خطوات استلامك لأرضك ..تمت ازاي ؟سؤال [الأرشيف]

مشاهدة النسخة كاملة : خطوات استلامك لأرضك ..تمت ازاي ؟سؤال

sniper80s

07-11-2009, 01:20 AM

السلام عليكم

ياريت يا جماعة اللي استلم خلال اليومين دول من المرحلة الثامنة او حتي مرحلة سابقة قريبة من وقتنا هذا يدلنا بالظيط عمل ايه في اليوم ده بالظبط

راح الجهاز الساعة كام وابتدوا التسليم فعلا الساعة كام وايه هيه الاوراق اللي ناخدها ...

ياريت اللي في ايده افادتنا يرد علينا

بونوبونو

07-11-2009, 01:24 AM

ياريت اللى عندة معلومة يقول
جزاكم الله كل خير

mohamedbook

07-11-2009, 08:04 AM

هتروح الصح الساعة 10
وتاخد معاك اي ورقة جتلك بالبريد
او تعرف رقم قطعك والقطاع والمنطقة وهو هيطبعهالك من علي الكمبيوتر
وصورتين بطاقة
وضامن معاك
و 36 ج عشان النص متر الزيادة الي في الارض
وتاخد معاك شوية صبر تصبر نفسك بيهم هناك شوية عشان المظفين هناك تجيب شلل رباعي

somaforever

07-11-2009, 03:28 PM

sniper80s

07-11-2009, 03:37 PM

واحد صاحبي استلم و قال التالي:
1. تروح الساعة 9 الصبح
2. جواب التخصيص
3.البطاقة و صورة منها
4. الضامن و معاه بطاقته و صوره منها
5. من خلال الورق هتعرف الارض بتعتك موقعها فين بالضبط
6. و لو الارض بتاعتك اكتر من 150 متر هتدفع تمن الزيادة و طبعا المتر بـ 70 جنية
7. حضرتك و الضامن هتوقعو على شيكات بمبالغ الاقساط
و بعدين هتركب الباص علشان تشوف ارضك فيين بالضبط

أخي الفاضل شكرا جزيلاً لتعبك والرد علي استفسارنا .... جزاك الله خيراً

انا شخصياً رحت اليوم الجهاز من باب العلم بدري عن ميعاد استلامي عشان قولت اشوف الموضوع ماشي ازاي

لاقيتهم عاملين خيمة متجمع فيها الشباب وبتسجل اسمك مع موظف وبيتنده علي اسمك بعدها ... وتقريباً بعديها هياخدوهم في باص لاستلام الارض فعلي لاني مكملتش بعدها ايه اللي حصل

الموظف قاللي ان الافضل في يوم استلامك تروح بدري وتسجل اسمك مع الموظف عشان هيتنده بعدها علي اسمك وتكمل بقية اجراءات التسليم

وسمعت من موظف ان ثمن الجسة للارض هو 600 جنيه

انا صورت بالموبايل شوية ارشادات كانت متعلقة بالخيمة جاري تحميلها وموافاتكم بيها للافادة العامة للمنتدي باذن الله

بالمناسبة المنطقة طبعا بتاعة ابني بيتك هووووو يعني مفيش غير رمال وبس وربنا معانا في الايام الصعبة الجاية يارررررررررب
اخوكم محمد - منطقة (ف)

khmt1970

07-11-2009, 04:28 PM

استاذ محمد
هل عندما ذهبت اليوم للجهاز تاكدت انهم يسلمون الارض فعلى ام انك غير متاكد
جزاك الله عنا كل خير
اخوك خالد توفيق

sniper80s

07-11-2009, 09:42 PM

الاخ الفاضل خالد توفيق كما ذكرت لك اني وجدتهم متجمعين في الخيمة وبيتندي علي اسمائهم ... المفروض وحسب كلام الموظف اللي في الخيمة وبكل ثقة انهم هيستلموا فعلي لكن انا شخصياً مشيت قبل ما أشوف همه استلموا فعلي أم لا ..... بس انا سألت الموظف اللي في الخيمة وبشكل مؤكد هل التسليم فعلي عشان احنا مش فاضيين كل شوية ناخد اجازة من الشغل عشان الموضوع ده فأكدلي ان التسليم في نفس اليوم حسب كلامه ... لكن للأمانة انا لم اتأكد بنفسي انهم استلموا اليوم .لاني كنت هنتظر كتير قوي بالخيمة .. يارب اكون افدتك

khmt1970

08-11-2009, 10:48 PM

ا/ محمد
السلام عليكم
انا متشكر جدا لاهتمامك بالرد وتوصيل المعلومه بامانه و صدق جزاك الله كل خير
والسلام عليكم ورحمه الله
:50 (31):اخيك خالد توفيق

sniper80s

11-11-2009, 08:38 PM

مفيش حد جدع يقولنا عمل ايه بالظبط يوم استلامه عشان نكون جاهزين .. شكرا مقدماً للي تعب نفسه وأفدنا

sniper80s

14-11-2009, 12:38 PM

يا جماعة شكراًُ لكل اللي تعب نفسه ورد علي استفسارنا وعرفنا ايه الخطوات .. حقيقي شكراً ليهم

انا شخصياً كلمت صديق ليا ومعانا في قطاع ف واستلم يوم الخميس الماضي وقاللي انك بتاخد صور لبطاقتك وصور لبطاقة الضامن وتروح بدري وتسجل اسمك وبعدين بتمضي انته والضامن علي 7 شيكات بقيمة باقي الارض اللي هيه علي اقساط وبتاخد ورقة محدد بها معاد سداد تلك الشيكات تباعاًُ.. ويبدأ سداد اول شيك تقريباُ في 2011 المهم بتدفع لو فيه امتار زيادة في قطعتك .. وبعدين بتصور ورقة كده من ضمن الاوراق وبعدين بيدولك كروكي لقطعة ارضك ولغاية هنا ممكن تروح لو انته عرفت مكان ارضك او معندكش وقت تروح تستلمها فعلي .... لكن اذا انتظرت فأنته بتطلع مع الباص او ورا الباص لو لديك سيارة وتروح لمهندس هناك بيعرفك مكان ارضك وفيها الحدايد وصديقي قاللي ان هناك قطعة اسمنتيه عليها رقم كل قطعة لكن القطعة دي ضعيفة وممكن تروح معالمها ... يعني المهم ان الاستلام فعلا فعلي وقالو انك تروحلهم بعديها باسبوع عشان تستلم ملف فيه مستندات واوراق القطعة ...بس كده يا شباب ... حبيت اديكم فكرة وتستفيدوا بالتفصيل

خالص تحياتي

محمد (ف)