اللي أولادهم في رويال الدولية (الحي الرابع) للغات يتفضلوا

[zayyoda]

السلام عليكم أخواني و أخواتي

انا ابنى في مدرسة بريليانس الدولية للغات (اللي جنب كارفور) في سنة اولى ابتدائي السنة دي
الحقيقة سمعت عن رويال كتير جدا ماشاء الله و ده اللي خلاني اسالكم عشان عايزة انقل ابنة السنة اللي جاية و على فكرة ده هيخليني ادفع نص المصاريف بالضبط

هل الولاد بيتكلمو انجليزي طول الوقت في المدرسة و للا في حصص الانجليش بس؟ هل هناك اي العاب رياضية
سمعت ان الواجبات المنزليو كتيرة اوي هل ده شيئ كويس و للا ارهاق للطفل ؟ يا ريت تكلموني اكتر عن المدرسة و نظامها الله يكرمكم لاني محتارة جدا اخد القرار ده


و لكم جزيل الشكر

[mino]

السلام عليكم ورحمة الله
انا بنتى فى مدرسة رويال لكنها لسة فى كى جى 1 فى الحقيقة انا لفيت على مدارس كتير جدا وسالت كتير قبل ما اخد قرارى وفى الحقيقة هى افضل مدرسة انا رحتها فيها نظام وانضباط ونظافة وهما بيتكلمو انجليش فى كل الاوقات مش فى حصص الانجليش بس كمان بالنسبة للهوم وورك الكى جى بياخدو يومين بس فى الاسبوع (ثلاثاء وخميس ) وانا لمست انهم بيهتمو بالكيف مش بالكم بمعنى انهم بيهتمو ان الاولاد تعرف وتفهم كويس اللى اخدوه حتى لو كان قليل احسن من انهم ياخدو كتير وخلاص انا بقولك كده لان فيه مدارس بتدى مثلا لغة او لغتين غير الانجليش من اول كى جى 1 وفيه ناس بتفتكر ان ده كويس لكن طبعا ده بيسبب ارتباك للاولاد ومش بيعرفو اى حاجة وده عن تجربة مع بنت اختى.
طولت عليكى لكن نصيحتى ليكى انك تروحى تزورى المدرسة فى اوقات الدراسة وتشوفى الدنيا عاملة ازاى وتصلى صلاة الاستخارة وتتوكلى على الله واللى فيه الخير ربنا هيسرهولك .
وبالتوفيق

[رولا هاني]

طيب من فضلك يا mino عاوزه اعرف منك مصاريف المدرسه والتقديم من امتي
لاني عاوزه اقدم لبنتي فيها عشان انا ساكنه جنبها وبسمع عنها كلام كويس جدا

[nogafoda]

يا ريت يا minoتقوليلي نظام التحويل ايه والمصاريف وهل في اختبار ولا لا
واي منهج الانجلش الي بيخدوه

[haneen]

مستوى الانجليش في رويال عالي
واستاف الانجليش هناك عامل مجهود رائع جدا جدا
بشهادة اولياء امور كتير حولوا لاولادهم من مدارس انترناشيونال الى قسم الناشيونال في رويال
بسبب مجهودهم الا مسمع في اكتوبر وزايد
المدرسين بيتكلموا انجليش مع الولاد عدا العربي والدين طبعا
والحمد لله المدرسة سمعتها كويسة جدا
توكلوا على الله

[nogafoda]

شكرايا حنين علي اهتمامك
انا فعلا كلمت المدرسه وسالت علي التحويل
وقالو انه بعد امتحانات المرحله
بس للاسف محدش فادني عن المصروفات يا ريت لو حد عنده اي معلومه

[zayyoda]

شكرايا حنين علي اهتمامك
انا فعلا كلمت المدرسه وسالت علي التحويل
وقالو انه بعد امتحانات المرحله
بس للاسف محدش فادني عن المصروفات يا ريت لو حد عنده اي معلومه
علي مصاريف السنه دي حوالي 6900 للابتدائي بس لو نويتي الحقي عشان الاماكن محدوده

[FAROU7A]

ازيكو يا احلى ماماهات.. ياريت تسمحولى اشارككم فى الموضوع.. انا نفسى اقدم لبنتى فى مدرسة لغات تكون مستواها العلمى والاخلاقى كويس على حد السواء.. بس للاسف ملاحظة ان كل المدارس ب 6 اكتوبر محدش مجمع على راى فيها.. بالنسبة لرويال لنتوا بتتكلموا على القسم الناشونال فيها؟؟ هل فعلا مستواه كويس والمدرسة فيها نظام. وايه المنهج اللى بيدرسوه؟؟ المشكلة انا قريت شكوى جامدة جدا من ولية امر على المدرسة دى على موقع مدارس مدارس.. يا ريت تطمنونى.. وهل هى احسن ولا القادة ليدرز على الصحراوى؟؟؟ اكون شاكرة حجدا لو تقدروا تفيدونى..

[FAROU7A]

طيب ياريت تقوليلنا ليه حولتى من بريليانس اسمع انها تحففة - ورويال احسن؟؟