المساعد الشخصي الرقمي

مشاهدة النسخة كاملة : -- الحمد لله مستوره


RSS
09-06-2011, 04:40 PM
الحمد لله مستوره


و ماشيه بس مقطوره


و الاعمى شايف الصوره


الكل بيدفع في فاتوره
*********************



اللى نهب و اللى ارتشى


و اللى بالسرار فشى


و سابني ابات من غير عشى


و قالي مات اللى اختشى
*****************************************



صبحت فاصل من الفيشه


و شاطر العن العيشه


و اللي على راسهم ريشه


خلعوا البرقع و البيشه
****************************************



بفساد يكسر الهمه


و خير بيجري فى الذمه


و مجلس لابس العمه
*******************************************



التطوير بقى وش جير


و التنميه رصف و تشجير


و الطب حنه و زيت جرجير


و اليافطه بيع و مافيش تأجير
*****************************************



بيع لدواعي السفر


معكوا الشيطان اللي كفر


و المعروفين بالنفر


بس معاهم شيخ غفر
************************



و طالبين تعيين سجالين


و ترزي و طباخ و عجالين


و رؤساء تحرير للجرانين


يضحوا بالام لأجل الجنين
******************************************



و لو انتي شاطره و الاوله


طب ليه ايديكي مغلوله


و فاضيه و عني مشغوله


صبحتي امنا الغوله
*******************************************



فبقت الناس الكسيبه


الراقصات و اللاعيبه


و رجال الاعمال حبيبه


شياطين بسبحه و زبيبه
******************************************



ادوني حزن من غير كرب


حبه شتيمه , شبعت ضرب


لو نص كفته و ربع طرب


انا أروح فداكوا بس في حرب
****************************************8



على الاقل اموت شهيد


زهقت من سوق العبيد


من غير لا خبط ولا تهديد


ماترشونا بأي مبيد
*******************************************



هي السياسه اعلانات


كلمونا بلاش رنات


مش عايزين تكسبوا حسانات


ما عندكوش اخوات بنات
*****************************************



سرقتوا مني المحفضه


و جيوبي فاضيه منفضه


لو زعلانين من الفضفضه


يبقى انتوا خلق من الفضى