالث .. اتوقع انه القلم ..
صح واللا لم صح؟؟


سؤالى الجديد هو

من هو الذى مات ولم يولد ؟

lionking
07-03-2009, 01:32 PM
ههههههههههههه

الاجابة الاولى غلط يا سيدى الفاضل

لو ركزت فى السؤال هتلاقى شقيقة ارملته ( يعنى الرجل متوفى )

هيتجوز ازاى وهو ميت بقى


بس الباقى صح


انما سؤالك ده انا مش عارفاه


ياشماتة ابلة ظاظا فيا

fagrmasr01
07-03-2009, 04:16 PM
ههههههههههههههههههه
بجد الله ينوووور

طيب عشان نبقى خالصين
سيدنا ادم .. مات وهو لم يولد

lionking
07-03-2009, 05:32 PM
هههههههههههههههه

حلوة فعلا ............ كده بقينا واحدة بواحدة

fagrmasr01
07-03-2009, 06:07 PM
مع كل احترامى وتقديرى لحضرتك

- ما هو الشئ الذى اذا اكلنا نصفه نموت واذا اكلناه كله نتغذى ؟

- تاجر من التجار .. لو شيلنا عينه يكون طار ؟

- بلد أولها الف ولام واخرها الف ولام وفى النص ركن من اركان الاسلام ؟

lionking
07-03-2009, 06:13 PM
- ما هو الشئ الذى اذا اكلنا نصفه نموت واذا اكلناه كله نتغذى ؟


سمسم

- تاجر من التجار .. لو شيلنا عينه يكون طار ؟

يمكن يكون عطار

- بلد أولها الف ولام واخرها الف ولام وفى النص ركن من اركان الاسلام ؟

الصومال


~~~~~~~~~~~
~~~~~~~~~
~~~~~~~
~~~~~
~~~
~~
~
~
~~ هاااااااا صح ولا غلط

fagrmasr01
07-03-2009, 06:15 PM
ليون .. روعة الأداء

الله ينور

lionking
07-03-2009, 09:55 PM
يالا بقى خد الشوية دووووول

بس انا عايزة باقى الاعضاء يشتركوا معانا

ماعلينا اكيد فى حد هيحاول فى يوم مااااااا

ما هو الحيوان المائى الذى له 3 قلوب ؟

ماهو الشىء الذى لا يمشى الا بالضرب؟؟

ما هو الشىء الذى يوجد في القرن مرة و في الدقيقة مرتين ولا يوجد في الساعة ؟؟


~~~~~~~~
~~~~~
~~~
~
~
~
~
وابقوا قابلونى الحلقة الجاية

إبراهيم البشبيشي
07-03-2009, 11:04 PM
:):) ألأخطبوط :):)

:):) المسمار :):)

:):) حرف القاف :):)

إبراهيم البشبيشي
07-03-2009, 11:05 PM
الم الم الم الم بدائه .. ان ان ان ان لي بدوائه

ضع الهمز على كل ألف مفتوح أو مضموم أو مكسور لتتبين المعنى ؟؟؟؟؟؟؟؟؟

ثم وضح لنا المعنى بلفظ آخر :):):):)

fagrmasr01
08-03-2009, 03:30 AM
أَلَمٌ أَلَمّ آلِمٌ أُلِمُّ بِدَاءِهِ


إِنْ أَنَّ آنَ إِنَّ لى بدَوَائَهُ


الله ينور يا أستاذ ابراهيم
ولاحظ حضرتك انك انت الى كنت فاتح هذه الصفحة
وتسلمتها ليون فأنعشتها
وأتيتَ يا ابراهيم
لتنيرها بسؤالك القوى
المتمكن فى اللغة
وبشعرٍ يندُرُ أن يُجَابهَ بمِثلهِ



بوركتم وجوزيتم جميعاً عنا خيراً

fagrmasr01
12-03-2009, 12:13 PM
ابراهيم.. ليون .. باقى الاحباب رواد الموقع .. انتوا فين؟
الفكرة دى جميلة . ياريت تساعدوها تستمر

lionking
12-03-2009, 09:37 PM
يالا تانى



استعنا بالله



نسمى ونركز ونحااااااااااااااااااول




1)) من الاختان اللتان تجريان خلف بعضهما دون ان تلحق الواحدة الاخرى؟؟؟




2)) عبد اسود وطربوشه اخضر؟؟؟




3)) من الذى يتزوج اخته حلالا؟؟




وهتقابلونى امتـــــــــــــــى؟؟؟؟




الحلقة الجاية طبعااااااا

إبراهيم البشبيشي
12-03-2009, 10:16 PM
1- اظن انها الدراجة عجلة بتجري ورا التانية دونما أن يتلاحقا أبدا

2- أظن أنها ثمرة الباذنجان فهي سوداء ولها طربوش أخضر

3- لا أعرفها

إبراهيم البشبيشي
12-03-2009, 10:28 PM
على فكرة حلك صح يا عم جمال وتسلم دماغك :):):)

lionking
13-03-2009, 12:31 AM
اقولك انا الاجابة بتاعتها


من الذى يتزوج اخته حلالا؟؟؟؟


الزرار والعروة



:):):):)

fagrmasr01
13-03-2009, 01:22 AM
ربنا يخليك يا استاذ ابراهيم شكرا شكرا ع التقدير
ويلا تانى يا ليون عاوزين تاى
ويلا يا استاذ ابراهيم نشط الموضوع الى ههو انت اصلا ابتديته وجميل ومطلوب

إبراهيم البشبيشي
14-03-2009, 05:12 PM
لو شاطرين بأه قولولي في كام حيوان وهما ايه بالظبط الموجودين في الصورة اللي تحت دي

http://www.up.ecdscs.com//uploads/images/domain-9051f06029.jpg

مستني اشوف غجابات الناس الواعة الفاهمة المركزة :D:D:D:D:D:p:p:p:p:p

fagrmasr01
15-03-2009, 03:55 PM
بجد .. قوية دى .. لكن ساحاول ان انال شرف المشاركة فقط
الاسد والثعلب والنمر والفيل والحصان
والسلحفاة والكنجارو والحرباء الخضراء والارنب والشمبانزى

ومخلوقات اخرى مثل الطيور الطاووس وسمكة وجرادة والخفاش ( على اساس انه من الثدييات ) وطائر تانى معرفش اسمه

حاولت فقط .. من باب المشاركة
واتمنى الكل يشارك
وبعدها ,, نفسى اعرف الحل الصح

lionking
15-03-2009, 04:44 PM
[quote=إبراهيم البشبيشي;9215]لو شاطرين بأه قولولي في كام حيوان وهما ايه بالظبط الموجودين في الصورة اللي تحت دي

http://www.up.ecdscs.com//uploads/images/domain-9051f06029.jpg


بسم الله الرحمن الرحيم


نبدأ من فوق


الفيل وننزل على شمال الصورة


فى قنفذ ودولفين وثعلب وسلحفاة وارنب وحوت وكنغر ونمر ودب وطاووس وشيمبانزى وحصان


ونسر او صقر وببغاء وسحلية وثعبان ودودة ونجمة البحر وتمساح واكتر من كده نظرى مش جايب

fagrmasr01
15-03-2009, 05:04 PM
الله ينور عليكى يا ليون .. ونظرك ستة على ستة ما شاء الله

يلا يا استاذ ابراهيم
ورينا الحل الله يكرمك
احسن كده هانروح نعمل كشف نظر بجد

lionking
15-03-2009, 08:51 PM
نقول كماااااااااااااااااااااااان


1) سبعة,,وعشرون سبع ,,اكلوا واحد وعشرين غزاله .,, كل واحد اكل واحدة ,,ازاى؟؟؟؟


2) حامل ومحمول,, ويابس ومبلول؟؟

3) ما الشىء الذى يشرب من الراس ويحكى لابعد الناس؟؟

:eek: :eek: :eek: :eek:

fagrmasr01
16-03-2009, 12:40 AM
الله ينور عليكى ليون

السبعة هى أنثى السبع .. وبالتالى فهم واحد وعشرين

السفينة

الريشة

lionking
16-03-2009, 10:58 AM
http://up111.arabsh.com/s/4pszhix5j8.jpg (http://up111.arabsh.com/)



الورد ده بقى تحية منى ليك يا استاذ

جماااااااااااااااااااااال


كل الاجابات صح

الله ينور والله

fagrmasr01
16-03-2009, 12:56 PM
الف شكر ليون
ربنا يخليكى
فعلا مجاملة رقيقة بتثبت انك لسه طيييييييييييييييبة

ياريت تستمر الصفحة دى لانها بجد كويسة
والبركة فيكى اانتى والاستاذ ابراهيم تجيبوا لنا الغازكم وفوازيركم الحلوة
اكرر شكرى وتقديرى
والف شكر على الورد الجميل

fagrmasr01
16-04-2009, 12:18 PM
من يوم 16 مارس محدش شارك هنا
ياريت الكل يشارك ..
وعلى فكرة الألغاز والوفازير فيها تنشيط للعقل حتى لو سهلة شويتين
وكل ما تكون أصعب.. كل ما تنشط المخ أكثر

ياللا عاوزين حل الفزورة دى
بلد مكونة من أربع حروف الثلاث الأولى منها إسم مسكن للإنسان بيسكنه فترة طويلة
الحرف الثانى والثالث شئ يأكله الإنسان
الثلاث حروف الأخيرة إسم مرض

ودى كمان فزورة لكن حسابية

مليونير حاطط حسابه برقم سرى مكون من خمسة أرقام
**
المليونير نسى الرقم السرى بتاعه


و لكنه تذكر خمسة أمور متعلقة بالرقم السرى :


·الرقم الخامس + الرقم الثالث = 14
·الرقم الرابع أكبر من الثانى برقم واحد
·الرقم الأول أقل من ضعف الرقم الثانى برقم واحد
·الرقم الثانى + الرقم الثالث = 10
·مجموع الأعداد الخمسة = 30
ما هو الرقم السرى

lionking
16-04-2009, 02:28 PM
من
وكل ما تكون أصعب.. كل ما تنشط المخ أكثر

ياللا عاوزين حل الفزورة دى
بلد مكونة من أربع حروف الثلاث الأولى منها إسم مسكن للإنسان بيسكنه فترة طويلة
الحرف الثانى والثالث شئ يأكله الإنسان
الثلاث حروف الأخيرة إسم مرض






والله يا استاذ جمال


انا تعبت على ما وصلت للحل بس ياريت يكون صح



اعتقد البلد دى


قبـــــــــــــــــــــــرص

fagrmasr01
16-04-2009, 04:40 PM
ههههههههههههههه
صح الصح يا ليون
لكن
فين حل الفزورة التانية
ههههههههههههه

وفين محاولات باقى الاعضاء ؟
يللا شاركونا يا أحبابنا
ياترى مين هايعرف يحلها الفزورة دى
على فكرة هى مش صعبة اوى لو فكرنا بهدوء

lionking
17-04-2009, 11:22 PM
انا مليش فى الحسابات والذى منه بتخنق بسرعة

وعلى فكرة ده الاذكياء بس هما اللى بتجيلهم الحالة دى

ماشى
:eek::eek::eek:

ايه الحل بقى
:D:D

fagrmasr01
17-04-2009, 11:41 PM
على فكرة يا ليون
هى مش حسابات بجد يعنى
هى سهلة خالص لو بصينا للخمس شروط المكتوبة
على كل حال
الحل هو
7 4 6 5 8

يلا بئه حضرتك اتفضلى وورينا الشغل زى زمان

fagrmasr01
20-04-2009, 01:47 PM
طب حاولوا تحلوا الفزورة السهلة دى
ما هو الشئ الذي نبتلعه ويبتلعنا ؟

fagrmasr01
21-04-2009, 03:47 PM
أختم مشاركاتى هنا باجابة الفزورة الاخيرة التى قمت انا بوضعها
الماء
نبتلعه
ويبتلعنا

fagrmasr01
24-04-2009, 08:19 AM
كنت أتمنى ان تستمر هذه الصفحة التى بدأها أخونا المبدع الذى افتقدناه ابراهيم البشبيشى وحتى يظل اسمه يطل علينا كلما دخلنا هذه الصفحة

لكن
المشاركات فى هذا الموضوع لا تشجع على الاستمرار

اطيب تمنياتى وتحياتى لكم جميعا
وتحية خاصة الى أستاذى
المبدع ابراهيم البشبيشى ..
و
وحشتنا بجد يا ابراهيم

lionking
24-04-2009, 02:13 PM
ايه يا أستاذنا

ايه اليأس ده

وبعدين لو تلاحظ من الاول اصلا مفيش غيرى

انا واعوذ بالله من كلمة أنا***

وانت***

وابراهيم

******
****
**
*
*
*


وع العموم هحاول تانى بس نفسى بجد الاعضاء

الحلوين اللذاذ يجربوا معانا


**
مـــا هو الماء الذى لم يخرج من الارض ولم ينزل من السماء؟؟
:eek:
:o:o:o
:o:o
:eek:

ما هو الشىء الذى يسكن الجبال ويجلس مع الرجال ويلبس لبس النساء؟؟؟

fagrmasr01
25-04-2009, 12:56 AM
لالالالالا يا ليون .. مش يأس .. لكنه .. زى ما تقولى فقدان أمل
مش معقول احط مثلا الفزورة لنفسى وتانى يوم احلها انا لنفسى

فعلا اتمنى ان أحبابنا يشاركوا .. وعلى رأى أميرة المنتدى .. شارك ولو بابتسامة

لكن بصراحة .. بتثبتى كل مرة فى مواقف كتيييررررة انك فعلا المنقذ ..
متشكرين اوى جدا خالص على استمرار دعمك للفكرة
يا ليون ياطيبة

fagrmasr01
25-04-2009, 02:52 PM
الأولى هو : ماء العين

الثانية : الصقر

صح؟

صح واللا لم صح يا طيبة ؟

DMR
31-08-2009, 05:30 PM
الدموع

الصقر

fagrmasr01
10-02-2010, 09:00 AM
صح يا دى دى
الله ينور عليكى


السؤال

كم سنة استمرت الدعوة الاسلامية سرا فى بداية الدعوة