يوميات اميرة [الأرشيف] - منتدى مدينة 6 أكتوبر

اميرة حبى انا

15-11-2009, 01:10 AM

باقى اليوم
نزلت اشتريت الرقاق
كل سنة وانتو طيبين
واشتريت برتقال
اصل كان نفسى فيه
ورجعت اول مرة اتفرج على ماتش
واعصابى تعبت اخر دقيقتين
بجد الله يكون فى عون الناس اللى بتابع الكورة
المهم
حقيقى فرحت جدا جدا جدا
لان الناس فرحت فى وسط كل الهم اللى احنا فيه
ودلوقتى انا قاعدة على المنتدى بتابع يوميات انسان بتاعة استاذ احمد مختار
عجبانى جدا
وهى جميلة جدا
لدرجة انى حسيت ان اللى بكتبه ده عبط
هههههههههههههههه
اه نسيت اقولكو حاجة
البت خلود جارتى ساكنة فوق
بعد الجون التانى لقيت ابنى بيتصل بيقولى ماما الحقى طنط(اصله كان بيتفرج معاهم على الماتش)
لقيت الحاجة خلود من كتر ما اتعصبت واتنطتت اغمى عليها
خضتنا فى عز الفرحة
يلا الحمدلله عدت
ومبروك لمصر والمصريين
وتصبحوا على خير

ah-mo

15-11-2009, 02:35 AM

شكرا اميره حبي انا بس هقولك كلمتان تلاته كداوهما
في ظل منتدي بيتقابلو فيه الحبايب
مرسوم قلب ومكتوب حرفين
وسهم صايب
هيرحو الحبايب وتفضل اسميهم مكتوبه
والحب حاضر حتي ولو كان صحبه غايب
ربنا يجمعنا بمن نحب من اصدقاء واخوان
ودمنا حبا في الله

fagrmasr01

16-11-2009, 12:29 PM

أميرة حبى انا

تحية كبيرة جدا منى لكل يومياتك
يارب يبارك لك ويسعد كل اوقاتك
تكتبيلنا اكتر وتنورينا بابتساماتك
يارب تتهنى وتفرحينا بضحكاتك

بجد فكرة اليوميات جميلة اوى
وانا كمان باذن الله هابتدى فيها ...
عارفة ليه ؟
الغيرة من الناجحين بتخلينا نقلدهم ونعمل زيهم

ربنا يبارك لك ويسعد قلبك
كل سنة وانتى طيبة يا أميرة
:36_3_12[1]:

اميرة حبى انا

15-12-2009, 12:33 AM

...عندي حالة ملل...
...بفقد بيها الأمل...
مش عارفة أنا عايزة إيه...مش عارفة أنا رايحة فين...
محتاجة أشوف حاجة تسعد قلبي الحزين...
يمكن محتاجة حب يهزني ويلفني ويجيلي من كل إتجاه...
يمكن مجتاجة قلب يحسني ويرد كل مشاعري تاني للحيااااااااااااااة...

...عندي حالة ملل...

نفسي أرجع لنفسي وأنده على الأحلام وأملك كل اللي نفسي يوصلني م الأيام
إحساسي باللي جاي إحساس مليان أمل
بس اللي أنا عايشاااااااااااااااااه...دلوقتي أكيد ملل

fagrmasr01

15-12-2009, 12:30 PM

أتمنى لك يا أميرة
ان ربنا عز وجل يبعت لك من عنده سبحانه وتعالى البسمة والأمل ويضيع من جواكى الملل
آمين

اميرة حبى انا

20-12-2009, 01:28 AM

ازيكم
معلش اتأخرت شوية
انا افتكرت انى نسيت فى البداية اعرفكم بنفسى
زى ما الناس بتعمل يعنى
اسمى: مش اميرة ههههههههههههه عادى بقى عدوها
سنى:34 سنة و3 شهور و19 يوم
الحالة الاجتماعية :متزوجة وعندى ولدين

بحب اوى اقرأ روايات الحب الجميلة بس بصراحة مش اى حب
يعنى مش بحب الحب بتاع عبد الحليم حافظ والتنهيدات بقى والكلام ده
لا بحب الحب اللى يجى بعد عذاب يعنى ومطاردات لذيذة وخلافات زى العسل وبعدها الاعترافات بقى وتبدأ القصة
كنت بحب الاغانى ولما عرفت انها حرام حاولت بجد وبطلت بس للاسف بحب اوى اغنيتين
بتوحشينى وغريبة الناس لوائل جسار
بحب برضو الافلام الاجنبية جدا بحس فيها بتفكير فى حاجات غريبة وعجيبة مش بكون مجرد حد قاعد يتفرج على فيلم
خصوصا افلام الخيال العلمى والخيال
زى هارى بوتر مثلا
بموووووووووووت فيها ههههههههههههههههه
محدش يتريئ
وبحب العربى برضو زى مثلا افلام احمد عز واحمد حلمى
وبحب فيلم اكيد فى ناس كتير مش عارفاه اسمه دموع فى ليلة الزفاف
حياتى بسيطة جدا تبدأ بذهاب ولادى للمدرسة وبعدين انام شوية لانى للاسف الشديد بنام متأخر ومش عارفة ليه ونفسى انام بدرى او انام شوية الضهر زى خلق الله بس للاسف برضو مش بعرف
وبعدين اقوم اعمل الغدا وبعدين يرجعو بالسلامة ونتغدى وتبدأ المعركة
الواجب
الدروس
المذاكرة(اللى بالعافية والخناق ودى اكتر حاجة تعبانى ومعذبانى فى حياتى)
وبعدين نتعشى ونشترى لزوم سندوتشات المدرسة واللبن(ليهم هما انا مش بشربه يعنى بينى وبينه سوء تفاهم)
وبعدين ينامو واقعد انا بقى
لو فى حاجة اعملها وساعات بطنش واخليها الصبح(يعنى اخبى عليكو)
واقعد شوية على المنتدىبس يوم السبت زى النهاردة كده بقعد على المنتدى متأخر شوية عشان متابعة مسلسل اجنبى اسمه(ghost whisperer) خيال اخر حاجة بقى واحدة بتشوف اشباح الناس بعد ماتموت
بيجى الساعة 10 ويخلص 11
كمان بحب مسلسل(grey s anatomy) مسلسل فيه كل حاجة تحفة ومجننى ونزلت كل حلقاته بكل المواسم من على النت
عايزة اقولكم انى اشتغلت 3 سنين وبعدين قلت اربى ولادى احسن
وفى واحدة صاحبتى من ايام الشغل بكلمها كل فترة بنسأل على بعض
لكن اصلا اصلا مش عندى غير صديقة واحدة بس
خلود
هى جارتى كمان على فكرة ساكنة فى الشقة اللى فى الدور اللى فوقينا
اللى يضحك بقى واللى ناس كتير بتستغرب بسببه ان فى بينا enter come) بنكلم بعض فيه كل مانزهق او نتعب من الشغل
هى كويسة وطيبة ومخلصة(مش عايزين قر ماشى)
وبس معنديش حد تانى اكلمه ولا اعرف حد تانى
نسيت اقولكو ان ولادى واحد فى اولى ثانوى عام وواحد فى خامسة ابتدائى
ادعولى ربنا يهديهم ويوفقهم لما فيه الخير
امين
دى الحاجات اللى افتكرتها عنى واللى محدش يعرفها واللى جت فى بالى دلوقتى
بكرة ان شاء الله افتكر واقول تانى
تصبحو على خييييييييييييير

اميرة حبى انا

20-12-2009, 11:25 PM

ها نكمل بقى
بس لو عاملة ازعاج قولولى وانا اقوم اروح علطوووول
كنت بتكلم عن الحاجات الحلوة اللى بحبها
بحب امى بشكل صعب وعندى 34 سنة وكل ما اجى اشترى حاجة اتصل بيها واوصفهالها
ولو قالتلى اشتريها اشتريها لو قالت لأ خلاص مش مهم
والبت خلود بتقعد تضحك عليا ولو نزلنا مع بعض واترددت فى حاجة باشتريها تتريئ عليا وتقولى اتصلى بمامتك
وانا بتصل برضوهههههههههههه
بحب اوى اى حاجة شكلها حلو
واقول الله
بحب الحاجة اللى بتلمع جدا جدا جدا
طيب لحد ماافتكر بحب ايه تانى هقول مش بحب ايه
اولا الكدب اعوذ بالله تخيلو حتى لو بحب حد وروحى فيه وطلع كداب يبقى مع السلامة
والحمدلله ولادى من وهما صغيرين لدلوقتى بقولهم
اللى هيعمل حاجة غلط لو اعترف بيها من نفسه مش هيتعاقب
لكن لو كدب هيتعاقب
مش بحب الانسان اللى دايما عايز اللى فى ايد غيره
ولا الانسان اللى بيحسد غيره كل واحد يرضى باللى ربنا قسمهوله
مش بحب النفاق ولا الغيبة ابدا
يعنى مش ابقى بكلمكو واول ما امشى تقطعو فيا نميمة وغيبة(ده مثلا يعنى)
ومش بحب البخل على فكرة
خااااااااااالص
فى حاجات كتير بتمناها
بتمنى رضا ربنا علينا والهداية من عنده ورحمته والستر ودخول الجنة والبعد تماما عن النار
بتمنى ولادى يكونو احسن ناس(عادى يعنى كلنا كده اكيد)
بتمنى انى اكون سبب فى ضحكة او فرحة او سعادة اى انسان/ة على وجه الارض
بخاف
بخاف من الموت بطريقة مرضية بمعنى
انى لما اسمع ان حد مات اى حد
اقعد افكر فيه ليل ونهار
ياترى كان كويس
طب ياترى عرف يجاوب على الاسئلة
ياترى شاف مكانه
وطلع مكانه الجنة ولا النار
بخاف
من الادوار العليا جدا
كنت بخاف من الضلمة بس اتشجعت بقى عشان ولادى ميخافوش كنت زمان بترعب
بخاف من الشارع والناس الوحشة وبدعى ربنا يسترها مع ولادى فى الطريق ويبعد عنهم شر اصدقاء السوء وشر الناس الوحشة هما وكل الولاد والبنات
ياربى بتمنى الخير ليا ولغيرى
يارب استجب
هفتكر حاجة تانى واقولها لكم

اميرة حبى انا

24-12-2009, 08:11 PM

حاسة ان فى لخبطة فى البلد
الشعب ملخبط وبالبلدى محتاس
الكل بيسأل الولاد يروحو المدارس ولا لأ
والمدارس عمالة تعمل امتحانات
دماغى وجعتنى جدا من الموضوع ده
على فكرة انا عملت كيكة بالشيكولاتة
مانتو مش عارفين انا مدمنة شيكولاتة بس بققل منها جاااااامد جدا
ولسه هحط عليها كريم شانتيه بالشيكولاته برضو
واخدة بالك ياام العيال يا اختى
بس ارجوكى اوعى تفهمينى صح يعنى الكيكة دى من اللى فى العلب
لانى اصلا اصلا
مبعرفش اعمل حلويات
ههههههههههههههههههههه
بعرف اكلها بس
ههههههههههههههه
اتفضلو معانا
http://www14.0zz0.com/thumbs/2009/12/24/17/477531279.jpg

fagrmasr01

25-12-2009, 11:17 AM

طب ياللا يا أميرة اتعلمى عشان تعملى لنا تورتة تعزمى عليها المنتدى كله
ياريت تعملى لنا كمان طبقين ام على

اميرة حبى انا

30-12-2009, 01:30 PM

بجد حاسة بحزن فظيع لما وصلنا اليه
معلش الحب الحقيقى بيبان فى المواقف اللى زى دى
وكفاية انى عرفت كل واحد جواه ايه
ومافيش داعى للتوضيح
يومياتى وبكتب اللى جوايا فيها

fagrmasr01

31-12-2009, 10:49 AM

يا أميرتنا الغالية
حزنك يوجعنا كلنا
وكلنا نتمنى تطلعى من اى حالة حزن لانك انتى الرمز الجميل للمنتدى كله
ربنا يارب يكرمك ويبارك لك ويسعد قلبك ويرضى عنك ويراضيكى
آمين

ام العيال

31-12-2009, 11:47 AM

اميرتنا حبيبتنا
محبش اشوفك كده والله خالص
ربنا يروق بالك يارب

اميرة حبى انا

31-12-2009, 02:34 PM

خلاص والله سعيدة جدا بعودتكم

اميرة حبى انا

11-01-2010, 11:44 PM

السلام عليكم ورحمة الله وبركاته
ازيكم
عاملين ايه
وحشتونى كتيييير كتير
جيت احكيلكم على مسلسل جميل تابعته
مريم المقدسة
بيجى على ميلودى دراما
يا نهار ابيض على الجمال
مش ممكن
روعة
بزعل اوى لما بتخلص
شفت كمان مسلسل
ليلى مراد
على نفس القناة
الناس دى حياتها كانت صعبة اوى
زى مسلسل اسماعيل ياسين كده اللى جه فى رمضان
كمان شفت فيلم تحفففففففففففففة
بس اجنبى
اسمه
twilight
الفيلم خيال حبتين
بس فيه قصة حب اكيد مش ممكن تحصل فى العالم العادى
اهو ماليش دعوة بقى
هو حلو وانا بحبه واتفرجت على اعادته واذا اتعاد تانى عندى استعداد اتفرج عليه
مع انه عندى على الكمبيوتر
بس التليفزيون احلى

بيبقى حلو جدا لما الواحد يلاقى حاجة تشده وتشغله مع ان اللى يشغل كتير والله
اوعو تقولو انتى فاضية بقى
لا لا لا لا
انا بتفرج بعد الواجبات والدروس والمذاكرة والاكل والشرب والغسيل وووووووووووووو
والحمدلله كله تمام مافيش غير شوية القلق اللى كانو من التطعيم والحمدلله رفضناه
وشوية الغلب بتاع المذاكرة
والبرد اللى خلود عدتنى بيه
بس سامحتها
اصلها غسلتلى المواعين بقى
غير كده كله الحمدلله احنا احسن من غيرنا كتيييييييييييييير
هسيبكو واقوم اشوف مريم
اصلها بتيجى الساعة 11 الا ربع او الا 10
يمكن ادخل تانى
يمكن لا
احتياطى
تصبحو على خيييييييييير

اميرة حبى انا

08-03-2010, 02:23 AM

أهدي هذه الاغنيه لكل أم في الوطن العربي

أمي ثم أمي

بعد الحب ده ايه
الى تعمل كل ده تستاهل ايه

بعد الحب ده ايه

الى تدى حنان كده من غير حساب نبوس التراب الى ماشيه عليه

امى ثم امى لحد اخر يوم فى عمرى
حب من اول حياتى وهمه همى

الى كتر خيرها داب خيرها فى دمى وعايش بيه

بعد الام فى ايه
دعوه حلوه فاتحه سكه مقفله
بعد الام فى ايه

يهدى باله الى فى عياله الدنيا كلها مفتوحاله وراضيه عليه

امى ثم امى لحد اخر يوم فى عمرى
حب من اول حياتى وهمه همى
الى كتر خيرها داب خيرها فى دمى وعايش بيه

اعملها تمثال الى طيبه قلبها فوق الخيال

اعملها تمثال

الى سهرت والى تعبت والى ربت والى شالت حمل جبال

امى ثم امى لحد اخر يوم فى عمرى
حب من اول حياتى وهمه همى

الى كتر خيرها داب خيرها فى دمى وعايش بيه

لو هعملك ايه
تستهلى ميت ألف عيد علي عملتيه
لو هعملك ايه

مين فى تعبى سهر منمش مين فى اول مره بمشى سندت عليه

امى ثم امى لحد اخر يوم فى عمرى

حب من اول حياتى وهمه همى

الى كتر خيرها داب خيرها فى دمى وعايش بيه

بعد الى عملتيه

اعمل ايه يوم فى الى وصلتينى ليه
بعد الى عملتيه

من حنانك من سماحتك الجنه تحتك ده الى ربنا قال عليه

امى ثم امى لحد اخر يوم فى عمرى
حب من اول حياتى وهمه همى

الى كتر خيرها داب خيرها فى دمى وعايش بيه

بحبك يا امــــــــــــــــــــــــــــــى

اميرة حبى انا

09-03-2010, 12:29 AM

هقولكو حاجة بقى
اجمل حاجة بجد
بعد ما شفت قصة السيدة مريم ومولد السيد المسيح
ام العيال قالتلى ان فى مسلسلات كتير منها قصة سيدنا يوسف عليه السلام
وقالتلى كمان انها جميلة جدا
جالى فضول بصراحة
دورت عليها فى النت ولقيتها 45 حلقة
حملتها وبتفرج عليها
ومقدرش يوم يعدى من غير ما اشوفها
حياته حسستنى ان احنا مش ناس
اننا بنستهبل بصراحة
حياة كلها مشقة ومحن وعذاب
وهو راضى بقلب راضى ونفس صافية لكل الناس
ياااااااااااه
احنا فين من الانبياء
وحياتهم والمحن اللى اتعرضو ليها
اذا حبيتو ممكن اجيبهالكم هنا فى المنتدى
بس فى حاجة واحدة مش حلوة فيها
انهم جايبين شكل اللى بيمثل سيدنا يوسف
معلش انا عارفة انه المفروض ميعملوش كده
بس القصة حلوة وصعبة
وتخلى الانسان يعيش جواها
مش احسن من نور ومهند

nogafoda

14-03-2010, 10:11 AM

اختي الغاليه اميرة بصراحه انا اول مره اتشد اني اقرا اي حاجه
لاني مش من هوات القراءه اصلا لكن يومياتك شدتني قوي لانها قريبه مني جدا
انا زيك تقريبا في حاجات كتير بس الفرق انك عندك يوم في الاسبوع تخرجي وتشوفي اخواتك وترفهي عن نفسك
لكن انا للاسف معرفش حد هنا في اكتوبر وبالتالي مبرحش عند حد
علاوه علي ان جوزي مبيحبش الاختلاط بالجيران وولادي لسه صغيرين علي الكلام معاهم
يعني من الاخر قربت يجيلي اكتاب وكمان فكرت انزل اشتغل لكن كل الشغل لحد الساعه4 والولاد بييجو من المدرسه الساعه1
لكن الي انا متاكده منه ان انتي لو كنتي جارتي كنا بقينا اصحاب جدددددددددددددددا
انا اسفه اني طولت عليكي

سسسسسسسسسسسسسسسسسسلام

اميرة حبى انا

14-03-2010, 04:12 PM

احنا اصحاب واخوات
وفى ايميلات تخلينا اقرب من الجيران
بعد الشر عليكى من الاكتئاب
هبعتلك ايميلى على الخاص
ونورتى اليوميات بجد
عقبال ما نشوف يومياتك باذن الله

اميرة حبى انا

16-03-2010, 01:49 AM

ليه الوفا?

في دنيا مافيها وفا..؟

في دنيا ما فيها صفا

غير الخيانه والجفا..!!

:

وين العطا وين الحنان؟

وين المحبه والامان..؟

وينك يا ذاك المكان؟

ياللاسف انه أختفى..!

:

وين العيون ؟

راحت مع ذيك العيون..!

حتى الظنون..

خابت مع ذاك الجفا.

:

ليه الخيانه في النفوس...؟

ليه القوي دايم يدوس ..؟

وليه الفقر وجهه عبوووووووس!!

وما أعظمه اللي خفا

:

ليه الكبير

ما ياخذ بيد الصغير؟

وليه الصغير

يبقى على حاله صغير؟

وليه الظلم صاير كثير...؟

وليه البرد ما به دفا.؟

:

ليه الحسود فيه الحسد

وكنّ ما عنده ابد

وهو ماله يكفي بلد

هذا مرض ولا له شفا ..!

:

ليه المصالح في الصديق

وليه الصدق ماله رفيق

حتى الطريق دايم يضيق

وليه الوفا فينا أنطفى ..؟

:

ليه الكلام ليه الجروح ..؟

نجرح بعضنا في وضوح

وتنهدم فينا الصروح

ونِدِّعي انه أختفى!

:

ليه السعاده أختفت ..؟

وليه الشموع فينا أنطفت .؟.

وليه الحبيبه ما وفت .؟

والجرح بالجرح إحتفى !

:

ليه الثمن ؟

كل شئْ صاير بالثمن ؟

حتى الزمن ..

ياخذ ثمن .. (عمرك ثمن) !

ياخذ ولا عمره أكتفى ..!

:

للأسف هذي الحقيقه

كل واحد في طريقه

ويطلع على أكتافه رفيقه

وتندثر كلمة وفاء !

:

ونبقى دايم ضايعين !

في هاليتامى طامعين

ونقول يالله يامعين

وللايادي رافعين !

إقبل دعانا في الخفا ..

:

ونموت وإحنا بلا عمل !

ونقول ويش اللي حصل !

اللي حصل مات الأمل

وياللاسف مااااات الوفاء !!!!!!

(http://business-directory.brg8.org/c2/business/)

nogafoda

16-03-2010, 05:49 PM

ليه كده بس يا اميره
انا كنت معتمده عالله ثم عليكي
في اني اتفائل لكن واضح كده ان مفيش فايده

اميرة حبى انا

16-03-2010, 07:29 PM

لا يا حبيبتى
اعتمدى عليا جداااااااااا
ده فى امل وعمر وكله
ههههههههههه
اخرجى من حالة الزهق بقى
فى حد يشوف الناس الحلوة دى ويبقى زهقان

الفارس

16-03-2010, 07:47 PM

يومياتك جميله اميره

دايما بنشوفها ونقراها بس مش عايزين نزعجك

علشان تعرفى تكتبى ...

اميرة حبى انا

16-03-2010, 07:54 PM

تزعجونى ازاى
هو انا هلاقى زيكو فين بس
البيت بيتك يا فارس ياخويا

ahmed love

06-04-2010, 04:05 PM

يومياتك جميله اميره

اميرة حبى انا

06-04-2010, 05:45 PM

ربنا يخليك يا استاذ احمد
عقبال ما نشوف يومياتك

ebnelosol

07-04-2010, 01:55 AM

يومياتك كويسه بس ليه مش بتكملي وليه بقيه اللي مشتكرين في اليوميات مش بيمتعونا بكتابهم كل اليوميات شيقه وممتعه

اميرة حبى انا

04-05-2010, 06:09 PM

نفسى فى نصيحة لوجه الله
عندنا اختيارين
علمى علوم
وادبى
لابنى
حد يقولى
اعمل ايه
هو عايز علمى وانا مش خايفة
انا مرعوبة
حد يقولى نصيحة لله

fagrmasr01

04-05-2010, 06:34 PM

نصيحة لوجه الله يا أميرة
علمى علوم روعة .. وخصوصا انه هو اللى مختارها
هى محتاجة مذاكرة وتعب لكن والله مستقبلها احسن بكثيررررررر من الادبى واسهل كمان لو الابن هو بنفسه اللى مختارها..
نصيحة كمان ....
متخوفيش الولد ومتظهريش رعبك وخوفك قدامه .. لأن خوفك هاينعكس عليه.. ازرعى جواه الثقة فى نفسه .. وشجعيه .. وعلى فكرة هو باذن الله قدها وزيادة .. وان مد الله فى عمرى هابارك لك باذن الله انه من الاوائل

اميرة حبى انا

06-05-2010, 12:32 AM

شكرا على النصيحة يا استاذ جمال

اميرة حبى انا

06-05-2010, 12:33 AM

امنيتي في الحياة

امنيتي ان اعيش في عالم صاف

امنيتي ان اعيش مع اناس مخلصين

امنيتي ان احيا بهدوء وسلام

امنيتي ان اكون بسيطة في اعمالي

صادقة في اقوالي مستقيمة في مبادئي وارائي

حرة في تفكيري وتصرفي وسلوكي

اود ان اكون نظيفة العقل والقلب والجسم

بعيدة عن التكبر والمصانعة

والكذب والرياء

احب ان اعيش دون ان ابغض احدا او يبغضني احد

احب دون ان اغار من احد

وارتفع دون ان ارتفع على احد

واتقدم دون ان ادوس على احد

هذا كل ما اتمنى فهل هذا ممكن؟

هل اطلب المستحيل؟

هل اطلب اللامعقول؟

اتمنى واتمنى ولكن متى ستتحق امنياتي ؟؟؟؟؟؟؟؟؟

اميرة حبى انا

11-05-2011, 01:32 AM

http://www.vb.6ocity.net/imgcache/21360.imgcache.jpg
الليل ياناس عناقيد نجوم وردة ياماس بين الهموم

الليل ياناس عناقيد نجوم وردة ياماس بين الهموم

والحب كان طوق النجاة وبعيش معاه مليون حياة

وانا مستحيل اخون لو رحتي آخر الكون وانا مستحيل اخون لو رحتي آخر الكون

دانا بنسى اي خوف واطمن لما اشوف في عيونك الآمان وياية راح تكون

يا حبيبتي لازم نلتقي الحب طفل جميل شقي يلعب معانا كل يوم

يا حنينة وقريبة بتخافي ليه من التجربة وبتهربي من اي لوم

ياحبيبتي لازم نلتقي الحب طفل جميل شقي يلعب معانا كل يوم

يا حنينة وقريبة بتخافي ليه من التجربة وبتهربي من اي لوم

وانا مستحيل اخون لو رحتي آخر الكون وانا مستحيل اخون لو رحتي آخر الكون

دانا بنسى اي خوف واطمن لما اشوف في عيونك الآمان وياية راح تكون

دائما بشوفك في الخيال وبسألك نفس السؤال الحلم ليه صعب المنال

وان قلت آآآه على اللي فات بحزن صحيح بس بثبات لما انكسر لازم حقول

دائما بشوفك في الخيال وبسألك نفس السؤال الحلم ليه صعب المنال

وان قلت آآآه على اللي فات بحزن صحيح بس بثبات لما انكسر لازم حقول

لو رحتي آخر الكون وانا مستحيل اخون لو رحتي آخر الكون

وانا مستحيل اخون لو رحتى آخر كون انا بنسى اي خوف واطمن لما اشوف في عيونك الآمان وياية راح تكون

اميرة حبى انا

11-05-2011, 01:36 AM

http://www.vb.6ocity.net/imgcache/21363.imgcache.gif

اسمع كلامى (http://www.lmada.com/vb/f291/t13520/) وصدقه
انت اللى روحى بتعشقه ..
كان حلم نفسى أحققه ..
انى أبقى ليكـ ..
قربنى منك ضمنى
قد اما احبك حبنى
مين غيرك انت يهمنى
دنا روحى فيكـ ..

ملهوفه عليك ومسلمه
تقدر تقول مستسلمه
حاسه انى طايره فى السما .. واخدنى الشوق ..
متحيره ومتغيره
وكأنى لسه صغيره
لو بحلم انا من الحلم ده .. مش عايزه افوق ..
ملهوفه عليك ومسلمه
تقدر تقول مستسلمه
حاسه انى طايره فى السما .. واخدنى الشوق ..
متحيره ومتغيره
وكأنى لسه صغيره
لو بحلم انا من الحلم ده .. مش عايزه افوق ..
لحظة حنان انا عشتها ..
لحظة ما شفتك وقتها
وبأعلى صوتى انا قلتها
هفضل معاكـ ..
جمبك طريقى هكمله
لو لسه عمرى فى أوله
المستحيل انا هعمله
علشان هواكـ ..
ملهوفه عليك ومسلمه
تقدر تقول مستسلمه
حاسه انى طايره فى السما .. واخدنى الشوق ..
متحيره ومتغيره
وكأنى لسه صغيره
لو بحلم انا من الحلم ده .. مش عايزه افوق ..

ملهوفه عليك ومسلمه
تقدر تقول مستسلمه
حاسه انى طايره فى السما .. واخدنى الشوق
متحيره ومتغيره
وكأنى لسه صغيره
لو بحلم انا من الحلم ده .. مش عايزه افوق ..
ملهوفه عليك ومسلمه
تقدر تقول مستسلمه
حاسه انى طايره فى السما .. واخدنى الشوق
متحيره ومتغيره
وكأنى لسه صغيره
لو بحلم انا من الحلم ده .. مش عايزه افوق ..

http://www.vb.6ocity.net/imgcache/21364.imgcache.gif

الرومنسى

11-05-2011, 02:32 AM

ياااااااااااااااااااااااااااااااااه
كم من الشوق ما يقتل القلوب
وكم تساوى لحظات الشوق بين الكلمات
ليست يوميات أميرة
بل رومانسيات أميرة

اميرة حبى انا

11-05-2011, 02:12 PM

http://www.vb.6ocity.net/imgcache/21390.imgcache.png
مش عايزة غيرك انت
والله بحبك انت
والحب كلو انت
وانت الناس كلها
دي سنين من عمري راحو
قلبي عاشها بجراحو
كانت نقصاني حاجة
و معاك كملتها

مش عايزة غيرك انت
والله بحبك انت
والحب كلو انت
وانت الناس كلها
دي سنين من عمري راحو
قلبي عاشها بجراحو
كانت نقصاني حاجة
و معاك كملتها.. معاااك كملتها
من كتر هواك طول منا وياك مش عايزة اغمض عيني
عايزة ابقى معاك وافضل شايفاك واعشلك كل سنيني
لو ثانية تفوت من غيرك اموت وهواك بس بيحييني
http://www.vb.6ocity.net/imgcache/21391.imgcache.png (http://www.vb.6ocity.net/imgcache/21391.imgcache.png)
من كتر هواك طول منا وياك مش عايزة اغمض عيني
عايزة ابقى معاك وافضل شايفاك واعشلك كل سنيني
لو ثانية تفوت من غيرك اموت وهواك بس بيحييني

مش عايزة غيرك انت
والله بحبك انت
والحب كلو انت
وانت الناس كلها
دي سنين من عمري راحو
قلبي عاشها بجراحو
كانت نقصاني حاجة
و معاك كملتها.. معاااك كملتها

http://www.vb.6ocity.net/imgcache/21392.imgcache.png
يا حبيبي معاك بملك بهواك الدنيا وكل زماني
تلمسني ايديك تحضني عينيك تلقيني فعالم تاني
مش عايزة خلاص غيرك من الناس وكفاية تكون علشاني

يا حبيبي معاك بملك بهواك الدنيا وكل زماني
تلمسني ايديك تحضني عينيك تلقيني فعالم تاني
مش عايزة خلاص غيرك من الناس وكفاية تكون على شاني
مش عايزة غيرك....والله بحبك...
http://www.vb.6ocity.net/imgcache/21393.imgcache.png
دي سنين من عمري راحو
قلبي عاشها فى جراحو
كانت نقصاني حاجة
ومعاك كملتها

مش عايزة غيرك انت
والله بحبك انت
والحب كلو انت
وانت الناس كلها
دي سنين من عمري راحو
قلبي عاشها بجراحو
كانت نقصاني حاجة
و معاك كملتها
http://www.vb.6ocity.net/imgcache/21394.imgcache.png

مصطفى مامون

11-05-2011, 11:45 PM

حاله رائعه لاميره رائعه تشعر بروعه احساس عالى تملكها دعواتى ان يديم عليها نشوتها وسعادتها فهى تستحق ان تكون سعيده بما تملكه من احساس صادق

اميرة حبى انا

12-05-2011, 12:19 AM

شكرا يا رومنسى
شكرا يا مصطفى
اشكركم على وجودكم فى يومياتى

اميرة حبى انا

12-05-2011, 12:40 AM

http://www.vb.6ocity.net/imgcache/21420.imgcache.gif
انا انكتبلى عمر وانت بين ايديا
وحاجات كتير كانت بعيده زمان عليا
لاقتها فيييييك
http://www.vb.6ocity.net/imgcache/21421.imgcache.gif
وانا بين ايديك كل اللى ضاع لاقيته تانى
وهربت ليك من كل حاجه مخوفانى
وجريت عليك عليييك

http://www.vb.6ocity.net/imgcache/21422.imgcache.gif

أيامى جنبك عشتها وحياتى بيك كملتها
انا كنت قبلك واحده ناسيه نفسها
قدام عينيك انا صعب الاقى كلام اقوله
ده كل حلم زمان انا كان نفسى اطوله
انا شفته فيييك
http://www.vb.6ocity.net/imgcache/21423.imgcache.gif
ازاى اعيش الدنيا لو متكنش فيها
كلمه حبيبى مش هنادى لحد بيها
غير بس لييييك

أيامى جنبك عشتها وحياتى بيك كملتها
انا كنت قبلك واحده ناسيه نفسها
http://www.vb.6ocity.net/imgcache/21424.imgcache.gif

اميرة حبى انا

12-05-2011, 09:16 PM

http://www.vb.6ocity.net/imgcache/21454.imgcache.bmp
افتكر لي اي حاجة كانت حلوة مني

مش حجرح تاني قلبك حبيبي خلاص سامحني

افتكر لي اي حاجة كانت حلوة مني

مش حجرح تاني قلبك حبيبي خلاص سامحني

http://www.vb.6ocity.net/imgcache/21455.imgcache.jpg

انا مش عارف ابعد عنك

انا مش عارف حتى اعيش

و اللي تاعبني بحبك اكتر

و انت بعيد و مبتشوفنيش

http://www.vb.6ocity.net/imgcache/21456.imgcache.jpg?t=1237112626
معقول قادر تسيبني

و فراقنا سهل عندك

عديهالي عشان خطري

حبيبي ده انا حتة منك

http://www.vb.6ocity.net/imgcache/21457.imgcache.jpg?t=1237112679

انا مش عارف ابعد عنك

انا مش عارف حتى اعيش

و اللي تاعبني بحبك اكتر

و انت بعيد و مبتشوفنيش

http://www.vb.6ocity.net/imgcache/21458.imgcache.jpg

ايامي حبيبي فى بعدك و الله ما بيعدوا

انا ايه خلاني اخترت البعد لما انا مش قدو
http://www.vb.6ocity.net/imgcache/21459.imgcache.gif

اميرة حبى انا

13-05-2011, 11:26 PM

http://www.vb.6ocity.net/imgcache/21580.imgcache.jpg
انا دنيته بحالها وحياتة كلها
انا اهله وناسه وروح قلبه وحبيبته
انا اللى لو يغلط مسامحة فى حقها
وانا اللى لما يغيب عليها ترد غيبته
http://www.vb.6ocity.net/imgcache/21581.imgcache.jpg
انا الحضن اللى من تعبة بيهرب ليه
انا القلب اللى من خوفة بيتحاما بيه
http://www.vb.6ocity.net/imgcache/21582.imgcache.jpg
انا مش واحدة بتحبه بتموت فيه
انا بموت فى التراب اللى بيمشى عليه
http://www.vb.6ocity.net/imgcache/21583.imgcache
انا عمرى ما اتغيرت يوم من ناحيته
وانا اللى راضية تـنـصفة لو كان ظالمها
وانا اللى لما بيشتكى من وحدتة
يبقى معاة قلبى وروحى صحابه يومها
http://www.vb.6ocity.net/imgcache/21584.imgcache.jpg

الرومنسى

13-05-2011, 11:56 PM

أنا اللى مش عارف أخرتها ايه
فاصل ونواصل مع عماد بعرور

اميرة حبى انا

14-05-2011, 12:00 AM

انا يومياتى تقول فيها بعرور ده
مكنش العشمممممممممم

الرومنسى

14-05-2011, 03:21 AM

كل يوم بدخل هنا
بسمع أغنية جديدة
أكيد الاغانى الحلوة هتخلص
إلا لو كتبنا حاجة من عندنا

اميرة حبى انا

14-05-2011, 11:45 PM

http://www.vb.6ocity.net/imgcache/21691.imgcache.jpg
...عندي حالة ملل...
...بفقد بيها الأمل...
http://www.vb.6ocity.net/imgcache/21692.imgcache.gif
مش عارفة أنا عايزة إيه...مش عارفة أنا رايحة فين...
محتاجة أشوف حاجة تسعد قلبي الحزين...
http://www.different-des.com/vb/image.php?u=101308&dateline=1227517188
يمكن محتاجة حب يهزني ويلفني ويجيلي من كل إتجاه...
يمكن محتاجة قلب يحسني ويرد كل مشاعري تاني للحيااااااااااااااة...

...عندي حالة ملل...
http://forums.graaam.com/image.php?u=509083&dateline=1247263483
نفسي أرجع لنفسي وأنده على الأحلام وأملك كل اللي نفسي يوصلني م الأيام
إحساسي باللي جاي إحساس مليان أمل
بس اللي أنا عايشاااااااااااااااااه...دلوقتي أكيد ملل...
http://www.vb.6ocity.net/imgcache/21695.imgcache.jpg

اميرة حبى انا

16-05-2011, 01:50 AM

http://www.vb.6ocity.net/imgcache/21784.imgcache.gif (http://www.vb.6ocity.net/imgcache/21784.imgcache.gif)

بأمر الحب
بـــأمـر الحـــــــــــــــــــــــــب إفتح للهوى وسلـــــــــــم
بـــأمـر الحـــــــــــــــــــــــــب إفتح قلبك واتـكلــــــــــم
بلــــاش نـهـــــــــــــــــــــرب بـــلاش نــتـعـــــــــــــــب
تـــــــعال نحب ونســـــــــــــــــــــــــلم بأمر الحــــــــــــــــــــــب
http://www.vb.6ocity.net/imgcache/21785.imgcache.gif (http://www.vb.6ocity.net/imgcache/21785.imgcache.gif)
بأمر الحــــــــــب اســــــــــمع يا حياة قلبـي نـدا قـلبـــــــــــــي
جاوبنــي بــــــص لي قـــــرب كمان قـرب هنــا جنبــــي
وهـات شـوقك على شـــــوقي وهات حبك على حبـــــــي
وانا وعيونك الحلـــــــــــــــوة نعيش قصة غرام حلــــــــوة
حرام نكدب على قلوبنــــــــــا حرام الشوق يدوبنـــــــــــا
بلــــاش نـهـــــــــــــــــــــرب بـــلاش نــتـعــــــــــــــــب
تـــــــعال نحب ونســـــــــــــــــــــــــلم بأمر الحــــــــــــــــــــــب
http://www.vb.6ocity.net/imgcache/21786.imgcache.jpg
حياتي دنيتـي عمـــــــــــــــري بأمـر الـحب مـش أمـــــري
باحبك حـب ماحدش قبلـــــــي عرفـه ولا حـد صـادفــــــه
باحبك حـب ومـش قــــــــــادر على وصفـه وأنا شـــــايفـه
بنظـرة شـوق بتنهيــــــــــــــدة في دنيا كلـهـا جديـــــــــدة
ونجمـة مسكتها بإيـــــــــــــدي وكانت في الفضة بعيــــــدة
http://www.vb.6ocity.net/imgcache/21785.imgcache.gif (http://www.vb.6ocity.net/imgcache/21785.imgcache.gif)
وشيء في الليل متوهنــــــــــــي وشيء في عنيه بيندهنـــــي
حرام نقسى على قلوبنـــــــــــا حــرام الـشـوق يدوبنــــــا
تـــــــعال نحب ونســـــــــــــــــــــــــلم بأمر الحــــــــــــــــــــب
http://www.vb.6ocity.net/imgcache/21787.imgcache.gif (http://www.vb.6ocity.net/imgcache/21787.imgcache.gif)

اميرة حبى انا

17-05-2011, 12:21 AM

http://www.vb.6ocity.net/imgcache/21828.imgcache.gif
بتحبيه زي ما كنت بتحبيني ‏
‏‎ ‎ ‎بتحسيـه‏‎ ‎زي ما كنت بتحسينـي ‏
‏‎ ‎ ‎يعني هو بيوحشـك زي ما كنت بوحشك ‏
وزي ما كنتي بتتمنيني بتتمنيه ‏
‏ وزي ما‎ ‎كنتي‎ ‎‏بتستنيني بتستنيه
‎ ‎ ‎يعني اللي بينكو زي اللي كان بينك وبيني ‏
‎ ‎قولي لا لا قبل‏‎ ‎الدمـوع ما تخبـي عينـي
قبل الدمـوع ما تخبـي عينـي..‏‎

http://www.vb.6ocity.net/imgcache/21829.imgcache.gif

‎
‎ ‎ ‎بتفكـري إزاي فيـه‎ ‎وبتسهري بلياليـه‏
‎ ‎يعنـي كل حاجـة ليـا خدها‎ ‎ليـه
‏‎ ‎إديتيلو الشـوق خـلاص‎ ‎والمشـاعر والإخـلاص
‎ ‎ ‎لأ ولو فكرتي‎ ‎فيـا تبقي فعـلا‎ ‎بتخونيه‎
http://www.vb.6ocity.net/imgcache/21830.imgcache.gif
‎ ‎ ‎يعني اللي بينكو زي اللي‎ ‎كان بينك وبيني ..‏‎ ‎قولي لا قبل الدمـوع ما تخبـي عينـي..‏‎
‎

اميرة حبى انا

20-05-2011, 02:33 AM

http://www.vb.6ocity.net/imgcache/22092.imgcache.jpeg
مبتفرحش غير لفرحك ما بتحزنش غير لجرحك متتعبش غير لصالحك انت عايش ليك وبس..
اااااه لو ابقي زيك انت اعرف افرح وابكي امته .. كنت عمري ما احبك انت يعني عمري ما كنت احس
انت ايييييه بتحب ليه والحب عندك ميساويش انت اااااه قلبك ده ايه بيدق بس عشان تعيش
http://www.vb.6ocity.net/imgcache/22093.imgcache.jpg
الحياة عندك مراحل الي جاي زي الي راحل تمشي ليه لو لسه فاضل حد تاني متجرحوش
بس وحياة حبي ليك عمري تاني ما هبقي ليك كل يوم فكرني بيك اه يا ريتني معيشتهوش
http://www.vb.6ocity.net/imgcache/22094.imgcache.jpg
انت ايييييييييييييييه ؟؟؟بتحب ليه ؟؟؟ والحب عندك ميساويش ميساويش
انت ايه ... قلبك ده ايه بيدق بس عشان تعيش

هي ديه بداية النهاية هرمي كل ماضيك ورايا مش هتفرق يوم معايا مهما قولت حبيبي ليه ؟؟
والي قولته عليك وعيدته هو ده الي يا دوب عرفته والي مش عارفاه هسيبه حد غيري يقول عليه
http://www.vb.6ocity.net/imgcache/22095.imgcache.jpg
انت اييييييييييييه ؟؟؟؟بتحب ليه والحب عندك ميساويش ؟؟؟
انت اييييه ؟؟ قلبك ده ايه بيدق بس عشان تعيش

http://www.vb.6ocity.net/imgcache/22096.imgcache.jpg

aeLtdWZVNhY

اميرة حبى انا

26-05-2011, 01:15 AM

http://www.vb.6ocity.net/imgcache/22279.imgcache.gif (http://www.4as7ab.com/vb/redirector.php?url=http%3A%2F%2Fwww.4as7ab.com%2Fv b)

هو الرجل الذى يكون كريماً فى عواطفه ويده ويهبها الأمان والحنان.

هو الرجل الذى يكون لينا فى تعامله ورقيقا فى مشاعره وقوى الشخصية بلا غرور وواثقا من نفسه.

http://www.vb.6ocity.net/imgcache/22280.imgcache.gif (http://www.4as7ab.com/vb/redirector.php?url=http%3A%2F%2Fwww.4as7ab.com%2Fv b)

هو الرجل الذى أن تحدث تنبهر من أسلوبه وحسن حديثه ولا تمله.

هو الرجل الذى تشعر معه برجولته وأنوثتها.

هو الرجل الذى يدللها ويرويها عشقا.

هو الرجل الذى يتقن النظرات تجاهها.

http://www.vb.6ocity.net/imgcache/22281.imgcache.gif (http://www.4as7ab.com/vb/redirector.php?url=http%3A%2F%2Fwww.4as7ab.com%2Fv b)

هو الرجل الذى يقدر إحساسها ومشاعرها ويحن عليها وقت ألمها وحزنها.

هو الرجل الذى يفضلها إن اقتضت المصلحة أحدهما فقط عن الآخر.

وأخيرا هو الرجل الذى تفكر به حين تقرأ العبارات السابقة

http://www.vb.6ocity.net/imgcache/22282.imgcache.gif (http://www.4as7ab.com/vb/redirector.php?url=http%3A%2F%2Fwww.4as7ab.com%2Fv b)

اميرة حبى انا

24-06-2011, 09:12 PM

مجيتش على نفسى غير وأنا بهواه
ملوش فايده الكلام وياه
هتتعب قلبى لسه معاك
هتكسب ايه

م ضاع معاك عمرى ولا يعنى نسيت
جرحت مشاعري ولا حسيت
كدبت وبعت واتحديت بتنكر ليه
خلينا بعيييييد
بس امانة
تنسى هوانا
فاض بيا خلاص

شوف حد جديد
غيرى يكمل
صعب اتحمل
ومفيش اخلاص

كدبت على قلبى سبت وهمى يعيش
خلاص حبك ميلزمنيش
اتارى الدنيا مبتديش
وده اللى اتقال

أظن من حقى يجى يوم وارتاح
غرامك عدى وقته وراح
كفاية عليا شفت جراح
دواها محال

خلينا بعييييد
بس امانة
تنسى هوانا
فاض بيا خلاص
شوف حد جديد
غيرى يكمل
صعب اتحمل
ومفيش اخلاص

UHnVtAeIbi0

قموره

18-07-2011, 12:08 AM

يوميات جميله باسلوب جديد

فى انتظار باقى اليوميات الرائعه بالصور والاغانى الرومانسيه الجميله

اميرة حبى انا

12-08-2011, 04:36 AM

أنا الآن ياأبي لاأستطيع أن أطالبك بالعودة ...
فقد رحلت إلى مثواك ألأخير
لكنني أدعو الله لك أن يجعل قبرك روضة من رياض الجنة ... ياحب عمري

ادعو لأبي ..
سأحكى لكم يوما من هو أبي

اميرة حبى انا

12-08-2011, 04:50 AM

الجمعة والسبت 29-30 يوليو
كنت عند ماما
وبابا من فترة كبيرة تعبان
لكن فى الفترة الاخيرة
مكنش بيتحرك ولا بيقدر يقف
ولا بياكل كنا بنشربه ونأكله بصعوبة
قضيت اليومين
وقبل ما امشى يوم السبت باليل
دخلت حجرته اشوفه لقيته نايم زى ماهو من اليوم اللى قبله
قلت لاختى عشان تعدله او تقلبه
ومشيت
وياريتنى ما مشيت
يوم الاحد 31 يوليو
الساعة 8 مساءا
كنت واقفة بجهز زينة رمضان
بحب اعلق انوار وفانوس فى البلكونة
رن جرس التليفون
الو
صوت بكاء جامد
اختى : الحقينا مش عارفين نعمل ايه
فى ايه يا بنتى
اختى : بابا مات ابعتيلنا حد تعالى الحقينا مش عارفين نعمل ايه
وانتى ايه عرفك مين قالك انه مات
اختى : احنا معاه من الصبح لانه كان تعبان اوى وهو مات
انتهت المكالمة

معلش احكيلكو ما حدث بعد الانهيار التام وقت تانى

فريد

14-08-2011, 12:03 PM

انا لله و انا اليه راجعون
الفراق صعب جدا
لكن هيه ددى الدنيا
مهما حاولت التجمل
هذه نهايتنا جميعا
اللهم ارحم اموات المسلمين
و ارحمنا يارب
البقاء لله

اميرة حبى انا

16-08-2011, 09:20 PM

الفراق صعب
صح
الفراق صعب
هحكى اللى حصل
او الليلة العجيبة اللى قضيناها انا واهلى
واللى ................اوصف اقول ايه
اسمحولى الاول بس اعرفكم
انى من الناس اللى الموت اكبر من مستوى عقلها واستيعابها بكتير اوى
وصلت البيت عند ماما
كنت متخيلة هلاقى بابا نايم ع السرير عادى يعنى
لكن شوفته متغطى بملاية
مكنش فى بالى خالص او نسيت ان اللى بيتوفى بيغطوه لحد وجهه
ماما قالتلى ادخلى بوسى راسه وقالتلى كأنه نايم زى الاطفال
انا دخلت الاوضة
كنت عايزة اقوله ازيك يا بابا ويقولى ازيك يا حبيبتى زى ماكان بيقول
بس منفعش
مش هخبى عليكو خفت شوية اشيل الملاية من على وجهه لانى مش عارفة الشكل تحتها ايه
بس شلتها لقيته نايم عادى خالص
بابا نايم ع السرير وكلنا قاعدين حواليه ومحدش خايف
كان نفسى يفضل نايم ادامنا كده حتى لو تعبان
كنا هنشيله العمر كله والله
الصبح عملو اللى بيعملوه
بس انا دخلتله الاول قلتله النهاردة اول يوم رمضان
كل سنة وانت طيب
وقلتله كمان الله يرحمك يا بابا وقلتله لما يسألوك جاوب صح يا بابا
بابا خارج من اوضته ملفوف فى كفن
وياه على المنظر ده ياااااااااااااااااه على الوجع يا ناس
الناس شيلاه ونزلوا حطوه فى صندوق وغطوه
و شفته بعينى وهما بينزلوه تحت الارض وبعدين حجارة وبعدين تراب
وده اصعب المشاهد فى الدنيا على الاطلاق
لا حول ولا قوة الا بالله العلى العظيم
انا اللى عمرى ما استوعبت فكرة الموت وربنا يسامحنى
اشوف ابويا ميت من بالليل للصبح واشوفه بيدفن تحت الارض
واقسم بالله انى لسه لحد دلوقتى مش عارفة استوعب مع انى شوفت بعينى
معلش
دى مجرد فضفة
ومحدش يقولى الموت علينا حق وهو الحقيقة الوحيدة فى حياتنا
لانى ببساطة
عارفة
الله يرحمك يابابا ويرحم اموات المسلمسن جميعا
نفسى مشوفش حد مات تانى
اموت انا الاول
اموت انا الاول

خلود

16-08-2011, 11:13 PM

لا حول ولا قوه الا بالله

ربنا يديكى الصحه وطول العمر يااميره وتشوفى ولادك زى ما بتتمنى وتطمنى عليهم

لحظات صعبه جدا اللى حكيتيها دى واكيد مكنتيش تتخيلى تمرى بيها ولا حد يحب يمر بيها

احنا بنوصل بعض والدنيا عامله زى اتوبيس راكبينه كلنا واللى بتيجى محطته بينزل

اصعب حاجه هو الفراق والبعد عن ناس متتخيليش تبعدى عنهم ابدا

ربنا يخلى ماما يااميره واخواتك واولادك ويصبركم

دعاء الكروان

17-08-2011, 11:05 PM

لا حول ولا قوة الا بالله
مواقف صعبة
لكن هو ده اللى بيحصل
البقاء لله
وربنا يدخله فسيح جناته
آمين

فريد

21-08-2011, 02:33 PM

فعلا الموقف صعب و خصوصا من يحدث له لاول مرة
ربنا يصبركم و يسكنه فسيح جناته
و يرحمنا برحمته الواسعة

اميرة حبى انا

22-08-2011, 01:27 AM

تصوروا ان الموقف الصعب ده علمنى وورانى حاجات مكونتش شيفاها
علمنى مين يستاهل ومين لأ
مين يستاهل حتى انى اتكلم معاه ومين لأ
مين اللى حتى لو كان من دمى يستاهل اعبره فى اى حاجة ولا لأ حتى لو كان كلام وهزار
خلاص اتعلمت
اتعلمت الدرس كويس اوى
وهنفذ واتعامل باذن الله على اساس انى عرفت
عرفت مين يستاهل
ومين لأ

قموره

29-08-2011, 01:20 AM

جميله يومياتك اختى اميره واتمنى ان يلهمك الله الصبر على بلواكى

انتظر باقى اليوميات ولكى تحياتى

اميرة حبى انا

17-11-2011, 08:48 PM

http://up.6ocity.net/uploads/6ocity.net13215520481.jpg
كنت قلب صادقا لم تعرف للكذب طريق

كنت قلب طفل يحبو

كنت ومازلت انت قلبى

فكيف اتخلص من لعنتك

الم يحن الوقت لتغدر بمن غدرو بك

لا

لست انت ايها القلب بك تلك الصفات

فانت قلبى حتى الممات

اتركهم لاوهامهم و خداع ابصارهم

و جهلهم فى فكر عقلهم

اترك لهم العنان

فهؤلاء لن يشعرو بالامان

لن يجدو مثلك

لن يجدو الا ظلما و بعد و جفاء

لن يجدو الا كذبا

لن يجدو الحب

الا فى كلمات او عبارت

من السهل انها تقال وتعاد

الا فى حوارت و متاهات

ووجه شيطان مقنع بالملاك

الهى

اليك امرى كله

فانت الوحيد تعلم بما امر به اليوم

اليك نحبى و انين قلبى

اللهم لا اعتراض على ارداتك

و لكن هون على امرى

ولا تجعل قلبى

لعبة فى يد البشر
http://up.6ocity.net/uploads/6ocity.net13215520482.jpg